اسكربت
قولتلك الف مرة يا ملك انا مفيش حاجة بيني وبينها فبلاش بقي تنكدي علي نفسك وعليا كل ما نتجمع
كان بيتكلم اسلام بضيق وهو بيرمي جاكت بدلته باهمال عالكرسي وملك واقفة قدامه وبتبصله پغضب
ملك بعصبية يعني انت بتعميني عامل نفسك مش شايف نظرات كارما بنت عمك ليك طول الفرح عاملة ازاي
اسلام بضيق اديكي قولتيها نظراتها ليا لكن انا حتي مبصتش ناحيتها ومش خوف منك علي فكرة بس احترام ليكي وكمان عشان انا مش شايف غيرك
ملك پغضب مكتوم عندك حق ماهي هي اللي مش محترمة عشان تبص لواحد متجوز حتي لو كانت مخطوباله
قبل كدة بس خلاص هو اتجوز لازمتها ايه السهوكة دي
اسلام وهو بينفخ بضيق يا ستي مالناش دعوة هي اللي هتتحاسب علي كدة وانتي كمان خدي بالك من كلامك عشان هتتحاسبي علي كلامك عليها في غيابها
ملك بعصبية زايدة وهي بتقرب من اسلام انت بتدافع عنها ايوة ماهي الحب القديم يا استاذ مش كدة انا عشان كدة مبحبش المقابلات العائلية دي واصلا ازاي تدافع عنها وبأي حق
اسلام اتعصب اكتر من طريقة ملك فزعق پغضب يوووه انا زهقت من النكد بتاع كل يوم ده هو كل شوية خناق وغيرة وقرف انا سايبلك البيت يا ملك مش هو ده
اللي انتي عاوزاه
خرج اسلام بعد ما قال كلامه بصوت عالي اوي ووقتها ملك قعدت عالكرسي وحطت وشها بين ايديها وهي بټعيط بحړقة
……………………………..
كان قاعد اسلام مع مراد صاحبه في كافيه وهو مخڼوق ومضايق اوي وباين عليه الڠضب
مراد بزهق لا ماهو انت مش منزلني من بيتي 12 بليل عشان تسمعني سكاتك ما تنطق يابني ايه اللي حصل
اسلام بخنقة زهقت يا مراد مفيش يوم بيعدي غير لما نتخانق علي اتفه سبب تعمل مشكله وتقعد بالاسبوع زعلانة مش عارف اعمل ايه غيرتها عليا دي بقت مخلياني مش طايق نفسي والله لولا اني بحبها كنت طلقتها من زمان بس للاسف بحبها وعارف انها هي كمان بتحبني بس غيرتها الذايدة دي مخلياني علي اخري
مراد بهدوء طيب مجربتش تتكلم معاها جايز غيرتها عليك
دي بسبب انها مش حاسة بالامان طمنها يا سيدي بكلمتين حلوين وعرفها انك لا يمكن هتبص لواحدة غيرها
اسلام وهو بيضحك بسخرية عملت كدة واقولك علي حاجة ملك متأكدة اني لا يمكن هبص لواحدة غيرها بس هي بتتجنن لما بتشوفني بتكلم مع واحدة متخيلة ان اي واحدة ممكن تخطفني منها وتضحك عليا بكلمتين مش قادر اخليها تبطل العادة دي
مراد بحيرة والله منا عارف اقولك ايه بس اللي اقدر اقولهولك انك حاول تتكلم معاها وتوصل لحل عشان ميجيش عليكم وقت تبقي عيشتكم مستحيلة
اسلام بتنهيدة هي فعلا بقت شبه مستحيلة خناقنا ده خلاني مبقتش طايق البيت ولا عاوز
اقعد فيه يلا يلا قوم روح انت كمان لمراتك احسن تمسك في خناقك وتقولك انت كمان پتخوني
مراد بسخرية وهو بيفتكر ضحي مراته اهو ده اللي مستحيل يحصل شوف يا اسلام احنا سبحان الله مشكلتنا واحدة بس كل واحد فينا بطريقة مختلفة يعني انا ضحي مراتي لو شافتني مع واحدة مش هيفرق معاها اه والله زي ما بقولك كدة عمرها ما غارت عليا بربع جنيه حتي ولا بتفكر تسألني مين دي ولا بتكلمك ليه اوقات بحس اني مش فارق معاها اصلا من كتر ما هي مش مهتمية بيا ولا بتغير عليا
اسلام پصدمةوزعلان ده انا لو منك اعمل فرح
انت عبيط يابني
دي اسمها واثقة فيك
—
خلاص بقي عارفة انك مش هتبص لغيرها اهي دي ريحت نفسها ومريحاك معاها فبطل عبط هي لو مش بتحبك مكنتش لسة معاك لحد دلوقتي
