طول عمري كنت بشوف امي بتتضرب وبتتهان ومكنتش بتتكلم ولا بتدافع عن نفسها او حتي عني انا وأخواتي نفس الأمر اتكرر لما اتجوزت المريض ده كان كل يوم يجي شارب وحالته تقرف يفضل يشتمني بأمي بألفاظ قذرة زيه لغاية ما جي يوم فاض بيا منه مقدرتش استحمل اكتر من كده تعبت وقفت قدامه واتكلمت معاه انه خلاص بقي مسؤل عن بيت المفروض يلتزم شوية ضربني وقتها وكسر دراعي جريت منه اتحامي في بيت ابويا
بس ابويا طردني وقتها وقال(جوزك وحقه يعمل فيكي الي عايزه وطالما ضربك يبقي اكيد عملتي حاجة ضيقته معنديش بنات تزمق خودي بعضك وارجعي بيت جوزك واسمعي كلامه) وقتها فعلا حسيت انه ملهوش لازمة اصلا في حياتي ضهري اتكسر ورجعت تاني لعذابي من وقتها وهو بيذلني وبيعمل فيا اضعاف الي بيعمله لأني مليش حد اشتكيله ده حتي لما بقيت حامل قولت خلاص ربنا هيهديه ويتغير وفعلا بطل يضرب اول ٣شهور بس برضه كانت معملته وحشة لغاية ما عرفت نوع الجنين انه بنت
ضربتي حتي وانا في اوضة الكشف لولا ان الدكتور هدده انه هيبلغ عنه لولا ما سكت قلب حياتي عذاب وقتها كان يقولي هتجيبي بنت بوش عكر زيك عشان تكرهيني في عيشتي ويشتمني كان يقعد في البيت مخصوص عشان يخليني اشتغل اكتر لغاية ما كنت بنام علي الأرض من التعب كنت صغيرة اوي اوي مش عارفة اتصرف ازاي حتي لما بابا تعب وبعدها اتوفي منعني اروح العذا ولا حتي اشوفه
وحبسني في البيت شال مني تلفوني الي اتجوزت بيه مسح كل قنوات التلفزيون عشان متفرجش عليه نزولي من البيت لازم يبقي بأمر منه وعلقو قبل النزول وعلقة بعدها بس عشان اجيب طلبات البيت كنت هستني اي من كل ده كويس اني لسه فيا الروح بس وربي ما هسيبوه غير لما تطلع روحه واعيشه عيشة اوسخ من الي عيشهاني (الباب خبط) *ادخل -ها احسن دلوقتي يا أية *الحمدلله دكتورة انا عايزة اعمل محضر بحالتي دي
-حاضر انا اصلا كنت جاية اسألك بخصوص الموضوع ده هتتهمي مين *جوزي مصطفي…….. #دار_الرواياتPart:3 -متأكدة؟ *اه متأكدة وياريت المحضر في اسرع وقت عشان ميتهجمش عليا تاني أرجوكي -حاضر هطلع دلوقتي علي طول اعمل بلاغ بحالتك -يا أية ما تفكري كويس يابنتي عشان بنت… *متكمليش يا أمي لو سمحتي كنتوا فكرتوا انتوا قبل ما ترموني كنتوا فكرتوا فيا وفي الي هيحصلي للدرجة دي بيعاني للدرجة دي انا رخيصة عندكم؟ -يقطعني يابنتي والله مقصد انا بس عشان بنتك متطلعش وابوها مسجون
(صرخت بأنفعال)*ده مش أاابوهاا سامعاني مش ابوها بنتي انا دي انا الي هربيها بعيد عنه مش هخليه يشوف ضفرها حتي سامعاااااااني -حقك عليا اهدي يابنتي اهدي (الباب خبط) -مدام أية انا بلغت زي ماطلبتي وأمين الشرطة برة عاييز ياخد افادتك هتقدري تتكلمي ولا اخليه شوية *لا لأ يادكتورة خليه يدخل (دخل امين الشرطة وبدأ يستجوبني) -مدام أية وصلنا بلاغ ان حضرتك أُصبتي بالعمي بسبب ضرب تلقتيه من زوجك الكلام ده صح؟
