ثاني يوم في المطار
يجلس مازن ومراد في السياره في انتظار حسام وملك وبعض الوقت ظهر حسام وهو يحتضن يد ملك داخل يده بحب وتملك السعاده ظاهره على وجهه
نزل مازن ومراد وتوجهوا نحوه بأبتسامه كبيره نظرت ملك وتساءلت عن هويتهم
ولكن سرعان ما ضحك حسام بشده وضمهم لاحضانه بسعاده: أهلا وحوش عيلة الدمنهورى
مازن ومراد حمدلله على السلامه مراد بإبتسامه كبيره :أزيك يا مرات أخويا
ملك وقد تورد وجهها من الخجل: انت مراد ؟؟
هز مراد رأسه :حمدلله على السلامه
وانا ملك أكيد مازن:
أنا اتشرفت بمعرفتكم
مازن ومراد:
الشرف لينا
ملك بحياء :أتمني تعتبروني أختكم زى مي ومرام ولو احتجتم أي حاجه في أي وقت أنا موجوده
نظروا لها بأمتنان ورد مازن ده شرف لينا أن أختنا تكون بالطعامه دى بدون تفكير قــ,,ـبض حسام على رقبته بغيره :أتلم يلا بتعاكس مراتي قدامى يظهر أنك عايز تمــ,,ـوت
مازن وهو يحاول تخليص رقبته :انا في عرضك عايز اخش دنيا مش أخرج منها أسف يا معلم
تركه حسام وقال بغضــ,,ـب مصطنع :سماح المرادي بعد كده فيها عمرك
أما ملك فكانت تشعر بالرهبه أن يشتبك حسام مع ابن عمه بسببها
نظر لها حسام :مالك يا قلبي أحنا بنهزر تحرك لها وقام بأحتضانها فوجد ضــ,,ـربات قلبها سريعه طبطب
علي ظهرها بحب :دول يا حبيبتي ولادى قبل ما يكونوا أخواتي بيحبوني وبيحترموني
ابتسمت بتوتر فأخذ يدها وركب السياره وقادها مراد وخلفهم سيارات حرس حسام
وصلوا داخل القصر وكان الجميع في انتظارهم (طبعا ماعدا نفين وهايدى بلا قرف ريحتونا والله حتي القعده هيكون ليها طعم )
نزلت ملك من السياره فصرخت مي ومرام وركضوا إلى ملك التي ركضت بدورها إليهم
واحتضنوا بعض بكل حب وشوق وظلوا يضحكوا اقترب منهم مراد ومازن اشمعنا: إحنا محدش عمل معانا كده إحنا غبنا سنه مش أسبوعين
اقترب حسام إحنا مش أي حد ايش جابكم لينا
نظروا له بزهول فهم لأول مره يروا روحه المرحه طول عمره عملي وجاد في كل تصرفاته
جريت ملك على ناهد وقبلت يدها ووجنتها: وحشتيني يا ماما ووحشنى حضـ,,ـنك جدا
ناهد بحب انتي: وحشتيني أكتر يا حبيبتي
ملك بأهتمام :فين أدهم مش معقول في الشغل وهو عارف أننا راجعين النهارده !؟
رد أدهم من خلفها: هو أنا أقدر برده مكنش في أستقبال أميرتي
نظرت ملك بابتسامة كبيره وسلمت عليه: وحشتيني أوى يا دومي
أدهم وانتي أكتر يا حبيبتي وقام بأحتضان أخيه
ضحكت ناهد :حبوا أنتم في بعض وفيه ناس واقفه هتولع في القصر كله ونظرة لحسام
أبتسم حسام: أعمل أيه مراتي محرومه من الأخوات الصبيان وماصدقت لقته
أدهم بحب :ده من حظى
دخل الجميع لتناول الطعام وجلسوا يتحدثون واستغرب مازن ومراد من علاقه أدهم وملك القويه كأنهم توائم برغم خجلها ولكنها تتعامل معه بأريحيه وحسام لا يعترض
مي: أزاي المكان مفيش فيه شبكه
ملك :المكان تحفه يا مي حاجه كده من الخيال مياه وكوخ صغير وشجر منعزل عن الناس تماما ولما تتعمقي
في الأشجار تلاقي شلال صغير تبارك الخالق فيما خلق
مرام :يظهر أن أبيه حسام قاصد علشان تكوني براحتك
حسام بتأكيد: لما تكون في مكان منعزل هتكون برحتها أكتر لأنها محجبة
مازن :والمكان ده فين؟؟
حسام :لا ده بقا مكانا الخاص محدش يعرف عنه حاجه
مازن بمرح :ممكن أقضي فيه شهر العسل
حسام :لا ممكن أجهزلك مكان زيه لكن مكانا مش هيروحه حد غيرنا وبعدين انت خطبت
علشان تدور علي شهر عسل ؟؟!!
