اتكلمت غنوه وسط شهقاتها
_ انا مبقتش عارفه حاجة خالص ولا فاهمة حاجة حاسة اني في كابوس ومش عارفه اصحي منه
خرجت مامتها ليها حضنتها وحاولت تهديها واتكلمت بهدوء الي حد ما
انا عارفه انك متلغبطة وحقك كمان تزعلي وتغضبي بس صدقيني بابا مبيحبش قدكو وبكرا تفهمي ليه عمل كدا وانه خايف عليكي يمكن متستوعبيش كلامي دلوقتي بس هيجي يوم وتفهمي كل حاجة ومهما حصل مينفعش تكلمي ابوكي بالطريقة دي ولا اي ؟
بصتلها غنوه بحيرة وزعل وملاقتش كلام ترد بيه وقامت دخلت اوضتها في هدوء بعيد عن كل دا ،
مر الاسبوع وغنوة حابسة نفسها مبتكلمش حد ومبتخرجش مبتحاولش حتي تقاوم عماله تفكر في ازاي هتخرج من الورطه دي وياتري ابن عمها دا بيفكر ازاي اكيد جاهل زيهم ومش هيفهمها وهيعاملها كانها ولا حاجة حاسه انها داخله علي جحيم ومش عارفة ازاي تهرب منه وحتي مش قادرة تتخيل اي السبب اللي يخلي ابوها يعمل فيها كدا ..لحد مجيه يوم الخميس جهزو شنطهم كلهم وركبو في هدوء في طريقهم للصعيد للمصير المجهول اللي محدش عارف اي هيحصل فيه وصلو كلهم عند بوابه كبيرة
وساعتها غنوة بدأت تركز وتبص للمكان اللي مكنتش متخيلة انه كبير وبالشكل دا هي كانت فاكرة انها هتلاقي دوار زي اللي بيطلعو في التليفزون بس دا مكان شبه القصور والفلل بوابه كبيره بجنينة اكبر وبيت كبير متقسم لتلات ادوار ومش هتنكر انه من جواها عجبها بس يمكن دي صدفة حاجة كدا خارجية بتغطي علي اللي جواها …نزلت في صمت من العربية مسكت في ايد اختها ومشيت بحذر ورا باباها ومامتها دخلو لقو الكل مستنيهم وفيه زغاريط كتير ملت المكان مكنتش عارفه حد من اللي موجود غير يمكن جدها اللي يشبه كتير للصور اللي في بيتهم دخل ابوها باس ايد جدها وحضنه
يامرحب برجوعك البيت يا علي يابني نورتو البيت والله – البيت منور بأهله ياحاج
جت ست كبيرة من جوا بلهفة قعدت تحضن في علي وتبـ،ـوسه بحب وعلي فضل يبـ،ـوس في ايدها ويحضـ،ـنها بحب
_ كدا ياولدي هانت عليك أمك كدا
– حقك عليا ياست الكل وحشتيتي اوي والله
فضلت تحضنه لحد مبصتلنا وخدت بالها مننا وسالته بحب كانها بتتاكد
– بناتك ؟
_ ايوه هما تعالو يابنات سلمو ع جدتكو
قربنا انا ونغم بهدوء لحد مضمتنا ليها بلهفه وحقيقي مشفتش أدفي من الحضـ،ـن دا ارتحت فيه واطمنت حسيت بحب حقيقي منها لينا مقطعش الحب دا غير صوت جدي وهو بيقول
_ جرا اي ياوداد مالوش نفس جدهم اللي اتوحشهم ولا اي يابنات مش شايفني اياك
خرجت من حضن تيته وقربت ليه بهدوء حقيقي كان فيه قوه غريبه وهيبه رغم كبر سنه بس كنت خايفه من عيونه لسه بمد ايدي عشان اسلم عليه لاقيته شدني لحضـ،ـنه بحب وهو بيقول
– مكانك في حضن جدك ياعيون جدك
كنت مخضوضه في
الاول بس بعدين هديت في حضـ،ـنه حقيقي اللي يشوفه من بعيد ميعرفش ان حضـ،ـنه حنين كدا مخرجتش من حضـ،ـنه غير عشان نغم كمان تاخد حقها من الحضن دا.
