….
عند ليلي
كانت نزلت من فوق بسرعة لما كانت واقفة في البلكونه وشافت رحيم بيوقف بالعربية ومعاه ياسمين
ليلي كانت هتتجنن وهي بتقول… تاني يارحيم. لسه ماشي معاها وكمان جايبها لحد هنا.
هي حصلت
وخرجت الجنيه وهي هتموت من الغضب بقلم فريدة احمد
ليلي مكانتش عارفة رحيم وياسمين راحو فين لانها اول مالمحت رحيم بينزل من العربية وشافت ياسمين راكبه معاه دخلت من البلكونه ونزلت تجري وهي مش شايفة قدامها من الغضب
ليلي فضلت تتلفت عليهم في الجنينه لحد ماشافت الاوضة اللي في الجنينه مفتوحة
قربت علطول لما لاقت رحيم واقف علي باب الاوضة وضهره للباب
ليلي بغضب وصوت عالي…. تاااني يارحييم تااني. هي حصلت كمان جايبها لحد هنااااا
رحيم لف ليها وبصلها بغضب.. وطيي صوتك وادخلي جوا وعلي فوق.
يلااا
ليلي بغضب… مش هوطي صوتي يارحيم. ومش هطلع. لما اشوف جايب السنيورة لحد هنا تعمل بيها ايه
وهي بتزقه من علي الباب وبتدخل تشوف ياسمين بس اول ماشافتها اتصدمت ووقفت مكانها بزهول
ياسمين كانت قاعدة علي الارضة وهي متبهدله ووشها كلو كدمات وبتعيط وجسمها كلو بيترعش بقلم فريدة احمد
ليلي بلعت ريقها وبصت ل رحيم… ه ه. هو انت عامل فيها ل ليه كده.. ع عملت فيها ايه يارحيم
رحيم بنبرة حادة… اطلعي فوق
ليلي برفض… مش هتحرك من مكاني غير لما افهم.. انت جايب دي هنا ليه.
ووعامل فيها ليه كده
رحيم بغضب مكتوم…. انتي سمعتي انا. قولت. اييه. اطلعيي. يلاا
ليلي… لما افهم الاو..
قاطعها رحيم بغضب …. يلاااا… قبل ما اتغابي عليكي
ثم اكمل بتحذير… ومش هعيد كلامي تاني
ليلي بلعت ريقها بخوف و بصت علي ياسمين اللي دافنه راسها بين رجليها وبتعيط وخرجت بسرعة من الاوضة من غير ولا كلمه ودخلت الفيلا علطول
……….
عند زهرة
زهرة قاعدة في الاوضة عمالة بتعيط بس وهي مش عارفه تعمل ايه هي مش عارفه مين اللي بيهددها ده.وليه بيهددها. وعاوز منها ايه.
فضلت تعيط وهي مرعوبة
لحد مالاقت الرقم بيتصل بيها بقلم فريدة احمد
مسكت زهرة الفون واديها بتترعش وردت
زهرة… ا انت. مين. وعاوز مني ايه
رد عليها… عاوزك..وانا مين بقا. انا واحد بيحبك ونفسه فيكي من زمان… اهم حاجه متنسيش معادنا بكرة. ومش عاوز افكرك باللي هيحصل لو مجتيش.
زهرة بغضب.. انت مين ياحيوان انت. وجبت صوري دي منين.. انت تعرفني منين اصلا
رد عليها… دا سؤال بردو دا انتي عز المعرفة يا زهرة.. يااه لو تعرفي انتي وحشاني قد ايه. دا انتي وحشاني بشكل.. ثم اكمل.. يلا هانت ياقلبي المهم بكرة متتأخريش.
زهرة… وانت فاكر اني هجيلك ياحيوان بقلم فريدة احمد
هو… والله براحتك متجيش. بس استحملي بقا رد فعلي فيدوهاتك هتوصل ل حمزة بيه اللي متأكد انو اول مايشوفهم هيفرح بمراته اووي. اللي كانت خارباها.
وضحك اوي وقفل في وشها
………
مساءا حمزة رجع البيت وطلع علي اوضته علطول
فتح باب الاوضة بس استغرب لما ملقاش زهرة في الاوضة
خرج يدور عليها
حمزة… ديناا
دينا جات بسرعة…. نعم
حمزة… زهرة فين
دينا… مش عارفه.بس كانت مع عمتو صفيه في اوضتها من شويه
حمزة….
