– في ضيوف جايين كمان شويه كانت جُملة بابا، بصيت له بستغراب وقولت: – ضيوف مين دول – لما ييجوا، عايزك تبقي تطلعي تسلمي عليهُم هزيت راسي بستغراب، بصيت لماما اللي حسيت أن هي عارفه حاجه، دخلت المطبخ وراها، بس كُل كلامها – ضيوف، شويه وهيمشوا، لما ييجوا هتعرفي دخلت الأوضه وطلعت دريس أبيض وقولت: – لو اللي في بالي مش هيحصل كويس جرس الباب رن وبعد سلامات برا بعديها لقيت ماما بتنادي عليّ، طلعت بعد ما خلصت لبس، عيوني كانت بتلف علي الضيوف بملل
لحد ما عيوني وسعت لما شوفته قاعد، بابا أتكلم وقال: – تعالي يا هند أقعُدي قعدت وأنا قلبي بيدُق بخضه وتوتُر وفرحه وقال: – تميم طلب أيديكي يا هند، قولتي أيه!! بصيت له وكان بيضحك علي خضتي اللي باينه علي وشي، بصيت في الأرض وقولت بأبتسامه بعد ما أستوعبت: – اللي تشوفهُ يا بابا – علي خيرت الله، نقرا الفاتحه قرينا الفاتحه والفرحه علي وشي ووشه، وقال: – أستأذنك يا عمي مُمكن ألبسها الدبله
بابا هز راسه ووقفنا جمب بعض وبدأنا نلبس بعض الدبل، تحت زغاريط ماما ومامته #أسميته_تميم #هند_إيهاب||خبطه في الجول_الجُزء السادس والأخير|| – أستأذنك كده يا عمي مُمكن أخُد هند ونتمشي شويه بابا بص لي وهز راسه وقال: – بس خلي بالك منها ضحك وقال: – دي في عينيا ابتسمت بأحراج ولقيته مد لي أيديه، حطيت أيدي في أيديه وقومت، نزلنا قُدام كُل الناس أيدي في أيديه والدبله باينه لكُل الناس، صُحابه كانوا واقفين ولقيتهُم بيصفروا وبيسقفوا بحُب
ابتسمت لما لقيته بيبوس أيدي وخدني وبعدنا عنهُم، وقولت بفرحه: – ليه مقولتليش!! بص لي وقال: – كُنت حابب أعملهالك مُفاجأه – تعرف!! – أحب أعرف – دي أحلي مُفاجأه تحصل في حياتي – بحبك يا هند حضنت دراعه وسندت راسي عليه وقولت: – دايمًا كُنت بقع وبتعور وبتحرج وخصوصًا لو قُدام حد، كُنت بتضايق، بس دي أول مره أفرح أني وقعت – حابب أسمعك أُغنيه لايقه علي حالتي معاكي
– سمعني فتح التليفون وأشتغلت كوبليه من الأُغنيه ” وعرفتك، ضحكت الدُنيا، ولمستك، دوبت أنا في ثانيه، وحضنتك، حُضن حاجه تانيه، ولا في الخيال ” ضحكت وكملت مع الأُغنيه: – علي بعضنا يلا نتعود، دي الليله مش هتتعوض، ده أنا وأنتَ، قُربنا مزود فوق الخيال بص في الأرض وهو بيضحك وبدأ يكمل معايّ الأُغنيه: – وريني دُنيتك أكتر، وأنا هدي عُمري مستكتر، من عُمري يلا خُد أكتر، عُمرك يطول. #أسميته_تميم
#هند_إيهاب