*ايوة صح -تقدري توصفي اي الي حصل *جوزي مش اول مرة يتهجم عليا بالضرب ومش بأيده بس لأ كان احيانا بيضرب بخرطوم او الحزام ومرة ضربني بعصاية كسر لي بيها ضراعي -ومبلغتيش وقتها لي *لأنه كان دايما يهددني بأنه هيفضحني في العمارة او هيرميني في الشارع لو اتكلمت عشان مكنش في اي مكان ارحله -ممكن اعرف اخر مرة اتهجم عليكي أمتي ولي
*(اخدت شهيق واتكلمت)*اخر مرة كانت امبارح بليل لأني خرجت من البيت من غير علمه حاولت اشرح له أكتر من مرة سبب خروجي بأن والدتي كانت تعبانة جدا وحضرتك ممكن تسألها وكمان حاولت اوصله كان تلفونه مغلق لكنه مسمعنيش وفضل يضرب فيا لغاية ما نزفت لولا ماسبني -كان بيضربك بحاجة ولا بأيده *الاول كان بأيده بعدين برجله في بطني واخر حاجة فكراها مسكني من شعري وكان بيخبطني اوي في الحيطة -تمم يامدام أية تحبي تضيفي اي حاجة تاني
*عايزة ارفع قضية طلاق -هو انا المفروض مقولش بس لازم تتثبت التهم دي عليه عشان تقدري رفعي القضية للمحكمة تطلقك وتاخدي جميع جميع حقوقك بعد اذنك……. ******بعد ٣أيام خرجت من المستشفي ولكن بنتها لسه في الحضانة وكلت محامي كان جيرانهم زمان عشان يتابع القضية *ازيك يا استاذ محمد -استاذ اي بس يا أية انا محمد اخوكي الكبير وجارك وبأذن الله كمان لي هيجبلك حقك فبلاش استاذ دي *حاضر -قوليلي بقي كان في سبب لضربه المستمر ده ليكي
*لأ -فكري كويس *ازاي يعني انت تقصد اي -يعني شاف منك اي شئ يدل علي خيانه او أي حاجة من دي *انت بتقول اي -اهدي يا أية والله مش بشكك فيكي بس كل الحكاية مش عايز يمسك علينا غلطة لأنه واضح انه انسان قذر *يعني اي هيتبلي عليا -وارد اوي ولو عرف يثبت ده للاسف مش هتتطلقي او هياخد حضانة البنت منك ومش هنستفاد حاجة…… #دار_الرواياتPart:4 -أية يابنتي من يوم ما خرجتي من المستشفي مطلعتيش من اوضتك ولا أكل ولا شرب ولا اي حاجة حتي بنتك ماروحتيش اطمنتي عليها
*بنتي؟!! اطمن عليها ازاي وانا كده وانا مش قادرة حتي اشوف ملامحها او شكلها وأنا عاجزة اني ابقي أم حتي -يابنتي متقوليش كده الأمومة عمرها ما كانت بالنظر دي بالقلب يابنتي يعني تقدري تراعي بنتك بقلبك وحنيتك وامومتك مش بعنيكي بس *مش هقدر يا أمي مش هقدر اعمل كده وانا لسه علي ذمة البني أدم ده مش هقدر اعمل اي حاجة في حياتي طول ما هو موجود فيها مش هقدر اربيها وهو برا وعايش في الدنيا لأنه مش هيرحمنا من قرفه وقسوته
-طب واخرتها يا أية *لما تعدي جلسة بعد بكرة دي يبقي يحلعا ربنا معلش ياماما خلي خلود تعدي علي محمد لو موجود خليه يجيلي عايزاه (بعد نص ساعة ) -السلام عليكم اذيك يا أية *وعليكم السلام الحمد لله يا محمد -بعتيلي خلود خير في حاجة *انا فكرت في كلامك وانه ممكن يعمل اي حاجة بس عشان ينقذ نفسه -تمم وبعدين *عايزة اعرفك كام حاجة كده عشان لو حصل حاجة زي كده يوم الجلسة
