صدمه حلت عليا هوا اي اليوم اللي كلو صدمات دا الشخص دا كان اللي هوا خطيبي ميبانش عليه الشر دا انا فعلا مكنتش مرتحاله بس مكنش يطلع بالاذي دا. .. والشخص المسكين دا طلع عنده أعداء بالكوم للدرجادي الإنسان الناجح أعداءه كتير والقريب اكتر من البعيد.. اللي يشوفها وهي خايفه عليه وبتحضنه ميشوفهاش وهي بتخطط ياااااه الدنيا دي صغيره اوووي وفعلا الواحد لازم يشك في صوابع أيده حتي….. طيب انا اعمل اي دلوقتي أقوله ولا اعمل اي قلبي خايف وعقلي بيقولي اجمدي ودافعي عن حبيبك دا حبيبك …
حبيبي!؟ دا نسيني بس برضو ممكن في يوم من الايام يفتكرك الله اعلم بس انتي خليكي واثقه في ربنا وفي نفسك…. دخلت القصر علشان ميشوفونيش طلعت الجناح بتاعه لقيته قاعد علي السرير وحاطط رأسه بين أيده… قربت منو _احم مالك يا محمد ااااقصد مالك يا استاذ احمد بصلي باصه غامضه معرفتش احدد معناها ولقيته وقف وانفعال _هوا انتي جايه تمرضيني ولا تشوفي مالي خليكي في نفسك وشغلك وبس وملكيش دعوة بحاجه تانيه مفهوم
عيني دمعت انا فعلا مليش دخل بس هوا ميعرفش انو كل حياتي وحياتي مرتبطه بيه!؟ _احم تمام حضرتك عندك علاج دلوقتي وغيار علي الجرح _تمام خلصي شغلك وغوري من وشي مش عاوز اشوفك الا لما اخد ادويه أو علاج بتضايق لما بشوفك _حححاضر بدأت اديله العلاج واغيرله علي الجرح منكرش أن قربي منو بيخلي قلبي يدق وببقاش متلميه علي اعصابي للدرجادي انا بحبه … _احم انا خلصت عن اذنك _استني
_نعم _مش عاوزك تزعلي من اسلوبي _لا عادي انا متعوده علي كدا بحكمي كممرضه دا شغلي _طيب خلصي وغوري من وشي بصيتله بصدمه والله العظيم عنده انفصام الشخصية لا دا مجنون وبحالات انا جالي حول من العيله دي امتى اخلص شغل بقى… دخلت المطبخ والصراحة كنت جعانه وممنعتش نفسي اني اقف اطبخ اكله حلوة كدا علي ذوقي… _عندكوا دقيق _اه كل حاجه عندك اتفضلي _تمام بدأت اعمل الاكله المفضله اللي هي طبعا المكرونه البشاميل
_وااااو طعمها يجنن يلا اديني استفدت من المخروب دا بحاجه من وشك يا احمد يا باز معرفش اي باز دي ههههههههه _هوا انا هنام فين _تعالي يبنتي دي الأوضه بتاعتك _تمام شكرا ليكي يلا بقى فعلا الواحد بعد للبيشاميل بيحتاج يأيل شويه … دخلت الأوضه وطبعا انبهرت بيها وبجمالها ونمت عالسرير ودا طبعا بعد متوضيت وصليت ونمت بس طبعا لازم اعيط شويه عاده بقا صحيت لقيت الساعه 12 بليل كنت جعانه
