#البارت_ال11
فتحت زهرة الرسالة اللي اتبعتت ليها وكانت عبارة عن صور خليـ عة وفيدوهات مش كويسة ليها
ومكتوب تحتها
“بكرة تقابليني في شقتي اللي في العنوان ده *******
وصدقيني لو مجيتيش الحاجات الحلوة دي هتوصل ل جوزك”
زهرة حطت ايدها علي بوقها وفضلت تعيط برعب
…
عند شيماء
شيماء قاعده علي السرير بتعيط وهي بتحاول تتصل
ب أحمد اللي مش بيرد عليها
امال دخلت… شيما..
امال قربت عليها لما لاقيتها بتعيط… مالك في ايه
شيماء بعياط… احمد سابني ياماما
امال… يعني ايه سابك. وليه..
ايه اللي حصل
كملت بجنون…. والمصيبة اللي في بطنك دي
شيماء مسحت دموعها… انا سقطت. علشان كده سابني وخلع
امال…. انتي بتتكلمي جد
شيماء هزت راسها
امال براحة …. طب الحمدلله. وانتي زعلانه. الحمد لله انو نزل قبل ما بطنك تبان وتتفضحي.. دا ابوكي ميعرفش بعملتك السودة لحد دلوقتي
شيماء… بس دي الحاجة الوحيدة اللي كانت هتخلي احمد يتجوزني.. خلاص راحت
امال… وسي زفت ده عمل معاكي ايه
شيماء…. سابني وقالي انو استحالة يتجوزني.
ثم اكملت بخزي… قالي مش هتجوز واحدة سلمتلي نفسها.. اعمل ايه ياماما.
انا ضعت خلاص
وهي بتعيط اوي
امال بغضب وزعيق…. شوفتي. شوفتي اخر مشيك علي اللي حل شعرك وصلنا لأيه.. بس العيب عليا انا.انا اللي دلعتك بزيادة.. انا الغلطانه اللي كنت مدلعاكي وسيبتك مشيتي علي هواكي لحد ما جيبتيلنا العااار… ربنا ياخدك. ربنا ياخدك فضحتينا. ولسه هنتفضح بسببك اكتر واكتر… الله يحر. قك. ويحر. ق بطني اللي شالتك
شيماء بعياط… كفايه ياماما انا مش ناقصة. كفاية بقاا
امال… كفايه ايه يابت. دا انتي عاوزة الد. بح…
كملت وهي بتلف حوالين نفسها… اعمل ايه دلوقتي.. اقول لابوكي ايه..
دي اقل حاجة هيقولها هيقولي تربيتك
دي اختك اللي مشافتش ربع الدلع اللي الدلعتيه. عمرها ماعملت حاجة غلط. برغم قسوتي معاها. لكن انتي. انتي حطيتي راسنا في الطين.
شيماء بندفاع.. متقوليش اختي.. اختي دي هي السبب. لولا حبها هي مكانش هيعمل معايا كده.. انا بكرهها. بكرهها
وبعدين انتي متعرفيش حاجه عن زهرة. زهرة مش زي مانتي فاكرة خالص. زهرة دي زبا. لة. اصلا
امال… متحاوليش تشككيني فيها. هو انا اه مبحبهاش. بس مش هنكر انها متربية.. مش زيك يابنت الكلب ياللي فضحتينا
ونزلت فيها ضرب
…………………………..
عند حمزة في شركته
حمزة كان قاعد علي كرسي المكتب وهو مغمض عينه ومرجع ضهره لورا
دخل وائل وقعد علي الكرسي قدامه وهو بيقول.. مالك ياعريس
حمزة فتح عينه.. وائل. ازيك
وائل.. انا تمام..
ثم اكمل باستغراب.. انت ايه اللي جابك
حازم رفع حاجبه… مش فاهم. مكنتش عاوزني اجي ولا ايه
وائل… انا بتكلم عليك انت. انت واحد لسه متجوز اول امبارح جاي الشركة تعمل ايه
حمزة بتلقائية ومن غير مايحس… وهقعد قي البيت اعمل ايه بردو
وائل رفع حاجبه وابتسم بسخرية… وانا اللي هقولك تقعد في البيت تعمل ايه..
ياجد في حد يسيب الطراوة وييجي هنا. ثم اكمل بشك… اوعا يلا متكنش رفعت راسنا
حمزة وهو بيحاول يغير الموضوع … روح شوف انت وراك ايه ياوائل
وائل بخبث.. متتوهش.
ثم اكمل باستفزاز.. شكلك مرفعتش راسنا والله.
خبط كف علي كف وكمل.. عليه العوض
حمزة … في ايه يااض ماانت عارف اخوك اسد
وائل بسخرية..اه ماهو باين وايه اللي جابك يااسد تالت يوم جواز.. طب اتجوز انا وعليا النعمة
مكنت اخرج من البيت غير بعد سنة.. اوعدنا يارب
حمزة ابتسم… هيوعدك ياخويا..
بس متبقاش تيجي تعيط وتقول يوم واحد من ايام العزوبية
وبعدين كمل… امال فين رحيم.
وائل… هو ابن عمي انا ولا ابن عمك انت
حمزة… ما انا مشوفتوش بقالي يومين
وائل… ماهو عندكم في الصعيد حاليا مجاش بقالو كام يوم
وبعدين اتذكر وقال.. اه. رحيم مشغول في موضوع اخوه والناس اللي قتلو.. ه
حمزه باستغراب…. ناس مين هو مش خلص عليهم كلهم وخد بطا.. ره
وائل… ماهو اللي انت متعرفوش في واحده جاتله الشركه من يومين وسمعته تسجيل بصوت البنت اللي كان بيحبها زمان وهي بتتفق مع عيله الشاذلي على قت.
ل يوسف الله يرحمه
حمزه باستغراب… طب والبنت دي عملت كده ليه
وائل… مش عارف ده رحيم سمع التسجيل من هنا وكان عامل زي المجنون
حمزه…. وهو ناوي يعمل معاها ايه
كمل بقلق… ده ممكن يتهور ويقتل. ها
وائل… هو خلى رجالته راحوا جابوها وحابسها دلوقتي حاليا في المخزن
……….
عند رحيم
رحيم وقف بعربيته قدام باب الفيلا ولف الناحية التانية فتح باب العربية وشد ياسمين من شعرها وجرها لحد اوضة في الجنينه
وياسمين بتصرخ في ايده وهو غير مبالي بيها
فتح رحيم الاوضة وحدفها علي الارض بشدة
ياسمين بعياط… حرام عليك ارحمني.. انا معملتش حاجة والله ماعملت حاجة. ليه مش عاوز تسمعني بقلم فريدة احمد
رحيم… اسمع ايه ياروح امك
ياسيمن بعياط… والله يارحيم ما اتفقت معاهم علي قت.ل اخوك. صدقني يارحيم
بلعت ريقها وقالت… انا اه ک.
كنت عاوزة انتقم منك لما سيبتني وسمعت كلام ابوك ورحت اتجوزت بنت عمك.
كملت بحسرة… سيبتني بعد مااخدت اللي انت عاوزة بحتة ورقة عرفي وقطعتها.وبعدها رمتني لا حصلت بنت بنوت ولا حصلت مطلقة.انت دمرتني.كنت عاوزة انتقم منك. بس متوصلش اني اشارك في قتل. استحالة اشارك في قتل حد يارحيم وخصوصا لو طفل مالوش ذنب.. انا اصلا كانت روحي في يوسف وكنت بعتبره اخويا الصغير. صدقني يارحيم. انا معملتش حاجة. انا زعلت عليه يمكن اكتر منك