طب روحي شوفيها
دينا… حاضر
دينا راحت خبطت علي اوضة عمتها صفيه
اللي كانت واخدة زهرة اللي كانت بتعيط اوي في حضنها وعمالة بتهدي فيها وهي مش عارفة مالها
وزهرة مش عاوزة تتكلم بتعيط بس بقلم فريدة احمد
صفيه…. لو تقوليلي بس مالك ياقلبي وبتعيطي ليه كده.. طيب هو حمزة زعلك.. اكيد هو اللي زعلك.. معلش انا عارفة انو عصبي. بس انتي اسمعي كلامه وهو مش هيزعلك.. بس متزعليش نفسك انا هتكلم معاه. واخليه ميزعلكيش تاني
زهرة هزت راسها ب لا… معمليش حاجة ياعمتو
صفيه… طيب في ايه وبتعيطي ليه كده..
مالك بس وايه اللي حصل علشان تبقا حالتك كده.. احكيليي ياحبيتبي. انا عمتو.
كملت وهي بتمشي ايدها علي شعرها بحنية… انتي عارفة طول عمري بعتبرك اكتر من بنتي.. انتي غاليه علي قلبي اوي. قوليلي بس مالك. فيكي ايه ياقلبي
لكن زهرة رافضة تتكلم وماسكة في حضنها وبتعيط بس
دينا خبطت… عمتي بقلم فريدة احمد
زهرة اول ماسمعت الباب مسحت دموعها بسرعة
صفيه… ادخلي يادينا
دينا فتحت الباب….
كلمي حمزة يازهرة
زهرة بصت لعمتها وهي بتترعش و بتبلع ريقها بخوف
زهرة… ه هو جي
دينا… اه وقالي اشوفك
زهرة كانت مرعوبة وهي خايفة يكون عرف حاجة
صفيه… طيب ياحبيبتي هي شويه وهتروحلو
دينا باستغراب وهي شايفة منظر زهرة اللي عنيها حمرة وباين عليها معيطة بقلم فريدة احمد
دينا.. انتي كويسة
زهرة بهدوء وهي بتحاول الرعب اللي هي فيه…. دماغي مصدع شوية
دينا… طيب خدي مسكن. او استني هاقول لـ حمزة يشوفلك دكتور
زهرة بسرعة… لأ
صفيه… انا اديتها مسكن ياحبيبتي وشوية كده وهتبقي كويسة
..
خرجت دينا من عند عمتها ونزلت تقول ل حمزة
صفية ل زهرة… يلا ياحبيبتي قومي اغسلي وشك كده وروحي شوفي جوزك
زهرة بخوف… لا لا ا. انا هبات معاكي النهاردة ياعمتو
صفيه… وده اسمه كلام. وجوزك.
في اللحظة دي حمزة فتح الباب
صفيه… حمزة. تعالي يابني
زهرة جسمها اتجمد وهي بتبلع ريقها برعب
حمزة… عاملة ايه ياعمتي بقلم فريدة احمد
صفيه الحمد لله ياحبيبي
حمزة بص علي زهرة اللي مش قادرة ترفع عينها ليه
حمزة…. الهانم بقالي ساعة مستنيها. بتعمل ايه هنا
صفيه… مفيش ياحبيبي كانت قاعدة معايا شويه..
وبصت ل زهرة… يلا يازهرة قومي مع جوزك
حمزة لاحظ شكلها… مالك. انتي كويسة
زهرة وهي بتحاول تبقي ثابته…اه. ك. كويسة
حمزة… طب قومي يلا
زهرة… ا. انا هنام مع عمتو النهاردة
صفيه… بطلي هبل يازهرة وقومي يلا مع جوزك
حمزة… خلاص ياعمتي..
وبص لزهرة وقال… خليها. وعلطول
وسابها وخرج من غير مايتكلم ولا كلمه زيادة
بس مدخلش اوضته نزل وخد عربيته وطلع علي…
بعد وقت قليل وقف بعربيته قدام عمارة في مكان راقي جدا
حمزة طلع وقف قدام شقة وفتح الباب ودخل بهدوء
كان في بنت قاعدة علي الكنبه بتقلب في تليفونها بممل اول ماشافته داخل سابت الفون من ايدها بسرعة وقربت عليه بلهفة وحضنته وهي بتقول…. وحشتني وحشتني مووت
لكن ثواني وافتكرت وراحت بعدت وقالت بزعل… اخيرا افتكرت انك متجوز وجاي تشوف مراتك.. لا وكمان روحت اتجوزت عليا بنت عمك
يتبع….