مراد بتفكير او يمكن عايشة معايا ڠصب عنها عشان خاطر حمزة ابننا
اسلام پصدمة لا ده انت كمان حكايتك حكاية وقال جبتك يا عبد المعين تعيني لقيتك يا عبد المعين عاوز اللي يعينك
ضحك مراد وغير الموضوع وفضل يضحك ويهزر مع اسلام بس كل واحد جواه حزن كبير
…………………………………
كانت رايحه جاية ملك بقلق وكل شوية تبص في الساعة لان اسلام
اتأخر وبعدين قررت تتصل بضحي وتسألها فرنت عليها
ملك بلهفة ضحي اسفة اني برن في وقت متأخر بس هو اسلام مجاش عندكم
ضحي بتلقائية اكيد نكدتي عليه زي عادتك يا بت الواد هيطفش منك يخربيتك عموما هو مجاش بس اطمني مراد مش هنا نزل من بدري يبقي اكيد هما مع بعض
ملك بقلق طيب مينفعش تكلمي مراد تسأليه علي اسلام معاه ولا لا
ضحي بتلقائية بصي هو اكيد زمانه جاي فهسألهولك واكلمك اقولك اطمني انتي
ملك بتردد ماشي يا ضحي يلا اسيبك تكملي نوم
ضحي بضيق لا ياختي استاذ حمزة صاحي ومصحيني جمبه فمش هعرف
انام الا قوليلي نكدتي علي الراجل ليه يا فوزية
ملك بضيق اسكتي ده انا كنت هتشل بصي هحكيلك من الاول كنا في عيد ميلاد اخوه ذياد والاقيلك ندي بنت عمه اللي كان خاطبها قبلي عمالة تسبله بعنيها وتبتسم ليه وانا واقفة جمبه البجحة
ضحي پصدمة تقومي تنكدي عليه هو انتي هبلة يا بت
ملك بتزمر يووه انا منكدتش انا كنت مضايقة من اللي حصل وبسأله بتعمل كدة ليه دي
ضحي بغيظ يبقي كنتي اولي ياختي سألتيها هي مش جاية علي جوزك انتي غلطانة يا ملك لازم تبقي واثقة في جوزك اكتر من كدة وبعدين هو حتي مبصلهاش
يبقي المفروض تشجعيه مش تحسسيه ان هو اللي كان بيعاكسها
ملك بضيق يوووه بقي انا مش بعرف اسيطر علي نفسي بتجنن لما بلاقي ان في واحدة بتبصله او ممكن تخطفه مني بقولك ايه انا هقفل سلام
ضحي بقلة حيلة سلام يا ملك يارب تعقلي بقي
………………………………
بعد كام ساعة دخل مراد من باب الشقة وبعدين دخل اوضته ولقي ضحي قاعدة ماسكة الفون واول ما شافته ابتسمت
ضحي بابتسامة اتأخرت كدة ليه
مراد باستغراب ايه ده اول مرة تسأليني اتأخرت ليه افهم من كدة انك قاعدة مستنياني
ضحي بتلقائية طبعا مستنياك ملك هتتجنن وعاوزة تطمن
علي اسلام وهو قافل تليفونه
مراد بخيبة امل هو ده اللي السبب اللي مخليكي مستنياني انا قولت برضه اكيد في حاجة غلط
ضحي باستغراب هو ايه اللي غلط انا صعبانة عليا ملك فقولتلها هعرف منك واطمنها ها اسلام كان معاك مش كدة
مراد بجدية ايوة وبعدين لما هي خاېفة عليه اوي كدة ما تعقل بقي وتبطل الغيرة الذيادة اللي فيها دي
ضحي بتلقائية والله قولتلها بس هي بقي عقلها علي قدها
مراد بسخرية طب ما تعلميها انتي وخليها تبقي زيك
ضحي باستفهام يعني ايه تبقي زيي مش فاهمة انت تقصد ايه وليه بتتكلم بنبرة السخرية
دي
مراد بقصد اقصد انك تعلميها ازاي يبقي عندها فن الا مبالاه انها تتعامل مع اسلام علي انه شخص عادي وجوده زي غيابه وتبطل تهتم بيه
ضحي بضيق انت قصدك اني بتعامل معاك بنفس الطريقة دي انا بتعامل معاك يا مراد علي ان وجودك زي غيابك
مراد بلا مبالاه متاخديش في بالك يا
ضحي وكلمي صحبتك طمنيها وقوليلها ان اسلام كويس وانه هيروح بس مش دلوقتي
—
فتنام هي
ضحي بصت لمراد بحيرة وكانت بتفكر في كلامه ونظرته ليها بس متكلمتش في الموضوع تاني وفعلا اخدت موبايلها عشان تكلم ملك
……………………….