-تمم اتفضلي سامعك *مصطفي جاب صاحبه قبل كده الشقة عندنا وكانوا شاربين اوي ومش في وعيهم دخلوا الصالة وكانوا مطلعين حشيش وبرشام كده المهم انا لما شوفتهم طلعت اتخانقت معاهم وطردت صاحبه برا الشقة وهو ضربني وقتها -طب في اي شهود علي كده *اه في ام يوسف جارتي كانت موجودة وقتها وبتحجز منه لأن الباب كان مفتوح وصوتي كان عالي غالبا الجيران كله سمعتنا -ممتاز احنا اصلا نقدر نستخدم الحكاية دي ضده من غير ما يفتري عليكي حتي
*ازاي -هنقول بشهادة السكان انه غير مسؤل أنه يكون رب اسرة وأنه بيتعاطي ممنوعات غير أنه عامل بيته غرزة دي لوحدها تحبسه سنتين تلاتة *يارب العمر كله (سألها بشرود) -للدرجة دي كرهتيه (ضحكت بسخرية) *انا عمري ما حبيته اصلا كنت مجبوة عليه زي كل حاجة كانت في حياتي (اتكلم بألم) -رفضني وقتها لأني كنت لسه طالب في الكلية حاولت كتير معاه بس كانت دماغه قاسية زي قلبه *مفيش داعي للكلام ده يا محمد اهو مات وانا اتجوزت وحصل الي حصلي وانت كمان اتجوزت وربنا رزقك بولد اللهم بارك
-مراتي ماتت يا أية بعد ولادة أبراهيم (ردت بأندهاش)لا حولا ولا قوة إلا بالله ربنا يرحمها اسفة والله مكنتش اعرف -يارتك كنتي تعرفي لغاية ما اتوفت وهي عارفة اني كنت بحبك وأنك حبي الأول ورغم كده كملت معايا وبرضه معرفاش انساكي *(اتكلمت محاولة تغير الموضوع) اااحم وإبراهيم عنده كام سنة دلوقتي -عنده اربع سنين لو تشوفيه هتحبيه اوي وهو كمام هيحبك زي ابوه *ااحم طيب ان شاء الله نتقابل بعد بكرة في الجلسة وكمان عشان تيجي معايا نسجل نجمة في السجل
-نجمة!!!انتِ لسه بتحبي النجوم والكواكب والكلام ده *هههه اه جدا عشان كده بأذن الله هسميها نجمة -ماشي ياستي بأذن الله نروح سوا بعد المحكمة ********(يوم المحكمة) -أول مرة في حياتي اكسب قضيه من اول جلسة الحمد لله يارب *(اخدت نفس عمييق)وانا اول مرة احس أني حرة وأني قادرة اتنفس واعيش واخيرا اتحررت منه -والله حلال فيه ال15 سنين الي لبسهم ده طلع وراه بلاوي ومش تعاطي بس لأ ده كمان
طلع بيتاجر فيها أنسان قذر فاضل بس ورقت الطلاق هتعتهالك المحكمة تمضيها وتبقي خلصتي منه للأبد *،اااه ياربي اللهم لك الحمد مش عايزة من الدنيا غير أني اربي بنتي واخليها احسن بنت في الدنيا -أمبارح ابراهيم بيقولي نفسه يشوفها ويلعب معاها *هههه يا حبيبي قله خلاص هانت هتشوفها النهاردة ان شاء الله (تلفونها رن) *معلش ممكن تقولي مين -مكتوب ممرضة الحضانة *أكيد بيتصلوا عشان اروح اخدها زمانها خفت بأذن الرحمن
-طب ردي يلا *الو “الو مدام أية *ايوة أنا اتفضلي “احنا بنكلم حضرتك عشان نقولك ان البيبي اتوفت وتعالي استلمي جثتها………… #بلا_أمل #ضُحى #دار_الروايات جماعة انا اسفة بس معلش محدش يبعتلي ادد تاني لأني مش بنزل الرواية علي صفحتي خالصPart:5 ******عدي 18سنة (في مصر في اكثر المناطق شعبية وانتشار جهل وكل ما يُغضب ربنا ممنوعات وزنة) -سيبني اوعي ايدي *ولا يابشلة رايح بالبت دي علي فين -عليها الدور *دور اي يلا دي لسه عيلة متعرفش حاجة
