آسر بصرامة نعم
هديل وهي بتبص ف عيونه بقوه أخيرا قولتها يا آسر
هديل بضعف ونعومه تعبتني اوى وجرحتني بس حاجه جوايا بتقول انك بتحبني
آسر و الضغط زاد عليه. ومش عارف يعمل ايه
هديل بهدوء قربت منه ف ادالها ضهره وتجاهلها
هديل مدت أيدها الاتنين برقة و لفتهم حوالين جسمه وسندت برأسها وجسمها ع ضهره وجسمه.
ف انتفض جسم آسر
هديل بحنان :متسبنيش مش عاوزه اخسرك
آسر بعد أيدها عنه وتجاهلها.
وراح قعد ع السرير وحط وشه بين ايديه
هديل قربت منه بهدوء وشالت أيده الاتنين بأيدها الصغيرة
ف رفع آسر رأسه وبص في عيونها
وقفت هديل قدامه وايدها ع خدوده بتلمس كل حته ف وشه وعينها متركزه ع عيونه.
آسر بيأس هديل ارجوكي نزلت هديل قعدت ع ركبتها ع الأرض وبصاله بعيون كلها دموع وحب
هديل بوجع انا مش عايزاك تبقى لغيري يا آسر وشهقت بضعف
آسر حط أيدها ع شعرها ف استسلمت ليه و مالت برأسها ولفت أيدها واستكانت ع رجل آسر.
آسر بتماسك هديل قومي
هديل وهي بتشدد أيدها حوالين وسط آسر و بتدفن رأسها اكتر ع رجليها وبتشهق بضعف
آسر مسكها من اكتافها ورفعها بجسمها كله ع رجليه و حط أيده ع رأسها ف لفت أيدها حوالين رقبته وقربت وشها من وشه
مسكت وشه بأيدها وقالت بدموع وضعف انا مش عايزه حد غيري يلمسك يا آسر
انا عايزاك تبقى ليا انا. وشهقاتها متتابعه
عيونهم مش راضيه تتشال عن بعض ولمساتهم رافضة تبعد كأن كل واحد فيهم بيبصم ع حبيبه ب اسمه
آسر مسح دموعها ورجع شعرها لوراء
آسر بهدوء انتي هتبقى حاجه جميله اوى حصلتلي ف حياتي ولما تتجوزي دايما هبقي أطمن ع أحوالك.
هديل بضعف لا يا آسر مش تبيع حبي ليك أرجوك ولسه هتقرب منه وتبوسه من شفايفه هو سبقها و ضم شفايفها بين شفايفه واخدتهم الآهات.
كل صرخه وكل آه بتتمسك وبتحارب. و أيديهم بتتشبت ب التاني.
حست هديل باليأس من آسر ف بعدت عنه بوجع وعيونها مش راضيه تتجاهل عنيه وايدها مش راضيه تخرج من بين ايديه
هديل قامت من ع رجله ووشها دموع
هديل بهدوء ووش أحمر وشفايف حمرا و خدود حمرا شكرا
آسر بوجع وتماسك ع أيه
هديل بعيون هربانه ونفس مضطرب ع اللحظه الجميلة دي وشهقت بدموع وجريت من قدامه وطلعت برا اوضته. آسر اتوجع اوى ودفن وشه بين ايديه وبدأ مشوار عذابه ف القرار اللي خده دا وف بعده عن هديل هديل جريت ع اوضتها ورمت نفسها ع سريرها وقعدت تعيط وتصرخ ع قد ما قدرت.
بعد ساعات من توتر آسر و اضطرابه وتماسكه في ثباته ف اوضته برغم صوت عياط هديل. العالي تماسك. وفضل مكانه بكل ألم هدأت هديل بعدها بفترة قصيرة.
ومحدش فيهم خرج من اوضته.
بعد فتره طويلة. حنين جت وصلت الشقة بعد ما جات من عند صاحبتها
حنين آسر فينك هديل انتي فين
حنين فضلت تنادي عليهم
هديل اول ما سمعت صوتها قامت بإندفاع وقفلت باب اوضتها ع نفسها ودخلت تاني ف موجه الوجع والاهات
آسر اول ما سمع صوت حنين قام بتكاسل.
