رقيه : انت صاحبه مش كدا
ادهم : ايواا هو فين
رقيه : ادخل هتلاقيه ف الصاله
دخل ادهم بسرعه ولما بدر شافه قام بصعوبه من مكانه ولكنه صرخ بوجع لما ادهم حـ,ـضنه
بدر : يخربيتك براحه ي ادهم
ادهم : اسف معلشي مش اخدت بالي، بس اي اللي عمل فيك كدا
بدر : هقولك بعدين المهم ساعدني عشان امشي
ادهم : مااشي بس مين المزه اللي بره دي
بدر : ادهم لم نفسك
ادهم بضحك : مااشي بس ليه
بدر : هو اي اللي ليه
ادهم بغمزه :
اي الصناره غمزت ولا اي
بدر : روحني ي ادهم بدل ما اطلع عنيك
ادهم : خلاص خلاص يلا تعالي
سنده ادهم وخرجوا هما الاتنين بره
بدر بابتسامه : شكراا علي وقفتك جمبي
رقيه : الشكر لله
بصلها بدر بصه طويله وكانه بيحفظ ملامحها ف ذاكراته وبعدين خرجوا ساعده ادهم انه يركب عربيته ولما بدر ركب ركب هو جمبه
ادهم : احكيلي بقاا اي اللي حصل اناا عارف انك عملت حـ,ـادثه لما سمعت صوت العربيه وكمان لما خليت المساعد يدور عليك لاقي العربيه متكسره اي دي حادثه مقصوده صح
بدر :
ايواا مقصوده هو اللي عاملها
ادهم : اناا حذرتك ميت مره وقولتلك بلاش تدخل المناقصه دي شوفت حصلك اي من ورا عنادك دا
بدر : كدا كدا كان هيعمل كدا حتي لو مكنتش كسبتها، ما انت عارف انه بيكرهني قد اي
اتنهد ادهم وبدر قال بتعب : بيني وبينك اناا عايز المهمه دي تخلص بقاا عشان اخد اجازه طويله من شغلي
ادهم : واناا كمان احناا تعبناا اووي ف القضيه دي اوووي
وصلوا هما الاتنين بيت بدر فدخلوا جوا
بدر : اناا هدخل اخد حمام واغير هدومي روح انت على شغلك
ادهم :
لا طبعاا انت بتقول اي ازاي اسيبك وانت ف الحاله دي
بدر : متقلقش علياا ي ادهم اناا هناك بعد ما اخد حمام لاني عايز انام ولو عوزت حاجه هنادي علي الخدم متقلقش
ادهم : متاكد
بدر : متاكد متخفش علياا
ادهم : مااشي خد بالك من نفسك
بدر : ان شاء الله
مشي ادهم وهو بدر فضل يفكر ف حوار لحد ما دخل اخد حمام وغير هدومه نام علي السرير وهو لساا بيفكر فيهاا
بدر ف نفسه :
وبعدين بقااا انتي مش راضيه تروحي من دماغي ليهه انصرفي عايز انام
فضل بدو يفكر لحد ما راح ف النوم
وبعد شويه…… #يتبع