قالها مش عارف، بس انا كل ما اشوفك قلبي بيتوجع، مش عارف ده حب ولا شفقة ولا ايه رجعوا البيت وآسر كان تعبان، دخل ينام، وضحى قعدت مع نادية برا، نادية قالت لها يا بنتي انتي تعبتي اوي، لو عايزة تمشي امشي وانا مش هزعل منك، ضحى قالت لها امشي اروح فين، ده انا من يوم ما وعيت وانا مع آسر، حتى لو هو نسيني انا منسيتوش، نادية حض.نتها وقالت لها ربنا هيعوضك يا بنتي
تاني يوم حصلت حاجة غير متوقعة، آسر كان قاعد لوحده في البلكونة وسما جت تزوره عشان تطمن عليه، كانت جايبة له شوية تحاليل، قعدت معاه شوية، آسر فجأة قالها انا عايز اقولك حاجة، انا معجب بيكي، من اول ما شوفتك في المستشفى وانا حاسس اني اعرفك، سما اتصدمت وقالت له يا آسر انت لسه تعبان ومش فاكر حاجة، آسر قالها لا انا حاسس اني بحبك، سما قالت له انت بتحب ضحى، ضحى اللي بقالها شهرين بتمو.ت كل يوم عشانك، آسر قالها انا مش فاكر ضحى، انا مش فاكر اي حاجة عنها، انتي اللي قدامي دلوقتي، سما قامت وقالت له لا يا
آسر، انت مش بتحبني، انت بتحب احساس الامان اللي حسيته معايا في المستشفى، انا كنت لابسة ابيض وانقذتك فعقلك صورلك اني البطلة، بس البطلة الحقيقية هي ضحى سما نزلت وحكت لضحى كل حاجة، ضحى بدل ما تزعل شكرتها، قالت لها انتي بنت اصول، سما قالت لها على فكرة آسر بيحبك بس بطريقة جديدة، هو مش فاكر عقله بس قلبه لسه فاكر، والدليل انه كل ما بيشم برفانك بيتوتر، كل ما بتعملي القهوة ايده بتترعش، جسمه فاكر اللي عقله نسيه
ضحى قررت تبعد شوية، قالت لنادية انا هغيب اسبوع، لو سأل عليا قوليله سافرت، نادية قالت لها هتسيبيه، قالت لها انا مش هسيبه، انا هسيبه يحس بغيابي، طول ما انا قدامه هو شايفني واحدة بتفرض نفسها عليه، لازم يفتقدني، غابت ضحى اسبوع، اسبوع كان سنة عليها، وآسر اول يومين كان عادي، تالت يوم ابتدى يدور عليها بعينه في البيت، رابع يوم سأل امه هي فين ضحى، نادية قالت له سافرت، قالها سافرت فين، قالت له معرفش، خامس يوم آسر مكلش، سادس يوم دخل اوضتها اللي كانت مليانة صورهم، لقى صندوق فيه كل جواباتهم، قعد يقرا جواب جواب، كل جواب كان فيه
حتة من روحه، في جواب كانت كاتبة له لو في يوم نسيتني انا هفكرك، لو نسيت اسمي هناديلك، لو نسيت صوتي هغنيلك، ولو نسيت حبنا هحبك من اول وجديد لحد ما تفتكر
آسر انهار من العياط، اول مرة يعيط من بعد الحادثة، حض.ن الجوابات وطلع يجري على امه يقولها هي فين ضحى، انا عايز ضحى، نادية كلمتها وقالت لها تعالي بسرعة، ضحى جت تجري، لقت آسر قاعد على الارض في اوضتها وحواليه الجوابات، اول ما شافها قام حض.نها جامد وقالها انتي مين، ضحى اتخضت افتكرته نسي تاني، قالها انتي مين عشان تخليني احبك وانا مش فاكرك، انتي مين عشان قلبي يدق اول ما تدخلي، انتي مين عشان اسبوع غيابك يخليني امو.ت، ضحى حض.نته وقالت له انا ضحى، حبيبتك اللي هتفضل تحبك حتى لو انت نسيت الدنيا كلها.
