كان بيدهنه ليا وانا هفرقع من التوتر، ومش عارفه بقول اه علي الوجع الي حساه منها ول على حلوته والله! وفي عز ما انا مركزه فيه و جسمي كلو بيرجف.. بصلي ببتسامه بارده لايقه عليه فجيه يتكلم عشان يخفف توتري ف بدل ما يكحلها عماها… ريان: اهدي ها عادي والله وترتيني هههه طب اعمل اي بعد الضحكه دي كمان! ولاه! ناردين: احم علفكره انا.. انا مش متوتره خالص
ريان: امم واضح جدا ديقت عيني بغيط وبصتله وسكت خالص فقفل الصُوباع ومدو قدامي وقال برخامه وعند فيه ريان: رقبتك كده تمام بنسبه لدرعك تحبي احط انا ول انتي؟ مسكته منه بغيط وقلت بعصبيه وانا بتحرك من قدامه وادخل الاوضه.. ناردين: رخم ريان: ههه بستعمل مرتين في اليوم يا ست قفلت الباب وهو بيضحك بره وحقيقي كنت هموت من الاحراج هدوئه معصبني حلاوت ضحكته خطفاني هو ده ريان الي اعرفه من سنتين بجد!
ترن ترن ترن “يطرق ريان الباب عليها بهدوء ” ريان: ناردين تعالي استقبلي خالتك لانه جالي اتصال مهم ه سلم عليهم كده وهمشي ناردين بفتح الباب: هطول؟ ريان: لاء ربع ساعه وهرجع علطول وهلحقهم قبل ما يمشو ناردين: جيب فاكهه وانت جي ريان بغمزه: اجبلك برقوق ول جزر الاتنين فواكه معروفه! ناردين: بطل رخامه ريان: ههه خلاص يا قمر اتحركي يلا فتح هو الباب وسلم علي خالتو وانا واقفه وراه، كان عريض كده ومش عرفه اشوف خالتو منه ههه بهزر كان امان كبير اوي ومنه لله علي القمر الي هو فيه ده.
خالتو: وحشتيني يا ضانيا ناردين: وانتي كمان يا خالتو والله حضنتها وعيني دمعت غصب عني! وحشني حضنها جدا الي بترمي فيه وقت حزن، احتياج، ضعف وتقولي انها هتعدي وتقرأ لي قرئان وانا في حضنها وارتاح بعدها كانت ضهر ليا بعد مامتي ودي حاجه مستحيل انساها ول انكر فضلها عليا ابدا ولو قدمت اي مش هيوفي حق اي حاجه عملتها ليا “الخاله ام يجماعه فعلا” نوره: يجماعه بطلو محن، اوعي أسلم علي البت خليني ادخل
مسحت دموعي وضحكت وانا برد عليها… ناردين: اي الي جاب البت دي هنا هي ناقصه صداع نوره: انا صداع يا ناردين، يخساره العشره الي بينا وانا الي جي اقلك وحشتني واعمل بأصلي ناردين: لاء حوش يا بت الاحترام الي كان بينا نوره: نينيني ضحكنا وحضنا بعض بكل شوق، كانت وحشاني الكلبه نوره تبقي بنت خالتي وبتصيح في الثانويه العامه وخربه بيت خالتي وانا مخزن اسرارها وخالتو لو عرفت الي بينا من اسرار وحِزن اسود هتوأدنا انا وهي.
سما: شيلو ده مني يا شويه وحوش والله لشتكيكو لحقوق المراه ناردين: خلاثو علي الي لازق في الارض دي، تعالي يا بطه سما: ابله ناردين انا في اولي اعدادي دلوقتي ومش بطه ناىدين: ههه طيب تعالي يا لميضه هانم عشان وحشاااني قد كده وقعت الكيسه وجريت عليا زي الصروخ النوني بس الحجم الصغير منه وانا وهي بنتهزق جامد اوي من الست سيده ناردين: عشان الحضن القمر ده عينالك كيس شبسي كبير اوي
سما: هيي بحبك اوي سيده: يا حيوانه انتي وهي الكيس فيه حاجات ممكن تتكسر! ناردين: اجري اجري هتتحول دلوقتي سما: هههه في الصاله…. سيده: ما شاء الله، اللهم ما بارك بيته جميل يا نادرين ابتسمت وانا بنزل عيني فى لارض فأخدت بالها وقربت عليا ومسكت دراعي وقلت بكل حب سيده: عرفه انك لسه في موجه ودوامه كبيره وكل حاجه متلغبطه في حياتك وبالاكتر جواكي، بس دي اراده ربنا وحكمته ومتعرفيش اي الاحسن والافضل ليكي وربنا يسعدك يا بنتي مع نصيبك وقسمتك من الحياه دي ويعوضك ويفرح قلبك يا روحى
ناردين بمسك يدها: متقلقيش يا خالتو، ريان كويس جدا وواخد بالو منى ومتقي ربنا فيا وكلو هيحل اكيد سيده: ربنا يسعدو يا بنتي ويريح قلبه زي ما ريح قلبي يومها وربنا سترها معانا ومتفضحناش و انا قلبي مطمن وانتي معاه نوره: عليكي شويه مكرونه يا بت حكايه وحشتني مكرونتك والله سما: عايزه شويه كمان سيده: اي قله الادب دي يا عيال، حالا دخلتو المطبخ لاء وكل واحده مسكه لي طبق بتاكل فيه!
