#الأول🌝🧡 كنت قاعد فى اوضتى وفجأة بابا ندهلى قومت اشوفه عاوز ايه…… لقيته بيقولى حضر نفسك هننزل البلد بكرا علشان الاسبوع الجاااى كتب كتابك على بنت عمك….
كنت فى حالة صدمة اللى هو كتب كتاب مين وبنت عم مين هو ايه اللى بيحصل انا مش فاهم حاجة طب اللى اعرفه ان احيانا البنت بيجبروها على العريس انما انهم يجبروا الولد على العروسة ديه اللى جديدة بالنسبالى الصراحة.. كان فيه كذا سؤال بيدور فى عقلى ياترى هيا بقى موافقة… ياترى كانوا مخططين من امتى…. طب ازااى هيا توافق على حاجة زى ديه من غير حتى ماتشوفنى… او انا ازااى اوافق اصلا من غير مااقعد معاها واشوفها.. انا طول حياتى مقتنع انى مش هتجوز غير عن حب ازاى اتجوز واحدة انا مجبر عليهاا… حاولت افهم بابا انه مش هينفع
انا: بس ياباب… بابا: بلا بس بلا مبسش يابنى ديه بنت عمك وانت مش هتلاقى احسن منهاا وخلاص انا وعمك قررنا وحددنا الميعاد انا: بس انا مش موافق يابابا هو انا لعبة ولا مليش لازمة علشان تجوزونى غصب عنى وتحددوا بمزاجكوا…. خلينى اتجوزتها كمان العالم كله فضى لدرجة انك عاوز تجوزنى واحدة فلاحة عايشة وسط البقر والحمير بابا: اخرس.. مالهم الفلاحيين عندهم حياااء انت يامتعلم يابتاع المدارس والمراكز وعيشة النواادى والمطاعم والسهر مش عندك واخر كلام عندى هتتجوزها غير كدة لا انت ابنى ولا انا اعرفك خلصت
هو ليه مش فاهمنى ليه مش فاهم انى مش هعرف اعيش مع واحدة مش من مستوايا ومش متعلمة ولا بتفهم طب افرض اتجوزتها لما اجيب منها اولاد افرض طلعوا جهلة زيها بس للاسف بابا حطنى فى امر واقع نزلنا البلد وكان مرحب بيناا جدااا من كل الناااس والبيت كان كبيير جداااا وواسع ونضيف لفتت نظرى بنت حلووة اوووى شكلها ميقولش انها من البلد اصلاا….عمى فى الوقت ده قال انى مش هشوف العروسة غير يوم كتب الكتااب مش فاهم ازاااى هبقى مجبر على الجواز وكمان مش هشوفها غير بعد كتب الكتاب اللى هو تدبيسة كاااملة ما شاءالله
عمى: انا خليتهم يحضرولك اوضتك فى الدور اللى فوق لو حابب تطلع ترتاح ياولد اخووى هزيت راسى من غير مااقول اى كلمة وطلعت الاوضة اللى وصفهاالى بعديهاااا بكاام دقيقة الباب خبط قومت افتح لاقيت…. #زواج_بالاجبار🧡 #تسنيم_قاسم🧡🧡#الثانى🌝🧡 فتحت لاقيتها واقفة بجمالها الهادى والمريح وماسكة صينية اكل فى ايديهااا بدأت تتكلم وانا مركز فى ملامحها وتفاصيلها مش عارف هو انا امتى بقيت اهبل كدة وبعدين معقول حب ده.. لا لا ايه الهبل ده انا فكرتى عنهم اصلا عمرى ماهغيرهااا… ركزت اكترر مع صوتها وهيا بتتكلم
هيا: انا جبتلك الوكل إن احتاجت أى حاجة نااادى بس وهتلاجينى عندك طواالى مش عارف ليه ضحكت على طريقة كلامها هيا صوتها طفولى اوووى حاسس ان طفلة اللى واقفة مش واحدة كبيرة لاقيت نفسى لوهلة بضحك وهيا ملامح وشهااا اتغيرت واتحولت ١٨٠درجة والعصبية حاوطتها هيا: هو انا بقول كلام يضحك انا مش فاهماااك بجد ايه الهبل ده لأ لأ ثوانى بقى كدة افهم.. يعنى هيا من البلد ولا لأ طب….. مقصدش انا اسف بس انتى ازاااى بتتكلمى اللهجتيين كدة ليه متكلمتيش كدة من الأول