مازن :بإعتبار ما سوف يكون مليش عندك عروسه يا ملك
ملك بمرح: عندى بس صغيره عليك لسه في إعدادي
ضحك مازن: لو من طرفك موافق أستناها
ملك :وانا موافقه
*******************************بقلم أمل مصطفى
بعد أسبوع من هذه الأحداث
لى لي خلاص يا حبيبتي أرتاحي أنتي النهارده وانا هروح
ليليان :طيب متخليكي النهارده انتي كمان وهبه تجيب المحاضرات
لى لي لا متخافيش عليا وقبلت وجنتها
خرجت لى لي من الغرفه وجدت والدتها تحضر الفطار صباح الخير يا ست الحبايب
أمال بحب صباح النور علي اجمل وأرق بنت في الدنيا برده مصممه تروحي لوحدك
لى لي أيوه يا ماما مينفعش إحنا الاتنين نغيب
أمال :خلاص يا حبيبتي خلي بالك من نفسك
****************************؟
في الكليه
لى لي صباح الخير يلا المحاضرة هتبداء
هبه ومريم :فين ليليان لى لي تعبانه شويه عندها برد البنات ألف سلامه عليها
بعد إنتهاء المحاضرات ودعت لى لي هبه ومريم
وذهبت لوحدها سيرا علي الأقدام وفجاءه وجدت سياره تقف أمامها وينزل منها شابان
يقوموا بتكتيفها وإدخالها السياره بقوه صرخت لى لي بفزع ولم تستطع الحراك
الحلقة التاسعة في الشركة حسام :زياد فين الأوراق الي طلبتها علشان الوفد الإيطالي
زياد:كله جاهز في الملف الي معاك وكل حاجه زي ماطلبت
حسام :فين حاتم ومراد
زياد :كلهم في قاعة الاجتماعات ماعدا مازن لسه مجاش
حسام :
أنا بعته يحضر إجتماع تاني ويروح بعد مايخلص
دخل حسام قاعة الاجتماع ووقف له الجميع بإحترام وبداء مناقشة العقود وأغلق فونه
****************************
عند لى لي شعرت بالرعب وحاولت التخلص منهم وصرخت بأعلى صوتها سمعها بعض الماره وجري عليها بعض الشباب قاموا بتخليصها والبعض الآخر رموا بعض الأشياء أمام السياره لكي يمنعوها من الهروب
لى لي انهارت من البكاء واجتمع الناس حول الشباب لكي يضــ,,ـربوهم
خالد أسرع بالكلام لكي يخلص نفسه :أنتم مالكم واحد وبيرجع بنت عمه الي هربت وجابتلنا العار
قال أحدهم :ربنا يسترها علي بناتنا
قال الآخر :ليه كده يابنتي هو فيه زي
الأهل
لى لي :ببكاء لا والله أنا مش بنت عمه ولا حاجه ده زميلي في الكليه
خالد بنرفزه: انتي هتكدبي وهجم عليها طب يله معايا عليى البيت
تمسكت لى لي بسيده كبيره بجوارها وقالت بخوف: لو سمحتوا اطلبوا البوليس او حد يوديني القسم
لكن مش ممكن أروح معاه
بعض الشباب :هي عندها حق نوديهم القسم وهما يتصرفوا ويعرفوا مين فيهم الصادق
خالد بتوتر:قسم أيه وبتاع ايه احنا هنمشي مسكه بعض الشباب لا كلنا هنروح القسم
*****************************بقلم أمل مصطفى
في القصر
كانت ناهد وملك يجلسون يتناولون الشاي
ناهد لملك :حبيبتي أنا مشوفتش أخواتك من يوم الجواز ؟!
