* يعني اي مراته يابابا هي اختي اتجوزت من ورانا ولا اي اكيد بتهزر وبعدين ازاي اتجوزته من غير متمضي ولا تروح لماذون
= اتجوزو بالتوكيل اللي معايا من ست شهور
غنوة قامت بعصـ،ـبية وراحت وقفت قدام باباها
_ انت ازاي تعمل كدا ؟!! بتجوزني من ورايا يابابا ولمين لواحد معرفوش لابن عمي اللي عمري مشفته ولا هو ولا عمي حتي يعني انت تهرب منهم زمان وتسيبلهم الدنيا كلها ودلوقتي رايح ترميلهم بنتك انت مستوعب اللي انت عملته ..
بابا بصلي وقولي انك بتهزر معايا مش معقول تكون عملت فيا كدا دا انا غنوة بنتك ازاي يابابا ازاي
بصلها ابوها بهدوء عكس اللي جواه
= والله دا اللي حصل واظن ان مصلحتك أنا عارفها كويس وتجهزي نفسك عشان هنروح البلد اخر الاسبوع نتمم جوازتك اظن كفاية كدا
ضحكت غنوة باستهزاء وكملت
_ جوازتي انت بتسمي دي جوازه ؟ ونسافر فين الصعيد اللي حضرتك طول عمرك هـ،ـربان منها ومن اهلها هتوديني لناس جهلة ومتخلفين اعيش وسطهم دا يبقي جنان رسمي والله أنا أسفة أنا الجوازة.دي متشرفنيش وزي مجوزتني تتطلقني ودا اخر كلام عندي و
كانت هتكمل كلامها لحد ملقت قلم بينزل علي وشها ..
مكنتش مستوعبة إن أبوها ضـ،ـربها دا عمره معملها اتجمعت الد.موع في عنيها ونغم قربت منها وحضـ،ـنتها وهي نفسها مش مستوعبة اللي حصل ومامتها قربت ومسكت باباها في محاولة منها انها تهديه لانها كانت متوقعة كل دا لحد مكمل باباها وقال
= أبوكي بقي مجنـ،ـون ياغنوة ها دي أخرة تربيتي انا دلعتك بما فيه الكفاية ومن انهارده كل دا هيتغير تجهزي نفسك يوم الخميس رايحين الصعيد للمتخلفين اللي مش عجبينك وتخلف بتخلف بقي ودا اخر كلام عندي
دخل أوضته بعصبية وسابهم وسط حيرتهم وساعتها غنوة سمحت لنفسها انها تنهـ،ـار قعدت علي الارض وقعدت تعيط وساعتها حضـ،ـنتها نغم وحاولت تهون عليها
* متعيطيش ياغنوة اهدي يحبيبتي كل حاجة هتتحل اكيد فيه سبب ورا كل دا بابا عمره ماهيئذيكي انتي عارفه كدا كويس.