_ بتقولي ايه = باااشااا سلامتك مبقولش طبعا _ شاطره ياريت تسمعي الكلام كده = بص انا ماشيه عشان مرتكبش جريمه فيك _ استني = نعم _ كارنيهك = اه هاته _ اا لا ماهو مش معايا دلوقتي تعالي خوديه بكره بقا = يا الله نسيييته ليه _ قولت نسيته خلاص حصل خيير = اوووف ماشي _ سلام!! *بصيتله بغضب ومردتش عليه ومشيت ورزعت الباب ورايا.. روحت كملت شغلي وبعدها وروحت عند خالتو .. ما انا لازم اعرف ابن الموكوسه دا اتضرب ازاي*
= انت يا زفت الطين ياللي اسمك مهااب _ ايه يا حبيبت خالتك داخله بزعبيبك ليه كده ازيك = تمام يخالتو…فين بقا دكر البط اللي انتي مربياه دا _ جوه في الاوضه = طب وسعي كده يا خالتو ولو سمعتي صوت استغاثه متقلقيش انا بربي ابنك _ ربنا يهبلكوا اكتر واكتر هبله واتلمت علي عبيط والله = شكرا يا خالتو ربنا يكرم اصلك *سيبتها بتعمل عصير ودخلتله البيه لقيته قاعد ع السرير وبيسمع اغاني ولا همه*
= اهلااا بمعدوم الكرامه يا اهلا يا سهلا _ في ايه يا بت مالك = ياااريتها كانت جابت ارنب يا اخويا _ ما تتلمي يبت بقا واحترمي فرق السن = انت هتقرفنا بالاربع سنين اللي بيني وبينك…طظظ يعني عايز ايه مش فاهمه _ هديكي في سنانك يبت = يا اخويااا كنت اتشطرت ع اللي كسرلك دراعك _ يبنتي والله كنا بنهزر والهزار قلب جد راح كسرلي دراعي زي ما انتي شايفه
= داري علي خيبتك داري _ اداري ع ايه يا حلوفه انتي.. انا بتكلم بجد والله انتي مش شيفاني كنت عنده الصبح وبنتكلم عادي = ياساااتر هو دا هزار دا مصاحب حلوف يا مهاب انا ربيتك انك تصاحب حلاليف يبني _ بس والنبي يا كارما دراعي واجعني خالص والله = حسبي الله في اللي كان السبب _ المهم عملتي ايه في القضيه اللي كنتي رايحها = ابهرررته بص خليته يسقفلي ويصفرلي وكان فاضل شويه ويزرغطلي كمان
_ يتي بطه خرجي مجرمين من السجن = بطل سخافه يا شحط انت _ المهم جبتي الكارنيه بتاعك اللي قرفانا بيه دا = لا مجبتوش هو نسيه في البيت _ نسيه ازاي كان معاه لما انا كنت معاه في المكتب وكنت هاخده وانا ماشي = و مأخدتهوش ليه _ ما انتي جيتي بقا ف قولت هيدهولك = هو قالي نسيه _ غريبه يعني = فعلا غريبه _معالينا بقولك ايه ما تقومي تشوفي كده امي بتعمل عصير ايه
= لمون، امك مش مقتنعه انك متصاب هي مصممه ان انت اعصابك تعبانه _ يبنتي دي الصبح لقيتها بتقولي خد اشرب السحلب دا هتخف وتبقي زي الفل هي فاكره ان انا عندي برد..سحلب ايه في الحر دا والنبي!! = خالتي دي عايشه تعلف فيك شبه البهايم كده ويااريت بيطمر _ بقولك ايه فكك من الحوار القذر دا وقوليلي = ايه _ ريهام عامله ايه = ريهام صحبتي؟! _ اه هي
= تمام _ بقولك ايه انا هشحت منك الكلام ما تخلصي = انت عايزني افتن علي اعز صاحبه لقلبي!! لا طبعا _ طب بصي افتحي الدرج دا هتلاقي فيها شكولاته خوديها = بجد!! _ اه يا ماديه يا حقيره بجد = حيث كده بقا في واحد كان زميلنا في الجامعه وكان بيلمح انه عايز يخطبها وكده بس انا سألتها وهي قالتلي انها مش بتحبه ومش مرتحاله _ واسمه ايه بروح امه دا كمان
= اسمه عادل _ تمام سبيلي انا الحوار دا = والنبي اتوكس لما دراعك يخف الاول _ غوري يا كارما غوري انتي جايه هنا لييه اصلا = الحق عليا جايه اسأل عليك بدل ما انت ماشي بأيد واحده كده كسفتنا _طب روحي روحي شوفي مين بيخبط ع الباب = اووف شغاله عند ابوك انا _ اخلصي يابت بطلي برود = حااضر حاضر *روحت فتحت الباب* = هو انت!! انت ورايا في كل حته يا جدع انت ارحمني!!