ملك فتحت فونها وبحثت في الصور وتوقفت عند صوره للتوئم وأعطتها لناهد
ناهد : بسم الله ماشاء الله أيه الجمال ده يا ملوكه هما شبه مين؟؟
ملك :شبه عمي الصغير وأنا شبه ماما أصل ماما وبابا أولاد عم
رن فون ملك ابتسمت: شوفتي يا ماما أهي جت علي السيره
ملك :ألو !!قامت بفزع من بكاء لى لي :مالك يا حبيبتي فيه أيه؟؟!!!!
لى لي :أنا في القسم ملك :قسم أيه ؟؟!!!!
لى لي :********* ملك :أهدي يا حبيبتي ثواني وأكون عندك
لى لي : ملك انا خايفه تعالي بسرعه أعتذرت ملك من ناهد وخرجت تجري بفزع وهي تحاول الاتصال بادهم انصدمت في مازن
رفعت وجهها وكله دموع أنا اسفه جدا يا مازن
مازن : ولا يهمك انتي رايحه فين وبتعيطي ليه
ملك :أختي الصغيره في القسم واتصلت بحسام فونه مقفول وادهم برده
مازن: حسام عنده إجتماع طيب أهدي وتعالي معايا ركبت بجواره وهي تبكي مازن: بلاش تعيطي خير أن شاء الله
ملك: أصل لى لي بريئة زي الأطفال ومش بتروح في اي مكان من غير توئمها ومش بتعرف تتصرف
مازن برجوله :متخافيش أنا معاكي وهنحل الموضوع
اتصل أدهم بملك
أدهم بحب أخوي :ملوكه حبيبة أخوها معلش كنت في إجتماع ولسه مخلص
ملك : أدهم أنا محتاجاك ضروري
أدهم : بقلق مالك يا ملك؟؟!!!
ملك :أنا رايحه القسم
أدهم بأستغراب: قسم ليه !!!!؟؟؟؟
ملك : أختي لي لي شباب ضياقوها
أدهم : خلاص هكون عندك
ملك :أنا ومازن قربنا علي القسم وهستناك
أدهم : ثواني وأكون عندكم
***************************بقلم أمل مصطفى
في القسم
خبط العسكري وضــ,,ـرب التحيه
الظابط :فيه أيه؟؟
العسكري :أخت الانسه بره يا باشا
الظابط : خليها تدخل
دخل مازن وملك: السلام عليكم
الظابط بأعجاب من جمال هذا الملاك برغم أن أخواتها يملكون الجمال ولكنها ملفته أكثر
منهم وأجمل منهم بكثير فهذه هبه من الله فمن يراها يشعر بالراحة :
وعليكم السلام
قامت لى لي تجري علي حضـ,,ـن أختها وهي تبكي
مازن للظابط :أنا مازن الدمنهوري خير ؟!!