نوره وسما: بيت اختنا سيده: شوف العيال! ناردين: ههه يا خالتو سبيهم انا عامله حسابهم اصلا، تعالي اما افرجك علي الشقه. ……….. “تاتي ناردين من المطبخ ب العصير والحلوه” ناردين: منورين يا خالتو سيده: تعبناكي يا حبيبتي والله ناردين: ول تعب ول حاجه والله شرفتوني، فين كُشري سيده: كريم في السيبر يختي مع صحابي قال عندي ماتش اهم منكو انتو شخصيا ناردين: ههه مش هيتغير الود ده ابدا سيده: ربنا يهدي
ناردين: و… عمو مجاش سيده: انتي عرفه بيجي من الشغل هلكان فعملت اكل ونام من التعب ناردين: متبرريش يا خالتو فهمه كانت محرجه مني بس انا مدققتش ومكنش اول موقف يحصل منه معايا فتعودت وبعدها حلوفتي اتكلمت.. نوره: سبيكي من ده كلو وركزي معايا، القمر الي انتي تجوزتي ده عامل اي، من يوم ما شوفته يا بت وهو داخل قلبي يبختك ناردين: نهارك ابيض! مش تقوليلي كنت اجوزهولك يا خيبه
سيده: والله! ضحكنا علي راكشن خالتو وبعدها الجرس رن فقمت افتح بلهفتي المعتاده والحمد لله عرفت اخبيها ومخدوش بالهم. ناردين: اهلا ي…. محمد ! محمد: الست ناردين الي تجوزت ونسيتنا ناردين: هه عامل اي يسطى تعالي محمد: امي جوه ناردين: وخواتك والمكرونه، كلو في السليم محمد: طب الحمد لله طمنتيني المكرونه جوه ناردين: ههه ادخل تعالي
محمد كان اقرب واحد ليا فيهم كلهم هناك، كان بيحبني بس انا كنت بعتبره زي اخويا وبس وبعدها خالتو قالت انه مينفعش وطمنت الحمد لله بس للاسف لسه حبه متغيرش نحيتي ورغم انه اتجوز والدنيا استقرت الا انه مكنش مرتاح معاها ول عايز يظلمها معاه اكتر من كده وجيت اوجه وانشك في بوقي يومها قالي انه منسنيش ول هينساني وانه هيحبني ومش عايز مقابل ده وهو مكتفي كده وعنده بنتين مطلعين عينه وعيني حرفيا عسلات والحمد لله لما قلت لراجح وريان قالو هما لتنين “مبنحبوش الود ده” مع انه عسل والله.. هو هيقول حاجه لو لقي هنا؟!