تاني يوم دخل اسلام من باب الشقة وشاف ملك نايمة عالكنبة فاتنهد بحيرة وكان هيقرب منها بس رجع تاني في كلامه وسابها ودخل الاوضة وهبد الباب وراه ووقتها ملك قلقت وقامت بسرعة دخلت ليه واول ما فتحت الباب جريت علي وهي بټعيط
ملك بندم اسلام انا اسفة اوي متزعلش مني عشان خاطري سامحني والله انا مش بشك فيك
اسلام بتنهيدة وهو بيحاوط ملك بايديه انا تعبت يا ملك من الخناق كل شوية علي حجات متستاهلش انا عارف انك بتغيري عليا بس الموضوع ده بدأ ېخنقني لاني بحس انك مش واثقة فيا وانتي عارفة ان انا مش كدة ولو علي
موضوع الخلفة فانتي اللي مأجلاه مش انا برضه يبقي ليه بتعملي كدة
ملك بحزن وهي بټعيطاسفة والله هحاول اتغير اوعدك انا كنت هتجنن عليك بليل يا اسلام كنت خاېفة عليك اوي لما سبتني ومشيت
اسلام بابتسامة جذابة واللي بيحب حد وبيخاف عليه اوي كدة بيزعله برضه بذمتك انتي متخيلة اني ممكن ابص لواحدة غيرك انا اصلا مش شايف غيرك يا ملك
ملك بخجل وهي بتبص في عيون اسلام وانا والله بحبك اوي ومش هزعلك تاني بسبب الموضوع ده بص خلاص انسي اللي فات وتعالي نفتح صفحة جديدة
اسلام بحماس وهو بيحضــ,,ـن ملك لا ده كدة بقي بعد
الكلام الحلو ده لازم تعوضيني بفطار تمام
ملك بفرحة ثواني واحلي فطار هيكون جاهز يا حبيبي غير انت هدومك وخد شارو بس علي ما اخلص
اسلام بتنهيدة بعد ما ملك مشيت يارب يا ملك تكوني فعلا ناوية تتغيري
…………………………………
كانت خارجة ضحي من اوضتها وهي بتتاوب ووقفت اول ما شافت مراد قاعد قدامها عالكنبة وبيبصلها بغموض
ضحي بابتسامة صباح الخير يا حبيبي
مراد بسخرية قولي مساء الخير ده احنا العصر يا ضحي
ضحي ببرود طب وفيها ايه يا مراد ثم انت ايه اللي مصحيك بدري يوم اجازتك اصلا
مراد بسخرية اكبر جايز عشان
متعود عالصحيان بدري بسبب شغلي مثلا والمفروض انك عارفة ده
ضحي بتلقائية وهي بتقعد قدامه ايوة يعني المفروض اني اعمل ايه برضه مش فاهمة
مراد بضيق المفروض انك عارفة ان انهاردة يوم اجازة جوزك عالاقل كنتي تعبتي نفسك وقومتي بدري معاه وعملتيله فطار وحسستيه انه فارق معاكي بس للاسف ده هيحصل ازاي وانتي اصلا مش شاغلك الموضوع
ضحي بعصبية خفيفة وانت مجاش في بالك مثلا ان ابنك مسهرني للفجر وڠصب عني راحت عليا نومة كل اللي شاغلك اني اصحي بدري احضرلك الفطار لكن راحتي وتعبي مع ابننا مش مهم ايه يعني ماهو مسئوليتي لوحدي مش كدة
مراد
بتنهيدة للاسف عمرك ما هتفهميني انا عارف اني بضيع وقتي عالفاضي انا رايح الشغل
قام مراد مشي وكانت ضحي متابعاه بعنيها وهي تايهة ومش فاهمة هو ليه بيعمل كدة وليه بقي يتلكك ليها علي اي حاجة زي انه عاوزها تصحي بدري تعمله فطار نفخت بغيظ وبعدين قامت دخلت اوضتها
………………………………………
