_في اي يا دكتور _الحاله اللي لسه جايه حالتها صعبه اووي ولازم عمليه جهزي العمليات يا يارا _حاضر حاضر جريت اجهز العمليات وانا حاسه ان قلبي مقبوض مش عارفه مالي المهم انى اجهز العمليات علشان انقذ الشخص دا ….. بدأت العمليه الشخص دا حقيقي مفيش له ملامح يااااه للدرجادي في اذي عرفت انها كانت حادثه كبيره جدا وكمان مش عارفين نوصل لحد من أهله انا كنت بساعد الدكتور بقلبي عوزا أنقذ حياته لي مش عارفه…
انتهت العمليه والدكتور اتنهد براحه. _حولوه علي العنايه لحد ميفوق انا اللي اتكلفت برعايته وفضلت جنبه اول مره قلبي يتخطف كدا !؟ بصيت للدبله اللي في أيدي ضحكت بسخريه هي دبله والسلام مفيش احساس انا حاسه اني مش مخطوبه حياتي واقفه مع شخص مش بيقدرني ولا بيهتم بيا عوزا ابعد بس كلو خوف خوف وبس من كلام الناس واهلي!؟ _يا دكتور المريض بدأ يحرك أيده الدكتور جه وفحصه والشخص دا بدأ يفوق وانا واقفه ببص لي كل لما يعمل حركه قلبي ينقبض هوا اي للي بيحصلي دا!؟
_اسمك اي _مش فاكرررر _ازاي طيب مش فاكر انت كنت فين ولا اي جابك هنا ولا اي حاجه _لا مش فاكر اشارات غريبه علي تعبيرات وجهه هل هوا بيهرب من الماضي ولا دا هروب من الواقع … _خلي بالك منو يا يارا _حاضر يا دكتور قربت منو وقعدت قدامه _امممم ازيك انا اسمي يارا الممرضه المرافقه ليك بصلي ومردش _انا عارفه انك ناسي اسمك بس اي رايك يكون اسمك محمد حلو صح
_برضو مفيش رد طيب ممكن تقولي اي مضايقك _بصلي اوووي وسكت طيب ممكن تاخد العلاج دا اديته العلاج وبرضو مفيش كلام _طيب انت مش فاكر حد من أهلك ولا حتى معاك اي إثبات شخصيه انت كنت فين *هوا انا بقول اي دا هبل مثلا مني ماهوا اكيد مش فاكر …. _يلا يا محمد هنكتبلك علي خروج _هروح فين _دور علي اهلك _هوا انا ممكن اشتغل معاكوا هنا انا مش عارف حد ولا عارف حاجه هبقى تايهه انا حاسس اني مولود جديد هنا
_هنشوف الموضوع دا بس تدريبك الاول هيبقى مع يارا تمام بصلي وسكت هوا مش بيحب يتكلم معايا لي!؟ _تعالي يا محمد هتبدا شغل معايا من النهارده وانا واثقه انك هتتعلم بسرعه مش زيي قعدت سنه عقبال متعلمت بدأت أعلمه وبدأ يشتغل معانا وبقى ليه حياته الشخصية وعايش طبيعي جدا وحاسه أننا بنقرب لبعض يوم عن يوم وكل يوم ببص في أيدي وافتكر الدبله اللي ربطاني بشخص ملهوش وجود وقلبي مع محمد!
_ماما خدي الدبله دي مش عوزاها رجعيها لصاحبها _انتي اتجننتي _لا متجننتش يا ماما بس دي الحقيقه انا فعلا مش عوزا اكمل هوا ولا كأنه موجود عن اذنك يا ماما انا عمري مقبل اني اكون مهمشه في حياة حد … حسيت براحه غير موصوفه سعادة مش عارفه مصدرها… رحت الشغل وقابلت محمد ابتسمت تلقائي اول لما شوفته _فين دياتك _رجعت لصاحبها _لي _منظر عالفاضي بكل بساطه ملهاش لازمه _بجد!؟ شوفت الفرحه في عنيه مش عارفه اي مصدرها
_متزعليش ربنا يعوضك _لا مش زعلانه وواثقه في ربنا وفي عوضه عن اذنك… روحت اشوف شغلي _يارا _نعم _ممكن النهارده اعزمك عالغدا _تمام موافقه روحنا مكان جميل وعزمني عالغدا _يارا _نعم _بحبك.. _اي _بحبك مش عارف ازاي بس انا حابب وجودك انا اه مش عارف هويتي ولا عارف انا مين بس انا اتولدت من يوم مشوفتك _انت بتتكلم جد _ايوا يا يارا _وانا كمان _انتي كمان اي _بحبك احساس غريب اتولد جوايا من يوم ما شوفتك وحبيتك من اول نظره وانت تايهه وانا بكلمك ومش عارف ترد حبيت اني علمتك كل حاجه حسيت انك طفلي ..