هيا: انا حرة اتكلم زى ماانا عاوزة ديه حاجة متخصكش ده اولا ثانيا انت فاكر اننا جهلة يعنى ماانا مش فاهمااك بجد لأ احنااا بنتعلم برده ويمكن بنجيب تقديرات احسن منكوا تمام اما ثالثا فاانت متستهلش انى اقف اتكلم معاك ومن غير اذن
انا حاسس انى متفاجئ حقيقى فاجئتنى اووى يعنى هيا متعلمة طب هيا ميين انا حابب اعرف اسمهااا مش عارف ليه فى اللحظة ديه اتمنيت انها تكون بنت عمى اللى اجبرونى انى اتجوزهاااا…. بس افتكرت فى اللحظة ديه كلام عمى وانه قال انى مش هشوف العروسة غير بعد كتب الكتاب معناها ان ديه مش العروسة يوووووه اووووف كان فيه كوباية فى ايدى من العصبية رميتها اتكسرت لاقيت بابا جيه يتطمن عليا
بابا: انت كويس فيه ايه حصل ايه انا: مفيش يابابا…. او فيه بابا انا مش هقدر استنى كدة انا وافقت علشانك بس انا مش هتجوز واحدة مقعدتش معاها حتى ولو مرة واحدة وفهمتهااا وفهمت دماغها وعرفت كل حاجة عنهاا واظن ان ده من حقى لو سمحت كلم عمى واقنعه يوافق انى اقعد معاها ولو ساعتين بس بابا: لو السبب ده حجتك فاانا هريحك وهقنع عمك سكت هو مش ده حجتى بس على الاقل اطمن قلبى ……
بعدها بشوية نادونى علشان الغداا وبعد الغداا شربنا الشاااااى وبدأنا ندردش مع عمى وقعد يتكلم عن ان مفيش بنت فى البييت مش متعلمة وكلهم فى جامعة ومثقفين وان مش معنى انهم فى بلد يبقوا جهلة لأ الدنيا بتتقدم وان كان زمان كانوا ممانعيين تعليم المرأة فادلوقتى المرأة بقى ليها مكانة فى المجتمع زيها زى اى راجل قعد يقول ان زمن سي السيد وامينة ده انتهى وان البنت مبقتش جارية واحنا مين علشان نعاملهم معاملة متلقش بيهم ونفضل نفسنا عليهم اذا كان اشرف البشر وصفهم بالمؤنسات الغاليات احنا اللى هنتآمر عليهم وبعدين خلصنا الشااى و عمى بدأ يكمل كلامه وقاال…..
عمى: بص ياولد اخووى انى مكنتش موافق بس لولا ابووك وثقتى فيييك فاوافقت بس همااا ساعتيين بس ومش عااوز حديد ماسخ فااهم ياولد اخووى انا: فااهم ياااعمى.. قالى انها قاعدة فى الجنينة علشان نتكلم قلبى كان بيدق بس معرفش ليه خرجت علشان اشوفهااا بس اتصدمت….. #زواج_بالاجبار🧡 #تسنيم_قاسم🧡🧡#الثالث🌝🧡
روحت اشوفها ونتكلم وقلبى كان بيدق جااامد اوووى كأنه هيخرج من جسمى ومع كل خطوة بقرب منها كنت بتمنى فيها تكون هياااا بس اتصدمت لما شوفت واحدة تانية خاالص منكرش انهااا جميلة برده بس مشدتنييش زيهااا وكأن اتكتب على قلبى الوجع واتكتب عليا احارب اللى حواليا قعدت جنبها وبدأت اتكلم اول حاجة قولتها وكنت عاوز اسمع ردها فيها.. انا: هو انتى موافقة.. هيا: مش موافقة بس مجبرة
انا: ليه مجبرة انا نفسى مش موافق زيك انا برده مجبر زيك بس لو لاقوا مننا اعتراض يمكن يغيروا رأيهم هيا: بس مش معنى انى مجبرة انى هقف قصاد ابويااا واقوله لأ مش انا اللى اعمل كدة انا: هو انتوا كلكوا هنا بتتكلموا عاادى يعنى مثقفيين ممكن اعرف انتى درستى ايه هيا: انا دكتورة صيدلانية ياابن عمى ومش جهلة وحكاية انى اتجوز ابن عمى والجو ده المفروض انه قدم خلاص اوصل لحل لوحدك بس انا مش هقف قدام ابويااا
