الحلقة الثانية يوسف طيب المهم دلوقتي هنعمل ايه في المصېبة دي
طارق اول حاجة لازم نتخلص من الچثة دي .بعد كده هنشوف موضوع الډم ده جه منين .
يوسف احنا ننزلها في العربية وناخدها لاي مكان بعيد ونرميها ونمشي بس المهم محدش يشوفنا . للكاتب عادل عبد الله
اتفقنا ان طارق ويوسف هما ينزلوها ويحطوها في العربية وانا وحسين هناخدها في العربية ونرميها في اي مكان بعيد .
استنينا لبعد الساعة واحدة صباحا والدنيا فاضية خالص حوالينا .
طارق ويوسف لفوا چثة البنت في بطانية ونزلوها علي الكنبة اللي ورا في العربية .
وحسين ساق العربية وانا ركبت جنبه وبقينا ماشيين خاييفين ان حد يشوفنا وبعدين قررنا نرميها في المقاپر ونمشي .
مشينا بالعربية في طريق المقاپر وانا بمۏت من الخۏف واحنا ماشيين بين المقاپر وقولت لحسين يعني كان لازم تجيبوا البت دي .شوفت علشان نيتكم مش كويسة حصلنا ايه ادينا وقعنا في مصېبة الله اعلم هنطلع منها ولا لاء .
حسين ياعم زيزو كفاية تأنيب في الواحد وسبنا خلينا نخلص من المصېبة دي الاول وبعدين قول اللي انت عاوزه .
ولسه هتكلم وارد علي حسين وفجأة …..لقيت ايد مسكت في ضهري .لفيت وشي وانا خاېف شوفت البنت ماسكة فيا وبتبرق لي وبتشهق زي ما يكون روحها بتطلع .
انا جسمي اتنفض وقولت اعوذ بالله من الشيـ . ـطان الرجيم .
البنت قالتلي بصوت ضعيف اوي انا فين جسمي اتخشب ومكنتش قادر ارد عليها من الړعب .
حسين وقف بالعربية وقالها حرام عليكي يا شيخة افتكرنا انك مۏتي .
البنت قامت قعدت وبصيت حواليها وقالت يا نهاركم اسود انتوا كنتوا هتدفــ . ــنوني !!
حسين ضحك وقالها لا كنا هنرميكي هنا ونسيبك ونمشي بس
البت قالت طيب نزلوني هنا منكم لله كانت ساعة سودا لما شفتكم .
انا قولت للبنت طيب قوللنا الاول انتي ايه اللي حصلك
البنت هتنزلوني ولا اصوت والم عليكوا الناس واقول انكم خاطفني
حسين ركن العربية .والبنت فتحت الباب ونزلت قام حسين نزل وراها واتكلم معاها شوية مسمعتش هما قالوا ايه وبعدين البنت ركبت معانا تاني .
روحنا البيت وطلعنا ومعانا البنت واول ما دخلنا وطارق ويوسف شافوها اترعبوا في الاول .لكن انا وحسين هديناهم وقولنالهم انها كان عندها حالة اغماء بس .
البنت قالت فين اوضة النوم علشان اغير هدومي في ليلتكم السودا دي .
طارق شاورلها علي الاوضه والبنت دخلت وقفلت الباب وراها .
قولت لحسين كنت سبتها مشيت دي باين عليها بت بيئة اوي .
وفجأة سمعنا البنت بتصرخ تاني بصوت عالي جدا .
جرينا علي الاوضة كلنا وفتحنا الباب لقينا قط اسود ضخم واقف وبيبص علينا والبنت مش باينه في الاوضة .حاولنا ندخل لكن كل ما حد يحاول يدخل القط يمنعه وفجأة …..
صوت حاجة ازاز وقعت اتكسرت بنبص ورانا نشوف ايه اللي اتكسر وفجأة النور قطع .
الدنيا بقيت ضلمة اوي ومش شايفين حاجه خالص .
بقينا ننادي علي بعض علشان نعرف مكان كل واحد فين .
وانا بحاول اشوف اي حد قريب مني علشان امسكه يمكن يقلل خۏفي شوية ايدي خبطت في حد مسكته الاول من هدومه لحد ما مسكت ايده وفضلت اسأله انت مين ومش بيرد .وفجأة ……
النور رجع تاني ببص علي اللي ماسكه في ايدي لقيته يوسف .بسأله لما كنت بسألك انت مين مكنتش بترد ليه قالي من الخۏف حسيت ان لساني اتخرص ومكنتش قادر انطق .
بنبص حوالينا علي طارق وحسين مش لقينا حد منهم ولا حتي البنت ظهرت .