الظابط : انت تعرف أدهم الدمنهوري ؟؟؟
مازن بثقه:
أنا ابن عمه
الظابط :أهلا وسهلا أتفضلوا
مازن :ممكن أعرف أيه الحكايه ؟؟؟
الظابط : الناس جابوا الانسه وقالوا أن الشباب دول حاولوا يدخلوها معاهم العربيه بالعافيه
شهقت ملك وزادت من إحتضان أختها فنظر لها كلا من مازن والظابط
ثم أكمل الظابط :وواحد من الشباب قال أنها بنت عمه وهربانه وعايز ياخدها
فهي طلبت من الناس أنها تيجي القسم وإحنا نتصرف
خبط الباب ودخل العسكري وضــ,,ـرب التحيه
الظابط :فيه أيه تاني؟؟
العسكري :
المقدم أدهم الدمنهوري وقف الظابط خليه يدخل
دخل أدهم بكل قوة وهيبه لا تليق ألا به
الظابط :أهلا أدهم باشا فهد الداخليه بنفسه عندنا
أدهم : أهلا محمود باشا خير ؟؟؟
محمود : خير يا فندم احنا لسه بنتكلم وأهل الشباب بره ومعاهم المحامي بس الانسه كانت منهارة فقالت أدخل أهلها الأول
أدهم بص بأتجاه ملك واقترب من لى لي :ممكن يا انسه لى لي تكلميني
ملك طبطبت علي ظهر أختها بحنان :لى لي ده أدهم أخو أبيه حسام ومازن ابن عمه يعني اتكلمي برحتك كأن حسام موجود
رفعت لي لي وجهها نظر لها مازن وخفق قلبه بسرعه بين ضلوعه وقال في نفسه أيه ده هو فيه كده عندهم حق أنا لو عندى جوهره زي دي مش ممكن أخلي حد يشوفها فاق على كلامها لادهم
لى لي :هو بيضايقني من زمان روحت قدمت فيه شكوى في الإداره بس محصلش حاجه وأخر مره خفت منه قولت لليليان نقول لابيه حسام لما يرجع من السفر لأننا خوفنا علي بابا منه بس مجتش فرصه معاه لوحدنا والنهارده وأنا راجعه شوفت عربيته وخفت وحاولت أتجنبها بس وقفت فجاءه ونزل منها الاتنين دول وشاورت علي علاء ومروان وحاولوا يدخلوني غصب عني بكت لىلى بشده عندما وصلت لهذه النقطه
مازن إلتفت لهم وهو في شدة غضــ,,ـبه عندما تخيل ماكان سوف يحدث أذا تمكنوا منها وأخذوها
قام الظابط بسرعه في محاوله بائسة في تخليصهم ولكن مازن وأدهم كانوا الأسرع في ضــ,,ـربهم وتشويه
وجوههم
الظابط لادهم :سيادتك عارف ان كده مسئولية عليا وباذات أن أهاليهم بره
أدهم :ملكش دعوه أنا هتحمل المسؤلية كامله دخل أهاليهم والد خالد ووالد علاء والمحامي
المحامي :الوقت سيادتك ايه تهمة موكلي ؟؟
الظابط : تحــ,,ـرش ومحاولة إختطاف
والد خالد رد بتكبر :أنا أبني مش ممكن يعمل كده
الظابط :حضرتك الناس الي جات معاهم شهدت بكده
والد خالد ::تلاقي البنت عرفت أنه من عيله وغني قالت تتبلي عليه وتطلع بقرشين
مازن سدد له لكمه قويه أسقطته من فوق كرسيه بنت مين الي عايزه قرشين يا بن #########
أنت وابنك دي قريبة حسام الدمنهوري يعني فلوسكم متجيش ثمن عربيته !!!!
أدهم قام بإبعاد مازن بالقوه: خلاص يا مازن
المحامي : أنا بتهم الأستاذ ده بالاعتــ,,ـداء علي موكلي
مازن بسخريه: أسمي مازن الدمنهورى
والد خالد بفزع :حسام الدمنهوري الوحش
أدهم :اه والد خالد ::إحنا أسفين جدا حسام باشا غني عن التعريف ولو عايزين نروح نعتزر ليه شخصيا و ولادنا غلطوا ولازم يتعاقبوا
نظرت ملك إلى لي لي بزهول لما يحدث أمامها لهذه الدرجه قوة ونفوذ زوجها الذي يحتويها بحبه وحنانه
أما لى لي فكانت تشعر بالأمان لأول مره في وجود أحدهم وكان مازن ينظر لها فشعرت بالخجل
أدهم بقوه: لو حسام عرف الي حصل ولادكم مش هيخرجوا لانها بالنسباله بنته مش قريبته بس
وأنتم عارفين كويس يقدر يعمل أيه علشان كده خلوها قانونى أحسن حفاظا علي ولادكم بس ياريت
مافيش محامي يدافع عنهم
خالد صرخ: بابا انت هتعمل الي بيتقال ده
مازن بعنــ,,ـف: ماهو يا روح أمك لو معلش كده أوعدك الصبح بابا هيعلن إفلاسه وبرده مش هتلاقي محامي يدافع عنك مروان وهو يبكي :أنا مليش دعوه أنا قلتله البنت محترمه ملهاش في السكه دي ولو انت مصمم أتجوزها رفض وقالي أنا هاخد منها الي عايزه وبعدين أتجوزها أنت
أدهم بغضــ,,ـب :أثبت يا محمود باشا الكلام ده محمود :كله اتكتب يا أدهم باشا
********************************بقلم أمل مصطفى
ليليان :
فيه أيه أنا قلبي مقبوض يارب أستر
عماله أرن علي لى لي مش بترد يوه ردي بقا قلبي وجعني!!!!
