رحيم بقى يبصلها شويه وبقى يكمل لعب بلامبالاه احلام كمان بقت تكمل بكا وقالت..يا ترى عمل فيكي ايه يا صفا…ياربي..يارب عند صفا كانت مستغربه كلام رسلان قوي وقالت رد عليا يا بني ادم انت انا بقالي ساعه بكلمك..قولت ياريت تيجي على كده قصدك ايه..هو اخوك ممكن يعمل ايه يعني..ممكن # رسلان اتنهد وقال بخنقه..بقولك ايه..انا مش هقولك حرف ذياده..وهفكك دلوقتي علسان تاخدي راحتك فخليكي عاقله علشان اختك تفضل بخير تمام…
رسلان قال كده وفكها واخد قميصه وطلع وقفل عليها صفا كانت بتخبط على الباب وتنادي عليه بس من غير اي فايده رسلان نزل تحت واتفاجأ براجل كبير في سن الستين قاعد وحاطط ايده على دماغو رسلان اول ما شافو اتوتر وقال..احم..عم ادريس….اذيك ادريس رفع وشو ليه وكانت الدموع على خده وقال..مش بخير ..مش بخير خالص يابني..انا طالب مساعدتك يا رسلان..انا مليش غيرك رسلان اتنهد وقال..طيب اهدى الاول اهدى واقعد ..وقعدو ونادى للخدامه تعملو عصير وقعد قصاده وقال..نعم يا عم ادريس ..اتفضل خير
ادريس قال بدموع…بناتي..بناتي الأتنين اتخطفم وهما راجعين من الكليه..بناتي لسه صغيرين وخايف قوي عليهم…روحت بلغت قالولي لما نعرف حاجه هنبلغك..وانا مش قادر اصبر على البلوه دي دول بنتين..بنتين لوحدهم الله اعلم هيعملو فيهم ايه ادريس بقى يقول كده ودموعه منشفتش والحزن على ملامحو رسلان اتنهد وبصلو بحزن شديد وقال..طيب..طيب اهدى..اهدى وقلي اسمائهم وانا هحاول..صحيح موعدكش اني الاقيهم.. بس هعمل محاوله ادريس قال بسرعه ..اسمهم…الكبيره صفا..والصغيره احلام…وطلع صورتين وقال..دي صورهم..ارجوك يا ابني تحاول ..انا معرفش غيرك..ومليش حد اروحلو ربنا يتولاني ويتولاهم
رسلان اتجمعت الدموع في عنيه وقال..احم..ازاي بس ملكش حد وانا روحت فين..ده انت مربيني..وزي ابويا..انت..انت تقدر تروح دلوقتي وترتاح وانا هعمل كل الي اقدر عليه…وكمان متروحش الشركه انا هعملك اجازه مدفوعه الاجر متقلقش من حاجه رسلان قال بدموع. ربنا يكرمك يا رسلان يا ابني..كنت متاكد انك مش هتخيبني..لو عرفت اي حاحه..حتى لو صغيره كلمني..عن اذنك رسلان قال مع السلامه يا عم ادريس ونادى للسواق بتاعو يوصلو للبيت اول ما ادريس مشي رسلان رما الصور على الطاوله الي قدامو وقعد بحزن وحط ايده على راسو ..بس حاول يتماسك ونادى للحارس بتاعو
الحارس دخل وقال امرك يا رسلان بيه رسلان وقف وقال…هديلك صورة بنتين تدور عليهم كويس وبعد كده اعمل اعلان في الصحافه والتلفزيون وكل مواقع السوشيال..وتكتب انهم اختفو من يومين الحارس قال..امرك يا باشا رسلان مسك الصور واداهم للحارس الحارس اول ما شاف الصور اتسعت عنيه بزهول وفضل واقف مكانو رسلان بصلو بغضب وقال..ايه..هتفضل باصصلي كده كتير
