_والله بس بما إن دمي تقيل مش هجبهالك _لا اخلص يا علي بالله عليك انت دمك خفيف بس هاتها _لا _يا علي بالله عندي كويز بكره _عارف _خلاص هاتها _مع انك متستهليش انزلي خديها انا تحت “نطيت من على السرير ونزلت بسرعه لقيته واقف _خدي يلا اطلعي ذاكري بقى _شكرا يا علي حقيقي انت اجمل اخ في الدنيا _اخ ! _اه ابتسم بهدوء _طيب يلا اطلعي بقى عشان ميعاد المدينه الباب هيقفل
_ماشي _خلي بالك من نفسك يا رؤى ابتسمت _حاضر يا علي _اه صح هتخلصي محاضره بكره بسرعه وتكوني مجهزه حاجتك عشان هنرجع البلد _إن شاء الله دخلت وهو مشي وبعدها افتكرت اني نسيت اجيب حاجات نقصاني من السوبر ماركت روحت عند السوبر ماركت جبت الحاجات اللي نقصاني وانا راجعه بسرعه قبل المدينه ما تبقى فجأه لقيت حد بيشدني لسه هصرخ لقيت حد حط أيده على بوقي وهو بيضحك بشر _اخيرا وقعتي في أيدي
#ابواب_العشق الفصل الاول2 “حاولت اصرخ بس كان حاطط ايه على بوقي وشدني من شعري بعيد وانا بعيط ومش عارفه ده مين وبعدها حسيت بيه بيبعد وحد بيضربه جامد بصيت ومصدقتش نفسي لقيت الشخص اللي كان واقف في الشباك بيضربه ،بعدها جري والشخص ده حاول يوقفه معرفش بصلي وقرب مني _انتي كويسه يا انسه اتكلمت بخوف وانا خايفه _اه اه انا كويسه _طيب ايه بس نزلك في وقت زي كده انتي عارفه أن المكان ده مش كويس انتي تعرفي الشخص ده اصلا
هزيت راسي بنفي فاتكلم بهدوء _المهم حمدالله على سلامتك اطلعي مكانك بقى “لسه هتحرك لقيت علي قرب مننا ولسه هيتكلم بصلي بخضه _رؤى مالك في ايه عيطت ومعرفتش اتكلم خالص مسك ايدي وطبطب عليا _اهدي وفهميني فيه ايه ومين ده _انا ماجد في السكن ده وكنت طالع ولقيت واحد ماسك الانسه ضربته بس للاسف جري مني بصلي بذهول _امتى الكلام ده مش كنتي دخلتي قدامي عيطت _والله ما اعرف ازاي بس افتكرت اجيب حاجات من السوبر ماركت روحت وانا جايه
“معرفتش اكمل كلامي فعلي اتكلم _خلاص حصل خير متزعليش ،شكرا يا استاذ ماجد على وقفتك معانا _لا شكر على واجب _يلا اطلعي يا رؤى قدامي ولو احتاجتي حاجه كلميني بسرعه يلا اطلعي “هزيت راسي وطلعت بخوف ماجد مشي وهو فضل واقف مكانه ،طلعت اوضتي ودخلت لقيت ساره في وشي جريت عليا _ايه ده مالك حصلك ايه “عياطي زاد وشهقاتي عليت فخدتني في حضنها وطبطبت عليا ،بعد شويه لقيت علي بيتصل بيا قعدت ورديت عليه
_اي يا علي _انتي كويسه يا رؤى _اه كويسه يا علي اطمن _بعد كده متتصرفيش من دماغك اخر مره اقولك لو عايزه حاجه كلميني مش تمشي بدماغك _علي انت بتزعق ليه انا في ايه ولا ايه _خلاص متزعليش اشربي حاجه قبل ما تنمي ونامي بدري عشان المحاضرات “قفلت معاه وبعدها ساره بصتلي _خدي اشربي الليمون ده واهدي “هزيت راسي فكلمتني بهدوء _اي الحصل معاكي وبتتخانقي مع علي ليه “حكتلها اللي حصل وهي كانت بتسمعني بدهشه وعيونها بتوسع
_انتي غلطانه يا رؤى على الاقل كنتي اتصلتي بيا أو ب علي _مكنتش اعرف ان كل ده هيحصل يا ساره صدقيني _خلاص حصل خير المهم تكوني كويسه اتغطي بقى ونامي عشان تقومي فايقه “غطتني ونامت مكانها وانا كنت مرعوبه وخايفه اوي بعد شويه نمت ،صحيت تاني يوم على موبايلي فتحت وانا نايمه _ها يا رؤى بقيتي كويسه اتكلمت بنوم _اهه يا علي بقيت كويسه الحمدلله _خلاص يا البسي عشان هوصلك مش هسيبك تروحي لوحدك
_لا يا علي هروح لوحدي انا مش خايفه نفسي على فكره _بس انا خايف عليكي على فكره يلا البسي وانزلي “ابتسمت ونسيت اللي حصل منه امبارح لبست وكنت هنزل بس ساره وقفتني _رايحه فين كده مش كنتي تعبانه _لا يا ساره بقيت كويسه يلا البسي وهستناكي تحت _يا بنتي شكلك تعبانه _لا الحمدلله مش عايزه اضيع المحاضره دي _انتي حره _طيب مش هتنزلي ولا ايه _لا هنزل طبعا استني هلبس واجي
_لا انا هنزل وانتي انزلي ورايا عشان علي لوحده تحت “نزلت ووقفت قصاده فبصلي جامد _انتي منمتيش ولا ايه _لا نمت كويس الحمدلله _مش باين عليكي انتي منمتيش _با علي انا كويسه متقلقش عليا انا نمت الحمدلله _طيب كويس يلا نمشي _لا استنى ساره جايه _وهي تيجي معانا ليه _عشان متمشيش لوحدها يا علي عندك اعتراض رفع أيده باستسلام_هو انا اقدر “بصتله وضحكت ووقفنا عشان ننتظر ساره . *”في بيت سما *
“كانت واقفه في المطبخ وهتموت وتنام ما صدقت ابنها نام ووقفت عملت الشقه وبتجهز الاكل قبل ما جوزها يرجع من الشغل ،بعد شويه سمعت صوت الباب عرفت أنه رجع _سما انتي فين _انا في المطبخ يا خالد اتكلم وهو داخل _انا راجع من الشغل تعبان جدا “بص في المطبخ لقاها واقفه وبص في الاكل واتكلم بزهق _ايه ده انتي لسه مخلصتيش الاكل _معلش يا خالد احمد منيمنيش طول الليل ومصدقت نام وقومت بجهز اهو
اتكلم بضيق _طيب بسرعه عشان جعان “دخل الأوضه عشان يبدل هدومه وبعد شويه خرج _سما فين القميص الاسود بتاعي _في الضرفه التانيه يا خالد على ايدك اليمين “دخل وبعد شويه طلع ونادى عليها _سما سما انا مش لاقيه تعالي انتي هاتيه “طلعت من المطبخ بتعب وفتحت الدولاب وعطتهوله _عايز حاجه تانيه _اه _ايه هي _اضحكي شويه الضحك مش بفلوس
“ابتسمت غصب عنها وطلعت كملت الاكل وحطيته على السفره وهو طلع قعدوا علشان ياكلوا بس ابنها بدأ يعيط دخلت جابته ورضعته ومش ساكت ابدا ،قامت وقفت بيه وهو خلص اكل وقام وبعدها دخلت ابنها على السرير وشالت الاكل ونضفت المطبخ والمواعين وطلعت عنده بالشاي حطيته قدامه فابتسم وجت تمشي شدها من أيدها ومسكها من وسطها _وحشتيني “بصتله بارهاق وابتسمت ولسه هترد عليه الولد صحي وعياطه سمع البيت كله راحت تشيله سمعت صوت رساله راحت تجيب الموبيل لقيت جوزها ماسكه بصلها بغضب
_فلوس ايه يا هانم اللي عطيتيها ل مرات اخويا! “برقت ومكنش عارفه اعمل ايه وتتصرف ازاي طيب هتقوله ايه وتوضحله ازاي حسن نيتها ؟ “في بيت ام يمنى مرات شاكر اخو خالد “منيره” ” منيره حطت الاكل على السفره ولما بناتها حواليها يمنى وملك وهند وقاعده بتأكلهم شاكر دخل عليها وبصلها بذهول _ايه ده يا وليه ايه كل الاكل ده _تعالى يا اخويا ده فضلت خيرك تعالى كل _جبتي منين كل الحاجات دي يا وليه
_هجبهم منين يعني اخدتهم من امي وهبقى اردهالها _متأكده انه من امك _يعني هكدب عليك يعني ؟ #ايمان_صالح “بصلها وسكت وقعد ياكل وهي مسكت الموبيل وبعتت رساله وبعدها بشويه ضحكت بشماته لما سمعت صوت تكسير في الشقه اللي جنبهم شقه خالد وسما . رؤى”بعد ما خلصت المحاضره طلعت لقيت علي واقف قربت منه _انت واقف كده ليه _مستنيكي يلا نمشي _انت واقف من بدري ؟ _لا لا من شويه المهم انتي كويسه فيكي حاجه
_لا انا كويسه خالص بس اهم حاجه متقولش قدام حد على اللي حصل عشان ميقلقوش عليا ماشي _تمام بس يلا نرجع المدينه ناخد حاجتنا وننزل البلد عشان البلد وحشتني اوي “رجعنا المدينه وخدت حاجتي ونزلت وقفت شويه عشان استنى علي لقيت ماجد قرب مني بابتسامه _حمدالله على سلامتك حاولت ابتسم _الله يسلمك _انتي كويسه دلوقتي فيه حاجه متضايقاكي او مزعلاكي _لا وشكراً على وقفتك امبارح اتكلم بلهفه وسرعه_لا متشكرنيش اهم حاجه تكوني كويسه انا لو شوفته هخ*لص عليه المهم تكوني في امان
هزيت راسي ولسه هرد عشان يمشي لقيت علي جه وقف _انتوا واقفين كده ليه _احم كنت بطمن على الاستاذه بس _هي كويسه وشكراً مره تانيه ومتوقفهاش كده تاني ..يلا #ايمان_صالح “شاورلي وانا مشيت وعلي مشي جنبي _بعد كده اي حد يكلمك متقفيش كده ماشي _انا كنت _سمعتي قولت ايه ؟ _بارد بصلي _سمعتك على فكره “ابتسمت ابتسامه مصتنعه ومشيت ،وصلنا البلد ودخلت بيتنا _يا أهل الدار انا جيت “ماما قامت وحضنتني وباباه كمان وقعدت في وسطهم
_اتأخرتي الفتره الفاتت ليه يا رؤى _معلش يا بابا عشان كان عندي امتحانات بس _المهم خلصتيها _اهه هعقد يومين وارجع للمحاضرات تاني _ماشي حمدالله على السلامه _الله يسلمك يا بابا “سابنا وخرج وماما بصتلي بهدوء وقربت مني _مالك يا بت وشك اصفر كده ليه _مفيش يا ماما _مفيش ازاي شكلك خايفه كده ليه ووشك اصفر _يا ماما بيتهيألك عشان الامتحانات والمذاكرة وبعيد عن أكلك القمر _اممم طيب قومي معايا نعمل اكلي القمر
_طيب استني هروح عند بيت عمي أسلم عليهم وانتي تجهزي _لا يا اختي رجلي على رجلك هتدخلي قبلي عشان تتعلمي الاكل _يا ماما وهتعلم ليه مش انا بدرس _ولما تتجوزي هتأكلي جوزك ايه صرف ونحو ولا حساب مثلثات _على فكره مش بناخد الحاجات دي في الجامعه _طيب يلا يا اختي قدامي على المطبخ _يا ماما هرتاح طيب انا جايه من سفر _بلاش دلع بنات يلا قومي اعملي معايا الاكل _طيب هبدل هدومي
_بسرعه قدامك دقيقتين بس _اووف شكراً يا امومه “دخلت بدلت هدومي ووقفت معاها في المطبخ وطبعا عشان بعرف اطبخ مغلبتهاش خالص _يا بنتي قوري كويس ده خامس واحد يتقطع منك _يا ماما ما هو كويس اهو _فين دي شايفه ده مخرم من كل ناحيه _يادي النيله ماما انا متخلقتش للمطبخ _ليه يا اختي راجل _لا بنت بس مش لازم ادخل المطبخ _طيب قوري عدل يا موكوسه “بعد ما خلصت خناق وهزار معاها ،دخلت بدلت هدومي وخدت طبق حلويات في أيدي ودخلت عند بيت عمي خبط على الباب فتحلي نادر اخو علي
_ازيك يا نادر _بنبونايه العيله وصلت ضحكت_بنبونايه مره واحده يا اخي دخلني _طبعا يا بنتي المهم عامله ايه _الحمدلله امال فين مرات عمي _جوه اهي ادخليلها “سمعتها بتنادي عليا كنت هدخل نادر خد الحلويات مني وكل منها _انت طفس ضحك_طول عمري يا بنتي يلا ادخلي ل امي جوه “دخلت وسلمت عليها وعلى عمي وقعدت معاها بعدها علي دخل _انتي تاني انا مصدقت خلصت منك هناك تيجي هنا _لا متخفش انا قاعده على قلبك
_يا رب يا تاخدها يا تاخدني عشان زهقت منها ضحكت _ياخدك انت مش انا _بعد الشر ليه بتقولوا كده يا ولاد _انتي مش شايفه يا مرات عمي ابنك “كانت لسه هتتكلم نادر دخل _الحق يا علي الجو بتاعك بره وبيسأل عليك اتكلم بسعاده _بجد _والله بس ايه زي القمر بصتلهم بصدمه _جو وزي القمر هي مين دي ؟ يتبع…. #ابواب_العشق #ايمان_صالح3 بصتلهم بصدمه _جو ومزه هي مين دي “لسه هيتكلم سمعت صوت فاتن اختهم بتجري عليا
_الحقي يا ابله رؤى بصتلها بخضه_في ايه يا فاتن اتكلمت بطفوله وبراءه _ابله سما طلعت فوق وبتعيط جامد خالص يا ابله بصتلها وبرقت _انتي متأكده هزت راسها _اه متأكده “طلعت على الشقه بسرعه ودخلت لقيت ماما حطها ابنها في حضنها وهي بتعيط دخلت بسرعه بخضه _مالك بتعيطي ليه فيه حاجه _مفيش حاجه _مفيش ازاي امال شكلك عامل كده ليه فيه ايه _قولتلك مفيش انا هدخل انام تعبانه شويه “بصتلها وانا مش فاهمه في ايه وهي دخلت الاوضه قفلت على نفسها فبصيت ل ماما
_هي مالها _مش عارفه تقريبا اتخنقت مع خالد ولا ايه مرضيتش تتكلم بصتلها وبحاول استوعب في اي _طيب ما سألتيهاش ليه _يعني يا اختي مستنياكي تقولي ما سألتها زيك كده وهي قالت إنها تعبانه “سكت شويه وانا بفكر يا ترى حصلها ايه عدى ربع ساعة وسمعت صوت ابنها بيعيط وبعدها فتحت الباب وجت قعدت جنبي بصتلها وضحكت عشان اغير الموضوع _هو الواد ده لسه بيعيط برضوا على طول اتكلمت بغيظ _يعني هو بيسكت ده ليل ونهار ربنا ما يقطعله عاده
ضحكت _كلها شويه ويبطل عياط ونومه يتظبط _يارب انا بتمنى “لسه كنت هرد عليها لقيت ماما واقفه على راسنا _يلا يا اختي انتي وهي معايا نحط السفره ابوكوا طالع سما_انا برضع ابني يا ماما _خلاص قومي انتي يا رؤى _يا سلام يا اختي ما هاتي البزازه دي ورضعه انا وانتي قومي ضربتني في كتفي وضحكت _وانتي مالك ابني ولا ابنك اتكلمت بغيظ _كده يبقى شوفي مين يشلهولك لما تيجي تنامي
“ضحكت وانا دخلت مع ماما وبدبدب برجلي في الأرض _بكره اتجوز ومش هتشوفوا وشي هنا _اتنيلي مش لما تلاقي المنحوس اللي هيتجوزك _انا ده انا هتجوز زينه الشباب _بكره نشوف يا اختي #ايمان_صالح “خلصنا وبابا دخل وقعدنا ناكل وسما متكلمتش خالص ولا نعرف حصلها ايه ؟ “بعد ساعتين نزلت السوبر ماركت اشتري حاجات وكنت ماشيه بنوته صغيره مسكت فيا _ابله رؤى عامله ايه. ابتسمت ونزلت لمستواها _الحمدلله يا حبيبتي انتي عامله ايه و ماما
_كويسه انتي وحشتيني اوي كنتي فين _وانتي كمان يا روحي انتي عارفه بكون في الجامعه _طيب انا عايزه اروح معاكي بقى _اول ما تكبري وتكوني شاطره هتروحي الجامعه على طول ماشي