_لما انزل اشوف المكرونه لسه موجوده ولا لا خرجت من الأوضه والقصر كلو ضلمه وكنت خايفه نزلت تحت دخلت المطبخ وسمعت صوت عربيه برا داخله القصر … كانت (سلمي بنت عم احمد)وخطيبي (عماد) _اي دا هم عايشين كدا الساعه 12كانو مع بعض بيعملو اي … وشوفته وهوا بيحضنها وبيبوسها يا لهووووووي اي السفاله دي… كانت داخله وانا مش عوزاها تشوفني طبعا مشيت لحد مدخلت اقرب اوضه ليا …. دخلت الأوضه وفجاه النور جه …
شوفت… يتبع… #يارا_عبد_السلام #احببت_فاقد_الذاكره #البارت_الرابع_انت لسه هصوت لقيته جاي عليا وكتم بوقي بصيت في عنيه وهوا كان بيبصلي حسيت أن قلبي هيقف من دقاته امتى بقى هيعرف اني انا حبيبته مش هي… فوقت علي صوته…. _اسكتي هتفضحينا _انت بتعمل هنا اي يا استاذ احمد!؟ _انتي اللي بتعملي اي في الوقت دا في القصر عوزا تقلبي عيشك ولا اي!؟ _انا مسمحلكش انا واحده محترمه كل ما في الأمر اني كنت جعانه ونزلت ادور علي اكل وبعدين وبعدين
كنت متوتره مش عارفه اقولو اي _وبعدين اي انطقي اي اللي جابك هنا وبتدخلي اي اوضه ازاي هوا مش انتي ليكي اوضه _اااصل انا شوووفت شوفت _شوفتي اي _شوفت فار ايوا فار في المطبخ وخوفا قومت دخلت اقرب اوضه ليا _متاكدا كان بيبصلي بشك معقول هوا عارف اللي بيحصل من وراه بس انا لو اتكلمت ممكن ميصدقنيش وكدا ابقى جبت لنفسي مشاكل… _ااايوا _طيب اتفضلي اطلعي اوضتك ومتخرجيش منها تاني الا الصبح يلا غوري
_ححاضر فتحت الباب لقيت سلمى في وشي… اتصدمت اي جابها هنا دخلت وقربت من احمد _حمودي اي جابك هنا وسبت اوضتك اي يا حبيبي _معلش كنت تعبان شويه وعاوز حاجه تسليني نزلت هنا اقرا كتاب انا واقفه ببصلهم وبس وبحسره المفروض انا اللي اكون مكانها هي مش بتحبه انا اللي بحبه دي خاينه ليه هوا لي مش حاسس بيا انا بحبه يارب يفتكر بقا _هوا انتي هتفضلي واقفه كدا كتير خدتينا كام صورة
اتحرجت ومشيت من غير متكلم _حبيبي انت هتنام ولا هتسهر شويه _لا هسهر شويه يا حبيبتي اطلعي انتي نامي _حاضر عاوز حاجه وباسته من خده ومشيت ظل ينظر في إثرها بشرود وعلامات لا تبشر بخير ماذا ينوي أن يفعل احمد الباز…. عند يارا جلست تبكي علي حالها وما وصلت إليه … يارب انا مش معترضه علي حكمك وقضاءك انا بس عوزاه يعرف اني حبيبته مش هي مهما عمل معايا بحبه برضو يارب يفتكر بقى….
