_ مهرجانات اه لا مش بسمع التلوث دا طبعا = اومال انت بتسمع ايه _ بسمع ام كلثوم مثلا اا.. = ام كلسون ايه دي اللي بتسمعها شغلنا حاجه شعبي يبني الله يهديك _ كلسون!! شش اسكتي خالص = يعني مش هتشغل عنبه!! _ استحاله طبعا انا علي جثتي الحاجات دي تشتغل في عربيتي *وراح مشوح كده قال يعني مش همه* *بعد خمس دقايق* = العو جه العو حضر، انا جيت اكلكم نفر نفر، مش من المريخ انا من السلام، انا اصلا خطر علي البشر
_ خطر ع البشر فعلا، بس بقا كفايه ازعاج ~ سيب المهرجان دا والنبي بحبه _ حتي انت يا مهاب!! انتو معاقين يبني؟! *قفل المهرجان الحيوان وكمل سواقه عادي* = انت قفلت المهرجان ليه _ مزعج = ع اساس انك عمرك ما سمعت مهرجانات يعني _ لا = انت متعرفش في حياتك غير مهرجانه الجونه بتاع نجيب سويرس يعني!! _ اه واسكتي بقا = اووف سكت..بني ادم صامت المفروض يسموك عز سايلنت
_ ما هما لو هيسموني عز سايلنت هيسموكي كارما ڤايبريش = يا خفه..ركز في السواقه ركز بدل ما نلبس في حيط ولا شجره وانا لسه في عز شبابي عايزه اتجوز واجيب عيال _طب بطلي رغي بدل ما البسك انتي في حيط *قطع حديثها صوت اتصال من هاتفها* ~ مين = دي ريهام ~ طب ردي بسرعه وسلميلي عليها = والنبي اتنيل *رديت ع المكالمه* = الو «……………… = مين معايا وريهام فين!!
«………………… = ايه!! هي فين دلوقتي «…………………. ~ في ايه يا كارما ريهام مالها = اطلع بسرعه علي المستشفي ريهام عملت حادثه ♡♡♡♡♡♡♡♡♡♡♡♡♡♡♡♡ #بقلمي_فرح_وائل ♥🪐 #غرام_العز 🦋. #محاميه_ومحتاجه_ترقيه #غرام_العز ~ في ايه يا كارما ريهام مالها = اطلع بسرعه ع المستشفى ريهام عملت حادثه ~ حادثه اي؟ اجري ياعز بسرعه
*عز طار بالعربيه للمستشفي وانا كنت عماله اعيط ومنهاره ع الاخر ريهام تعتبر اختي يمكن اكتر بحبها اووي ومش متخيله انها ممكن تسيبني وتمشي اما مهاب ف كان حاله يثبت فعلا انه بيعشق ريهام مش بيحبها بس كان عامل شبه الطور الهايج بيزعق لعز عشان يزود السرعه وشويه ويدعي واخيرا وصلنا المستشفي ودخلنا الاوضه لقيناها مركبه محلول واديها مكسوره ورجلها مكسوره ونايمه ع السرير.. جريت عليها وبدون سابق انذار حضنتها جامد*
_ بس بس اهدي انا كويسه = *بدموع* كنت هموت لو جرالك حاجه يا ريهام _ متقلقيش حاجه بسيطه يحبيبتي وبعدين وسعي كده جالي كرشه نفس مش كده = ابو معرفتك انا غلطانه كنت متوغوشه عليكي _ متوغوشه!! ~ احم… ا الف سلامه عليكي ياريهام _ الله يسلمك يا مهاب ~ حقيقي قلقت عليكي جدا _ ربنا يخليك يارب شكرا ~ لا دا واجب متشكرنيش = ياحنين!! ~ بتقولي حاجه يا كارما
= لا يا هوبا سلامتك!! انا هروح اجيب عصير واكل عشان جوعت وكده اجيبلكوا معايا؟! ~ يااريت والله يا كوكو *قربت منه وقولتله وبصوت واطي* = اي خدمه يا عم هوبا ~ عليا النعمه انتي ارجل من ابويا = الله يرحمه، طيب انا نازله، انا ناازله يا حضره الظابط _ ما تنزلي اجي اسندك يعني = الطم علي وشي!! بقولك نازله يا حضره الظابط انا مش فاهمه انت ظابط ازاي ومعندكش سرعه بديهه
_ ايوه مش فاهم انتي عايزه ايه = يووو لسه هشرحلك!! تعالي معايا يا حضره الظابط عشان تجيب العصير معايا والاكل _ ايوا بس.ا… = ما بسش يلا يعم بسررعه *قام عز وهو مش فاهم حاجه وطلعنا من الاوضه واول ما خرجنا و وقفنا في حته بعيد عن الاوضه شويه* = متبقاش عامل زي العزول كده _ عزول ازاي مش فاهم = قصدي انك تسيبهم لوحدهم _ هما بيحبوا بعض؟!