نادينا ياطارق ..يا حسين … انتو روحتوا فين وبقينا بندور في الشقة كلها ..
بنبص لقينا طارق قاعد ورا كنبة الانتريه ومړعوپ .
يوسف ايه يابني مالك قاعد كده ليه قوم تعالي .
طارق ايه يا عم .كنت خاېف . يعني انتوا مخفتوش !!!!!
انا خوفنا طبعا .وصاحبك ده مكنش قادر يتكلم من الړعب ..
طارق اومال فين الواد حسين
يوسف هتلاقيه قاعد مستخبي هنا ولا هنا .ولا بمكن دخل الحمام يلحق نفسه ليعملها علي روحه وضحكنا كلنا ههههههههه .
انا صحيح انتوا عملتوا ايه في الډم اللي كان في الحمام
طارق معرفناش بردو الډم ده منين .بس انا و يوسف نضفناه ومسحنا الډم كله .
انا والبت دي صحيح راحت فين هي كمان
يوسف يمكن نزلت في الضلمة لما النور قطع .
طارق ازاي يا عم باب الشقة فضل مقفول ومفيش حد فتحه .
انا اومال يعني اختفت فين هي كمان
طارق تلاقي الواد حسين معاها ومقضينا هما الاتنين وسايبنا ندور عليهم .
فضلنا ندور علي حسين وعلي البنت في كل مكان مفيش ليهم اي اثر .والغريبة كمان ان الابواب والشبابيك كلها مقفوله وباب الشقه مش اتفتح خالص .
يوسف تعالوا نشوفهم في الحمام .
انا طيب ما تروح انت .
طارق لا .احنا نروح كلنا علشان نشجع بعض .
روحنا كلنا وفتحنا باب الحمام ولقينا قدامنا ……
القط الاسود الكبير قاعد في نص الحمام والارض والحيطان غرقانين ډم . الحلقة الثالثة
روحنا كلنا وفتحنا باب الحمام ولقينا قدامنا ……
القط الاسود الكبير قاعد في نص الحمام والارض والحيطان غرقانين ډم .
قفلنا باب الحمام بسرعة واحنا مرعوبين وبقينا خايفين ومش قادرين نتكلم .
يوسف قال احنا لازم نشوف الواد حسين فين وناخده ونمشي من هنا .شقتكم شكلها مسكونه يا عم طارق .
طارق مسكونة ايه يا عم الاهبل انت .عاوزين نشوف فعلا حسين راح فين .
بقينا ندور تحت السراير وفي الدواليب .انا وطارق ويوسف كل واحد بيدور في اوضة وبردو مش لاقيينه .والغريبة اننا اثناء ما كنا بندور علي حسين والبنت كنا سامعين صوت قطة لكنه ضعيف .
كل واحد فينا في الاول كان فاكر انها تهيؤات لكن لما الصوت بقه عالي انتبهنا كلنا ووقفنا .
انا واحد فيكم يا جدعان يشغل قران علي تليفونه علشان يطرد العفاريت اللي هنا .
حاولنا نتصل بتليفون حسين .لكن لما اتصلنا عليه اكتشفنا ان تليفونه موجود في الشقة .
وفجأة ………نزل قلم علي رقبتي حسيت منه اني هقع علي الارض .
يوسف وطارق كانوا قدامي ببص ورايا مش شوفت اي حد .
ايه الجنان ده !!! احنا لازم نمشي من هنا حالا . هو مين اللي ضړبني علي رقبتي كده الاتنين سكتوا من غير كلام .
طارق طلع موبايله وشغل قران بصوت عالي .صوت القطة راح وبدأ الخۏف يروح مننا وبدأنا نطمن .
قولت لطارق غريبة اوي حكاية القلم اللي اخدته ده !!وغريبة كمان حكاية اختفاء حسين كمان !! ده زي ما يكون فص ملح وداب .
يوسف ياعم ده تلاقيه اخد البت ونزل علشان يبقي لوحده .
طارق لو عمل كده يبقي اخدها في العربية .
انا لو العربية مش تحت العمارة يبقي كلام يوسف صح .
بصينا من الشباك شوفنا العربية راكنه تحت العمارة .
طارق يبقي اكيد قاعدين فيها تحت .
يوسف تعالو نطب عليهم .
نزلنا احنا التلاته الشارع وبصينا علي العربية مقفوله .يوسف فتح العربية مفيهاش حد .
طلعنا تاني للشقة وقولتلهم الاحتمال الوحيد ان حسين نزل من غير ما نشوفه بس الغريبة ليه مش قال انه نازل والاغرب هو راح فين !!!
يوسف في احتمال تاني .