آسر لسه مرجعتلوش الذاكرة كاملة لحد دلوقتي، بس حاجة غريبة حصلت، بقى يحب ضحى من اول وجديد، حب جديد بطعم قديم، بقى كل يوم يكتشف فيها حاجة كان بيحبها زمان، ضحكتها، عصبيتها، غيرتها، بقى يقولها احكيلي تاني اتقابلنا ازاي، وهي كل مرة تحكي القصة كأنها اول مرة، والدكاترة قالوا ان الحب مش في الذاكرة، الحب في القلب، والقلب عمره ما بينسى، اتجوزوا بعدها بشهرين، آسر كان لابس نفس البدلة، وضحى كانت احلى عروسة، وفي الفرح آسر مسك المايك وقال انا مش فاكر اليوم اللي حبيتها فيه اول مرة، بس انا فاكر اني كل يوم بحبها من اول وجديد، وده احلى من
اني افتكر مرة واحدة، ضحى عيطت وحض.نته، وكل الناس سقفت، وسما كانت قاعدة بتعيط من الفرحة، وخالد وتميم بيزغرطوا، ونادية بتدعي، وعرفوا كلهم ان الذاكرة ممكن تروح، بس الحب الحقيقي عمره ما بيروح، بيفضل مستني صاحبه حتى لو تاه، وفي الاخر بيرجع، حتى لو مرجعش بنفس الشكل، بيرجع بشكل احلى وانضف، حب مولود من جديد من غير حسابات ولا ذكريات وحشة، حب نضيف زي اول مرة
في الايام اللي بعد الفرح آسر كان كل يوم يصحى يقولها صباح الخير يا غريبة، وهي تضحك وتقوله صباح الخير يا ناسي، كانوا عاملين لعبة بينهم، هي كل يوم تحكيله ذكرى جديدة، مرة تحكيله عن اول عيد ميلاد عملتهوله وفاجئته بصحابه كلهم، مرة تحكيله عن يوم ما اتخانقوا عشان نسي عيد ميلادها وهي قفلت السكة في وشه تلت ايام، وهو يسمع كأنه بيسمع حدوتة عن اتنين بيحبوا بعض، بس حدوتة حلوة، كان بيقولها انا حاسس اني عشت ده، حاسس اني كنت هناك، ريحة المكان، صوت ضحكتك، كل ده انا حاسه مش سامعه بس
ضحى كانت مبسوطة بالحب الجديد ده، كانت بتقول لنادية يا طنط انا كنت فاكرة ان الحب هو الذكريات، طلع الحب هو اللي بيعمل الذكريات، آسر الجديد بيحبني بطريقة انضج، بيحبني وانا صاحية وانا تعبانة وانا معيطة، زمان كان بيحبني وانا حلوة بس، دلوقتي بيحب ضحكتي حتى وهي طالعة من مناخيري لما بعيط، نادية كانت تقولها ربنا يحميكم يا بنتي، انتي استحملتي اللي محدش يستحمله
وفي مرة وهما قاعدين في البلكونة آسر سرح وقالها ضحى هو انا كنت بحبك اكتر ولا دلوقتي، ضحى قالت له كنت بتحبني اوي، بس دلوقتي بتحبني وانت بتختارني كل يوم، زمان كنت بتحبني عشان اتعودت عليا، دلوقتي بتحبني وانت مش فاكرني، يعني بتحبني لذاتي مش لذكرياتي، وده احلى بكتير، آسر بص لها وقالها تصدقي انا خايف ذاكرتي ترجع، قالت له ليه، قالها خايف ارجع للآسر القديم وابقى واحد تاني غير اللي بتحبيه دلوقتي، قالت له انت عمرك ما هتبقى واحد تاني، انت آسر اللي حبيته وحبيتني، سواء بذاكرة ولا من غير
بعد سنة ضحى حملت، يوم ما عرفت انها حامل جريت على آسر في الشغل وحض.نته قدام الناس كلها، آسر اتخض وقالها في ايه، قالت له انا حامل، آسر فضل متنح خمس ثواني وبعدين شالها ولف بيها، وقالها بجد هبقى اب، ضحى قالت له ايوه هتبقى احلى اب، آسر حط ايده على بطنها وقال للبيبي اللي لسه مجاش بص يا حبيبي انا بابا آسر، انا واحد نسي كل حاجة في الدنيا الا حب ماما، فاوعى تنسى حبنا ماشي، ضحى عيطت وقالت له شفت، القلب عمره ما بينسى ابدا
ولما البيبي اتولد سموه تميم على اسم صاحبه اللي وقف جنبه، آسر وهو شايل ابنه اول مرة قال لضحى انا دلوقتي فهمت يعني ايه ذاكرة راحت، الذاكرة بتروح بس القلب بيفضل شايل، انا ممكن انسى اسمي بس عمري ما هنسى احساس ايدك في ايدي، ولا ريحة حض.نك، ولا خوفك عليا، ضحى قالت له واحنا هنحكي لتميم قصتنا كل يوم، هنقوله ان بابا نسي ماما مرة، وماما فضلت تحبه لحد ما افتكرها بقلبه مش بعقله، وسما بقت خالة العيلة، بتيجي كل اسبوع تشوف تميم، وخالد ونادية بقوا الجد والجدة اللي بيدلعوه، وآسر كل ما حد يسأله انت فاكر مراتك ازاي، يقولهم انا
مش فاكر ازاي حبيتها اول مرة، بس فاكر كويس اوي اني هفضل احبها لاخر مرة قلبي هيدق فيها
وتميم الصغير لما كبر شوية بقى يسأل هو بابا ليه بيكتب اسم ماما على ايده كل يوم الصبح، ضحى تضحك وتقوله عشان بابا بيخاف ينسى تاني، آسر يبوس ايدها ويقوله لا يا حبيبي انا بكتبه عشان افضل فاكر اني محظوظ، محظوظ اني حبيت ماما مرتين في عمري، مرة وانا فاكر كل حاجة، ومرة وانا ناسي كل حاجة، والمرة التانية كانت احلى بكتير عشان عرفت قيمتها بجد، وعرفت ان الحب مش محتاج ذاكرة، الحب محتاج قلب صاحي وبس، وقلبي عمره ما نام عنك يا ضحى وبيعيشوا لحد النهاردة بيحبوا بعض
اكتر من الاول بكتير اوي جدا فوق الوصف
