قفلت الفون وبدأت انضف حواليا في المرسم خلصت وقفلت المرسم واتجهت لبابا عند المكتبة بدأت أقرب وأنا شايفة ناس كتير عند المكتبة اتخضيت وقربت بسرعة حسيت أن في حاجة غلط لأن إحنا بليل والوقت ده مش بيبقي حد في المكتبة دخلت بسرعة لقيت بابا نايم علي كنبة صغيرة في المكتبة أتكلمت بخضة وأنا بقرب منه_في ايه مالو بابا راجل أتكلم من جنبي_والدك يا بنتي لاقيناه واقع قدام باب المكتبة شيلناه وحطيناه هنا ومكناش عارفين نفوقه فطلبنا الإسعاف
دموعي نزلت في ثواني!! مش مستعدة يحصله أي حاجة خالص!!!!!! سمعنا صوت الإسعاف برا وبالفعل نقلناه المستشفي وأنا ركبت معاه العربية ودموعي مش بتقف حطوه علي ترولي ودخلوه الطوارئ كنت برا عماله ادعيله ودموعي نازله الدكتور طلع بعد وقت كبير قربت منه بسرعة بدموع _بابا كويس صح اتنهد بحزن_مش عارف أقولك ايه يابنتي بس أنتِ أكيد مؤمنة بربنا أنا عارفة المقدمات دي كويس!!! أتكلمت بهدوء ظاهري_بابا عايش صح اتنهد_والدك جاتله سكتة قلبية….البقاء لله
يتبع… طبعاً ڤونا مبتعرفش تنهي بحلاوة لازم أنكد في النهاية😂🫶 #بقلم_ڤونا #حواديت_فونا #روايات_بقلم_فونا #بقلم_فونا #حواديت_مريم_وچون”٢” _عاملة إيه يا مارينا ـ الحمدلله يا حبيبي تعالى _بتعملي ايه ـ عمالة أرن علي مريم صاحبتي بس مش بترد وقلقانة أوي حاول يطمني_اهدي يا حبيبتي يمكن مش سامعه الفون ـ مش عارفه يا چون بس مش مطمنة حاسه في حاجه كنت برن تاني وفجأة الخط اتفتح أتكلمت بسرعه_مريم أنتِ كويسة سمعت صوت راجل_حضرتك تعرفي صاحبة الموبايل ده
بصيت لچون بخضة وبعدين أتكلمت بسرعه_أيوة مين حضرتك *أنا دكتور من مستشفى*** صاحبة الفون موجودة هنا مستنتش يكمل كلامه قومت بسرعه عشان البس_بسرعة يا چون انزل جهز العربية عشان توديني المستشفى بالفعل روحنا المستشفى ودخلت بسرعة أدور علي الأوضة اللي هي موجودة فيها كنت بجري في ممرات المستشفى وچون بيحاول يهديني فتحت باب الأوضة بسرعه لقيتها قاعدة علي الأرض منهارة أتخضيت وقربت منها بسرعة_مالك يا مريم في ايه أتكلمت وسط عياطها_بابا ما/ت يا مارينا
أتصدمت دموعي نزلت وخدتها في حضني بسرعة حاولت اهديها _اهدي يا مريم أهدي //////////////////////////////////////// كنت بجري ورا مارينا في ممرات المستشفى بحاول اهديها وأول ما دخلنا الأوضة أتصدمت إن مريم طلعت صاحبة أختي كانت قاعدة علي الأرض ومنهارة قلبي وجعني عليها وزعلت أكتر لما عرفت خبر باباها وأنه طلع عمو عبدو بتاع المكتبة اللي كنت ساعات بقعد أحكي معاه مكنتش أعرف أن مريم بنته /////////////////////////////////// مرت كل الإجراءات وروحنا الكنيسة صلينا علي بابا وخلصنا وطلعنا علي المقا/بر
اصريت أنه يد/فن جنب ماما زي ما كان هو عايز كلهم طلعو برا وأنا فضلت مكاني جنب قب/ره هو وماما وكانت مارينا وچون معايا قربت مني مارينا_يلا يا مريم عشان نروح قومت من مكاني بصمت وفي نفس الوقت دخل شخص ماسك ورد أبيض كنت طلباه منه مسكته وحطيته علي قبرهه وابتسمت بدموع_هتوحشني يا عبدو كان يوم تقيل علي قلبي كنت لوحدي بمعني الكلمة لأن كان في مشاكل بين ماما وبابا وعيلتهم فقطعو العلاقات