قامت بالاتصال علي هبه
هبه :أزيك يا ليليان أخبار صحتك
ليليان :: أنا بخير بس بتصل بلى لي مش بترد وخايفه عليها
هبه بهدوء: احنا خارجين من ساعه يمكن فونها صامت من ساعة المحاضرة ونسيت تفتحه خير إن شاء الله لما تكلميها طمنيني
ليليان:حاضر قفلت مع هبه واتصلت علي لي لي ردت ملك لأن لي لي لا تستطيع الكلام
ليليان بأستغراب: ملك هي لى لي عندك ؟؟؟!!!!!.
ملك:
لا انا الي عندها
ليليان:ليه مالها ؟؟؟
ملك: مفيش يا حبيبتي وحشتوني اوى فجيت أشوفكم
ليليان :: لا لى لي فيها حاجه أنا حاسه بيها ؟؟
ملك :بصي البسي وانا هكلم بابا علشان تحصلينا احنا هنخرج من القسم
ملك إستاذنت من أدهم وخرجت كلمت والدها وهو وافق علشان ميزعلهاش
******************
عند ليليان
خرجت من غرفتها وذهبت إلى المطبخ :ماما أنا رايحه عند ملك
أمال: ليه يا حبيبتي مش بابا مفهمك الوضع ؟!!
ليليان :اه يا ماما بس ملك كلمت بابا وهو وافق وهتروح الكليه تاخد لى لي
أمال :يعني بابا موافق؟؟
ليليان :اه أكيد يا ماما خاف علي زعلها
أمال :خلاص يا قلبي بس حاولوا متتاخروش هناك
ليليان قبلت خد مامتها: حاضر يا حبيبتي
نزلت ليليان من التاكس أمام القسم ورنت علي ملك
ليليان :ألو انتي فين يا ملك ؟؟
ملك :’أحنا واقفين أهو
ليليان :أنا لسه نزله من التاكسي
ملك :اه أنا شوفتك وشورتلها
ليليان :أنا كمان شوفتكم
أدهم :مين دي الي بتكلمك؟؟
ملك: دي ليليان أختي
وصلت ليليان السلام عليكم.
الجميع: وعليكم السلام
أقتربت بسرعه من توئمها وأخذتها في أحضانها وبكوا هما الاثنين
ليليان : يا حبيبتي قولتلك بلاش تروحي لوحدك وأنتي صممتي!!
لى لي ببكاء :كانوا هايخدوني غصب عني
شعر مازن بالحزن عليها وتمنى لو يضمها لاحضانه ويمحي هذه الدقائق من ذاكرتها ويعرفها أنه أمانها ولا يستطيع أي إنسان أن يمسها وهو موجود
أدهم بمرح لكي يخرجهم من حزنهم :أنا بقول يا ملوكه أن أمركم مشكوك فيه أكيد أنتم مش مصريين ؟
ملك بمرح :لا والله يا حضرت الظباط إحنا مصريين أبا عن جد أدهم : طب قولي ازاي الجمال ده كله مصري خجلت لى لي وليليان وأخفضوا وجوههم
ملك بخبث جديد عليها: أنا مش هقولك أنا هتصل بحسام باشا وهو يعرفك
أدهم بمرح رفع يده بخوف مصطنع: هي فيها حسام أسفين يا ريس
ده الولا مازن هو الي بيسأل
مازن: برئ يا بيه والله ماقولت حاجه إلا حسام باشا أنا مش عايز أتعلق
أدهم : وحياة عيالك يا شيخه بلاش هو أنتي معندكيش أخوات صبيان
ضحكت ملك: خلاص سماح المرادي
استغربت لى لي وليليان طريقة أختهم المرحه مع أهل زوجها رغم حياءها
أدهم : الحلقة العاشرة
أدهم :خلاص روحوا أنتوا مع مازن وأنا هخلص وحصلكم
ركبت ملك بجوار مازن وأخواتها في الخلف
لى لي رن فونها برقم حسام
لى لي :أزيك يا أبيه
حسام :أزيك يا حبيبتي معلش كنت في إجتماع وقافل الموبايل
لى لي :مفيش مشكلة
حسام :بقلق مالك يا لى لي صوتك متغير؟!!!
