وقبل ما بدأ حكايتي اعرفكم بنفسي انا اسمي يحيي عندي 35 سنة وعندي ابني اسمه أسر عمره 8 سنين وانا علطول بسافر وبرجع بحكم شغلي وفي يوم كنت مسافر ومراتي قالت لي هيام
انا هاروح اقعد عند بابا وانت مسافر يا يحي انت عارف اني مش القاعده هنا في البيت وانت مسافر يحي
طيب ما تخليكي قاعده يا هيام ما هي امي معاكي في البيت اهي يعني لو احتاجتي حاجة اكيد هتلاقيها هي جنبك
هيام
طيب وفيها ايه ياعنى يا يحي لما اروح بيت بابا وانت مش موجود انا مش فاهمة انت هتمنعني من اني اروح عند بابا ولا ايه يحي
وهو انا من امتى وانا بمنعك من انك تروحي عند اهلك يا هيام بس انتي بتروحي كتير او يعني بتقعدي عندهم اكتر ما بتعقدي في البيت هنا هيام
الله يا يحي انت عايز ايه بالظبط انت عايز اتخانق وخلاص يعني انا بحب اروح اقعد عند بابا انت عارف اني متعلقه بيه خصوصا ان ماما متوفيه وهو كل حاجة ليا