جلال ابتسم وقال…بتحبيه لدرجادي روفان مسحت دمعه نزلت من عينها وقالت بسرعه…وهفضل احبو لحد ما اموت ..مفيش مكان لواحد تاني في حياتي …قالت كده واخدت هدومها ودخلت الحمام جلال اتنهد وهو من جواه زعلان عليها..رغم كل القسوه الي بتبينها الا ان احساسو ديما بيقول ان جواها طفل فقد احساس الامان والحنيه من اول ما اتخلق عند عمران دخل اوضتو ورزع الباب بغضب وفتح البلكون ووقف يشم اكبر كميه هوا حرفيا مخنوق وكل ما يفتكر روفان وانتصارها عليه يبقى هيتجنن
سمر دخلت وراه وبصتلو وابتسمت بخبث وقالت..فيه ايه بس يا حبيبي…انت مكبر الموضوع ليه اكمنها يعني مشت للي في دامغها وبرضو عملت الي هيه عيزاه …وايه يعني مش مشكله احنا اهلك عمرنا ماهنفكر انها مشيت الي في دماغها عليك وفي بيتك و بس قطعت كلامها بخوف لما عمران بصلها بحده نظره حقيقي تخوف سمر ابتسمت بارتباك وقالت..انا..انا قصدي يعني اعتبرها عيله وبتلعب
عمران بصلها وقال بغضب…انا مبسمحش للعيال تلعب معايا يا سمر..وانتي عارفاني…وبكره هتشوفي تمن لعبها ده هيكون ايه…واظبطي ساعتك …بكره زي دلوقتي نفس التوقيت الساعه ٩ بالظبط هتكون قدامك وقدام جوزها وقدام الكل بتترجاني وتبوس على ايدي وافتكري كلامي عمران العامري محدش يلعب معاه قال كده ودخل الحمام وهو مش شايف قدامو سمر ابتسمت بفرحه وقالت…شكلنا هنتسلى قوي الفتره الي جايه عند روفان طلعت من الحمام لابسه بيجامه حرير جميله ورقيقه وفارده شعرها الي بلون حبات القهوه جميل جدا وخصوصا وهو مبلول وملامحها تجنن وعيونها العسلي تبهر كلها على بعضها تحفه فنيه تستحق التأمل
جلال وقف بزهول وهو مش مصدق خالص الي شايفو قرب منها وقال بزهول..هو..هو الحمام ده سحري.. يعني انا لو دخلت جوه ممكن اطلع توم كروز روفان ضحكت بخفه وقال..اغبى طريقه معاكسه سمعتا في حياتي جلال ضحك و وقال..اممم ..طب..هيه الست الوالده كانت دبابه روفان قالت بضحك ..اه الي هيه علشان تخلف صارووخ وكده ..قديمه قوييييي جلال ضحك وقال..طب اقول ايه طيب الكلام هرب مني ..انا لا شوفت ولا هشوف كده..انت خمتني وخدتني على خوانه يا اسطا بيومي
روفان ادتو مخده وغطا وزقتو بخفه وقال..طب يالا يا خويا روح انجر نام مش هنلوكلوك كتير ..روح اتخمد على الكنبه الي هناك دي جلال اختفت ابتسامتو وقال…لوكلوك..واتخمد..هو بيومي بيجي على السيره ولا ايه روفان حاولت متضحكش وقال..نام يا جلال جلال راح ينام وقال…ماشي ياعم برتحتك…وبصلها وقال ..بس بجد جاااااامده روفان ابتسمت على حركاتو بس اختفت ابتسامتها لما افتكرت رشيد وكان حقيقي واحشها بصت لجلال وهو نايم وملامحو الي كانها اتنسخت من رشيد وقالت في نفسها.. …مش قادره اشوفك با جلال…مش قادره اهزر معاك..مش قادره اتخيل غير ان رشيد الي قدامي..يا رب صبرني