الحارس قال بخوف..ابدا يا باشا بس دول يعني بس رسلان قاطعو وقال بغضب..دول انت مشوفتهمش..ولسانك خليه في بقك احسنلك..وروح اعمل الي انا قولتهولك… ومتنساش الاعلانات
لازم ابوهم يشوف الاعلانات مغرقه المواقع كلها
الحارس هز راسو بخوف وقال..امرك يا باشا. وطلع جري ينفذ رسلان بص لاطلالة القصر بحزن شديد..مش قادر ينسي ان الراجل الي عمره ما طلب منو اي شيى مع انو كان بيتمنى يخدمو في اي حاجه..دلوقتي بيتجاهلو وبيخدعو..خدع الراجل الي كان في مثابة ابوه
ادريس مدير اعمال مصطفى السباغ والد رسلان وصديق عمره
و هو الي مربي رسلان على ايده وكمان وقف جمبو بعد مو*ت ابوه وبقى معاه خطوه بخطوه في شغله..بس كمان مش لاقي حل غير ده…بعد الي كان يحكيه ادريس ديما عن صفا واحلام وقد ايه هما روحهم متعلقه ببعض ويستحملو المو*ت علشان خاضر بعض ملقاش حل غيرهم خصوصا ان احلام انسب واحده لحالة رحيم ..اتنهد وقال..سامحني ياعم ادريس سامحني يا راجل يا طيب
عند احلام من كتر ما بكت كتير تعبت ونامت مكانها وكانت في حلم جميل انها بتاكل هيه واهلهاوصفا ومبسوطين سوا ….بس صحيت مخضوضه على صوت عالي وغريب جدا احلام فتحت عنيها بخضه وبتبص اتغاجأت برحيم بيخبط باديه ورجليه ويتنطط جامد ويعمل صوت غريب جدا زي ما يكون بينادي بس اصوات مش مفهومه احلام وقفت وقربت منو بخوف وحزر وقالت …فيه ايه..مالك عايز ايه رحيم بقى يتنطط بنفس الطريقه ويلف رايح جاي ويزمجر وبس
احلام مكانتش فهماه قربت وقالت..طب حاول تشاورلي طيب مالك بس رحيم بصلها بغصب ودفعها بايده جامد خبطها في الحيط احلام اتخبطت في ضهرها جاكد ووقعت على الارض وبقت تبكي رحيم هدي فجأه لما شافها بتبكي وبتتألم قرب منها وقعد قدامها وبقى يبصلها وبس احلام قعدت وهيه ماسكه ضهرها بالم وقالت بدموع..انا مش فهماك والله مش فهماك..وبقت تبكي اكتر رحيم زعل عليها وبان على وشو وقرب اكتر وهيه محاولتش تبعد غمضت عنها ومستنياه #ويخلصها بس اتسعت عنيها بزهول لما شدها ليه وبقى يصلها وقرب عليها وبقى يمشي لسانه على خدها زي الحيونات
احلام اتصدمت من الي بيعملو وكانت بين اديه بس زقتو بسرعه وقالت بغضب..فيه ايه.. لا ما انا فاهمه الكلام ده كويس…هتطلب معاك قلة ادب هعمل أفخادك موزه مشويه متفتكرنيش سهله رحيم فتح عنيه جامد وهز راسو بفرحه وابتسامه زي ما تكون قالت حاجه فهمها احلام استغربت وقالت..ايه عايز ايه رحيم بقى يهز راسو جامد بفرحه احلام قالت بسرعه. ايوه ايوه تمام معاك فهمت انك عايز حاجه انا قولتها..عايز تاكل جعان..جعان..انت..وبقت تشاور على بقها
رحيم هز راسو بايوه بسرعه احلام ابتسمت بفرحه وقالت..تمام..تمام انت جعان عايز فخده..احم..مش كده انا قولتلك فخادك فانت علشان كده انبسطت..تاكل لحم..لحم رحيم هز راسو بلا بيأس احلام قالت باستغراب..امال ايه طيب..انا قولت هعمل افخادك موزه مشويه انت مش عايز الحم عايز… بس قطعت جملتها وبصتلو بزهول وقالت..عايز موز بقلم..زهرة الربيع