طارق ايه هو
يوسف ان العفاريت خطفته .
سكتنا كلنا زي ما يكون اننا صدقنا ان العفاريت هي اللي خطفت حسين .
شغلنا القران تاني بس كنا قلقانين ننام بعيد عن بعض .نمنا علي الارض كلنا في الرسيبشن .
النهار طلع وصحينا من النوم بصينا في الشقة يمكن حسين يكون رجع لكننا مش لقيناه .
طارق الواد حسين لسه ولا رجع ولا ظهر ولا باين له اثر .
يوسف يا عم طارق ابوك باصص لنا في الرحلة دي ومدينا الشقة وعينه فيها .والرحلة ضاع منها يوم في الفيلم الهندي بتاع البارح ده وشكل الرحلة باظت خلاص .
طارق يابني ولا باظت ولا حاجة .
انا طيب ما تيجو نلغي ام الرحلة دي ونروح لاهالينا احسن ..والله امي قبل
ما انزل قالتلي انها مش مطمنه .
طارق يعني بعد ما اتحايلت علي ابويا شهر علشان يوافق عاوزين ترجعوا !! اللي عاوز يرجع يرجع لوحده .
انا لنرجع كلنا لنقعد كلنا .
يوسف قال خلاص نقعد كلنا .لما يظهر حسين كمان ونطمن عليه .
طارق قال صح عندك حق يا جو .
انا طب هنعمل ايه دلوقتي
طارق هننزل البحر ساعتين ولا تلاته علشان نخرج من الكأبة اللي احنا فيها دي .
قبل ما ننزل كنا عاوزين ندخل الحمام لكننا كلنا خايفين .اتفقنا اننا نفتح الحمام كلنا مع بعض .
فتحنا الحمام لقينا الحمام طبيعي جدا والدم اللي كان موجود فيه بالليل اختفي .
نزلنا انا وطارق ويوسف وقلنا نتمشي لحد البحر .المسافة كانت بعيدة .
يوسف يعني ابوك يا عم طارق مكانش لاقي شقه قريبة شوية من البحر
طارق علي قد فلوسه يا عم .
مشينا كتير وكل ما ندخل شارع نيجي في اخره ونلاقيه مقفول نلف ونرجع تاني .وبعدين دخلنا شارع كان فاضي بس كان اخره باين عليه انه مفتوح .مشينا لحد قرب اخر الشارع لقينا ست عجوزه اوي ماشية بتتسند علي عكاز بصتلنا ووقفت قدامنا …..
وقالتلنا انتوا ايه اللي جابكوا هنا
ردينا عليها كلنا رايحين البحر .
قالتلنا حسين .. يوسف ..طارق ..زيزو .
بصيت انا وطارق ويوسف لبعض بأندهاش …هي عرفت اسامينا منين !!
قولنالها انتي عرفتي اسامينا منين !!
كررت تاني حسين ..يوسف ..طارق ..زيزو .
طارق بصلها جامد وقالها طيب حسين فين
الست العجوزة سابتنا ومشيت .
كرر تاني طارق نفس السؤال طيب حسين فين
ردت عليه وقالت هو هناك لما تروحله هتعرف .
قولتلها هناك فين بصيتلي وضحكت وقالتلي هناك ..تحت .
حاولنا نوقفها نفهم منها تحت فين او اي حاجة تاني سابتنا ومشيت .
يوسف بصلنا وقال هي الست دي تقصد ايه
انا مش عارف .ما تروحلها وتفهم ومنها .
بنبص عليها لقيناها اختفت وكأنها اتبخرت .
كلام الست العجوزة خوفنا وخلانا نرجع تاني الشقة ونصمم اننا مش هنعمل اي حاجة الا لما نلاقي حسين .
عدا اليوم واحنا قاعدين ساكتين شوية وبنتكلم شوية عن احتمالات سبب اختفاء حسين .لحد ما الليل دخل وكنا مش اكلنا طول اليوم .
قومنا جهزنا الكل كلنا وقعدنا علشان ناكل .
واثناء ما كنا بناكل فجأة صوت خبط جامد جدا علي باب الشقة وبعدها مباشرة النور قطع .
ناديت علي يوسف وطارق يفضلوا قاعدين ونقرب كلنا من بعض علشان نطمن بعض ونقلل الړعب اللي احنا حاسين بيه لكن مفيش حد رد عليا .
حاولت احسس بايديا يمكن امسك اي حد منهم لكن معرفتش .وفجأة …..
صوت الخبط سكت والنور رجع ببص حواليا لقيت طارق قاعد زي البارح ورا كنبة الانترية لكننا اكتشفنا ان يوسف اختفي .