الحلقة الرابعة وفجأة …..
صوت الخبط سكت والنور رجع ببص حواليا لقيت طارق قاعد زي البارح ورا كنبة الانترية .
انا تاني يا طارق ورا الانترية بردو!!
طارق بحاول استخبي يا زيزو …..هو يوسف راح فين هو كمان
انا الله اعلم . تعالي نشوفه فين .
دورنا علي يوسف في كل مكان في الشقة مفيش اي اثر له .
طارق يعني انا وانت دلوقتي هندور علي حسين ولا علي يوسف
انا هتلاقي يوسف بيهزر معانا علشان ندور عليه زي ما بندور علي حسين .
طارق خلي بالك يا زيزو احنا مش هينفع نرجع لاهالينا الا لما نرجع كلنا ومعانا حسين ويوسف .
انا انت فاكر كلام الست العجوزة
طارق ايوه فاكر .
انا تفتكر كانت تقصد ايه
طارق سيبك منها دلوقتي .المهم نلاقي يوسف علشان يساعدنا ندور علي حسين بدل ما ندور عليهم هما الاتنين .
اتصلنا علي موبايل يوسف بردو لقيناه موجود في الشقة وهو مش موجود .
انا طيب نبلغ البوليس يا طارق احسن .
طارق ياعم زيزو انت هتكبر الموضوع كده ليه ملوش لزوم دلوقتي هيظهروا .
انا يا طارق شقتكم دي شكلها ملبوسة ولا ساكنها عفاريت .
جرس الباب بيرن ..طارق افتح يا زيزو هتلاقي حد منهم جه .
روحت فتحت الباب لقيت شاب غريب الاطوار واقف قدامي .في الاول خۏفت منه وبعدين قولته خير اؤمر
قالي العربية اللي راكنه تحت العمارة دي بتاعتكم قولتله ايوه .
قالي طب ياريت حد
ييجي يعدلها علشان عاوز اركن عربيتي .
طارق اخد مفاتيح العربية ونزل يعدل العربية تحت العمارة .
انا فتحت الباب علي ما طارق يطلع علشان خاېف اقعد لوحدي .وفجأة……
لقيت هواء شديد جدا جوه الشقة والستاير بتطير وباب الشقة اتقفل بصوت عالي جدا .
جريت علي باب الشقة علشان افتحه .الباب مش عاوز يتفنح .بشد الباب جامد بردو مش عاوز يتفتح .
بقيت بخبط علي الباب من جوه وانادي علي طارق قولت في نفسي يمكن يسمعني او حد مم الجيران يسمعني علشان يلحقوني علشان حاسس ان في مصېبة هتحصل .
لكن زي ما يكون مفيش حد سامعني .وفجأة النور قطع تاني .
اټرعبت وجريت علي الشباك انادي علي طارق يمكن يسمعني ويطلع .
لكن قبل ما اوصل للشباك حسيت بحاجة بتخبط في رجلي وبعدين ايد مسكت رجلي …صړخت باعلي صوتي واحاول اشد رجلي لكن الايد ماسكة رجلي جامد ومش عاوزه تسيبني زي ما يكون متعلقة برجلي .قلبي خلاص هيقف من الخۏف ومفيش حد عاوز ينقذني والايد ماسكة في رجلي جامد وانا خاېف ابص اشوف مين اللي ماسك رجلي .جمدت قلبي وقولت في بالي هي مۏته ولا اكتر .لفيت بجسمي وضړبت الايد برجلي التانية .
لكن لقيت حاجة بتمسك رجلي التانية وبتشدني جامد .وقعت علي ضهري وانا پصرخ وفجأة ………
باب الشقة انفتح ودخل طارق وكان مشغل قران علي تليفونه .واول ما طارق دخل النور رجع وكنت انا واقع علي الارض .والحاجة اللي كانت ماسكة رجليا اختفت .
طارق قالي ايه ده مالك
كنت عرقان اوي ومش قادر اخد نفسي ومش عارف اتكلم وقلبي هيقف .