رحيم ابتسم جامد وهز راسو بمعنى ايوه وهو مبسوط جدا احلام بقت تبصلو على قعدتو ومشيتو على اديه ورجليه وحركاتو الي بيعملها ده مش مجرد شخص مريض او اخرس … ضحكت بدهشه وقالت..موز..عايز موز..ههه..حاضر..انا هجبلك شجره موز..كتير كتيييير اوي..بس لازم اقابل اخوك الاول و
احلام لسه بتحاول تتكلم معاه لقت رسلان جيه ومعاه واحد من الخدم شايل صينيه اكل عليها اكل لاحلام وشويه موز لرحيم رسلان دخل وحطلو الأكل واحلام كانت بتبصلهم بزهول خصوصا لما رحيم وقع الموز على الارض وبقى يقشر وياكل وهو قاعد على رجليه واديه زي الحي,وانات بالظبط احلام رمشت بعيونها بدهشه وبصت لرسلان الي كان بيتفرج عليه بحزن وقالت..هو ده..ها..اخوك مالو…ايه التصرفات دي..وموز ايه الي بتديهوله وليه مش بيتكلم وليه…
بس رسلان قاطعها وقال بزعيق..ايه …ايه لايأله دي كلها هرد على ايه ولا ايه..واتنهد وقال..بصي يا انسه احلام .انا معنديش في الدنيا غير اخويا رحيم..وهو للاسف اتخطف وهو صغير..والي خطفوه حطوه مع مدربه في السرك..كانت بتدرب قرود وغوريلات..وكانت خرسه مش بتتكلم..فضل معاهم طول عمره يتصرف زيهم وياكل معاهم..كانت تحبسو معاهم وتسيبو ينام ويتعامل وياكل ويشرب على طريقتهم..ويوم العروض تاخده وتخليه يشتغل معاهم زيو زي القرود وكانت الناس تروح تتفرج عليه لانو انسان بس بيتصرف زي قرد
احلام اندهشت من الي قالو وقالت..زي طرزان يعني رسلان قال بسرعه..بالظبط عليكي نور..زي طرزان..الفرق بينو وبين طرزان ان طرزان اسطوره..انما هو حقيقه قدامك زي ماانتي شايفه احلام بصت لرحيم وقالت..طب وانت جايبني هنا ليه رسلان اتنهد وقال..سؤال جميل…انا جايبك تاخدي بالك منو وتعلميه كل حاجه ..كل حاجه بمعنى كل حاجه..ياكل زينا يشرب زينا ويلبس زينا والأهم يتكلم زينا احلام اتفاجأت بالي قالو وضحكت وقالت..نعم..حد قلك اني فانوس سحري..انت عايزني افضل مع القرد ده واعلمو كمان..انت مجنون ولا ايه
رحيم لما علت صوتها بصلها باستغراب واحلام ابتسمت بضيق وقالت..حبيب قلبي..كل موز رحيم بقى يكمل اكل وهيه بصت لرسلان بغضب وقالت..انا عايزه اروح انا واختي ..شفلو مربيه وبلاش جنان رسلان مسح على وشو بضيق وقال…شوفي يا انسه احلام ..عصبيتك وزعيقك وكل رفضك ده مش هيجيب نتيجه…انا حاولت كتير اجيب مربيات وشغالات..بس كلهم مشيو …وكمان مكانش يستفيد منهم حاجه احلام كتفت اديها وقالت بضيق .وليه متخيل بقى اني هوافق..وايه الي اوحالك اصلا اني هفيده