= انت مأخدتش بالك!! مش بقولك معندكش سرعه بديهه _ ما تتلمي شويه بقا ساكتلك من الصبح..ثم اني عارف انه بيحبها لكن معرفش انها بتحبه! = هي بتحبه بس بتكابر بقا حماره بعيد عنك _ وبعيد عني ليه ما الحماره واقفه جمبي اهي = تصدق انا غلطانه انى وقفت واتكلمت معاك اصلا _ خدي هنا بس يا محاميه نص كم بهزر تعالي = خير عايز ايه _ بهزر بقولك في ايه، ايه القفش دا
= مش قافشه انا بس جعانه _ يساتر يارب تعالي كُليني = انت عارف انت لو تبطل تريقه شويه هتسلك وتنور والله _ طيب تعالي اكلك قبل ما تفضحيني = افضحك!! ليه واخد معاك حلوفه _ حاجه زي كده يلا تعالي *وراح شدني من ايدي و سحبني وراه اكنه ساحب جاموسه وراه المهم اخدني ع الكافيتريا اللي في المستشفي وقعدنا في ركن هادي فيها* = ايه بقا ساحبني وراك شبه الفرخه المدبوحه اللي بتفرفر كده ليه خير
_ خير ايه جايبك اطفحك هكون جايبك ليه = عارف..انت عايز تتكوي في لسانك كده ب مكوه الاسشوار عشان تبطل دبش شويه _ خدتي عليا علي فكره مش واخده بالك! = انا واخده بالي انك المفروض جايبني تأكلني فين الاكل _ حاضر تاكلي ايه = بيتزا فراخ _ تمام..يا وييتر *نادي عز ع الجرسون بهيبته دي وجت بنت كده شعرها اصفر مضروب اكسجين وبطلون مدخلاه بزيت صابون باين وتيشيرت بت اختها تقريبا وعامله مكياج بلياتشو وحاجه اخر مسخره وربنا وعماله تتدلع علي الولا البايره الحربايه اكنه قاعد مع قلقاسه لمواخذه*
~ اؤمر يا فندم _ عايز اتنين بيتزا فراخ لو سمحتي ~ يا سلام بس كده عيوني _ ماشي شكرا ~ حاجه تانيه يفندم _ لا شكرا لو احتجت هقولك ~ اوعي تتردد لحظه لو احتجت حاجه = ماخلاااص ياعسل قال لو احتاج هينادي وبعدين هو مفيش غيرك في المكان يعني اللي خلقك مخلقش غيرك مثلا ما تورينا يلا عرض كتافك كدا وهاتي الاكل انا هموت من الجوع *البت بصتلي بقرف كده ومتكلمتش ومشيت وانا قاعده هطق من الحربايه اللي قاعده تسبل للولا دي*
_ ايه في ايه مالك = مالي _ اتعصبتي ع البنت حرام = حرام!!! ياحنين خلاص روح حصلها يلا وهات الاوردر بدالها طلاما خايف عليها اوي كده _ مش قصدي انتي فاهمه غلط ا…. = غلط صح انت حر _ طب وانتي متعصبه ليه = وانا هتعصب ليه كُنت من بقيت عيلتي _ *بأبتسامه* طيب خلاص *بصيت عليه بقرف ومردتش* _ معالينا منه..قوليلي بقا = اقولك ايه _ مش عارف بس اتكلمي ارغي وانا سامعك
