يحي
انا لا عايز اتخا.نق ولا حاجة يا هيام خلاص اعملي اللي يعجبك وروحي بس ابقي ودي أسر المدرسة بقا علطول متغيبهوش هيام
حاضر يا يحي وانا هحضر لك الشنطة عشان تسافر يحي
ماشي حضري انتي الشنط وانا هنزل اسلم على امي واقعد معاها شوية على بال انتي ما تحضري الشنطة
ونزلت عند امي ولقيتها بتقولي
الام
يعني مراتك هتروح برضو بيت ابوها يا يحي طيب ما تقعد في شقتها هو انت يا ابني مش جايب لها شقه كبيره اهيه عشان تقعد فيها وتبقا مبسوطة اومال ليه بقا مش بتحب تقعد فيها ودائما بتحب تقعد عند ابوها ده حتى لما انت بتيجي اليومين بتوع الاجازة بتسيبك وتفضل عند ابوها
يحي
وايه اللي فيها يعني يا امي لما تروح تقعد في بيت ابوها هي بتروح عند حد غريب يعني وبعدين هي بتروح هناك عشان بتبعد عن المشاكل يا امي فانا بقول نخليها في بيت ابوها عشان هي بتكون مرتاحه اكتر
وبعدها ببص واستغربت لما لقيت هيام نازله ورايا بلبس ضـ,ـيق اوي وبعدين قولت لها يحي
ايه اللي انتي لابساه يا هيام انتي ازاى تنزلي من شقتك كده ازاى
هيام
وايه المشـ,ـكله يعني يا يحي ماهو عادي اني انزل كده وبعدين ده في البيت ولسه مخرجتش وحتى لو خرجت كده ما انت عارف اني انا مش محجبه اصلا وبلبس اللي انا عايزة يحي
اه مش محجبة بس بلاش الأوفر ده يا هيام انتي لابسه لبس ضـ,ـيق جدا ياريت تبقى تغيري اللبس ده شوية يعني
وبعدها لقيت تلفونها رن ولقيت انها غيرت الموبايل بتاعها اللي انا كنت جايبه لها ومعاها موبايل ايفون قولت لها
يحي
ايه ده يا هيام انتي جبتي ايفون امتى ان شاء الله وفين التليفون اللي انا كنت جايبه لكي وانتي اصلا ازاى تشتري ايفون غالي زي ده وانتي عارفه ان ظروفي متسمحش انك تجيبي تليفون ايفون والفلوس اللي انا بديها لك يادوب على اد مصاريفك انتي ويحي جبتي ده منين بقا هيام
وهو انت يعني فاكرني اشتريت الايفون ده من المصروف اللي انت بتسيبو ليا لا طبعا وبعدين انت لسه قايل ان المصروف على الاد والايفون ده بابا جابهولي هديه في عيد ميلادي
يحي
طيب وليه معرفتنيش يا هيام ان باباكي جاب لك حاجة وبعدين انا عارف ان باباكي حاله ميسور بس انا مكنتش عايزك تاخدي منه حاجة يعني هيام
ياسلام وايه المشـ,ـكله يعني اني نسيت أعرفك واقولك وبعدين انت لسه قايل ان بابا ميسور الحال يبقا ايه اللي مش يخليه يجيب لي هديه غاليه زي دي يحي
ماشي يا هيام اللي تشوفيه انا اصلا مش عايز اعمل مشـ,ـكله معاكي وانا مسافر يلا انا همشي بقا خلي بالك من نفسك ومن أسر مع السلامة
وبعدها قعدت الفتره بتاعت سفري في الشغل ورجعت البيت واستغربت لما لقيت في حاجات كتيره متغيره وقولت لهيام يحي
انتي بقيتي بتجيبي برفانات من الغاليه ده غير لبسك برضو اللي بقي ماركات عاليه جدا وكمان جبتي عفش جديد وغيرتي القديم وكل ده اتغير من غير ما انا اعرف دي اول حاجه تاني حاجه منين كل الفلوس دي يا هيام ممكن اعرف مع انك لسه كنتي بتشـ,ـتكي من قله الفلوس انا مبقتش فاهم حاجة