لى لي : أبدأ يا أبيه أنا كنت بسأل علي حضرتك
كل هذا ومازن يتابعها في المرآه
حسام :ط:لا فيه أيه يا لى لي صوتك مش عاجبني؟؟!!
لى لي :ببكاء زميلي النهارده حاول هو وصح وسكتت
حسام وقف فجاءه:
لى لي انتي فين ؟؟؟
لم ترد ولكن صوت شهقاتها يزيد صرخ حسام :انتي فين ؟؟؟؟؟وانا أجيلك حالا
أخذت ملك الفون الو يا حبيبي
حسام :بإستغراب ملك انتي فين ؟؟!!!
ملك:أنا مع مازن في العربيه كنا بنجيب لى لي من القسم
حسام :فيه أيه ؟؟!!!!
ملك :لما ترجع بالسلامه أنا هخدها هي وليليان معايا القصر
حسام سحب مفاتيحه علي عجل :ثواني وهكون عندكم
مراد :في أيه يا حسام ومين لى لي دي؟ !!!
حسام :لى لي أخت ملك وشباب حاولوا ياخدوها بس مش عارف أيه الي حصل
يله نروح علشان أشوف في ايه
************************بقلم أمل مصطفى
دخلت ملك القصر وهي تنادي علي ناهد
فخرجت ناهد بسرعه وخلفها مي ومرام ناهد بلهفه :خير يا حبيبتي؟؟؟؟؟
وجدت خلفها التوئم
ناهد :بسم الله ماشاء الله يا حبايبي كان نفسي أشوفكم اقتربن
منها التوئم في حياء: أزي حضرتك
أما مرام ومي فوقفوا ينظرون لهذا الجمال الذي يخطف الانظار
قامت ملك بتعريف أخوتها علي مي ومرام سلموا البنات علي بعضهم بحب وود كأنهم يعرفون بعض منذ زمن
ملك لاخوتها :كنا تلات أخوات الوقت بقينا خمسه
جلسوا في الصالون
ناهد :خير يا حبيبتي لى لي مالها ؟؟؟
ملك قصت لها كل ما حدث شهقت مي ومرام بفزع
إحتضنتها ناهد بحب: الحمد لله يا قلبي ربنا ستر ونجاكي
أما مازن شعر بالحزن من أجلها :أوعدك يا لى لي هاخد حقك حتي بعد ما ياخد عقوبته هيخرج يلاقي الاسوء نظر له الجميع ماعدا ملك فقد شعرت بإعجابه منذ غضــ,,ـبه في القسم
ناهد ::هنقضي اليوم مع بعض وهنسهر كمان
ليليان :معلش يا طنط مش هينفع لأن بابا قال منتأخرش
ناهد :مفيش تأخير السواق هيوصلكم
حسام :السلام عليكم رد الجميع السلام توجه إلي لى لي قامت لى لي وليليان وركضوا له مثل الأطفال أبتسم لهم
التوئم :أزيك يا أبيه
حسام :أهلا بحبايب أبيه ثم اكمل:لى لي أسف جدا يا حبيبتي لأني مكنتش موجود وانتي محتاجاني بكت فطبطب عليها بحب أخوي وكان هناك من يشتعل من الغيره
حسام :بغضــ,,ـب إسم زمايلك ايه بالكامل قالت له قام بالأتصال علي حاتم وأمره بضــ,,ـربهم في البورصه
ملك :لا يا حسام أرجوك إلا خراب البيوت
حسام وهو يتاملها :انتي عارفه كان ممكن يحصل ايه لأختك لو كانوا خدوها؟!!!!