_ان شاء الله هاجي اتقدملك قريب وهبدا معاكي حياتي انا مش عاوز حاجه تانيه … _تشربي عصير قصب _اه راح الناحيه التانيه يجيب عصير قصب وفجاه وهوا راجع عربيه خبطته صريخ والم ووجع الدنيا بتلف بيا الأرض مش شايلاني خدته المستشفي الدكتور عمله عمليه وبدأ يفوق امل اتولد جوايا من جديد _حمدالله عالسلامه يا محمد _انتو مين!؟ بصدمه:اي!؟ يتبع…. يارب تعجبكم والجزء الثاني هنزله بكراا #يارا_عبد_السلام #احببت_فاقد_الذاكرة _انتو مين صدمه حلت عليا معقول مش هيفتكرني ولا هيفتكر حبي ليه دانا لسه قايلاله بحبك لسه كنت مع بعض
فوقت علي صوت الدكتور _انت اسمك اي _اسمي احمد الباز _حضرتك احمد الباز صاحب القصر الفرعوني وشركات الاستثمار _ايوا انت مين ومين اللي جابني هنا انا كل اللي فاكره اني كنت عامل حادثه وبس مش فاكر حاجه بعد كدا _طيب ثواني وراجعلك خليكي معاه يا يارا كنت واقفه مذبهله مش فاهمه اي اللي بيحصل اي دا ومين دا هوا دا حبيبي!؟ _بتبصيلي كدا لي يبتاعه انتي هتاكليني ولا معجبه بيا متحلميش يلا غوري من هنا هاتيلي تليفون اتصل بحد يجي ياخدني من المستشفى المعفنه دي
انا مصدومه معقول دا محمد ابو قلب طيب الملاك!؟ مشيت مشيت اي انا مش حاسه بنفسي انا مصدومه وتعبانه حلمي ضاع وحبيبي ضاع حياتي مش مكتوبلها فرح ابدا حزن حزن حزن …. قابلت الدكتور وقالي انو اتصل بحد معرفه يعرف عنوانه لانه طبعا احمد الباز شخص معروف بس يا تري اي اللي عمله الحادثه …. _هوا انتو مش هتخرجوني من هنا .. وانتي انتي هتفضلي بتبصيلي كتير اي دا الدكتور خد باله وكان واخد باله اني كنت بحب محمد اصلا كل اللي فيا من أثر الصدمه كانت ممكن تكون اجمل ايام وممكن ماتتعوضش…
_لو سمحتي غرفة احمد الباز فين بصيتلها بصدمه معقول ممكن تكون دي مراته أو خطيبته بس دي حلوة اووي!؟ _احم الغرفه اللي جايه عاليمين حضرتك مين _انا خطيبته وبنت عمه صدمه تاني قلبي بقاش يستحمل صدمات خلاص كفايه انو نسيني هوا خاطب كمان وله حياته ياااه اي الوجع اللي حاسه بيه دا انا هم*وت من وجع قلبي قلبي ملحقش يفرح بيه جه وصدمه تاني يلا ربنا يسعده…. دخلت لقيته حاضن البنت اللي دخلت حمحمت وبعده عن بعض
_هوا انتي مصممه تتهزقي صح انتي هبله _احم حضرتك في ميعاد دوا علي ما اظن يعني وإلا مكنتش دخلت وقطعت خلوتكم واتفضل حضرتك الدوا أهه وعن اذنك…. خرجت بعد مفرغت شحنه مكبوته جوايا هوا انا لي بيحصل معايا كدا لي… _يارا _نعم يا دكتور _انا عارف ان اللي حصل دا صدمه ليكي وانا عارف انك كنتي بتحبيه عنيكي كانت فضحاكي بس نصيحه مني ابعدي أو خلي حبك مدفون جواكي لأن احمد الباز شخص مش سهل صدقيني وكمان شرير جدا عنده زي اللعب والض*رب تسليه فانتي مش قده ولا قد اي حد من الناس دي وانا زي اخوكي
_خلاص يا دكتور هوا فعلا باين عليه بس لما كان محمد كان احسن بكتير طيبه وجمال وابتسامه كان شخص مختلف تماما عن الشخص دا _لانه مكنش عارف هوا مين لكن هوا كان معاكي بشخصيته الحقيقيه دي شخصيته المصنعه اللي احنا شايفنها _لي بيصنع شخصيه _علشان مكانته تسدعيه للغرور والافترى والتكبر فاهمه هزيت راسي ايوا انا فاهمه فاهمه أو بمعني اصح فهمت شخص مجهول حبيته وطلع مختلف باحث كتير صح …
_حضرتك ماشي لي مينفعش لسه العلاج _انا همشي من هنا محدش لو دعوة _طيب حضرتك ابعت معاك ممرضه تاخد بالها منك لأن حالتك صعبه _تمام _يارا روحي معاه لقيته بصلي باصه ذات معني هوا لي بيكرهني كدا هوا انا للدرجادي وحشه …. البنت اللي معاه دي او خطيبته كانت هي اللي سائقه العربيه وكنت أنا راكبه جنبها انا حاسه انو بيتألم بس مش هتكلم انا عرفه انو مش طايقني بس انا بحبه بحبه وبس.