وقامت وقفت بعدها قعدت تانى وقالتلى.. هو انا وحشة قولتلها لأ طبعااا.. قالتلى طب ليه محدش بيحبنى وكل الناس بتبقى مجبرة عليا فى حياتها قولتلها ليه بتقولى كدة ردت وقالتلى هيا: مش انا اللى بقول انتوا اللى بتقولوا انا: مين احنا
هيا: كلكوا كبنى ادمين انا محدش حبنى انا امى ماتت وانا صغيرة من بعدهااا محستش بمعنى الحب ابويا طول عمره همه منصبه فى البلد وان لازم بنته تدخل حاجة عالية كنت دايما مجبرة على كل حاجة حتى الجامعة دخلتها عن اجباار علشان اراضى ابووويا كل مرة يجبلى واحد يقولى هتتجوزيه يعنى هتتجوزيه ولو فكرت اعارضه يعاملنى اسوأ معاملة ولما اوافق منهم اللى يقولى نفس اللى قولته ده انا مجبر عليكى واعترضى واللى سابنى يوم كتب كتابى وقام مشى لدرجة انى حسيت انى مرض معدى كل الناس بتخاف تقرب منى لتتعدى دايما كنت لوحدى محدش كان بياخدنى فى حضنه محدش كان بيحتويينى
ويطمنى ويقولى اللى جااى احسن حتى الصحااب مليش صحااب ولا اخوااات احكيلهم واشكيلهم حزنى معنديش حد غير هيا واحدة بس اللى جات من اسبوعيين وقربت منى مع انى كنت بخاف من القرب بس هيا بدأت تحببنى فى الدنيااا كنت حابة تشوفهااا اسمهااا ضى وهياا حقيقى ضى… سيبك بقى من كل ده بس مقولتليش انت اسمك ايه مش معقول يعنى تبقى ابن عمى ومعرفش اسمك انا:ضحكت شوية ان فعلا الكلام اخدنا ومعرفناش اسامى بعض..قولتلها انا اسمى محمد وانتى
هيا:وانا اسمى شمس ياابن عمى…..بتيجى على السيرة اهى هيا ديه ست ضى ياسى محمد اللى كنت لسة بحكيلك عليهاااا قومت وقفت اول ماشوفتهاااا وحسيت ان قلبى بيضحك وبيرقص وبيتنطط قولتلها انتى اسمك ضى ضى:وانت مالك انت شمس:ضى فى ايه ده محمد ابن عمى بتكلميه ليه كدة ضى:بصراحة بقى ياشمس مش طيقاه علشان انا مش عاوزة حد يجبرك على حاجة مهما كانت وبعدين بقى هو اصلا جاااى وفاكر اننا جهلة حتى متفاجئ اننا بنتكلم زيه جااى ومش عاوز حد احسن منه مش عارفة فاكر نفسه مين ده
انا اتدايقت من كلامها بس هيا فعلا معاها حق كنت واخد فكرة عنهم وحشة بس انا مأجرمتش يعنى مالفكرة الوحشة بتتمسح عااادى وبتتعدل لافكار حلوة رديت وقولتلها محمد:هو انتى ممكن تهدى فيه ايه اولا انا اسف ياستى بس ساعتها كنت بسألك عااادى بس انتى عصبية حبيتين بس سيبك انتى اسمك حلووو اوووى يااضى اول ماقولتلها كدة ابتسمت ووشها احمر ومشيت من غير ولا كلمة شمس:ايه ياعم الواقع مش لما نعرف نقنعهم الاول وبعدين ابقى حب ونحنح براحتك😂
محمد:ايه يابنتى ده 😂شمس هو انتى مش زعلانة منى بجد شمس:ياعم هيا جااات عليك يعنى اللى هزعل منك….وبعدين عاوزة اعترفلك بحاجة محمد:قولى ياشمس شمس:انا بحب واحد معايا فى الجامعة بس ابويا مش راضى يجوزهولى خالص علشاان يعنى برستيجوا مش حلوو اوووى محسسنى انه الملك رمسيس الثانى هيتنك كمان على النااس طب والله عمك ده دماااغ😂😂😂😂 لسة بتضحك وخلصت الجملة ولاقيت صوت جااى من ورايا
عمى بغضب:بتتمألسى على ابوكى يابت دمى شمس:ابووى