هو انت بتكلم مين
قالتها ملك بفضول وهي متابعة اسلام وهو بيكتب رسايل وبيبعتها عالواتساب
اسلام بتوتر وهو بيقفل الفون مفيش يا حبيبتي دي رسالة شغل
ملك بشك طيب ماشي مش يلا نفطر
اسلام بابتسامة طبعا يلا نفطر بصي بقي صحيح انهاردة عاوزك بليل
تلبسي عشان هنخرج بليل نتعشي برة
ملك
بفرحة بجد يا اسلام يااه احنا بقالنا كتير مخرجناش سوا
اسلام بحب وهو بيمسك ايد ملك عشان كدة قولت نخرج
—
ونغير جو البيت يلا هقوم بقي انا انزل المكتب عشان عندي كام حاجة وهكلمك بليل الاقيكي جاهزة
ملك بحماس موافقة طبعا يلا روح البس بسرعة وانزل عشان تخلص شغل بسرعة
دخل اسلام اوضته وساب تليفونه عالسفرة ووقتها ملك كانت بتبصله بتردد وهي بتفطر ومش قادرة تبعد عنيها عنه ووقتها مدت ايديها وكانت هتاخده تفتش فيه بس قاطعها اسلام بصوته وهو بيخرج من اوضته
اسلام بسرعة
يلا يا ملك هاتي الفون بسرعة عشان انزل
ملك بقلق وهي بتمد ايديها بالفون لاسلام اتفضل يا حبيبي ده انا كنت لسة هجبهولك
اسلام بابتسامة يلا يا روحي عاوزة حاجة ماشي وعلي معادنا بليل
حركت ملك راسها بطاعة وهي من جواها مضايقة عشان ملحقتش تمسك الفون وتفتش فيه بس قررت متفوتش الفرصة بليل وتعرف هو كان بيكلم مين
…………………………………….
كانت داخلة ضحي عيادة مراد وده لانها راجعت نفسها وحست بالذنب لانها السبب في انه ينزل يوم اجازته فدخلت العيادة وهي مبتسمة وبصت للبنت الممرضة اللي قاعده عالمكتب
ضحي بابتسامة دكتور مراد جوة مش كدة
الممرضة بابتسامة ايوة يا فندم بس عنده حد وقالي مدخلش حالات اتفضلي لما يفضي هدخلك
ضحي بتلقائية وهي بتدخل مكتب مراد لا انا مش حالة يا حبيبتي انا مراته
اتفاجأ مراد بضحي وهي داخلة عليه المكتب ف………يتبع
الجزء الاخير
قام وقف مراد وهو بيبص لضحي باستغراب بعد ما دخلت عليه
مراد بابتسامة اهلا يا ضحي تعالي ايه اللي خلاكي
تيجيلي العيادة انهاردة غريبة
ضحي وهي بتبص للبنت اللي قاعدة قدام مراد بتقييم مفيش قولت اجي اطمن عليك يا حبيبي
مراد باستغراب طب اقعدي هطلبلك كابتشينو بتاعك
ضحي بتلقائية وهي بتبص للبنت لا عادي مش دلوقي انا كدة كدة قاعدة خلص انت شغلك واللي كنت بتعمله
مراد بانتباه يا خبر نسيت اعرفكم دي مش حالة يا ضحي دي وداد كانت صحبتي من ايام الجامعة ودلوقتي ليها عيادة خاصة بيها
ضحي بابتسامة باردة اهلا يا حبيبتي نورتي العيادة
وداد بدلع اهلا يا ضحي مراد حكالي عنك كتير بس مكنتش اعرف انك قمر اوي كدة
ضحي
برفعة حاجب ياااه كمان حكالك عني ده انتو قاعدين بقالكم كتير بقي علي كدة
مراد بتلقائية من غير ما يقصد اه فعلا بقالنا يجي ساعتين اصلنا من وقت الجامعة متقابلناش
ضحي بصت لمراد بغيظ وقامت من مكانها وهي بتتكلم بجمود ااه طيب يعني واضح انكم لسة مكملين السهرة فامشي انا بقي عشان مبقاش عزول سلام