وصلنا لمكان فيه قصر قصر اي دي مملكه كبيييير اوووي تحسوه كدا قصر تاريخي فرعوني هوا مين احمد الباز دا بقيت اقول في بالي يعني شخص زي دا ممكن يحب يارا اللي هي انا …. البنت نزلت ودخلت علي طول للدرجادي هي عديمه المسئوليه هوا حاول ينزل بس مش عارف مديت ايدي ليه _لا انا هنزل لوحدي ملكيش دعوة _طيب حضرتك دا شغلي اني اساعدك ومش قصدي حاجه مد أيده لانه فعلا كان محتاج مساعده
قلبي بيدق في قربه من أيده اللي لامسه ايدي هوا ممكن. يحس في يوم من الايام أو يفتكر أو قالي بحبك !!! دخلت القصر يعني ازاي قصر يتفتح لوحده…. الباب تتفتح وظهر المستخبي صور واشكال وحاجات غريبه متعلقه عالحيطان اللي يشوف العظمه اللي برا ميشوفش الحيطان السودة والظلمه… _احم هوا البيت دا مفيهوش نور _انتي هبله نور اي دا قصر الفرعوني بتاعي النور بيجي وقت ميحب ويمشي وقت ميحب _اي!؟
وفجاه النور جه وحسيت روحي بتتسحب مني لما شوفت…..!؟ يتبع…. #يارا_عبد_السلام #احببت_فاقد_الذاكرةوقفنا البارت اللي فات ان نور القصر جه ويارا اتفاجئت بحاجه اي هي هنعرفها دلوقتي…. وفجاه شوفت كمية تماثيل وصور لناس اول مرة أشوفها وناس كتيره واقفه هوا انا فين للدرجادي احمد الباز دا مهم … استنوا اي دا … _انتي هتفضلي مذبهله كتير _هوا انا فين اي المكان دا دا مكان خرافي انا اول مرة اشوف حاجه كدا
_دا قصري القصر الفرعوني اللي سمعتي عنوا الصحفيين والناس لازم ياخدوا أذني علشان يجوا هنا انا اللي عامل الشغل دا … _بتهزر يعني أنت اللي عامل الشغل دا والصور والتماثيل لي انت مين.. _انا شخص عادي المشكله ان بلدنا دي مش بتحب الناس الناجحه اول لما يلاقوا حد ناجح بيبقوا عاوزين يأذوه وممكن توصل زي اللي حصل معايا دا … _علشان كدا طيب يلا نروح المكان اللي هتقعد فيه علشان في علاج هتاخده بعد نص ساعه…
_بقولك اي انا بحبش الأوامر من حد وخصوصا منك انتي بالذات *انا كنت بسمع الكلام دا منو وانا مذبهله اشمعنا انا مش طايقني كدا هوا اللي بيحب حد وهوا فاقد الذاكره بيكرهه بعدها!؟ هوا انا بقول اي ….انا تايهه ضايعه مش عارفه انا فين ولا دا مين انا كان مالي بس بوجع القلب دا … _انتي هتفضلي شارده في افكارك العظيمه دي ممكن تساعديني اروح الجناح بتاعي ولا هتفضلي واقفه مكانك كدا يا بتاعه انتي…
عنيا دمعت هوا دا الشخص اللي كان من يومين بيقولي بحبك!؟ هوا اللي انا اعرفه ان الانسان بيحس بالشخص اللي بيحبه لو مش فاكره يبقى بقلبه هوا مش فاكرني خالص!؟ خدته وطلعنا الجناح بتاعه ودي كانت تاني مفاجأة ليا في القصر دا هوا القصر دا كلو مفاجات اصلا … شوفت تمثال في مدخل الجناح نسخه طبق الاصل من احمد تقريبا هوا وبعدين في القصر اللي مليان صور وتماثيل هوا انا وقعت في مقبره فرعونيه!؟