♡♡♡♡♡♡♡♡♡♡♡♡♡♡♡♡♡ #بقلمي_فرح_وائل ♥🪐. #محاميه_ومحتاجه_ترقيه #غرام_العز 🦋.#غرام_العز = هو انت!! انت ورايا في كل حته يا جدع انت ارحمني. _ كارما!! انتي ايه اللي جابك هنا = دا بيت خالتي يعني اجي براحتي انت اللي جاي ليه. _ جاي ازور صاحبي العيان = صاحبك اللي كسرت ايده _ والمره الجايه هتبقي رقبته = انت فرحان بطولك اللي ع الفاضي دا مش عارفه ليه.. دا انت منفوخ هوا اصلا _ هوا ها!!
*وفضل يقرب..وانا ببعد* = هو انت ليه علطول واخد وضع التقدم للامام كده ما تقف مكاانك _ لا انا بس عايز اشوف حوار الهوا دا *سيبته وجريت ناحيه المطبخ وانا بنادي ع خالتو وهو ضحك جامد ودخل لمهاب* _ في ايه يابت المروشه انتي مالك!! = واحد صاحب الواد هوبا جه ودخله جوه الاوضه _ مين فيهم = دا علي اساس اني حفظاهم يعني ما ابنك كل شويه مدخل واحد ومطلع التاني فاكر نفسه في بانسيون
_ شكله ايه طيب الولا دا = طويل كده وعينيه لونها بني وشعره بني وعنده عضلات وقمحاوي كده وعنده غمازه وبكف رقيق وصغير وعيون فنان محتار _ ايه دا = ااا سوري اندمجت ودخلت في مواصفات بكار..اصله الكراش بتاعي بقاله فتره _ يبنتي بطلي هبل وركزي معايا مين فيهم = اسمه عز الدين يا خاالتو _ الواد زيزوو = زيزو!! _ اه..يلا بسرعه روحي شوفيه يشرب ايه = الله مالك يا خالتو ملهوفه كده ليه هو انتي شكلك منمره عليه بعد ما الحاج اتوفي ولا ايه..بصي هو حلو الصراحه بس مش من توبنا يا بنتي
_ امشي يابت بدل ما اقوملك..امشيي *طلعت وروحتلهم وانا خايفه اروح الصراحه..بقيت عايزه اتلاشي التواجد معاه في مكان..حلوه كلمه اتلاشي التواجد دي ابقوا فكروني اكتبها في مرافعه من مرافعاتي المجيده* = احم..تشرب ايه _ مش لازم شكرا = لا لازم انت عايز الناس تاكل وشنا وتقول اللي مشربش حاجه في بيت مهاب اهو اهو _ هو انتي لسانك دا مبتعرفيش تحطيه في بوقك خالص = لا بحب اسيبه حر طليق..*وروحت طلعت لساني*
_ هقطعهولك ع فكره = اه ما اصل انا هسكتلك واقولك شطوره حبيب مامي كمل في حته لسه متقطعتش ~ خلاص بس بقا يا كارما في ايه = الله انت مش شايفه يا هوبا ولا ايه _ مش عيب علي شحط زيك ويتقاله يا هوبا!! _ يا زيزو يا حبيبي عامل ايه *طبعا انفجرنا ضحك انا وهوبا عشان خالتو دخلت وخلت شكله عره اوي وسطنا وهو كان لسه بيتريق ع اسم هوبا*
= مش قااادره همووت شكلك بقا قطونيل اوي الصراحه ~ قطونيل القطن، بيتكلم _ جرا ايه يا سوسو يرضيكي كده خلتيهم يتريقوا عليا _ ملكش دعوه بيهم عبيطه واتلمت علي اهبل عايزهم يعملوا ايه يعني = ولا يا هوبا احنا بنتهان يلا ~ اخدت بالي = طب وهتسكت!! دي بتشتمك يبني لو انت هتسكت انا مش هسكت ~ ايوا بنت خالتي الجاامده بقا هتعملي ايه = هشتم معاها ~ ربنا يهبلك اكتر واكتر يابت اختي..تشرب ايه يحبيبي