سيده: البنات فين؟ محمد: عند مامتهم، عدتهم عليها بعد الشغل سيده: لسه راجع محمد: امم لما رنيتي عليا وقولتي بابا مش هيروح قلت هعدي عليكو بعد الشغل منعا للحراج وكده عشان ريان بس هو فين؟ ناردين: هيجي دلوقتي محمد.: يجي ول ميجيش دلوقتي فين المكرونه؟ ناردين: الطبق ب5 جنيه محمد: ول فلوس الدنيا توفي حق طعم مكرونتك القمر يا نيرو ناردين:…. “تنظر له سيده وتفتح عينيها بغيظ فلا يهتم ويتحدها بديق”
ناردين: احم طيب هروح اجيب ليك طبق واجي نوره: دقيقه خديني معاكي دخلنا ف الجرس رن كنت هتحرك فلقيت حد فتح و كنت هموت واضرب الي فتح بدالي بس هو ينفع اضرب واحده في اولي اعدادي! وبعدها شالها وحسيت لسيكا كده اني غيرنا هو بيحضنها هي وانا لاء لي؟ بعدها دخل علي المطبخ وابتسم فقلبي نبض ووشي قَلب كالمعتاد ريان: الفاكهه ناردين: شكرا ريان: انا في الصاله ناردين: تمام
ريان: احم منوره يا نوره نوره: الله يخليك ريان: الله يكرم اصلك يا رب نوره: ههه شكلك حلو من غير لبس الشغل وتكشيرت عم فوزي جارنا الي مصدرها لينا علطول دي ريان: حاسس انك بتلمحي لحاجه وهفكر علفكره الشرع محلل اربعه ضحكت وتكسفت كده وانا كنت هولع، هو بهزر معاها لي؟ لاء وهي بتضحك قال! ريان: خدي بالك من الطمطمايه الي جمبك دي نوره: حاضر خرج وهي كانت هتموت م ضحك، طيب اخنقها ويتقال عليا مجرمه دلوقتي
ناردين: انتي بتعكسي قدامي نوره: صراحه يتعاكس ونص، مالو قلب كده لي، ده انا وقعت فيه من خمس دقايق بظبط وانتي عايشه معاه لحد دلوقتي وموقعتيش يا قادره! ناردين: نوره والله هموتك! نوره: ههه بتغيري عليه ول اي يا بت ناردين: لاء طبعا انتي مجنونه! نوره: امم واضح انه انا الي مجنونه، بس انتي غرقانه وشكلك حبيتي يسطاااااا ناردين: عرفه يا نوره لو متحركتش من قدامي هعمل فيكي اي!
نوره: خلاص خارجه جيبي طبق المكرونه وتعالي الحق عليا بقلك الي انتي مش عرفاه خرجت وانا بفكره في كلمها، مستحيل يكون صح! انا اكيد مبحبوش وكمان بغير، لاء اكيد مجنونه وراجح معقول اكون نسيته بسهوله دي! اكيد لاء. خرجت ولقيت الجو كلو متكهرب وخالتو قاعده في نص بتسيح ووشه قلب اكتر واكتر وكانه قنبله لما شفني بقدم لي الطبق! ناردين: احم المكرونه يا محمد محمد: تسلم ايدك يا ناردين اكيد حلو من قبل ما اكل
ناردين بتوتر:…. بصتله فشاور لي علي التلفون فاخدته وفتحت الرسايل لقيته كاتب ” روحي البسي اي زفت علي شعرك و غطي دراعك ده وحسابي معاكي بعدين ” بصيت لرساله وبعدها لوشه الي شبه التنين المجنح ده وبطلع نار من ودانو فحسيت انه دي اشاره فشكلي والله اعلم لغطس مكاني كده والبقاء لله او هروح معاهم ومنك لله ي محمد يتبع… #وحشتوني ❤ Rahma ayman#كان صديق زوجي 9
استأذنت ودخلت الاوضه ولبست السيدال وطلعت قعدت قصاده بظبط وبصتله بحُزن وكيوت كده جايز يعديها ف بصلي بغيص وتجاهلني خالص ول كاني قفص طماطم بايظ، اعيط! ” سيده: طيب نستأذن احنا يا بنتي تعبناكي معانا انهارده ناردين: ول تعب ول حاجه فرحت اوي انكو جيتوا انهارده سيده: طيب يلا يا محمد وانتو يا بنات نزلو الكارتين والحاجات الفاضيه دي معاكو محمد: خلينا شويه يا ماما، مشبعناش من ناردين وقاعدتها وكلامها الحلو ولسه مخلصتش الشاي
” المكان هدي كده سيكا وريان اتحول وجز علي سنانه كده بديق وكان هيتكلم فخالتو ردت والحمد لله ” سيده: احنا موجودين من بدري يا محمد وكمان هما عرسان جداد ولازم نسبهم علي رحاتهم محمد: طب ما تقوليش عرسان طيب ريان: عندك اعتراض ؟ محمد: عندي اعترضات كتير ريان: خليهملك اهو حاجه اديقك اكتر ما انت مدايق! محمد بديق: قصدك اي ريان: الي فهمته يجدعان حد يلحقنا ليولعو في بعض، انا عايزه اختفي هالحين