مسكت الموبايل بتاعها ودخلت عالفيس ونزلت بوست “هوا لي لما تحب حد بإخلاص مش بيحس بيك إلا بعد فوات الاوان!؟ فضلت شويه ولقيت حد علق “ممكن ظروفه منعاه او ممكن مستني الوقت المناسب!؟ فعلا ممكن قفلت الموبايل ونمت … صحيت الصبح كانت الساعه 8 اتوضيت وصليت وخرجت روحت جناح احمد علشان اديله العلاج بتاعه خبطت واذنلي بالدخول _احم انا اسفه بس حضرتك عندك علاج دلوقتي.. _تمام دخلت وبدأت اديله العلاج واغيرله عالجرح كنت متوترة وانا بغيرله عالجرح بالذات انو النهارده هادي اوووي ماله دا!غريب…
_هوا انتي هتفضلي تفكري في شخصيتي كتير متتعبيش نفسك .. _اااي انت انت _عرفت ازاي بكل بساطة بحس بيكي _اي.. _اي انتي مش خلصتي يلا امشي من وشي بقى علشان بتعصب لما بشوفك غوري يلا… بصيتله بذهول هوا اي دا للدرجادي الحادثه مأثره عليه ولا دا طبعه بني آدم غريب ومتكبر ومغرور وقمر وعسل وجميل وبحبه! خرجت من عنده وانا بكلم نفسي وبفكر في كلامه ازاي بيحس بيا ازاي مش فاهمه غامض…
______________________ _سلمي ابعتيلي عماد علشان عاوزوا _لي يا حمودي _عاوزوا في شغل _حاضر في الشركه… _عماد _قلبه _الزفت عاوزك عنده دلوقتي في القصر _ودا عاوزني في اي _مش عارفه روحله وشوف امتي بقى نخلص منو دا زي القطط بسبع ارواح _قريب أن شاء الله متقلقيش انا مدبرله نومه هينامها مش هيقوم المهم بس انك تظبتينا مع الممرضه اللي معاه!؟ _لا دي شكلها هبله اوووي وغلبانه وممكن تفضحنا _الفلوس بتمنع الهبل والعبط وكل حاجه انتي بس كلميها حلو واكسبيها لأنها هي اللي هتخلص الموضوع دا ..
_حاضر هحاول _انا هروح أشوفه عاوز اي …………؟……………… _احمد بيه موجود _اه يا فندم اتفضل منتظر حضرتك في المكتب دخل عماد ودخل المكتب وكان أحمد مستنيه _تعالي يا عماد _اوامرك يا باشا _كنت عاوزك تظبطلي موضوع الصفقه الجديده دا _انا يباشا انت عمرك ما خلتني في الموضوع ده _لا مانت خلاص يا عماد بقيت دراعي اليمين _بجد يباشا _بجد يلا بقى ظبطلي الصفقه علشان أنت اللي _اوامرك يباشا ونظر بخبث
وخرج وأحمد ضحك بسخريه وبنظره خبيثه خرج عماد وكانت يارا تدخل لاحمد عماد بصدمه:يارا…. يتبع…. يا تري اي هيحصل … #يارا_عبد_السلام #احببت_فاقد_الذاكره #البارت_الخامس لو لقيت تفاعل هنزل بارت كمان بليل …. وشكرا عالتفاعل القمر دا…. بحبكوووو_يارا اي اللي جابك هنا _شغلي يا استاذ عماد انا بمرض استاذ احمد هنا _ااااي اه ماشي يا يارا عوزا حاجه _لا شكرا _سلام في سري داهيه تاخدك انت والعقربه اللي معاك ربنا يستر عالبلد منكوو.
دخلت لاحمد لقيته ابتسم!؟ _احم استاذ احمد في علاج دلوقتي هتاخده هنا ولا هتاخده في الجناح بتاع حضرتك… انا مش عارفه انا بتكلم جد كدا لي مع أن دي مش عادتي وهوا باصصلي ومبتسم وساكت… _احم حضرتك معايا _اي يا يارا اي دا هوا بيقول يارا صح انا مش مصدقه دا اكيد سخن!؟ _احم العلاج حضرتك هتاخده فين.. _في المكان اللي تحبيه _ها هوا حضرتك كويس _اي! _يعني هوا حضرتك بتكلمني حلو كدا لي انا مش متعوده على كدا