*طبعا عز كان مسخسخ ضحك..وقع في عيله هبله والله..معالينا اول ما خالتو سألتو وقف ضحك ورجع لوقاره واحترامه وكده يعني* _ اي حاجه قمر منك يا سوسو ~ يحبيبي هخش اعملك احلي عصير _ تسلميلي *ودخلت خالتو تعمل للشملول عصير وانا قعدت ع الكرسي اللي جمب السرير اللي قاعد عليه مهاب..وعز كان قاعد ع الكرسي اللي قصادنا* _ الف سلامه عليك يا بطل ~ حبيبي الله يسلمك _ هتنزل بقا الشغل ولا هتتدلع وتعمل فيها تعبان
= الله!! انت مش شايف الولا تعبان ودراعه مكسور ازاي دا اقل واجب يعني انه ياخد اسبوع اجازه ولا حاجه انت مش شايف وشه اصفر ازاي _ ازاي؟! = اهو انت مش شايف وشه يقلب امه اصفر ازاي..وبعدين مش انت اللي كسرتله ايده علي رأي المثل تقتل القتيل وتمشي في جنازته صحيح _ اه وايه كمان مش عايزه تطلعيني واكل مال اليتامى بالمره ~ خلاص يا كارما متكبريش الموضوع _ انا عايز افهم بس مين الكبير فيكو
~ انا طبعا _ ولما هو انااا طبعا سايبها تتكلم ليه ع اساس انها امك مثلا..وبعدين هي مالها اساسا = هو ايه اللي انا مالي دا انت بجح صحيح ~ خلاص يا كارما عشان خاطري مش هتتعاركو هنا = انا مش بتاعه خناقات اصلا انا شخص مسالم بطبعي والله _ اه اومال *جيت ببصله بقرف كده لمحت جمبه علبه شوكلاته و بوكيه ورد شكله حلو اوي..روحت واخدتهم وهما الاتنين بيبصولي ومستغربين اوي*
= اي دا يا هوبا بقا عندك علبه الشوكليت دي كلها ومديني الشكولاتايه اللي في الدرج يمعفن!! ~ مش انا اللي جايبها يا ام لسانين = اومال مين ~ عز = امم ماشي طيب والورد!! ~ عز برضه = جايب ورد!! ورد _ ايه هو الورد من الممنوعات عندكم ولا ايه..زيه زي المخدرات يعني!! = لا بس مفيش حد بيجيب لحد عيان ورد _ بجد!! اومال بيجيبو ايه بقا = كيلو برتقان علي كيلو موز كده
_ موز اه جاي ازور قرد؟! = اتريق اتريق ما انت عايش عشان تتريق اصلا *روحت وقعدت علي الكرسي وربعت رجلي وحطيت الشكولاته ع رجلي والورد في حضني كده وبدأت افتح الشكولاته واكلها* _ هو انتي بتعملي ايه = ايه!! باكل شكولاته مش شايف _ لا هو انا شايف بس دي بتاعه مهاب!! لو عايزه انا ممكن اجيبلك يعني وسبيهاله = انا ومهاب واحد ع فكره بعدين مهاب مش بيحب الشوكليت وثالثا بقا انا مش وخداهم منك انت انا وخداهم من هوبا
_ انا اللي جايبهم!! = ايوا بس اديتهم لمهاب وبقوا بتوع مهاب..يبقي هو بقا ادهوملي مش انت *عز بص لمهاب بصه استغراب كده راح مهاب ضحك ورد عليه* ~ والله يبني ما اديتها حاجه 😂 = مش محتاج تقول يبني انا بحس بيك *بصلي وضحك وبدأ هو وعز يتكلمو في الشغل وكده وانا طبعا كلت الشوكلاته وزهقانه ف قولت هروح اقف في البلكونه اللي في اوضه مهاب شويه* *دخلت البلكونه وانا حاضنه الورد وعماله اغني وادندن مع نفسي كده وابص للسما*
= ضيعت عليه العُمر يا ابويا وانا ليا معاه حكايات، حكايات حكايات حكايات، علي حسب وداد قلبي يا ابوي _ هو مين دا بقا!! *طبعا اتخضيت جداا ولفيت بسرعه لقيته واقف وحاطط ايده في جيبه ومبتسم* = الله يخربيتك خضتني _ خدتي عليا ع فكره..انتي ناسيه ان انا ظابط. = ظابط دي في القسم لكن هنا انت صاحب ابن خالتي _ امم حلو الكلام دا عجبني = طب كويس اخطبهولك
_ هو مين دا = الكلام..ماهو عاجبك _ بت اتلمي انتي مش قدي = انت جاي ليه اصلا _ جاي اشم هوا = تشم هوا!! لا وانت الصادق جيت سحبت الاكسجين اللي في المكان كله _ لسانك الطويل دا هقطعهولك = ابقي وريني شطارتك ياعسل..وبعدين فين مهاب _ راح يغير هدومه عشان هينزل معايا = اه طب وسع وسع خليني اطلع _لا = يعم وسع كده وانت زي الحيطه _ ايه!! قولتي ايه
= مقولتش _ لا قولتي..حيطه مش كده = لا محصلش *رفع حاجبه وربع ايده كده وبصلي وانا خوفت الصراحه* = وسع وعديني _ ولو موسعتش!! = هنط من البلكونه والله انا بقولك اهو _ انتي تخرسي خالص انتي لولايا كان زمانك في السجن = ليه يا اخوياا كنت ممسوكه بوصولات امانه _ لا مرتشيه..بقا انا عز الدين ا… = لا عنك انت انا هكمل..*وبدأت اقلده* “بقا انا عز الدين عبد البارئ اللي محدش يقدر يبص في وشه واحده زيك تيجي وتقولي ترشيني!!”
*قعد يضحك جامد طبعا.. وضحكته كانت قمر اووي!! اي دا يا كارما انتي هتخيبي ولا ايه انا سنجل وهفضل طول عمري سنجل وهموت سنجل* _ انا مش بعمل كده ع فكره.. ومكنتش هقول كده اصلا = بقولك ايه بقا ماتعملش فيها عاملي فيها مش ناقصه _ مالك!! =مليش.. الا صحيح يا حضره الظابط فين الكارنيه بتاعي. _ ما قولت نسيته = بس مهاب قالي انه كان معاك!! _ لا هو كان في المكتب وكده بس نسيت اديهولك
= بس انت قولت نسيته في البيت _ من الاخر انا عايزك تيجي بكره = ليه!! _ هو كده مزاجي = طب انا مش هاجي بقا واديه ل هوبا _ انا مش هديه لحد وانتي اللي هتيجي تاخديه وبلاش هوبا دي عشان رده فعلي مش هتعجبك = انت مش قولتلي هوبا دي في البيت مش في القسم!! وانا في البيت يبقي اقول اللي انا عيزاه _ لا ولما اقول كلمه تتسمع بلاش هوبا دي تاني اسمه مهاب
*سابني ومشي وفضلت واقفه متغاظه منه يخربيت بروده بجد مش طيقاه…طلعت لقيت مهاب خلص لبس ونزلنا وصمم انه يوصلني* = يا مهاب لسه بدري هروح لوحدي انا مش عيله ~ قولت لا مش سيره هي = طيب ما انت كده كده عربيتك في الصيانه!. ~ هنركب مع عز نوصلك وبعدين نروح مشوارنا = لا انا هروح لوحدي و… _ ما قالك لا يلا اخلصي واركبي ولا عاجبك وقفتنا في الشارع كده
= انت مالك انت انا بكلم مهاب و.. ~ يلا يا كارما اركبي بقا متتعبنيش = اووف ماشي ~ ايه اللي انتي مسكاه دا!! = دا الورد بتاعك ~ اه ما انا واخد بالي..بس حضرتك واخداه ليه = عادي يعني ما انت مش هتعمل بيه حاجه..لكن انا هتصور بيه كام صوره وانزله ع الانستجرام واكتب لحالي احلالي او ورده ماسكه ورد او ايه رايكم يا بنات في القمر دا حاجات كلبوبات انت متشغلش بالك.
~ طب يلا يا اخره صبري = لا بس ايه رايك مش لايق ع الطقم بس لو كان ابيض كان هيبقي احلي يلا مش مشكله _ طب نمشي بقا ولا ايه *بصيتله بقرف كده وركبت العربيه ورا وهما ركبوا قدام وعز هو اللي سايق العربيه* = ما تشغل عمرو دياب!! _ لا = طب تامر حسني _ لا = طب عنبه طيب _ عنبه!! ايه عنبه دا = مش عااارف عنبه!! دا من اهم الفنانين في الوطن العربي
_ عنبه دا فنان = اه مغني مهرجنات