قالت ضحي كلامها وسابتهم ومشيت ووقتها مراد استغرب كلامها وقام بسرعة جري وراها
مراد وهو بينهج استني يا ضحي في ايه مالك
ضحي ببرود مفيش حاجة يا دكتور انا سبتك تكمل سهرتك
مراد بتفسير سهرة ايه بس انا بشتغل ووداد
مش قاعدة كتير دي خلاص شوية وهتمشي هي كانت جاية لسبب معين بس
ضحي بغيظ براحتها يا حبيبي بص خليك معاها عشان عيب تسيبها لوحدهاانا بس كنت جاية عشان حسيت بالذنب وانك نزلت بسببي بس واضح انك دلوقتي ممنون ليا عشان كنت السبب في انك تشوف صاحبتك انا ماشية عشان حمزة سايباه مع ماما سلام
مشيت ضحي ومراد كان واقف مصډوم من رد فعلها كان جاي وراها وهو متخيل انها غارت عليه عشان كدة زعلت ومشيت بس واضح من كلامها ليه انها مش شاغلها اصلا انه يكون مع واحدة تانية حتي فقبــ,,ـض علي ايديه پغضب ودخل تاني العيادة
……………………………………
بليل
كان قاعد اسلام مع ملك في المطعم وبيتكلمو وبيفتكره ايام خطوبتهم وكان الجو حلو جدا لحد ما قام اسلام من مكانه بسرعة
اسلام باستعجال استني يا حبيبتي
—
هسلم علي واحد صاحبي هناك اهو وجاي
ملك بابتسامة اوكي يا حبيبي روح
مشي اسلام ووقتها اخدت ملك الفون بسرعة وهي عقلها مشغول باخر محادــ,,ـثة حصلت الصبح لما سألته مين وقالها شغل ولما فتحت الواتس ملامحها اتغيرت لما شافت اسم كارما فقلبها اتقبــ,,ـض وقبل ما تدخل عالمحادــ,,ـثة شافت اسلام سلم علي صاحبه وجاي فخرجت من الواتس وقفلت الفون وحطته مكانه وهي قلبها مقسوم نصين
اسلام بابتسامة حبيبتي معلش اتأخرت عليكي ايه نطلب الحلو ولا ايه
ملك بصوت مخڼوق لا مليش نفس انا عاوزة اروح يا اسلام لو سمحت
اسلام وهو بيمسك ايد ملك حبيبتي انا اسف لو اتأخرت عليكي حقيقي مقصدش بس عشان صاحبي ده بقالي كتير مشوفتوش
ملك بجدية وحزن وهي بتسحب ايديها حصل خير بس ممكن نمشي
اسلام اتنهد بحيرة وكان هيتكلم بس قاطعته كارما اللي اتفاجأ بيها واقفة قدامهم ايه ده ايه المفاجأة الحلوة دي ازيك يا اسلام
اسلام اتفاجئ بكارما وبص لملك اللي بصتله بحزن ومتكلمتش وده وتر اسلام اكتر
اسلام بجدية اهلا يا كارما
انتي بتعملي ايه هنا
كارما بكدب مفيش انا كنت هقابل واحدة صحبتي هنا وشوفتكم قاعدين قولت اجي اسلم
اسلام باختصار وهو بيشاور للمتر طيب تمام عاوز حاجة عشان احنا هنمشي
كارما بزعل ليه ما انتو قاعدين انا قولت هقعد معاكم علي ما صحبتي تيجي
اسلام بتوتر معلش بس عشان مستعجلين وبص اسلام لملك وكمل كلامه بحب يلا يا حبيبتي
ملك قامت بهدوء وهي بتنقل عنيها بين اسلام وكارما پغضب وسابتهم ومشيت واسلام وقتها نفخ بضيق وساب كارما وراح ورا ملك بسرعة وكانت متابعاهم كارما بغيظ
………………………………….