قام وقف وقرب مني وقالي امال عوزاني اكلمك ازاي وانتي قلبي يا يارا ومش عاوز اشوف وشك هنا تاني مفهوم وغوري من وشي علشان بقفل منك يلا انا اتفاجئت من اي بيقولي كدا ومن اي كدا انا اتشتت من طريقته ازاي بيتعامل بشخصيتين في نفس الوقت ابو انفصام الشخصية دا …. احمد الباز منفصم الشخصيه لا يملك كلمه سوا غوري من وشي….. ههههههههه وانا خارجه شوفت سلمي واقفه _احم يا يارا تعالي علشان عوزاكي في حاجه
_نعم _تعالي بس خدتني في اوضه بتاعتها وقفلت الباب _عوزاكي في حاجه مهمه _اي _كنت ا وفجاه فونها رن … طيب ثواني يا يارا هرد عالفون _تمام راحت تتكلم في الفون وانا واقفه مش فاهمه حاجه في اي حاجه … _الو يا عماد في اي _انتي قولتي يارا حاجه _لا لسه كنت هقولها _احسن متقوليش حاجه واسكتي لحد لما اقابلك _طيب في اي _هتعرفي لما اشوفك ومتخليهاش تلاحظ حاجه قوليلها أن صحبتك عيانه ولازم تزوريها
_تمام ردت عالفون ورجعت وهي وشها ميبشرش بخير يا تري حصل اي …. _يارا انا اسفه جدا عطلتك بس صاحبتي تعبانه ولازم اروحلها _لا الف سلامه عليها ولا يهمك اهم حاجه صحبتك _تسلميلي يارب لما هاجي هكلمك اسفه اني عطلتك _ولا يهمك عن اذنك خرجت من الأوضه وانا حاسه ان في حاجه مش طبيعيه .. وانا ماشيه في الممر لقيت سلم نازل لتحت هوا اي القصر اللي مليان مفاجآت دا …
وطبعا الفضول عندي عالي وخدني اني انزل اشوف في اي ولا اي دا _نزلت عالسلم وانا خايفه بقرب خطوه وبرجع عشره بس لازم ابقى قويه وارضي فضولي… نزلت وكان في باب بس مفتوح سيكا زقيته ودخلت لقيت المكان عباره عن أدوات نحت ورسم وحاجات حلوة كتير… بصيت لقيت لوحه مرسومه فضولي خدني لحد عندها لقيت مكتوب عليها “الي اعز الناس” رفعت الورقه دي اتفاجات اكتر لما لقيت انا انا! ايوا انا اللي مرسومه وبطريقه جميله اوووي
عيني دمعت من الفرحه انا اول مره اشوف حاجه زي كدا اول مرة احب نفسي كدا … بس يا تري اي رسمها… _هقولك انا لي رسمتها _اي انت هنا _انا كنت واثق انو في يوم فضولك هيجيبك هنا بس الصراحه مكنتش متوقع انو يجيبك بالسرعه دي _انت اللي راسمني _ايوا انا اللي راسمك _ازاي انا مكنتش قدامك ولي _ازاي مش شرط اللي بنرسمهم يبقوا أجساد أو صور قدامنا طول ما ملامحهم محفورة في قلبنا
_اي يعني انت رسمتني بقلبك!؟ ازاي وانت بتكرهني ومش طايقني طول الوقت _ومين قالك كدا يارا انا بحبك … _بتحبني ازاي.. _زي مانتي بتحبيني ساعت عصير القصب ومحمد والمستشفي وكدا _اي …يعني انت مفقدتش الذاكره _لا طبعا كنت ناسي كل حاجه بس افتكرت من يومين كنت تعبت ومصدع لاني كنت شايفك دايما وكنت حاسس اني اعرفك علشان كدا كنت بقولك دائما غوري من وشي علشان راسي كانت بتحاول تكون صور عاوز افتكرك وبس…
_يعني انت دلوقتى فاكرني _ايوا طبعا فاكرك يا يارا كفايه أن قلبي بيدقلك _وسلمي _سلمى!؟ _هوا انتي مفكرة اني مش عارف اللي هي بتعمله وانا سايبها تعمل اللي هي عوزاه لحد ما مسك دليل ضدها هي واللي معاها _عماد _تعرفيه منين _ككان خطيبي _دا كان خطيبك _اه _ماشي اديكي قولتي كان ماسمعش اسمه علي لسانك تاني مفهوم _اي