ملك بحزن :عارفه
حسام :ده عقاب ليه علشان ميتكبرش بفلوسه علي الخلق
وعقاب لباباه علشان يعرف يربي أبنه
ملك ::أنا عارفه أنه يستاهل أكتر من كده بس الموظفين الي عنده ملهمش ذنب متخيل
كام موظف وعامل محتاجين الشغل ده
حسام بصلها بحب هو فعلا مفكرش في كل ده
نظر لها الجميع باحترام فهي دائمآ تفكر في الجميع
ملك :وبعدين كفايه الي مازن عمله ضــ,,ـربهم قدام أهلهم ومقدروش يدافعوا عن ولادهم
أدهم دخل وهو عيونه علي ليليان وعندما وجدته ينظر لها أخفضت وجهها في حياء أبتسم
أدهم :
وحدوه رد الجميع لا إله إلا الله
أدهم: أيه النكد ده هو فيه حد مــ,,ـات
مرام :والله عندك حق مــ,,ـاتغني يا ملك أغنيه علي مالغداء يخلص
ملك وجهت نظرها لحسام فابتسم لها
جلست أمام البيانو وبدأت تعزف أغنية هيا الحياه كده ليه
هيا الحياه كده ليه بقا ليها لون تاني
بقي ليها طعم جديد غيرلي أيامي مين الطمن روحي وبروحه قواني
همسه ولمسةإيد أدوني عمر جديد
أدوني لحظة حب بالف عمر تاني
جلس الجميع يستمتعون لها وكلا يسبح في أحلامه فهي قد أختارت أغنيه شعر بها الجميع
أدهم وليليان مازن ولى لي &&حسام وملك &&&&& مي وزياد
انتهي الغداء
قالت ليليان ::حقيقي إحنا أتشرفنا جدا بمعرفتكم بس إحنا لازم نمشي
عرض عليهم مازن أن يوصلهم ولكنهم رفضوا
حسام ::أنا هروحكم بس مش الوقت إحنا هنسهر مع بعض
مازن لاحظ تغير معالم أخته للضيق نادا عليها أما الفتيات فذهبوا للجلوس بالحديقه
مازن ::مالك يا مي شكلك أتغير لما عرفتي أن أخوات ملك هيسهروا ؟؟؟!
مي:: بضيق ابدا دنا حبيتهم جدا بس خايفه ماما تيجي وتجرحهم بكلمه وأنت عارف ماما وتكبرها
والبنات عندهم عزة نفس وممكن معدوش يجوا هنا تاني
مازن :: مش ممكن تجرحهم وهي عارفه معزتهم عند حسام
مي :انت عارف ممكن تجرحهم بطريقه غير مباشره
مازن ضمها بحب: متخافيش للدرجادى خايفه علي مشاعرهم ؟!
مي:جدا رغم اني معرفهمش غير من كام ساعه بس تحس معاهم بالطيبة والبراءة
عدى اليوم علي خير وقام حسام بتوصيل ليليان ولى لي وعرض عليه والد ملك بقضاء
بعض الوقت معهم ولكنه أعتذر لأنه عايز يرتاح من تعب اليوم
*****************************بقلم أمل مصطفى
في غرفة مازن
مازن لنفسه مالك يا مازن أيه الي حصل لكل ده أنا لو مش عارفك كنت هقول عمرك ماشوفت بنات
لا بس عمري ما فيه واحده شدتني كده اه أنا كنت أعرف الأجمل منها بس أول مره قلبي يدق كده
رغم اني كنت علي علاقات كتير بس عمري مــ,,ـاتمنيت واحده او حلمت ألمسها زيها هما ال كانوا
بيجروا ورايا
بس دي فيها حاجه غريبه مش عارف أيه هيا ممكن حياءها او برائتها اوتدينها مش عارف
كل الي عارفه أنها وحشتني وهي لسه ماشيه من ساعه وعايز أشوفها تاني
ملس علي قلبه أهدي
بقا وخلي ليلتك تعدي علي خير لأني عايز أنام
***************************