نهاية )* الحلقة الأولى { ١ } ( تدق الساعة ٤ العصر ، جوة ڤيلا ، ست ف الاربعينات بتجري ع السلم تطلع الانتريه )
ماجدة ب حماس : ادهم راجع
سلوي وهي بتسيب الفون من ايدها : ايوة سمعت نجلاء وهي بتقول ل عمي انه جاي هو وبباه
ماجدة وهي بتقعد : والله جه ف وقته
سلوى : اكيد جاي يتجوز طبعاً
ماجدة : واكيد حد م العيلة
سلوى : انا عارفة مين
ماجدة ب فضول : مين ؟؟
سلوى : بنتي طبعاً
ماجدة : والله .. وليه مش بنتي ان شاء الله
سلوى :
عشان ……….
( تقرب واحدة ست )
نجلاء : بنچووور
سلوى وهي بتشدها من ايدها : تعالى تعالى
( تقعدها جنبها )
نجلاء ب خضة : ايه في ايه
سلوى : هو ادهم راجع م السفر صح ؟؟
نجلاء : ايوة امبارح خد اول طيارة وزمانه ف السكة هو ومالك
ماجدة : وجاي يتجوز مش كدة ؟؟
نجلاء ب استغراب : لا مجبليش سيرة جواز معرفش
( يتخضوا ويبصوا لبعض )
سلوى : ليه
ماجدة : هيتجوز من برة ولا ايه ؟!!!
نجلاء :
والله م اعرف لما ييجي هنعرف .. وبعدين انا سيباه براحته
سلوى : لا طبعاً ازاي لازم يتجوز
ماجدة : عمي اكيد هيفاتحوا ف الموضوع دة صح
نجلاء : منه ل جده بقا
سلوى : طاااايب
( تقوم ماجدة وسلوى )
نجلاء : رايحين فين مش هتفطروا ؟!
سلوى : لا سبقناكي
( تمشي ماجدة ووراها سلوى كل واحدة تدخل اوضة )
ماجدة : انتي يا زفتة
عليا : اممممم
*( نوقف لحظة .. عليا بنت جميلة ، بشرتها بيضة ، عيونها عسلي ، شعرها اسود طويل ، قصيرة حبتين ، عندها 22 سنة ، لسة مخلصة دراسة ، عايشة ف بيت زي بيت العيلة الكل عايش فيه ، جدها غني جداً عنده شركة من اكبر شركات الهندسة ف مصر والكل شغال معاه فيها .. نرجع تاني )*
ماجدة : قومي
عليا ب نعاس : اييييه مصحياني ليه دلوقتى
ماجدة : قومي ادهم راجع م السفر
عليا وهي بتبصلها ب استغراب : ادهم مين ؟!
ماجدة : ابن عمك مالك ي مسطولة
عليا ب عدم اهتمام : وانا مالي طيب
ماجدة ب انفعال : ناااااعم !!!
( ف تراك نادي ، بنت بتجري ، يرن الفون بتاعها ، تقف تاخد نفسها )
رحمة وهي بترد : ايوة
*( نوقف لحظة .. رحمة بنت جميلة ورياضية ، عيونها بني ، بشرتها خمرية ، شعرها قصير ، طويلة ورفيعة جسمها متناسق ياضي ، عندها 23 سنة ، مخلصة دراسة .. نرجع تاني )*
سلوى : مبترديش ليه ؟؟
رحمة وهي بتتنفس بسرعة : ف النادى بجري في ايه ؟!
سلوى : ادهم راجع م السفر
رحمة ب استغراب : ادهم ابن عمي مالك ؟؟!!!
سلوى : ايوة هو
رحمة ب اندهاش : بتهزري
سلوى : والله ارجعي البيت يلا حالاً
رحمة ب فرحة : اوك اوك
( عند عليا )
ماجدة : وانتي مالك يعني ايه ؟!!!