في صباح يوم جديد وكان الكل على الفطار ماعادا عليا وعمران جلال كان قاعد على السفره ووالدتو مبسوطه بيه وبتتكلم معاه بس جلال كان مرتبك جدا من نظرات سمر ومستغربها قوي حاول يتحاشا نظراتها وميل على روفان وقال..هو الاكل كلو هنا جبن..هيه البلد دي ممنوعه من الزفر ولا ايه روفان اتنرفزت وهمستلو بعصبيه مكتومه وقالت…زفر ايه ونيله ايه الي عايزها على الفطار هتفضحنا كل وانت ساكت جلال قال بضيق..طب هاتيلي فول وطعميه انا كده هموت من الجوع بأكلكم ده
روفان طلعت السلاح من تحت الطاوله وحطتو في جمبو وقالت بغضب…تموت من الجوع ولا تموت بده بقلم….زهرة الربيع جلال اتنفض من مكانو وقال بصوت عالي…تسلم الايادي يا ست الكل…انا شبعت من منظر الأكل والله نجوى ابتسمت وقالت..ربنا يخليك يا حبيبي ده انا قومت بنفسي انهارده حضرتلك كل الفطار الي بتحبو علشان عيونك جلال قال بضيق مكتوم…دهو الاكل الي انا بحبو سمر قالت وهيه بتبصلو وبتبتسم…اممم ده اكتر اكل انت بتحبو…وعلى فكره زوقك جنان..انا كمان بحبو
جلال اتوتر اكتر من كلامها ونظراتها وقال…طبعا..لازم تعرفي ان زوقي حلو..مش انا حبيت روفه..في احلى من كده ومسك ايدها وباسها برومانسيه روفان ارتبكت وكانت عايزه تسحب ايدها بس ابتسمت بتوتر وبصتلو بتوعد جلال بصلها ورفع حاجبو قاصد يضايقها بحركاتو وبص لوالدتو وقال..صحيح يا ماما فين عليا وعمران نجوى قالت…عمران انهارده طلع بدري جدا معاه تسليم في المينا جيالو بضايع الاغذيه وراح يقف معاهم.. وعليا فوق قالت معدتها وجعتها مش هتقدى تنزل
روفان اول ما سمعت ان عمران مسته تسليم بضايع قالت بسرعه..طب عن اذنكم انا..ورايا شغل مهم في الاداره خلي بالك من نفسك يا رشيد روفان لسه هتطلع نجوى قالت..يا بنتي انتي حامل يمكن الشغل غلط عليكي روفان قالت بتوتر..لا..انا …انا قولت للدكتوره وطمنتني ان الحمل مستقر متقلقيش يا طنط انا ببقى على المكتب بتاعي مش بعمل مجهود
عند عليا كانت في الحمام ومعاها شريط حمل وبتبص فيه بصدمه ..ودموعها على خدها وقع من ايدها من كتر الرعشه الي بقت في كل جسمها وقالت.يا نهار اسود..يا نهار اسود…اعمل ايه …وجريت بسرعه على التليفون بتاعها وطلبت رائف وقالت..رائف انا..انا لازم اقابلك..استناني في شقتنا عند جلال كان حاسس بملل بعد ما روفان مشيت وفكر يطلع ينام شويه وهو معدى من جمب اوضه عمران بس سمر فتحت الباب وشدتو بسرعه ودخلتو وقفلت الباب في اقل من دقيقه
جلال بصلها بزهول وخصوصا للبسها كانت لابسه لبس مكشوف جدا قال…نعم..فيه حاجه حضرتك سمر ضحكت وقالت حضرتك..وقربت منو وحطت ايدها على صدرة وقالت بدلال..مش معقول تكون نسيت الي بنا يا رشيد.. جلال اتسعت عنيه بشده بزهول من تلميحها وبلع ريقه بصعوبه وقال…و..وهو ايه الي كان بنا يعني سمر قربت اكتر وحاوطت رقبتو باديها وقالت…انا هقولك الي بنا وقربت من شفايفو وووووو 5 قربت منو ولسه هتبوسو زقها بقوه وقال بغضب هتعملي