وتلقائيا قولت _غريب اووي المكان دا _منا عارف انتبهت لكلامي وسكت _انا مش عارف انتي متفاجاه لي _اصل اصل الصراحه شكلك ميدلش علي المكان دا خالص _عادي اوقات كتيره كدا بنكون عايشين في مكان مش شبهنا أو الظروف هي اللي بتحكم علينا كدا _وانت ظروفك تحكمك انك تعمل التماثيل دي كلها والصور القصر كأنه متحف _بحب الخلود وبحب النحت والرسم الي جانب اني مستثمر _هوا في كدا
_اه في طول ما الواحد عاوز يحقق حاجه بيوصلها انا فضلت طول عمري من وانا طفل حلمي يكون عندي قصر ويبقى عندي تماثيل كنت دا بتفرج علي صور للفراعنه وبجيب التين الصلصال واشكل وارسم لحد مبقيت زي مانتي شايفه انا مش عارف انا بقولك الكلام دا لي بس يلا غوري من وشي! بصيتله بصدمه هوا اي دا هوا عنده انفصام الشخصية ولا اي شويه يتكلم كويس وشويه يهزقني يبقى اكيد الشخصيه اللي كان معايا بيها دي الشخصيه المجهوله أو الحقيقه زي ما الدكتور قال…
خرجت وسيبته وقابلت البنت اللي هي بنت عمه دي هوا اي دا هي مالها مزه كدا لي حقه يحبها ويحضنها الله … _هوا عامل اي _كويس الحمد لله _هوا انتي بقى هتفضلي هنا كتير اي دا هي بتكلمني كدا لي _لا أن شاء الله همشي لما الدكتور يقولي _تمام ابقى خدي بالك منوا بقى اصل احمد دا حبيبي وخطيبي ماشي يلا بقى سلام علشان خارجه *هي الناس دي ملبوسه ولا اي ولا هم اي بالظبط انا جالي تشتت مش فاهمه منين بيودي فين انا اي اللي وقعني في المجانين دول ….
نزلت تحت علشان ادور عالمطبخ واقولهم بالاكل اللي لازم يعملوه علشان احمد اااااه الحب المجهول اللي مكملش يوم واحد يا دنيا لي بتحطي علي جرحي كولونيا… نزلت المطبخ وقولتلهم علي الاكل اللي لازم يعملوه.. وخرجت من المطبخ والصراحة عجبني القصر والجنينه وانا بحب الاماكن دي جدا والزرع والشجر خرجت برا الجنينه وقعدت علي كرسي كدا شوفت البنت وهي خارجه وقابلت شخص وحضنته!!! هي فاتحاها سبيل ولا اي!؟ يا لهووووي واتفاجئت اكتر لما شوفت الشخص اللي معاها….
بصدمه:اي دا!؟….. يتبع… #يارا_عبد_السلام #احببت_فاقد_الذاكرهوقفنا البارت اللي فات أن يارا شافت البنت واقفه مع شخص …..يا تري مين هنعرفه دلوقتي صلو علي سيدنا محمد اتفاجئت بالشخص اللي هي واقفه معاه معقول هوا ازاي ويعرفها منين الشخص دا طلع خطيبي اللي للاسف كان خطيبي قربت منهم بحرص بحيث أنهم ميشوفونيش وسمعت _هوا عامل اي دلوقتي _اهو متلقح فوق زي القرد طلع عايش بعد الحادثه اللي دبرناها انا مش عارفه هوا مش بيمو*ت لي دي تالت مره نحاول وينفد منها !؟
_متقلقيش هفضل وراه لحد مجيب اخره بس هوا بس يثق فيا شويه كمان وانا هشربه السم بايدي .. _انا زهقت منو ومن التصنع امتى هيمو*ت بقى والفلوس دي كلها تبقى بتاعتنا _قريب يا حلو متقلقيش انا حتى ألبومه اللي اسمها يارا فسخت الخطوبه مني يعني هي كانت حاجه بداري بيها اللي بينا _اه وانت بقى كنت بتحبها مش كدا _لا طبعا انا مش بحب الا انت يا جميل…