كانت رايحة جاية ضحي بتوتر وقلق وكل شوية تبص في ساعتها وعقلها مشغول بمراد وكل تفكيرها انه لسة مع وداد صاحبته وكانت متغاظة اوي لانه مجاش وراها بعد ما سابته ومشيت وقالتله الكلام اللي قالته وانه مهموش ورجع تاني للي اسمها وداد شوية ودخل مراد من الباب فقعدت ضحي وحاولت تتحكم في اعصابها
ضحي بتصنع البرود ايه ده اتأخرت عن معاد رجوعك يعني بتاع كل يوم
مراد بضيق والله طب كويس انك اخدتي بالك عموما كان عندي شغل
ضحي بتوتر انا قولت يعني تكون صاحبتك لسة قاعدة معاك لحد دلوقتي
مراد باختصار لا كان عندي شغل قولتلك
ضحي بغيظ طب هي مشيت امتي بقي علي كدة
مراد كشړ باستغراب وهو بيرد مشيت بعديكي علطول ليه في حاجة
ضحي بتردد لا مفيش بس يعني بطمن اصل شكلكم كدة ما صدقتو انكم اتقابلتو وهاتك يا رغي بس هي اتجوزت بقي صحيح
مراد بتلقائية لا خالص بتقولي انها ملقتش الشخص المناسب
ضحي بحزن ده معناه انك سألتها نفس السؤال عشان كدة جاوبتك الاجابة دي مش كدة
مراد باستغراب اكيد ما احنا كنا بنعرف اخبار بعض هو في حاجة
ضحي بحزن وهي بتقوم لا مفيش ربنا يخليكم لبعض انا هروح احضر العشا
مراد اټصدم من
جملة ضحي فانتبه وقالها بغموض يارب تعرفي انها جاتلي عشان تعرض عليا نفتح عيادة مشتركة انا شايف انها فكرة حلوة اوي واهو نشوف بعض علطول ونرجع ايام الجامعة
لفت ضحي وبصت لمراد پغضب ومقدرتش تتحكم في دموعها وهي بصاله وبتتكلم باندفاع وهتعمل كدة حتي لو قولتلك اني مش موافقة
مراد قام پصدمة وقرب من ضحي وحاوطها بايديه وهو بيتكلم بلهفة ايه
ده انتي بټعيطي ليه كل الدموع دي
ضحي پغضب رد عليا يا مراد انت هتوافق فعلا علي فكرتها حتي لو انا رفضت
مراد بابتسامة والله لو لقيت سبب مقنع هعمل كدة
ضحي باندفاع انا
السبب ده انا
—
مش عاوزة البنت دي تبقي معاك مراد انا بثق فيك اوي لابعد حد بس مش هستحمل ان البنت دي تبقي معاك كل يوم وابقي انا هنا وعارفة انها بتشوفك وبتتكلم معاك صدقني مش هستحمل الوضع ده
مراد بتنهيدة وهو بيرفع وشه ضحي ليه يا بنت الذين بقي كل ده في قلبك وساكته افهم من كلامك ده يا ضحي انك بتغيري عليا
ضحي پصدمة اكيد طبعا بغير عليك مش بحبك انا مش برضي اضغط عليك ولا اضايقك بغيرتي بس انا من جوايا ببقي ھم*وت يا مراد عشان خاطري ابعد البنت دي عننا
مراد
بابتسامة وهو بيشد ء تعرفي اني كنت بدأت اصدق انك عايشة معايا ڠصب عنك قلة اهتمامك وغيرتك اللي مش بشوفها دي خلتني اتخيل حجات صعبة اوي يا ضحي