ايه..انتي مجنونه..انا اخو جوزك لو مش واخده بالك ..اما ست سا،فله بصحيح سمر بصتلو بدهشه وقالت…ده انت شكلك ناسي فعلا يا رشيد..هيه دي اول مره يا حبيبي جلال كان مصدوم حرفيا من الي بيسمعه وقال..قصدك ايه…مش..مش فاهم سمر قالت بخبث..غريبه مع ان شكلك بيقول انك فهمت..وفهمت اوي كمان..بس برضو هصدق انك مش فاهم وهفهمك…انا وانت كانت بنا حاجات كتير سوا…وقربت منو وقالت..يعني دي مش اول مره نقرب من بعض.. بس متخافش احنا عمرنا ما اتكشفنا ولا دلوقتي هنتكشف..عمران مش في البيت..متقلقش
جلال بصلها بزهول و قرف وقال..اذا كنت فعلا عملت معاكي كده..فالحمد لله اني نسيت…ودي اخر مره تحاولي معايا..لان بعد كده انا الي هسلمك لجوزك واحكيلو على كل حاجه..وانتي اكتر واحده تعرف عمران سمر خافت وبلعت ريقها ولسه هتتكلم جلال مشي بسرعه وهو مش شايف قدامو ومش مصدق ابدا عند عمران كان بيستلم شحنه كبيره جدا اغذيه ومعلبات وبيتكلم مع العمال وقرب يخلص بس فجأه وقفت عربيه الشرطه ونزلت منها روفان ورائف وعساكر كتير
عمران بصلهم باستغراب وروفان قربت عليه وقالت…عمران باشا..معلش هنعطل حضرتك شويه…البضاعه دي لازم تتفتش عمران بصلها بغضب رهيب وقال…البضاعه دي اتفتشت اكتر من مره ومفيهاش اي حاجه…وانتي عارفه كده كويس روفان قربت عليه وقالت باستفزاز ..عارفه..ومتاكده ان مش دي الشحنه الي مخبي فيها شغلك المشبوه…بس لقيت نفسي فاضيه انهارده قولت اعطلك شويه… وبصت للعساكر وقالت..يلا ياشباب تفتيش..وخدو راحتكم عمران باشا مش مستعجل عمران كان هينفجر لانو كان خلاص هيخلص ويمشي وفضل باصص لها بغضب وقال لرائف…الي بتعملوه ده هتدفعو تمنو غالي قوي…والافضل ليك تعقل اختك لان رصيدها عندي تقل قوي
رائف قال بسرعه..ندفعو..واي دين علينا نردو يا باشا…بس…مدام هنتحاسب تدفع انت الي عليك الاول عمران اتنهد بغصب وقال…تمام..خلصو براحتكم ..الظاهر انكم فاضين ..بس انا ورايا اشغال تانيه همشي دلوقتي ونتقابل باليل…وبص لروفان وقال بهدوء شديد…اوعي تتأخري انهارده..محضرلك مفاجأه تجنن. عمران قال كده ومشي وهو مبتسم ولا على بالو …روفان اختفت ابتسامتها واتوترت جدا وقالت..يا تري يقصد ايه رائف قال..ولا يهمك منو واضح انو بيوترك مش اكتر روفان قالت بقلق..لا..عمران عمرو ما هدد الا وعمل مصيبه …ربنا يستر
رائف بص في الساعه بقلق وقال…بقولك ايه..هو انا ينفع امشي ورايا مشوار ميتأجلش روفان قالت باستغراب.. على فين يعني رائف مكانش عايز يقولها انو هيقابل عليا قال..احم..ابدا واحد صاحبي تعبان وضروري اشوفه روفان ابتسمت وقالت..مبتعرفش تكدب..كل اصحابك معانا في الاداره يعني لو في حد تعبان كنت انا كمان عرفت ..على العموم روح مشوارك وحصلني عند انكل شفيق عند عليا وصلت شقه بسيطه وبعيده شويه عن القصر وفتحت الباب بالمفاتيح اللي معاها ودخلت وهيه متوتره جدا ورايحه جايه في الشقه بتوتر رهيب
