نور : أصلي حاسة الهوا خلص . معتز : يا فتاح يا عليم يا رب . نور : اخلصوا ورايا شغل . محمود : جوان تتنازل عن القضية . نور : لا . محمود بخبث : خلاص تتجوز محمود. نور بخوف : لا . محمود : بصي بقا يا نور، قدامك حل من حلين، و هيتنفذوا بالقوة، جوان هتتجوز بنت عمها و تعيش كويسة و تتنازل عن القضية، أو أيامها هتبقى سواد و مش هتعيش كويسة .
نور : جوان ليها حياتها المستقلة، و مش أنتَ إلِ هتتحكم فيها . محمود : أنا هنا الكل فى الكل، و لو فاكرة أنك هتعرفي تخلصيها مني يبقى بتحلمي . = خلاص خلصت يا عمي . محمود : جاية و جايبة الواد دة معاكِ لية ؟ سامح : مش جوزها مثلا . محمود بصدمة : أنتِ اتجوزتي بجد ! = أومال فاكر أني بهزر، اتجوزت خلاص، خسارة راحت عليك يا معتز .
معتز بغضب : بت أنتِ، أنتِ بتاعتي و أنا إلِ هتجوزك . سامح بسخرية : مش لما تتطلق الأول . معتز : أنا هقتلك دلوقتي . قرب منه و هو هيضريه بس كان هو أسرع لما مسكه و وقعه هلى الأرض . سامح : يلا بره . محمود : ماشي يا نور أنتِ و بنتك، أنا هوريكم . محمود مشي هو و ابنه.
نور بصت بصدمة لجوان : اتجوزتي من ورايا يا جوان . جوان : يا ماما أصل … نور : مسمعش صوتك، أنتِ من دلوقتي مبقتيش بنتي . #فدوى_خالد. #ليت_قلبي_يعشقك.5 إنا بنزل بالرغم من الريتش إلِ وقع فجأة دة، المهم عايزين تقللوا اكتر براحتكم، لو قل أكتر مش منزلاها تاني على الجروب#ليت_قلبي_يعشقك 6 و الأخير نور : أنتِ من النهاردة مبقتيش بنتي . يلا برة .
= بملل : مشيوا يا ماما . نور : كنت بمثل حلو صح ؟ سامح بضحك : تحفة و الله، و لا كأنك كنت ممثلة فى هوليود . نور بغرور مصطنع : طبعًا …نحن نختلف عن الآخرون يا عمري . سامح : إني خائف . نور بضحك : متخافش، بس كويس أنكم كلمتوني فى الوقت المناسب . Flashback. سامح : تتجوزيني دلوقتي . = أية !!
سامح : بصي أنا عارف كل المشاكل دي من غير ما تقولي، و بصراحة كدة أنا شاريكي، عارف أنك مش بتحبيني …بس قلبي المهزء بيحبك، أتغيرت كليًا عشانك، أتمني بس أنك تحبيني … جزء صغير من حبي . = أنا مش عارفة أقولك أية ؟ أنا مقدرة لمشاعرك بس بجد مش عارفة ؟ أنا متلغبطة و مش حاسة أني ممكن أحب و مش قصدي عليك تحديدًا، عمي كرهني فى كل الناس، بقيت دايمًا وحيدة و مش مرغوبة و حياتي بايظة، مش عايزة أخش حياة حد و أخليه يستحملني غصب عنه .
سامح : هنحاول مع بعض، أدي لنفسك فرصة . = هتتعب أوي . سامح : تعبك كله يهون . = ممكن محبكش . سامح : كفاية أنك معايا . = مصمم بردوة . سامح : للأسف بحبك هعمل أية ؟ المرة دي اتكسفت و نزلت رأسي، أول مرة أشوف حد متعلق بيا بالطريقة دي . سامح : ها …موافقة . = اة . سامح : طيب يلا . = يلا أية ؟
سامح : نتجوز . = بس … سامح : دلوقتي قولتلك كل حاجة و متأكد أنك هتوافقي و عشان كمان مخليش عمك له الحكم عليكِ، و أعرف أجيبلك ورثك . = و ماما ..هقولها أية ؟ سامح : قوليلها كل إلِ حصل من البداية . = بس هى ممكن تتعب أكتر . سامح : إن شاء الله مفيش حاجة، اتصلي عليها قوليلها. = احم …الو يا ماما . نور : ألو يا جوان يا حبيبتي مال صوتك ؟؟
= عايزة احكي لك حاجات كدة . نور : أحكي أنا سامعاكِ . حكيت لماما على حاجة حصلت من ساعة ما قابلته و عن شهامته معايا بس لسة محكيتش ليها عن عمي . نور : ماشى ..قولتي دلوقتي الكلام دة، بس حاسة أن فى حاجة تانية . = ما أنا جاية فى السكة . نور : قولي علطول . = عمي . نور : ماله ؟ = جيه هنا الكافية و كان عايز يضربني .
نور بخضة : و أية إلِ حصل بعدها . = كان سامح موجود معايا و عرف ميخليهوش يضربني . نور : الحمد لله . = فى حاجة . نور : قولي . = قولتله أني أنا و هو متجوزين عشان كان عاوز يجوزني معتز ابنه، و كان بيضحك عليكِ لما كان بيقول فى عريس، دة كان معتز، و عايزين اتنازل عن القضية و مش بس كدة اتجوز معتز، فاضطريت أقول كدة .