عليا وهي بتستغطى : ايوة انا مالي يعني مصحياني عشان تقوليلي كدة
( تنام تاني )
ماجدة وهي بتزق فيها ب عنف :
قوميييي
عليا وهي بتقوم : اااااه ايه بقااا !!!
ماجدة : الولا اكيد جاي يتجوز وانتى وبنت سلوى البنتين الوحدين الي ف البيت واكيد جدك هيختارله واحدة منكم مش هيسيبه يتجوز من برة العيلة
عليا ب ملل : طااايب .. والمطلوب ي چوچو
ماجدة : تشغلي مخك كدة والا بنت سلوى هي الي هتلهفه وتعيش ف عزه دة ع قلبه ملايين من شغل برة يا بنت الموكوسة
عليا : طيب ممكن تسيبيني انام ولما اصحى نكمل خناق ؟
ماجدة ب غيظ : نامي ..
نامي الهي م تقومي ي شيخة نامي
( تمشي الام ع اخرها ، تضحك عليا من شكلها المتعصب وترجع تستغطى وتنام ، يعدى الوقت ، ييجي وقت الغدا والكل قاعد بيتغدى )
الجد ب استغراب : هو مش ادهم قالك هييجي ع الغدا ؟!
نحلاء : اه اتصلت ب مالك من شوية موبايله لسة مقفول شكل طيارتهم اتأخرت !!
حسام : لسة مكلمه قالي جايين ف السكة
هاني ب حماس : مش مصدق انه راجع دة انا هقرفه قرف
الكل : هههههههه
( تقوم عليا )
ماجدة ب انتباه : رايحة فين ؟؟
عليا : قايمة كلت
ماجدة ب صوت واطي : اترزعي هنا متطلعيش فوق
عليا : طيب
( تروح تقعد ف الانتريه )
سلوى : هيستقر هنا بقا ع كدة ؟؟
نجلاء : لا فترة بس وبعدين هيرجع فرنسا تاني
الجد : اهو الحق اجوزه ف الفترة دي يطر ساعتها يقعد وسطينا
( تفرح سلوى وماجدة )
سلوى ب فضول : مين بقا الي انت هتخترهاله ي عمي ☺
الجد : لما ييجي وقتها هتعرفوا
سلوى وهي بتبص ل ماجدة ب قلق : اه
الجد :
وكمان هقنعهم يصفوا شغلهم برة ويقعدوا هنا
نجلاء : ياريت يا عمي والنبي نفسي يستقروا بقا
الجد : هيحصل ان شاء الله
( تقوم رحمة ، تقرب ع عليا تقعد جنبها )
رحمة : ايه رأيك ف الحوار دة ؟
عليا : حلال عليكي
رحمة : هو اصلاً مش هيحتار بينا هيحبني انا طبعاً
عليا ب تريقة : اه .. طبعاً
رحمة ب حماس : متشوقة اوي اشوفه اكيد قمر كدة
عليا : قمر ب الستر .. هتلاقي كرنبة داخلة علينا
رحمة ب صدمة : كرنبة
عليا :
ايوة انتى مش فكراه وهو صغير دة مكانش بيمشي كان بيدحرج
رحمة : مش مهم المهم هيسفرني برة وهعيش معاه ملكة .. انا ممكن اغيره بعد كدة واخليه يعمل دايت وبعدين انا شفتله صورة ع الفيس هو مش كدة خالص
عليا وهي بتمسك فونها : طيب ربنا معاكي
( يسمعوا صوت تزمير عربية والبوابة بتتفتح )
رحمة وهي بتقوم تقف ب حماس : دة جه
( يقوم الكل يقفوا عند الباب عشان يستقبلوه )
رحمة وهي بتبص ل عليا ب استغراب : مش هتنزلي تسلمي عليه ولا ايه ؟
عليا وهي باصة للفون :
لا رجلي منملة
رحمة : احسن بردوا
( تجري رحمة تقف معاهم ، تقوم عليا تطلع اوضتها ، يدخل ادهم ياخدوه ب البوس والاحضان ويرحبوا بيه هو وابوه )