رسلان ابتسم ..وقال..متاكد انك هتفديه…لاني عرفت عنك انك عنيده جدا..وانك لما بتحطي حاجه في دماغك بتعمليها..وكمان لانك اشتغلتي مربية اطفال بعد الضهر وكنتي تجيبي اعداد كبيره من الاطفال الي اهاليهم مشغولين وتخليهم عندك وكمان تحسني سلوكهم احلام بصتلو بدهشه ازاي يعرف عنها كل ده ورسلان ابتسم بخبث وكمل وقال..اما بقى ايه الي هيخليكي توافقي..فده شئ مفروغ منو..لان ببساطه اختك الي عندي فوق..هتجبرك توافقي..ده طبعا لو بتحبيها..لانك لو رفضتي لا هتعرفي ولا هتتخيلي الي هعملو فيها..خليها مفاجأه
احلام بلعت ريقها برعب وقالت بدموع.يا استاذ رسلان..انت معاك حق في كل الي قولتو..بس انا بتعامل مع اطفال..اطفال فاهمين بقول ايه مش حي,وانات..مش هقدر رحيم رفع وشو ليها تاني وبقى يبصلها جامد
واحلام …قالت بسرعه..بص طيب..بص بيبصلي ازاي رسلان نفخ بزهق واحلام اتنهدا وقالت..طب..طب لو انا مقدرتش افيدو بحاجه..ايه العمل رسلان ايتسم بسخريه وقال…بس انا اخترتك انتي بذات لاني متأكد انك هتفديه..ورغم انك اصغر من اختك..لاكن اخترت ان انتي الي هتكوني معاه لاني متأكد ان بالك اطول وهتنفعيه..يلا..انا همشي دلوقتي ..وكل ما يجي معاد الاكل هاجي اجبلكم اكل
رسلان مشي واحلام وقفت تبص لرحيم كان خلص اكل وقاعد بيدور ويلف في المكان بدون هدف …اتنهدت وقالت ..طب انا هبتدي معاك بايه طيب…وقربت منو ومسحت على شعره بحنيه وقالت..شبعت…انا بحس انك بتفهم بقول ايه..انت …شبعت..اكلت الموز كلو رحيم بصلها وابتسم ابتسامه جميله …واحلام ضحكت بخفه وقالت ..مش طبيعي قد ايه بريئ زي الاطفال الحلوين رحيم كان بيبتسم لها ببرائه واحلام اتنهدت وبقت تفكر هتحاول معاه ازاي عند رسلان طلع لصفا واول ما فتح الباب جريت عليه وقالت..كنت عند احلام ..ها كنت عندها اختي كويسه مش كده
رسلان قلع الجاكت وقال..تمام..اختك ممتاذه..بس بباكي كان هنا من شويه صفا قالت بفرحه..بابا..ازاي..وازاي عرف مكانا رسلان اتنهد وقال..والدك يبقى مدير اعمالي في الشركه..انتو عمركم ما جيتو هناك علشان كده متعرفونيش صفا اتسعت عنيها بزهول وقالت..ايه..بابا شغال عندك رسلان قال بحزن..لا مش شغال عندي شغال معايا وفي معزة ابويا بالظبط رسلان قال كده وقعد على الكرسي وبقى يولع سجاره بضيق
صفا كانت مصدومه من الي بيقوله وقالت..ههه..في مقام ابوك…ونعم الأبوه …وياترى ابوك يعرف انك خاطف بناتو
رسلان بصلها بضيق وقال..لا ميعرفش..ومش هيعرف .وانتو امتى ما تمشو من هنا..ممنوع تعرفوه..فهمتي صفا قعدت على السرير بزهول وقالت..انا في حياتي ما شوفت حد حقير زيك بجد والله رسلان طفا السيجاره بغضب وقال…اشششش…من غير قلة ادب..علشان اعاملك بأدب..سمعتي عند احلام كانت لقت طريقه بعد تفكير كتير تبتدي بيها مع رحيم
وهيه انها رسمت على اللوح الي في الأوضه صور لقرود كتير وسمت كل قرد بحرف وبقت تنطق ببطأ شديد وتخلي رحيم يقول وراها قالت…ده..ألف..بنقول..أااا…أاااا
رحيم قال بحماس…أاااا احلام ابتسمت وقالت..برافو..وادتلو موزه وقالت…إييي
..إييي
رحيم قال بفرحه..إيي…إييي احلام قالت بابتسامه…أووو….أوووو