بعدها لاقيت بابا بيسلم علي شخص قريب منه في السن
وعرفت انه اخوه من كلامهم مع بعض
نورت بيتك يااخوي كأن الزمن مغيركش واصل
البيت منور بناسه ياحسن ياخوي والله وكمل كلامه وهما في حضـ،ـن بعض في حضـ،ـن اخوي جميل حسسني بدفا العيلة دي امال كان سابهم ليه ؟
وحقيقي مكملتش افكاري لحد مظهرت واحده نظرتها مرعبة كانت بتبصلي انا وامي بغل مش طبيعي حتي انها محاولتش تداري دا ابدا
اهلا اهلا والله هليتو علينا اي فكركو يعني
ازيك يامرت اخوي ان شالله تكون صحتك بخير
قالها بابا وهو بيمسك ايد امي وبيقربها منه في هدوء ودا حسسني انها اتضايقت اكتر لحد ماوجهت كلامها لماما
متخافش ياخويا اوي كدا مش هناكلها منك ولا فكرانا هنعضك ياست ليلي
اتكلمت امي بتوتر وهي بتمد ايدها تسلم.عليها
_ابدا ياصفاء والله دا انتو الخير والبركة يارب تكوني بخير
=والله احنا كنا بخير لحد منتو جيتو منعرفش اللي
جاي هيبقي اي عاد
لمحت عمي وهو بيخبطها بخفه بايده وحسيت بالتوتر اللي ملا الاجواء لحد ملاقيت واحده جايه جري من برا وبتجري بلهفة علي بابا
_أخوي اتوحشتك جوي جوي اتوحشتك قد الدنيا كلها
حضنها ابويا بحب ورفعها عن الارض وخباها جواه
=وحشتيني اكتر ياجلب اخوكي من جوا كيفك يارباب كانك احلويتي يابت ولا كبرتي ابدا
_اضحك عليا بكلامك الحلو لاجل معاتبكش بقي مش كده كدا تهملني كل دا هنت عليك
=ولا عمرك تهوني يانور عيني حقك عليا انا جيتلك هنا ومش ههملك تاني واصل
حقيقي كنت بصالهم بحب لحد ماقاطعت مرات عمي اللحظه
الحلوة دي وهي بتقول
كان العيشة في البندر منستكش لهجتنا ياابو البنات واصل
بصلها ابويا وهو بيجز علي سنانه
محدش بينسي اصله يامرت اخوي
واخيرا بصتلنا عمتو بحب وقربت علينا وبابا عرفها علينا وحضنتنا بحب وبصت لبابا سالته
مين فيهم مرات زين
ساعتها بصتلهم.كلهم بتوتر وكان سؤالها رجعني للواقع تاني حقيقي الحب والدفا الاسري دا نساني كل حاجة وسؤالها رجعني للواقع تاني
بابا شاور عليا وهي بصتلي تاني بحب وشفت كره رهيب في عين مرات عمي بعد الكلمه دي وبصتلي وهي بتقول
بقي هي دي بجي اللي اختارتوها تكون مرت ولدي العمدة ؟
والله عيشنا وشفنا
كلمتها فصلتني عن الدنيا عمدة ازاي يعني انا مرات عمدة ؟ للدرجة دي يابابا راميني ومجوزني لعمده ودا مجوزني اعالجه واداويه ولا يربيني ع ايديه افكار كانت بتدور في دماغي لحد مسمعت صوت جدي وهو بيقول
دا مفيش غيرها يليج للعمدة دي ست البنات والعرايس كلهم واهو العمدة بنفسه وصل يقولنا رايه
بصيت مكان مكلهم كانو بيبصو وحقيقي دي اخر حاجة كنت اتوقعها دلوقتي ؟!!!!