-والله دي اؤامر المعلم *طب سيب البت واتكل ع الله -ايوة بس… *مبسش يلا اسمع الكلمة -الي تؤمري بيه ياسندس اهو المعلم بوكي برضه انتوا حرين مع بعض *تعالي هنا متخافيش خدي امسحي وشك ومتعيطيش -والنبي متودينيش المكان الي قالي عليه الراجل ده انا خايفة *متخافيش بقولك انتِ معايا محدش يقدر يكلمك تعالي هنا خشي غيري هدومك والبسي هدوم حلوة كده انتِ اسمك اي -أسمي ملك *عندك كام سنة يا ملك
-عندي14 *طب يلا ادخلي جوا غيري وانا هجيلك (سابت البنت ودخلت لمكان تاني فيه راجل في الاربعينات وماسك شيشة) *جرا اي يابا مبقاش كمان غير الاطفال الي هتجيبهم عشان القرف ده احنا مش كنا خلصنا من حوار خطف العيال ده -حيلك حيلك داخلة سخنة كده لي ياسندس *بلا سخنة بلا باردة انت كنت باعت البت دي مع بشلة علي فين -هههه علي شغلها الجديد *شغل اي يابا دي لسه طفلة متفهمش حاجة
-هههههههه طفلة؟؟؟ طفلة اي هو دلوقتي النت خلي فيها اطفال العيل يبقي اد كده وتلاقيه مشغل افلام وحاجات انا في سني ده مش بتفرج عليها وبعدين قلبك ميحنش اوي كده *اه طبعا ما انت متوعد علي خطف العيال وحرق قلوب اهاليهم عليهم -دي بقي انا مخطفتهاش هي الي جاتلي لوحدها *ازاي يعني -يعني ابوها وأمها مطلقين وكل واحد اتجوز وعايش حياته ومحدش عايزها فيهم ف انا بقي من حنية قلبي قولت المها من الشارع واشغلها اي كفرت
*البت دي محدش هيجي جنبها يابا سامعني -رفضتي تشتغلي شغلانتنا وقلت معلش علي الاقل اديني بصرف عليها لكن متوقفليش حال شغلي *طب وديني يابا البت دي لو راحت حتة مش هتعرفلي طريق (وسابته ومشيت) -بت المتخلفة دي هتبوظلي الدنيا (مشيت من عند ابوها وراحت للمكان الي سابت فيه البنت) *الله الهدوم حلوة ازي عليكي كويس انها جات مقاسك -شكرا بس انتِ لي بتساعديني (اتكلمت بقهر) *يمكن عشان ملقتش الي يساعدني
يلا انا طالعة وانتِ استنيني هنا لغاية لما ارجع -رايحة فين *هطلع ابعلي كام علبة مناديل كده ادعيلي النهاردة يمكن ربنا يفتحها في وشك (اخدت شنطة فيها علب المناديل ومشيت لوسط البلد وقفت عند الاشارة عشان تبيع للعربيات) *مناديل يا ابلة مناديل يا استاذ مش معقول يعني كلكم بتمسحوا في الكم كده -هاتي علبتين يا صاروخ انتِ *صاروخ يتلفاك ان شاء الله خلصت المناديل بطلنا -جرا اي يابت انتِ *كلمة تاني هرقع بالصوت والم عليك الناس
(مشي الشاب بالعربية من غير ما يتكلم) *جاتكم القرف اشكال تجيب التهاب (وهي واقفة وقف تاكسي قصادها فيه ست كبيرة شوية في السن ) -بقولك اي يابنتي متعرفيش دكتور****عيادته فين -اه ياحجة الدكتور ده في العيادة الي قصادك دي *طب معلش يابنتي ممكن توصفي المكان للسواق عشان انا كفيفة *حاضر عيوني بص يسطا علي ناصية الشارع الي جنبك ده -تسلمي يابنتي ربنا يكرمك وينور بصرك دايما كده حسابك كام ياسطي
-٥٠ ياحجة