= قصدك ان انا لكاكه يعني ولا اي، مش هتكلم _ لا قصدي تتكلمي في اي حاجه لحد ما الاكل يجي يعني = طيب انت عايش لوحدك علي كده _ اه = باباك ومامتك متوفين زي الروايات بقا وكده _ بعد الشر لا طبعا اي الجو دا = اومال ايه طيب حيرتني _ مسافرين..في كندا = قصدك مهاجرين!! _ حاجه زي كده = سوري فكرتك _ لا عادي ولا يهمك
= هو انا ليه بحس انك عندك انفصام _ ليه = يعني في القسم بتبقي حاجه وفي برا القسم حاجه تانيه خالص _ انا في الشغل بكون مختلف = تصدق انت فكرتني ب نذار اللي كان في فيلم امير البحار _ اهو حاجه زي كده = طب هو الاكل اتأخر ليه انا جعانه _ طيب هستعجله *وشويه والاكل وصل تحت بواخه البت اللزجه اللي شبه زعزوعه القصب دي وانا مش طيقاها قعدت اكل انا وعز واحنا بنهزر وبنحكي ومواقف محرجه اتعرضنالها زمان وضحك هستيري وكده..خلصنا اكل وعز جه يطلب حاجه.نشربها وتقريبا مفيش في الكافيتريا غير الحيزبونه دي*
~ اؤمر يفندم _ انا هشرب قهوه..كارما تشربي ايه = اي حاجه.. ممكن نسكافيه _ تمام..واحد قهوه وواحد نسكافيه لو سمحتي ~ قهوتك ايه يفندم _ مظبوطه ~ عيوني = *بصوت واطي* ما تهدي علي نفسك كده يختي _ بتقولي حاجه يا كارما = بقول انها اخدت طلبها خلاص يعني واقفه ليه ~ علي الفكره الاستاذ هو اللي طالب الاوردر وهو بس اللي يطلب مني اللي امشي = اه وعلي فكره برضه الاستاذ دا قاعد معايا انا مش معاكي انتي.. مشيها يا عز
_ نعم!! = في ايه يا حضره الظابط ما تركز كده ~ ايه دا هو انت ظابط!! _ اه ~ انا اول ما شوفتك بجد حسيت كده.. اصل الكاريزما والهيبه دي متجيش غير من ظابط فعلا = يارب نخلص في ليليتنا ونطفح حاجه بقا _ طيب اتفضلي يا انسه شوفي شغلك ~ عيوني *قالت كده وبعدها البت الملزقه اللي عامله شبه تعبان البحر دي مشيت* = *بتقليد مضحك* حيوني .. دا ايه البت اللي اهلها نسو يربوها دي
_*ضحك* بس هي مكانتش بتعمل كده علي فكره بالعكس دي كانت ذوق جدا = ذوق!! هو انت ايه مفهومك عن الذوق معلش..انت مسمي المرقعه وشغل الكبريهات دا ذوق _ اه وانتي متضايقه ليه بقا = وانا هتضايق ليه يعني كنت ابن خالتي ما تولع انت وهي _ هو بعيدا عن لسانك اللي هقطعهولك دا بس بمناسبه ابن خالتك زمانه هايص فوق = اه طبعا البيه عمال يحب فوق ولا علي باله وسايبني هنا في حرقه دم