طارق قرب مني ومسك ايدي علشان يقومني من الارض .ولسه بقف .طارق بص للارض بذهول ….
وقالي ايه الډم اللي علي الارض ده
بصيت علي الارض لقيت اثار ډم علي الارض مكان الحاجة اللي كانت متعلقة في رجلي وبتزحف .
اخدت نفسي وبدأت اهدا وحكيت لطارق كل اللي حصل من وقت ما نزل لحد ما طلع .
طارق مكانش مصدقني اوي .لكن انا قولت لطارق بص بقه يا عم طارق تصدق او متصدقش ده شئ يخصك .انا عن نفسي مش قاعد هنا ساعة واحدة تاني .
طارق طب هنعمل ايه
انا هرجع يا عم لاهلي بدل ما يحصلي حاجة ..
طارق يعني هنرجع من غير حسين ويوسف !!
انا وانا مالي يا عم .مش احسن ما محدش فينا يرجع خالص .
طارق طيب اصبر للصبح وانا هروح لواحد هنا صاحب ابويا يشوفلنا حل في اللي بيحصل ده .يمكن يكون بيعرف حد بيعرف يتصرف مع العفاريت دي ويشوفلنا حسين ويوسف فين
انا طيب انا مش هبات في الشقة دي .هخرج انام علي السلم .
طارق انت اټجننت يابني ولا ايه !!!!
انا اه اټجننت .بات انت بقه فيها لوحدك يا عم العاقل .
خرجت انا وطارق ونمنا علي باب الشقة من بره بعد ما قفلنا باب الشقة .
عدا كام ساعة والنهار طلع وصحينا من النوم .
نزلنا فطرنا في الشارع وبعدين قعدنا علي كافية لقرب الضهر وبعدين طارق اخدني وروحنا لواحد صاحب والده هناك .قعدنا معاهوحكينا له كل اللي حصل .
صاحب والده قالنا سهلة ان شاء الله .في واحد اسمه الشيخ عواد .ده راجل مبروك وممتاز في الحاجات دي وهيرجعلكم اصحابكم ولو في اي حاجة جن ولا ارواح ولا عفاريت هيطردها بسهولة .واخدنا منه رقم تليفون الشيخ عواد .
اتصلنا بالشيخ عواد وطلبنا نقابله .وصف لنا العنوان .
ر حت انا وطارق علي العنوان .ولكن المكان كان شكله يرعب بجد .
الحلقة الخامسة اتصلنا بالشيخ عواد وطلبنا نقابله .وصف لنا العنوان .
ر حت انا وطارق علي العنوان .ولكن المكان كان شكله يرعب بجد .
كان الشيخ عواد قاعد في مكان الحوائط كلها باللون الاسود ومرسوم عليها نقوش ورسوم باللون الاحمر زي ما تكون ډم وفي ريحة بخور وحشة جدا وقدامه مبخرة وريش غرقان ډم وجماجم حـيــ . ــوانات في كل مكان .
كنت خاېف ادخل لكن طارق دخل وشدني من ايدي .
الشيخ عواد قالنا تعالوا ادخلوا اقعد يا طارق اقعد يا عبد العزيز .
قعدنا وكنا مندهشين عرف اسامينا منين .
قالنا انتوا جايين علشان الجن والعفاريت اللي في
شقة ابوك يا طارق واللي خطفوا اصحابكم حسين ويوسف .
طارق ايوه صح يا عم الشيخ .
الشيخ عواد وانتوا عاوزيني اطردلكم الجن وارجع اصحابكم اللي خطڤوهم .
طارق ايوه بالظبط كده .
الشيخ عواد طيب الجن دول ليهم طلبات .هتقدروا عليها
طارق طلبات زي ايه
الشيخ عواد عاوزين بخور بنغالي وجلد قط اسود صحراوي يتيم وجلد تمساح افريقي اعور ودم بغبغان اخرس عازب .تجيبوا الحاجات دي في يوم منحوس وتكون معاكم بنت بنوت .