حتي في مماتهم مفكروش يكونو موجودين!!! طبعاً مارينا أصرت إني أروح ابات معاها بس رفضت فهي جت تبات عندي هي الوحيدة اللي كانت واقفة معايا اليوم ده هي وأخوها اللي أكتشفت أنه چون ///////////////////////////////////////// _يا مريم كلي لقمة مش هينفع كده ـ مش قادره يا مارينا لو سمحتي بجد مليش نفس اتنهدت وقربت مني ضمنتي لحضنها وهنا اتفتحت في العياط_سابوني لوحدي يا مارينا ماما سابتني بدري وبابا سابني هو كمان أنا مش عارفه هعمل ايه منغيرهم
طبطبت عليا بحنان_ليكي رب كبير يا مريم….ليكي رب كبير عدي سنتين علي وفاة بابا سنتين مريت فيهم بالوحش قبل الحلو قررت مستسلمش للحزن عارفه أنهم لو كانو جنبي مكنوش هيحبو يشوفوني زعلانة!! بقيت ناجحه في حياتي وفي شغلي مع چون وبقيت من أكبر المصممين لشخصيات الكرتون وبقيت بتطلب بالاسم وبقي ناس كتير تعرفني وحقيقي دي حاجة كانت بسطاني اوي //////////////////////////////////////// _چون عايز يتقدملك بصيت لمارينا بصدمة_ايه ضربتني علي دماغي_هتعملي نفسك مصدومة يا مريم ما إحنا عارفين اللي فيها
ضحكت بخفة_يابنتي الكاريزما بتاعتي مش كده اللاه ضحكت_انجزو بقي عايزة أبقي عمتو الحربوقة _مستحيل طبعاً أوافق لازم اتقل *صباح الخير بصيت لمصدر الصوت لقيته نظراً لأني قاعدة في شقتهم علي الصبح وطبعاً هما بيحبو وجودي جدا *مريم هو أنتِ ملكيش بيت يلمك ولا أي أنتِ مقيمة عندنا مش بقولكم بيحبو وجودي جدا!! ـ عيب يا چون متقولش كده إحنا أهل //////////////////////////////////////// _مريم عايزك معايا في مشوار ـ مشوار ايه _هتعرفي لما نوصل يلا اركبي
ركبت العربية وبدأ يسوق وطبعاً أنا مش فاهمة حاجة لغاية ما وصلنا عن المقا/بر بصيت لچون باستغراب_في ايه ـ انزلي وتعالي معايا نزلت ودخلت معاه ووصلنا عند بابا وماما لقيت چون قرب مني رقع علي ركبته وطلع من جيبه علبة فيها خاتم بصيتله بصدمة فاتكلم_أنا جاي أطلب ايدك قدام طنط وعمو وبقولك تقبلي تتجوزيني دموعي نزلت لأني كان نفسي الموضوع يبقي حقيقي ويطلبني فعلاً منهم قام وقرب مني_متعيطيش بقي خلاص ها موافقة
أبتسمت_موافقة اتخطبنا الحمدلله وكنا متفاهمين مع بعض جدا _چون دي كانت عايزة تحضنك! ـ صدقيني يا مريم أنا أتصدمت وبعدت عنها بسرعة بصيتله بضيق وسكت وديرت وشي الناحيه التانيه وهو كان خايف مش عارف يتكلم ولا يسكت قاطعت تفكيره وهي بتصرخ بغيظ_كان لازم افتح دماغها عااااااااا ضحك علي جنانها فبصتله بشر_أنتَ بتضحك ضحك_شكلك عسول وأنتِ غيرانة يا بت بصيتله بضيق_أنتَ مستفز عمال تضحك وأنا بغلي من جوايا أبتسم ومسك ايدي بحنان_مريم أنا ميملاش عيني غيرك
///////////////////////////////////// بعد مرور ٤سنين اتجوزت أنا وچون وربنا رزقنا بـ بتول بنوته جميلة ورقيقة زي أمها طبعاً قربت منهم بغيظ لقيت بتول نايمة علي صدره وعماله تبوس في وشه قربت بغيظ وشيلتها برفق من هدومها من عند ضهرها _أنتِ يابت يا خطافة الرجالة ابعدي عن جوزي فاهمة بصتلي بغضب طفولي_لاء أنا عايثة ثون _بت ده جوزي أنا روحي شوفيلك عيل قدك أمشي وحطيتها علي الأرض وبسرعه قربت منه ودخلت في حضنه
شافتني وقعدت تصوت وقربت مني وقعدت تشدني عشان أبعد عنه _اوعي يابت ده جوزي ـ عايثة ثووون والتاني كان قاعد وسطينا عمال يضحك بحب علي مناكشتنا لبعض ابتسم_طفلتين…أنا عندي طفلتين تمت💗 رأيكم يا حبايب 💗🫶 #بقلم_ڤونا #حواديت_مريم_وچون #حواديت_فونا #روايات_بقلم_فونا #بقلم_فونا #