_ حرقه دم!! يبنتي اي بنت في مصر تتمني بس اني ابصلها مش اقعد معاها واطلبلها اكل كمان = لالا يا رشدي يا اباظه لا متوقعنيش في دباديبك..دخيلك معلم لا تشقطني هيك..جرا ايه يعم ايه النفخه الكدابه اللي انت فيها دي.. فاكر نفسك عمر الشريف _ لا انا كلامي دا واثق منه وعندي دلائل كمان = دلائل؟! دا انت شكل المهنه نطعت عليك..قول يا محطم قلوب العذاره ايه الدلائل بتاعه سعاتك
_ ابسطهم البنت بتاعه الكافيه = يا اخي قول كلام غير دا.. انت معتبر ام اربعه واربعين دي انثي اصلا!! ما تصلي ع النبي كده في ايه _ عليه افضل الصلاه والسلام.. بس ما تنفشيش ريشك اوي كده وبصي لنفسك الاول وبعد كده بصيلها = بتقارن مين بمين اصلا.. مش كفايه ميكب الجوكر اللي هي حطاه دا… دا انا لما بغسل وشي بصابونه بيسالوني عن سر نضاره بشرتي.. يا اخي وحد الله
_ يستي لا اله الا الله..انتي جايه تتوبي هنا = ما توحد وانت ساكت..مش كفايه بكسبك ثواب دا انت شخص غريب _ *بأبتسامه* طيب شكرا يستي كارما في نفسها:- ايه دا ياعم متبتسمش كده متوترنيش دا البت كان عندها حق انها تعاكسه نفسها:- اتلمي يا كارما وعدي ليلتك الله يخربيت امك مش وقته.. كارما:- الله ماهو اللي بيتضحكلي وانا قلبي قلب خسايه وبضعف.. نفسها:- الله يخريتك دا وقت هرمونات اهلك، هتفضحينا ما تبعتيله بوسه في الهوا احسن..
كارما :- الله! هو مش التأمل في خلق الله عباده.. نفسها:- دا انا اللي هلم عليكي خلق الله لو متلمتيش وعملالي فيها استرونج اند بيند وومان جتك خيبه *طبعا الحوار دا كله كان جوايا انا وبس وكنت سرحانه بقا وعماله اتعارك مع نفسي شويه..بس قاطعني صوته* _ كارما..سرحانه في ايه = هه.. لا ولا حاجه شويه حسابات كده ما انت عارف اني مهمه بقا و ورايا شغل كتير _ اه دا بأماره ما انتي مش عارفه الفرق بين الظابط ووكيل النيابه
= الاه!! هو فيه فرق اصلا _ لا كارما انتي متأكده انك خريجه حقوق بجد!!.. = ايوا يجدع وانا هضحك عليك ليه _ ماهو ازاي متخرجه ومش عارفه الفرق بين الظابط ووكيل النيابه = اقولك سر!! _ قولي = انا كنت بغش اصلا _ يا ماشاء الله ايه يبت الحلاوه دي = اعمل ايه بقا ما انا مش بحب حقوق دي… انا اصلا باكل نصيب اخواتي في الاكل والشيتوس والبيبسي.. و واكله حقهم..تقوم تدخلني حقوق!!
