– أزاي، أنتَ عملت كُل حاجه ابتسم وقال: – هروحك عشان ترتاحي، عشان عايزك في موضوع مُهم بصيت له وقولت: – موضوع أيه!! – مش دلوقتي بقا، أنا هروحك ترتاحي وبالليل هاجي أخدك، هعزمك علي فنجان قهوه يا ستي ابتسمت وقولت: – يا تري زيارة هيثم أمتي!! – بلاش تروحي له دلوقتي هزيت راسي وقولت: – لازم أعرف عمل كده ليه، وازاي قدر يتخلي عني كده، عايزه أعرف كُل حاجه، يمكن النار اللي في قلبي دي تهدي من ناحيته
هز راسه وبدأ يتابع الطريق، لحد ما وصلت عند العُماره، بصيت له وقولت: – تميم بص لي وقولت: – شُكرًا أنك موجود ابتسم وهز راسه وقال: – أنا دايمًا هفضل موجود #أسميته_تميم #هند_إيهاب||أخي أنتَ أم عدوي اللدود_الجُزء الرابع والأخير||
روحت البيت وفضلت قاعده بفكر في الأحداث اللي حصلت، دخلت حاولت أنام بس مقدرتش، البيت كئيب وحزين، حزين علي اللي حصلنا يا هيثم، كُنت أقرب لي من أي حد، بقيت شخص معرفوش، مسكت ألبوم الصور، اللي فيه كُل ذكرياتنا سوا، من وأحنا صُغيرين لحد ما كبرنا، كان دايمًا عندنا هوس أن لازم أي صوره نتصورها نطبعها ونحُطها في الألبوم، دموعي بدأت تنزل علي كُل صوره بينا، قفلت الألبوم وقومت خدت دُش، طلعت عاي مُكالمه منه
– هاجي أخدك بعد عشر دقايق – هكون جاهزه قفلت وبدأت ألبس، لبست ونزلت بعد ما عرفت أنه تحت، ركبت العربيه مع أبتسامه خفيفه علي شفايفي – أرتاحتي شويه!! هزيت راسي برفض وقولت: – معرفتش، البيت كأنه حاسس باللي حصل، البيت كئيب أوي، ومش قادره حتي أقعُد فيه – كُل حاجه هتتحل، أنا واثق في ده بصيت له وقولت: – عرفت الزياره أمتي!! بعد عيونه عني وقال: – أحنا كُنا قولنا أيه، مش قولنا بلاش دلوقتي خالص
– وأنا مش هستني كُل ده، من حقي أعرف ليه سكت وقولت: – لو بتعزني قولي ميعاد الزياره أمتي بص لي في عيوني وبعدين أتنهد وقال: – الصراحه كُنت محدد ميعاد زياره ليّ معاه بُكره، كُنت حابب أعرف الأول، بس طالما مُصره خلاص روحي أنتِ – طب ومقولتليش ليه!! هز راسه وقال: – كُنت خايف أقولك، ولما أروح ميعجبنيش الكلام فتبقي مُصره أنك تعرفي فتزعلي – أيًا كان الكلام أيه، المُهم يبقي الحقيقه، وكمان أكيد في حاجه غلط، أكيد في حد هدده والا مكنش هيعمل معايّ كده، ولا أيه!!
ابتسم بعد موقف العربيه قُدام الكافيه وقال: – أتمني يكون كده نزلنا من العربيه ودخلنا الكافيه، كان هادي أوي، مفيهوش حد، أستغربت وقعدت علي تربيزه الويتر قعدنا فيها ابتسم وقال: – تحبي تشربي أيه!! بصيت حواليّ وقولت: – هو في أيه!! – أيه!! – الكافيه فاضي ابتسم وقال: – أنا حجزت الكافيه كُله، عشان في موضوع عايزك فيه سكت وقال: – تشربي أيه الأول!! – قهوه بالبُندُق بص للويتر وطلب أتنين قهوه بالبُندُق، وبعد ما الويتر مشي فضل ساكت، كان مُتردد، كان عمال يبُص حواليه
– مالك!! بص لي وهز راسه وقولت: – كُنت عايزني في موضوع أيه!! بص علي أيديه وقال: – قبل مقول الموضوع، أيًا كان ردك فيه أنا هتقبله وهحترم قرارك، وخليكي عارفه ومُتأكده أني موجود في أي وقت تحتاجيني فيه اتنهد وكان هيتكلم بس قاطعته وقولت: – من أمتي!! عقد حواجبه وقولت: – من أمتي وأنتَ بتحبني!! اتصدم لما سمع سؤالي وقال: – عرفتي منين!! – مش مُهم عرفت منين، بس اللي يهمني أعرف ليه مقولتش
– أعتقد أن الأجابه دي عند هيثم عيوني وسعت وقولت: – وأيه جاب هيثم في الموضوع!! بعد عيونه وبعدين بص لي وقال: – لأني طلبتك منه قبل كده بحُكم أنه أخوكي، بس سكت وحط أيديه علي وشه وهو مش مستوعب، مسكت أيديه وبعدتها عن وشه وقولت: – بس أيه!! – قال أنك لو أنا أخر واحد في الدُنيا أنتِ مش هتتجوزني، لأنك مش شايفاني زوج ليكي بعدت أيدي عنه وسندت نفسي علي الكُرسي، قرب مني بالكُرسي وقال:
– قولي أنك مقولتيش كده، سكوتك هيخليني أحس أن كلامه صح هزيت راسي برفض وقولت: – أنا معرفش حاجه عن الكلام ده، وعُمري ما جبت سيرتك الا بكُل خير سكت وقولت: – أنا اما عرفت أنك بتحبني، فرحت، فرحت أني أتحبيت من شخص جميل زيك، شخص أقدر أتحامي فيه، لما لقيت خوفك عليّ وأني لما أحتاجتك لقيتك، لاء وكمان عملت المُستحيل عشان تجيب لي حقي وتحميني من أي أذي، حسيت وقتها أن قد أيه ربنا جميل وعوضني بيك
كان فرحان وهو بيسمعني وقال: