_كنتي هتقولي ايه يا مقصوفة الرقبه _ايه يا ماما مش قولتي الولاد وحشين _لا وانتي الحلوه ده انتي غبيه غوري على اوضتك #ايمان_صالح “رؤى وأهلها قاعدين وبعدها طلع الدكتور وكلمهم _والدك نايم دلوقتي بس حد ينزل تحت في الحسابات “رؤى بصت ل امها واختها ونزلت وعمها بعد خناقته مع مرات أخوه مشي ،نزلت تحت ووقفت _الحساب …. ولازم يدفع النهارده فكرت شوية المبلغ كبير وللاسف هي مش معاها _المبلغ كبير بس ممكن تستنوا لحد ما بابا يفوق
_احنا اسفين يا فندم بس هو النظام كده كل يوم ليه حساب معين ودي مستشفى خاصه مش حكومه كنتوا روحتوا حكومه من الاول رؤى بتتكلم بحده _انت بتكلمني كده ليه اصلا فلوسكم هتجيلكم ثواني “طلعت فوق عند امها ووقفت قصادها وقالتلها على الحساب أمها شهقت _يالهووي المبلغ كبير اوي واحنا اخر فلوس بتاعت الأرض انتي خدتيها يا رؤى اتصدمت_يعني ايه امال كنتوا بتصرفوا منين يا ماما _كنا بنمشي نفسنا يا بنتي امال نسيبك تتعلمي ازاي ما هو كده
“بصتلها بدموع بتحاول تنزل ازاي معرفتش اللي بيمرو بيه أهلها ازاي مكنتش بتحس بيهم دي طلعت متعرفش حاجه خالص عنهم . سما بصتلها واتكلمت _انا هتصل ب خالد وهو يتصرف _بس يا سما قطعتها سما _فيها ايه يا ماما يعني لو مش هو يقف معانا مين هيقف
“وقفت وكلمت خالد وبعدها قفلت معاه بضيق قعدت جنب امها وامها طبطبت عليها ،حست رؤى أن خالد قالها حاجه زعلتها قعدت شويه تفكر وبعدها قالت تتصرف ،قامت بعدها بنص ساعه عشان تروح عند عمها مفيش حاجه تاني قدامها نزلت تحت اخيرا لقيت خالد واقف على الحسابات ،اتقدمت منه وسمعت وهو اللي واقف على الحسابات بيقول _اسفين يا فندم بس فيه حد دفع حساب المستشفي ومقدم _مين دفع ده _مقالش الاسم يا فندم
“قرب من رؤى اللي كانت واقفه مصدومه ممكن يكون عمها ولا علي أنبه ضميره فرجع تاني ،كانت واقفه وخالد بصلها واستأذن وطلع عند سما وأمها وهي واقفه بتكلم نفسها بصوت عالي _يا ترى مين دفع حساب المستشفي ومقدم كمان ! “سمعت صوت اللي واقف على الحسابات _على فكره هو ده الاستاذ اللي دفع حساب المستشفي “بصتله بصدمه وشهقت _ماجد انت ايه جابك هنا منك لله “بصلها بدهشة وقرب منها _هو فيه كده انتي بتقوليلي مني لله
_ايه جابك هنا رفع حاجبه _كنت براقبك فيه حاجه شوحت بإيدها _وانت تراقبني ليه ها ماشي ورايا ليه عايز مني ايه _ باس باس يخربيت لسانك اتعصبت_عايز مني ايه يا ماجد مش كفايه بسببك بابا في المستشفى هنا دلوقتي شاور على نفسه_هو انا السبب ولا ابن عمك ده _انت وهو وخصوصاً انت انت ملاحقني في كل مكان ليه عايز ايه ؟ قرب منها بحده _بحبك افهمي بقى برقت بصدمه _ايه
_زي ما سمعتي ماشي وراكي في كل مكان عشان بحبك و خايف عليكي بصتله شويه واتكلمت بحده_وانت متمشيش ورايا ومش عايزه الحب ده يلا امشي بدل ما انزلك حد يعلمك ازاي تمشي ورايا وبعدها تزعل “بصلها بغضب وخرج وهي طلعت فوق ،سما كانت واقفه مع خالد وبعدها نزل وقفت جنب اختها لقيتها بتعيط _مالك فيكي ايه اترمت في حضنها وعيطت وسما طبطبت عليها _فيه ايه بس فهميني _خالد اتخانق معاها ومشي
_يعني زعقلها هنا _لا خدها على جنب اتكلموا وهي عيطت ومعرفش قالها ايه _خلاص يا سما عشان ابنك “لسه بيتكلموا خرج الدكتور وبصلهم _الحاله خطر ومحتاجين نقل دم حالا و …. يتبع……. #ابواب_العشق #ايمان_صالح#الفصل_الثامن _ازاي يعني يا دكتور مفيش دم متوفر هنا “قالت رؤى بصدمه وهي مش مستوعبه كلام الدكتور اصلا ،بصلها الطبيب بأسف _لا للاسف دي فصيله نادره جدا ومحتاجين حد يتبرع بيها لانها مش موجوده في المستشفى “بصت رؤى بذهول وبعدها الدكتور مشي وهي بصتلهم انا هتصرف هنزل حالا ،لسه هتمشى لقيت سما مسكت أيدها
_انا هنزل معاكي _بس عشان ابنك لوحده _لا ما هو هيكون مع ماما يلا ننزل نشوف اقرب مستشفى ونسأل هناك لان للاسف احنا مش الفصيله دي “نزلوا مع بعض بسرعه وأمهم قاعده على جنب بتدعيلهم ،راحوا عند مستشفى ونزلوا عندها ودخلوا يسألوا حتى لو متبرع . “علي كان في الشركه بيخلص ورق دخلت عليه رنا _علي بصلها وقام بعصبيه _انتي ايه الجابك تاني مش قولتلك مش عايز اشوفك قربت منه بدموع _بس انا بحبك ومش عايزه اسيبك يا علي
_وانا مش عايزك ايه معندكيش دم _طيب و بابا و ماما انت كنت عامل اتفاق معاهم هترجع فيه _مش خلاص اتجوزتك ! _يعني ايه مش فاهمه _يعني خلاص زي ما اتجوزنا هطلقك عادي منهم برضه _بس انت وعدتني انك هتقول ل اهلك ؟ _وانا مش هقولهم يلا اطلعي بره المكتب عندي شغل “بصتله وطلعت وهو خلص الورق وبعد نص ساعه سابه وطلع بره قابل عم بدر في وشه وقفه _خد يا عم بدر الورق ده انا خلصته وسلمه للمدير
_ماشي يا استاذ علي بس كنت عايز اقولك حاجه اتكلم بنفاذ صبر_قول يا عم علي بس بسرعه _فيه واحد جه هنا الشركه وسأل عليك بصله بتركيز _واحد يا ترى مين الواحد ده متعرفش عايز ايه هز راسه بنفي _لا يا استاذ علي هو سأل عليك ولما قولتله انه بيشتغل هنا وعايزه في ايه سابني ومشي _طيب هو شكله عامل ازاي يا عم بدر سكت شويه واتكلم بتوتر_مش فاكر والله يا بني انت عارف حكم السن بقى
جمع قبضته بعصبيه_اهه طيب ماشي يا عم بدر روح شوف شغلك “مشي وهو بيفكر يا ترى مين ده وبيسأل عليه ليه. “رؤى و سما بعد ما دوروا كتير ومفيش فايده فصيلة الدم مش موجوده رؤى جالها اتصال ردت بسرعه _ايه يا ماما _ارجعوا يا رؤى فيه متبرع هنا وعايز يتبرع _بجد يا ماما طيب احنا راجعين “رجعوا بسرعه المستشفى وطلعوا عند امهم والدكتور كان واقف _احنا كده حطينا الدم وهو إن شاءالله يفوق ويكون كويس
_ماشي يا دكتور شكرا بس انتوا جبتوا المتبرع ده منين _لا مش احنا اللي جبناه بصتله بدهشه _امال مين اللي جابه _هو جه وعملنا فحوصات واتبرع _طيب هو فين الشخص ده _هناك اهو “الدكتور دخل وهي طلعت لقيته عطيها ضهره قربت منه وهي قلبها بيدق متعرفش ليه السبب أو فيه ايه _شكرا يا استاذ على ال “ملحقتش تكمل كلامها لما لقيته لف وبصتله بغضب _انت بتعمل ايه هنا تاني مش قولتلك مترجعش انت ايه
_براحه بس يا رؤى انا اول ما لقيت أن عمي محتاج دم قولت اتبرع _عمك ايه هو احنا نعرفك اصلا يلا امشي مش عايزين منك حاجه “بصلها بحزن ولسه هيرد امها اتكلمت _رؤى فيه ايه ده بدل ما تقوليله شكرا _شكرا ايه يا ماما الأستاذ ده هو السبب في كل حاجه _خلاص يا رؤى قولت شكراً يا ابني على كل اللي عملته معانا مش عارفين من غيرك كنا عملنا ايه
“بصلها ماجد وابتسم وقرب منها _لا شكر على واجب يا أمي بعد اذنك “بص ل رؤى شويه وبعدها خرج ورؤى بصتلها بذهول _انتي بتشكريه يا ماما ده هو السبب في الحصل يا ماما _اقعدي بقى يا رؤى عايزين نعرف ابوكي هيعمل ايه بصتلهم سما بعدم فهم _هو مين ده يا ماما وفيه ايه وازاي سما قالت هو السبب ازاي _نطمن على ابوكي واحكيلك كل حاجه “بصتلها ومش فاهمه حاجه ومن جواها بتدعي أن ربنا يصلح حالهم .
“ساره في النايت كلب وبترقص وبتشرب مع اصحابها ،قربت ومسكت دراع واحد من أصحابها وبترقص معاه وهو ماسك أيدها بفرحها _اخيرا وفقتي ترقصي معايا عقبال ما توفقي تتجوزيني