_ ودخلتيها ليه طلاما بتكرهيها اوي كده = التنسيق غداار بعيد عنك _ خلاص يبقي تاخدي شهادتك وتقعدي في البيت.. متقرفيناش بقا = وانت مالك انت..هو انا بشتغل علي دماغك اما غريبه الناس اللي بتتحشر دي _ مش هسكتلك كتير ع طوله لسانك دي ع فكره = هو انا اتكلمت دا انا ا.. *قطع كلامي صوت تليفونه ف بصلي شويه وبعدها قام وقف بعيد عشان يرد..فضلت اشرب ف النسكافيه لحد ماخلص وبعدها الباشا شرف وجه ف قولتله*
= يلا بينا _ يلا بينا فين = يلا نطلع لريهام عشان اطمن عليها _ متستني شويه يعني = لا كده هتأخر لازم امشي _ طيب يلا بينا *دفع الحساب وخدي ومشينا وطلبت منه نروح للدكتور اللي متابع حاله ريهام.. وفعلا روحنا مكتبه* = احم.. لو سمحت يا دكتور هي الحاله اللي في الاوضه 25 هتقدر تروح امتي ~ اه انتي تقربيلها! = اها..صاحبتها وزي اختها كده ~ يبختها والله
= طيب هي ممكن تخرج ~ هي ممكن تخرج كمان يومين..بس انا نفسي تقعد اكتر = يا ساتر يارب..ليه كده يا دكتور ~ عشان اشوف القمر دا كل يوم.. _ جرا ايه يجدع انت هتخيب ولا ايه شايفها واقفه مع بت اختها..بص في ظرف عشر دقايق ان ما خفيت من وشي لهمسح بروبك الحلو اللي انت فرحان بيه دا بلاط المستشفي والحسك الاسفلت *خلال ثانيه الا ثانيه كان الدكتور بره مكتبه خد ديله في سنانه وقال يا فكيك…معذور ماهو عز مش اي حد برضه..لسه هتكلم واقوله عااش لقيته بيزعقلي!!*
_ وانتي يا هاانم اتفضلي قدامي وتفضلي خرسه لحد ما تغوري تروحي انا مش هقعد اتخانق مع خلق الله بسببك = الله!!! وانا مالي يعم..وبعدين حد قالك افرد صدرك واتعارك بسببي _ لا ما انتي واقفه مع عز الدين مش مع عزيزه!! = *بضحك* مش قصدي والله..طيب يلا بينا يلا _ استني خليكي هنا = ايه خليكي هنا دي!! لا انا جايه معاك _ قولت خليكي هنا.. مبحبش اعيد كلامي مرتين
= لا هاجي معااك مش هقف لوحدي..وبعدين افرد حد ضايقني مثلا _ *بضيق*خلاص تعالي = *بأبتسامه نصر* ماشي يلا *مشي وانا ماشيه معاه ولقيته راح الاستقبال ووقف يكلم الموظفه* _ لو سمحتي حساب غرفه رقم 25 كام ~حوالي 3000 جنيه _ بتاخدي فيزا!! ~ اه يا فندم _ *وهو يخرج الفيزا* طيب خدي اسحبي المبلغ من هنا *انشغلت الموظفه بسحب الفلوس من الفيزا وانا قربت عليه وقولتله بصوت قريب من الهمس كده*
= انت بتعمل ايه _ *بنفس الهمس* انتي شايفه ايه = ايوه بس انت مالك تدفع ليه..انت مش ملزوم انك تدفع..انا هدفع _ طيب لما تبقي واقفه مع سوسن ابقي ادفعي انتي = الفلوس ملهاش علاقه بالرجوله ع فكره _ عارف..بس طلاما انا معايا ادفع واسيبك انتي اللي تتدفعي..ابقي مش راجل لامواخذه = بس انت ملكش ذنب عشان تتدفع..انت متعرفهاش اصلا _ لا ازااي دي مرات اخويا المستقبليه ولازم اعمل الواجب
= ع الله مهاب يتلحلح شويه بس ~ اتفضل يفندم _ خلاص كده!! ~ اه خلاص _ تمام..يلا بينا يا كارما *ودخلت الاوضه اللي كان فيها ريهام واتفاجأت ب عادل اللي كان بيلمح انه بيحب ريهام موجود هو ومامته ومهاب مش موجود في الاوضه* = عادل!! ~ كارما ازيك = تمام الحمد لله.. هو مهاب فين » راح يجيلي عصير = اه اه.. منور يا عادل ~ بنورك يا كوكي.. بس مش بشوفك ليه ليكي وحشه والله
*وقبل ما انا ارد لقيت لسان عز سابقني* _ مالك يا برنس.. كوكتك ايه ما تتظبط كده. ~ وانت مالك اصلا انا بكلمها هي..بترد بصفتك ايه _ خطيبها يا لذيذ =..! ♡♡♡♡♡♡♡♡♡♡♡♡♡♡♡♡♡♡♡♡ #بقلمي_فرح_وائل ♥🪐 #غرام_العز 🦋. #محاميه_ومحتاجه_ترقيه #غرام_العز ~ وانت مالك اصلا انا بكلمها هي..بترد بصفتك ايه _ خطيبها يا لذيذ *ينهار اسود عليك يا عز وعلي معرفتك الهباب..خطيبته اي الله يخربيتك هتفضحني.. اعمل اي اعمل اي لو سكت هيفتكروا ان كلامو صح ولو انكرت مضمنش رده فعله هتبقي عامله ازاي… يشيلو ويحطو عليك ياعز الكلب انت*
~ خطيبها!! _ اه.. مالك مصدوم كده ليه ~ لا ابدا مفيش بس اصل كارما اكتر واحده في الدفعه كانت رافعه شعار alone forever ف استغربت انها خطبت الصراحه _ اه لا ماهي اكيد مش هتعنس يعني.. ثم اني لا اقاوم الصراحه عشان كده اختارتني ~ اه طبعا.. الف الف مبروك يا كارما وعقبال الفرح ان شاء الله =……….. ~ كارما.. بقولك الف مبروك.. انتي معانا = الله يبارك فيك يا بطل عقبالك
~ *وهو بيبص ل ريهام* قريب ان شاء الله _طيب عن اذنكو يجماعه وفرصه سعيده * لقيته بيشدني من ايدي وبيخرج بيا بره الاوضه..ويادوب قفلنا باب الاوضه روحت شديت ايدي جامد واستعديت للخناقه* = انت مجنون انت ايه اللي قولته جوه دا _ شش الله يخربيتك احنا واقفين قدام الباب كده هيسمعونا = ما يتنيلو يسمعونا..انا اصلا عيزاهم يعرفوا اني مش خطيبتك.. انا داخله اقولهم الحقيقه *ولسه كنت داخله راح شدني من ايدي جامد وجري بيا ووقفنا في ركن هادي في المستشفي*
= بطل تسحبني وراك شبه الجموسه كده..انا مش عيله صغيره.. وبعدين انا عايزه سبب واحد يخليك تقول اللي انت قولته جوه دا _ خلصتي!! = بطل استفزاز و رد عليا..عملت كده ليه _ عادي يعني = عادي!! هو ايه اللي عادي.. انت شايلين فصوص مخك وحاطين مكانها فصوص يوستفندي ولا اي النظام عز متنرفزنيش *ابتسم جامد ومردش* = انت بتتضحك علي ايه يخربيتك لوح تلج… انا تاخد اوسكار اكتر حد بيستفز الواحد ف خمس ثواني
*مردش برضه وفضل باصصلي ومبتسم وساكت…. وانا حاولت اهدا واخد شهييق وزفير عشان طول ما انا متعصبه مش هلاقي منه رده فعل غير الاستفزاز* = *بهدوء شديد* عز _ يا نعم = انا عايزه افهم انت قولت كده ليه _ مش عارف = اهدي يا كارما اهدي مش هتتعصبي مش هتتعصبي مش هتتعصبي _ *بأستفزاز* لا اتعصبي متكتميش في نفسك لعروقك تتطق ولا حاجه = *بعصبيه* هو انا اكلمك بزعيق متردتش اكلمك بهدوء متردش اعملك ايه عشان تنطق
*وانا متعصبه وفي قمه انفعالي وهاين عليا اكل ودانه… لقينا باب بيتفتح جمبنا وطالع منه واحد كله دم وفي ايده مشرط…انا شوفت الدم والمشرط من هنا وهاتك يا صويت وتنطيط.. وروحت مكلبشه في عز* = احييه قتله!!!! يخربيتك قتلته… عملك اي عشان تقتله يا حيوان يا متخاذل _ شش اخرسي شويه يخربيتك هتلمي علينا الناس