طارق والحاجات دي هنجيبها منين وافرض مش جبنا الحاجات دي ايه اللي هيحصل
الشيخ عواد هتحصلوا زمايلكم .مش بردو الست العجوزة قالتلكم كده
طارق قالتلنا ايه
الشيخ عواد قالت اساميكم بالترتيب ده …….حسين ..يوسف ..طارق ..زيزو .هيبقي الدور عليكم علشان تنزلوا تحت عندهم .
انا ولو سبنا الشقة ومشينا حسين ويوسف ممكن يرجعوا
الشيخ عواد مش هيرجعوا وانتوا بردو هتروحوا عندهم .اللعڼة دي هتروح معاكم اي اي مكان تروحوه .
طارق طيب يا عم الشيخ احنا مش هنقدر نجيب الحاجات دي. .ممكن تساعدنا .
الشيخ عواد ممكن اساعدكم لكن هيكون عليكم انكم تجيبوا بنت البنوت وانا هجيب باقي المطلوب .انا بكره هاجي عندكم ويكون معايا المطلوب وانتوا هتدفعوا تمن الحاجات المطلوبة اللي انا هشتريها .وبأذن الله هطرد الجن من شقتكم وهرجع لكم زمايلكم وتروح اللعنه اللي حصلتلكم .
انا واللعڼة دي حصلتلنا ازاي يا عم الشيخ
الشيخ عواد دخلتوا عليهم من غير ما ترموا السلام .
مشينا من عند الشيخ عواد واحنا مش عارفين نصدقه ولا لاء .لكن الورطة اللي احنا فيها غصبتنا اننا نمشي وراه لحد النهاية .
لكن المشكلة ان المبلغ المطلوب مكنش معانا كله .
طارق قالي احنا نبيع تليفونين او تلاته من اللي معانا ونجهز الفلوس .
قولتله طيب وبالنسبة لبنت البنوت هنجبهاله منين
قالي اهو دي بقه مش عارف هنتصرف فيها ازاي .وبعدين حاجة غريبة !!! ليه يعني بنت بنوت
قولتله يا عم هات اي بنت والسلام يعني هو هيكشف عليها .
طارق قالي انزل انت هات البنت وانا هروح ابيع التليفونات .
قولت لطارق لا يا عم انت خبرة عني في مواضيع البنات دي انا هبيع التليفونات وانت هات البنت .وبعدين هنجيب البنت النهارده ليه خليها بكره قبل ما ييجي .
طارق انت عبيط ياض !!
احنا نجيبها النهارده نبقي ضمنا انها معانا وفي نفس الوقت تبات معانا لبكره تسلينا .
طلعنا الشقة اخدنا موبايلات حسين. يوسف ونزلنا ومشي طارق وراح علشان يجيب بنت انا روحت ابيع الموبايلات .
بعت موبايلي انا وحسين ويوسف ورجعت علي الشقة .
كنت خاېف اطلع الشقة ليكون طارق لسه مش جه .
طلعت ودخلت الشقة وسبت الباب مفتوح وكنت خاېف ادخل .
فضلت انادي علي طارق ولكنه مش رد .قولت في نفسي ادخل ابص في الاوض ليكون جوه في اوضه منهم .
وانا ببص في الاوض سمعت صوت باب الشقة هيتقفل .جريت بسرعه علشان الحق اخرج قبل ما يتقفل عليا …..
لحقت باب الشقة بعد ما اتقفل لكني فتحته وخرجت .
نزلت استني طارق قدام باب العمارة لحد ما رجع ولقيته جايب بنت معاه .
طارق جي والبنت سلمت عليا وطلعنا .
قولت لطارق في ودنه بذمتك فيك اعصاب تعمل حاجة من الړعب اللي الواحد فيه ده !!
ضحك وقالي ملكش دعوة لو مش عاوز انت حر .خليك في نفسك انت .
دخلنا الشقة .البنت قالت شقتكم حلوة لكن حاسة ان فيها حاجة غريبة .
قولتلها ايه هي
قالتلي مش عارفه لكن فيها حاجة مش طبيعية .
ضحكت في نفسي وقولت في سري هو انتي شوفتي حاجة .