بعد شويه وقفت بفرحه لما اتفتح الباب وسمعت صوت رائف بيقول..عليا….عليا انتي هنا عليا طلعت من الاوضه وجريت عليه حضنتو وبقت تبكي في حضنو بقلم..زهرة الربيع رائف استغرب وشدها ليه جامد وقال..عليا في ايه..مالك ..طيب اخدي يا حببتي…ايه الي حصل لكل ده عليا بعدت وقالت وهيه بتترعش..فيه..فيه مصيبه..مصيبه يارائف..انا..انا حامل رائف اتسعت عنيه بشده وزهول وقال..حاامل…ازاي عليا قالت ببكا.. .هو ايه الي ازاي بقولك حامل يا رائف ..انا خايفه خايفه اوي
رائف ابتسم بفرحه وقال..وده خبر يخليكي زعلانه.. عليا بصتلو باستغراب وقالت..طبعا لازم ازعل انا مرعوبه..عمران لو عرف اني متجوزاك انت بزات هيخلص عليا…انا مش عارفه اعمل ايه ده انا مش قادره اتخيل رده فعلو اصلا رائف اتنهد وقال..طيب اهدي علشان نلاقي حل..هو انتي متأكده يعني عليا قالت ببكا..متاكده عملت الاختبار اكتر من عشر مرات انا اصلا بقالي كام يوم تعبانه وواحده زملتي عارفه بجوازنا هيه الي قالتلي اعمل الاختبار.. رائف اتنهد وقال..بس انتي قولتيلي قبل كده انك عامله حسابك مش كده
عليا قالت بدموع وخوف…ايوه..ايوه كنت باخد حبوب بس..بس مش عارفه ازاي ده حصل يمكن نسيتو مره او ممكن اكون حملت انا وباخدو مش عارفه مش عارفه غير اني انتهيت هيقت لني ..هيق تلني يا رائف رائف قال بغضب..هو مين ده الي يق تلك..ويقت لك ازاي اصلا هو انتي فرخه..انتي مراتي على سنة الله ورسوله سواء وافق او لا..وبعدين كفايه تحكمات بقى كفايه الي حصل لرشيد بسببو
عليا قالت بدموع…بس ..بس انا مش هقدر اقولو حاجه من الي انت بتقولها دي يا رائف..عمران هو الي مربيني بابا كان كل وقتو للشغل وللسفر وكل حياتي كانت مع عمران..مش عارفه لو عرف هيعمل ايه وبصتلو بدموع وقالت.انت اكيد مش هتتخلى عني يا رائف مش كده رائف ابتسم وشدها لحضنه وقال..بلاش هبل..هو انا ماشي معاكي يا بت..انتي مراتي يا عبيطه انا بحبك بعيد عن كل المشاكل الي بين اهالينا..واوعدك اني هحل الموضوع ده من غير ماتتأذي شعره منك ..خليكي واثقه فيا
عليا ابتسمت وحضنتو جامد وهيه مطمنه وقالت…ربنا يخليك ليا يا رائف انا بحبك اوي رائف ابتسم وقال..وانا اكتر والله…كده جه وقت المواجهه… باليل هروح اطلبك من اخوكي ولو رفض…هتكلم مع والدتك وهنلاقي حل خليكي مطمنه محدش يقدر يمسك طول ما انا معاكي عند روفان كانت في المكتب مستنيه شخص وفعلا دخل راجل في سن الخمسين ببدله الشرطه رتبه لواء ده شفيق النبراشي خال روفان روفان وقفت وحيتو وقالت…صباح الخير يا سياده اللوا
شفيق ابتسم وقال…وبعدين انا مش قولتلك ميت مره اني مش بحب اسمع سيادة اللوا دي ..ولا ناسيه اني خالك روفان ابتسمت وقالت…. ده تاج فوق راسي مستحيل انساه ..عامل ايه يا انكل شفيق شفيق ابتسم وقال…انا بخير يا بنتي …انتي اخبارك ايه ..رائف طمني عنك وقال كمان ان الخطه الي عملناها ممتاذه روفان ابتسمت وقالت…جدا..فوق ما تتخيل ..انا دلوقتي اقدر اراقب عمران واعرف تحركاتو بسهوله كل ده بفضل خطتك العظيمه