نور : أسفة يا جوان، مش عارفة أقولك. = متقوليش حاجة بس عايزة أعرفك أنه ناوي يجوزني معتز . نور : طيب هتعملي أية ؟ = بتوتر : يعني ..لحد ما لقيت حل . نور : قولي . = هتجوز . نور : أية ؟! = هتجوز سامح لحد عشان نخلص من الورطة دي و أنتِ عارفة لو متجوزتش قبل ما عمي يجي هيبقى كارثة و هيضطر يخليني أتجوز الزفت معتز.
نور : موافقة . = مش عايزاكِ تقلقي؛ هو شهم جدًا . نور : من كلامك دة اطمنت له . = تمام ..يا ماما سلام و هاجي كمان شوية . لفيت و لقيته واقف فى وشي و أول مرة أشوفه الزرقا، شكلها جميلة قوي معرفتش أقومها . سامح بخبث : شكلي قمر كدة . = بخجل : احم …أسفة . سامح بضحك : قلبتِ طماطم فى ثانية . = مش يلا نخلص .
سامح : و أنا هتصل بأحمد . = ينفع اتصل بسها . سامح : عادي . سامح : الو يا أحمد، انزلي يلا . أحمد : عملت أية ؟ و كانت عاوزاك فى أية ؟ سامح : هتجوزها، أنزل يلا . أحمد : طب ألف مب……أية ؟ تتجوز مين أنتَ أهبل ! سامح : موضوع كدة هفهمك عليه، يلا أنزل و هبقى أقولك . = الو يا سها . سها : ايوة يا جوان ازيك .
= كويسة، كنت عاوزاكِ فى خدمة . سها : قولي يا قلبي . = أنا هتجوز دلوقتي . سها : مقلب سخيف صح ؟! = مش بهزر، هتجوز دلوقتي . سها : هقفل و الله . = و الله ما بهزر . سها : طيب ازاى ؟ = موضوع هبقى احكيهولك بعدين، المهم هبعتلك لوكيشن كدة و هتيجي عليه و بعد كدة هنروح للمأذون . سها : أنتِ بتتكلمي جد .
= خلاص بقا يا سها . * عند المأذون . خلصنا كتب الكتاب و بقيت مراته رسمي رسمي . ممكن حسيت براحة شوية، حسيت أني كويسة . سامح : أنتِ كويسة ؟ = اة . سامح : نروح لمامتك دلوقتي، أكيد عمك قالب الدنيا . = ماشي . أحمد : أنا هروح سها فى طريقي = تمام، سلام يا سها . سها : سلام . أحمد : احم ….أنتِ فاكراني ؟!
سها : اة …لا .. أحمد بضحك : اة ولا لا . سها : بصراحة اة . أحمد : طيب كويس. يمكن اسأل سؤال صريح كدة ؟ سها : أسأل. أحمد : لسة بتحبيني ولا كنت مرحلة . لو مش عايزة تردي اعتبريني مقولتش حاجة . سها : هو أنا فى مرة كرهتك أصلا . أحمد : بجد ! طيب نزود بقا على السيد الوالد . سها بضحك : مجنون من يومك .
أحمد : عشان بحبك يا قمر . Back. = كدة بقا عمي مش هيقربلي . سامح : ورثك هرجعه فى أقرب وقت . نور : مش عارفة أشكرك ازاى يا ابني . سامح : ولا شكر ولا حاجة، أنا بعمل كدة عشان وجبي . نور : قومي يا جوان اعملي قهوة لية ؟ = بتسربيني، ماشي يا نور . رفعت الشبشب بتاعها و مجاش . = كدة يا نور، بتهزئيني أدامه ماشي .
سامح بضحك : ما خلاص مبقيتش غريب . نور : يلا يا أختي من هنا . مشيت و استخبيت؛ لأن لازم أسمع. سامح : عايزاني فى أية ؟ نور : لية ؟ سامح يإستغراب : لية أية ؟ نور : لية ساعدتها ؟ سامح : عشان بحبها . نور : و هى ؟ سامح : مبتحبنيش . نور : متأكد ! سامح : مش عارف بقيت محتار و الله .
نور : هى بتحبك بس بتعافر . سامح بفرحة : بجد ! مين قالك . نور : بنتي و أنا عارفاها، هى ممكن تبان قوية و متكبرة و تضايق الناس بس هى قلبها طيب . سامح : مش عارف أقول أية ؟ نور : ولا أنا كمان، بس خلي بالك منها، هى واقفة و سامعة الكلام على فكرة و هتلاقيها قلبت طماطم دلوقتي . = لا مكنتش واقفة . نور : مش قولتلك .
سامح بضحك : دا أنتِ فضيحة. = بغضب : كدة يا ماما . نور : أنا قايمة، تعالي يا أهتي أقعدي مع جوزك و اتكلموا . = أسفة . سامح : ما أنا عارف . = حد قالك أنك …. سامح : هنغلط من أولها . = خلاص سكت . سامح : قولي . = أقول أية ؟ سامح : كلمة من أربع حروف . = تختخ . سامح : هزعلك .
= خلاص و الله . سامح : غبية . = بحبك يا أخلى تختخ . سامح : هزعل…أية ؟ = الكلمة طلعت مرة و مبتطلعش مرتين . سامح : قولي تاني . = بحبك يا تختخ . سامح : و أنا بموت فيكِ يا روح تختخ . ” و كنت أنتَ السند لي بعدما تخلي عني الجميع ” ♥️🥀 #تمت . #فدوى_خالد. #ليت_قلبي_يعشقك. ترنيمة عاشق الساعة ٩ محدش ينسى