وطلع من اوضته
حنين بفرحه وحشتني يا آسر وراحت عليه حضنته ف آسر لف أيده الشمال حوالين ضهرها
حنين بصت لأسر اومال فين هديل
آسر بهدوء نايمه ف اوضتها.
حنين طيب انا جبت معايا أكل هروح اجهزهه روح صحيها.
آسر لسه هيعترض لقي حنين حطت أيدها ع شفايفه وقالتله يلا بقا بسرعه علشان عملالكم مفاجاه
أسر باستسلام اوك
حنين دخلت المطبخ تجهز الأكل اللي اشترته من برا
آسر مشى بتكاسل ع اوضه هديل وقف قدام الاوضه
آسر افتحي يا هديل
هديل نايمة ع السرير من وسط شهقاتها ودموعها جسمها انتفض لما سمعت صوته وبكل غباء واندفاع جريت ع الباب فتحته
محستش بنفسها وبتصرفها الغبي دا إلا لما اتصدمت عنيها بعيون آسر قدامها
ثواني دقايق مروا وهما باصين لبعض.
آسر بإندفاع يلا علشان الأكل جهز
هديل ديرت وشها وجسمها الناحيه التانيه وقالت بهدوء وضعف مليش نفس مش جعانه
آسر اسمها حاضر يا ابيه لازم تاكلي علشان تتغذى
هديل مش بصتله ولا ردت عليه
آسر يلا دا حنين محضرالنا مفاجاه
هديل لسه زي ما هي بدون حركه
آسر كان نفسه يحضنها يراضيها يدفنها جوا حضنه يعاتبها يبوسها آسر شد أيدها وسحبها وراه وراحوا ع السفرة لقوا حنين جايبالكم وجبة بيتزا
آسر بصرامة ايه هي المفاجأة بقا يا حنين
حنين بسعادة مامت هديل فاقت من الغيبوبة.
هديل بخضه وذهول ااااا يه؟
حنين بفرحه مامتك فاقت من الغيبوبة
آسر بدهشه بجد طب عرفتي منين
حنين اترددت وقلقت ولسه هتتكلم
لقت هديل بتقول ببكاء طفولي يلا نروحلها عايزه اروحلها يا ااااسر يلااا وقعدت تشده ‘من دراعه
أسر حط أيده ع خدها علشان يهديها حاضر هنروح بس اقعدي كلي الأول
هديل ببكاء طفولي لا يا آسر لا وديني عندهااا
حنين يا حبيبتي اقعدي كلي وهنروح سواء نطمن عليها.
هديل بعنف لا لا مش هستني
آسر بصرامة خلاص يا هديل هنروح دلوقتي قومي غيري هدومك وخدي شاور
هديل مكنتش ف وعيها خالص وكانت ف حاله هذيان ف تمشي خطوة وتقع التانيه وتتكلم كأنها خلاص وصلت المستشفى وشافت مامتها
آسر قام مفزوع عليها واخد يسندها
حنين سيبها يا آسر هات انا هحميها واغيرلها.
حنین أخدت هديل الحمام وقلعتها هدومها وبدأت تحميها.
آسر قاعد ف الريسبشن حاسس ب دوار عنيف ف رأسه. و بيتنفس بعنف وجسمه مش متزن خالص وعروق رقبته ظهرت بقوه وقلبه بدأ يدق ف عنف.
فجأه سمع صوت صراخ ف الحمام ف جسمه انتفض وقام بإندفاع ناحية الحمام
وخبط ع الباب بهدوء :ف حاجه يا حنين
ولسه هيكمل كلام سمع صوت صرخات هديل ف اتخض اكتر
آسر بقوة :افتحوا الباب
حنين :آسر مش عايزين تهور . انا قربت أخلص أهو
آسر بتوتر وعنف طيب هي ليه بتصرخ
حنين بحيرة معرفش يا آسر
آسر بعنف يعني ايه متعرفيش. افتحي أم الباب دا