شفيق ابتسم وقال…طب والولد ده عمل معاكي ايه..هو..هو اسمو ايه بنساه روفان قالت بسرعه .جلال..اسمو جلال..شب ظريف قوي…وبان على ملامحها الحزن وعيونها اتملت دموع وقالت..بس…بس يشبهو اوي..اوي يا خالي…يشبهو بطريقه توجع القلب شفيق وقف وقعد على الكرسي الي قصادها ومسك ايدها وابتسم وقال…متيأسيش ياروفان اوعي اشوف اليأس او الحزن في عنيكي مش انتي الي تستسلمي بسهوله كده ورشيد هيقوم بالسلامه هيقوم لانو زيك قوي.. وبيحبك..بكره تقولي خالي قال روفان بصتلو بدموع وقالت بسرعه..طب…طب هو انا ممكن
بس شفيق قاطعها وقال..لا ياروفان.مش هينفع تشوفيه..يا بنتي انا قولتلك اكتر من مره عمران ممكن يكون مراقبك ولو عرف ان اخوه عايش وان الي في البيت ده مش اخوه هنروح كلنا في داهيه ومش هنقدر نثبت عليه حاجه روفان اتنهدت وقالت بدموع..بس مره يا خالي ارجوك مره واحده علشان خاطري شفيق اتنهد وقال…تمام..ماشي ياروفه..هخليكي تشوفيه بس هتوعديني تكون اخر مره روفان مسحت دموعها وقالت..وعد والله وعد شفيق ابتسم وقال..ماشي ياقلبي خلصي شغلك انهارده..وبكره مش ورانا حاحه هأخدك ونروحلو
روفان قامت وقالت بفرحه..شكرا شكرا يا خالو ربنا يخليك ليا ..وطلعت جري وهيه مبسوطه زي الطفل الصغير شفيق ابتسم عليها وقال..ربنا يردهولك يا بنتي عند جلال كان رايح جاي في الاوضه بارتباك وغضب وقال وهو بيكلم نفسو باستغراب ..ايه ده..ايه قوم ابو جهل الي اترميت وسطهم دول..يعني ايه..دي مش مرات اخوه..ايوه مرات اخوه..طب ازاي..ازاي قالت ايه…قالت عمرنا ما اتكشفنا…يعني الموضوع بيحصل كتير…احيه…..احيه احيه احيييييييه بس اخد نفس وقال..اهدى يا جلال لازم اهدى علشان افهم ومسك التليفون واتصل بروفان
روفان كانت مشغوله بتحاول تخلص بدري علشان تروح مستعجله تنهي اليوم ده علشان بكره هتزور رشيد وسمعت صوت تليفونها ردت وقالت..ايوه جلال قال بسرعه وارتباك..انتي تسيبي الي وراكي وتيجي حالا..حالا فاهمه روفان اتنهدت بخنقه وقالت..فيه ايه اخلص اتكلم انا مشغوله جلال قال بغيظ…يا بت انتي رضعوكي لبن كلبه وانتي صغيره ايه التناحه الي عندك دي بقولك فيه موضوع مهم ..اغنيهالك..طيب يالليل يا عين ..هنتشوح علي الجنبين روفان قالت بغضب..استني عليا لما اجيلك هشوحك على كل الجناب علشان طوله لسانك دي و
بس قطعت كلامها لما الباب خبط قفلت في وشو من غير ما تستني الرد جلال بص للتليفون بزهول وقال بغيظ..دي قفلت…ماشي ياجزمه.. ماليها اي لزمه.. هربيكي عند روفان قالت ادخل ودخل شاب جميل جدا بطله انيقه في سن التلاتينات لابس بدله كامله وبالطو طويل ونضاره شمس قلعها وقعد بغرور وقال بابتسامه..روفه…وحشتيني روفان بصتلو بغضب وحاولت تتمالك اعصابها وقالت..نعم…خير الشاب قال بابتسامه مستفزه..ابدا كنت قريب قولت اشوفك بقالي كتير ما شوفتش عيونك