ويا رب ربع برود ريان ورده الجامد في حياتي… يخربيت الثقه الي بيتكلم بيها… هو خالتو بتبصلي كده لي؟ سيده بلغه اشاره مفهومه: قولي حاجه ليتخانقو ناردين: احم الموضوع ميستاهلش كل ده يا جماعه والله واحنا عاملين علي البنات يا محمد عشان متتاخرش عليهم وانا مستنياك وهما معاك الزياره الجايه ان شاء الله بص ليا وبعدها لريان واتكلم بعند في. محمد: عشان خاطرك يا ناردين وان شاء الله ابقي جيبهم يقضو معاكي يوم
ناردين: اكيد هستناكوا اتكلمت نوره لفك الجو شويه نوره: وانا كمان هاجي معاهم بعد تلاته ثانوي بنت الايه دي وساعتها مش هحلك غير لما اقلك كل الماصيب الجديده ابتسمت ليها برخامه ناردين: انتي بس خلصي تلاته وجيبي مجموع كويس وانا عنيه ليكي نوره بفكاها: حيث كده بقي جيب حضن حضنتني وهمست في وداني بتريقتها المعتاده نوره: ابقي طمنيني انك عايشه ول لاء بعد المهلبيه الي حصلت دي ناردين: شكله مدايق؟
نوره: شكله هيولع! ناردين: الله يبشرك بالخير واحنا بنتناقش في صمت عن مستقبل الكارثه المشئومه لقينا صوت طفولي بَكاء مزعج في نص الصاله سما: وانااا يا ابله ناردين مجيش معاهم كملن طبعا يا خساره شيل الكيسه علي قلبي واطلعها ل هنا ولوحدي ها لوحدي عالم بتنكر زي القطط يا باشا مش مسمحااااكو! خالتو ماتت م ضحك عليها وقلدتها وهي بتقول انها سمعت الجمله دي من مدرس الرياضيات عندها عشان مراته خلعتو في محكمه الاسره وكان هيفرقع من الغيظ وكلنا سخسخنا ضحك عليها هي وخالته و عنادهم في بعض “احم ما عدا ريان المتنشن”
ناردين: مع السلامه يا خالتو سيده: في حفظ الله يا بنتي، اطمنت وقلبي ارتاح لما شوفتك انهارده مرتاحه ومبسوطه مع ريان ربنا يخلي يا رب ناردين: امين يا رب، تسلميلي ي خالتو سيده: لو عوزتى حاجه رني عليا فورا وانا فتره كده وهجيلك تاني إن شاء لله ناردين بعناقها: هتوحشيني اوي وابقي رني انتي اطمني عليا لما توصلو كده وخليكى علي تواصل مع اقرب مستشفي اتقبلك سيده بستغراب: اي!
نوره: يلا يا جماعه ورايه دروس انجزو سيده: طيب يختي نازله، سلام يا حبيبتي ناردين: مع السلامه دخلت علي البيت وانا بقول الاذكار وبستشهد وكاني داخله حرب استنزاف، هو عادي اجري بسدال في شارع دلوقتي ول هيقولو مجنونه؟! دخلت و كان لسه قاعد علي كنبه بوضعيه توماس ادسون وعضلات جون سينا وانا ببلع ريقي وبتسحب وادور للخلف علي اوضتي حبيبشي و بدعي ربنا ميناديش عليا… ريان: ناردين ناردين: “مين ناردين دي انا معرفش حد بالاسم ده كملي وهتوصلي الاوضه تكوني في امان دلوقتي”
ريان: اقسم بالله لو اتحركتي حركه كمان ل قوملك طبعا وقفت زي عمود النور كده ولفيت وانا ركبي بتخبط في بعض بس من بره حديد طبعا انا جامده جدا ناردين: نعم ريان: انتي خارجه كده قدام محمد ازاي؟ ناردين: عادي ابن خالتى “يقوم ريان من جلسته بحمرار في وجهه وديق من كثره الغضب ويتجه لها” ريان: امم ابن خالتك “انت جي عليا لي طيب نتفاهم بالله! اعتبرها نكته طاا، انا مش جامده ول نيله انا عايزه اروح لخالتي… يا خالتيي! ”
“ترجع للخلف بقلق وخوف منه” ناردين: ريان! ريان: ريان ميعرفش ماسك نفسه عليكي لعند دلوقتي ازاي “تقف الكلمات في حنجرتها من كثره خوفها وتوترها منه وتبلع ريقها بهدوي دون تحدث” ريان: انا قلتلك متلبسيش كده قدام حد غريب ول لاء ناردين: بس محمد مش حد غريب وانا كنت لابسه بجامه طويله وعند خالتي كنت بلبس كده عادي ريان بعصبيه: تلبسي كده عند خالتك عند العفريت الازرق دي حاجه ترجعلك هناك انما انتي في بيتي دلوقتي ومراتي يعني ده ممنوع نهائيا فهمه
قالها بصوت عالي وكان اول مره يخاطبني بعصبيه بعد تاني يوم الفرح لما تخانقنا بصيت علي الارض وعيني دمعت واتكلمت بصوت خانق ومبحوح كده عشان ابرر موقفي ويارتني ما بررت! ناردين: بس راجح كان… ريان: انا مش راجح يا ناردين! انا ريان الي بيخاف علي عرضه ولازم مراته تحترمه في غيابه و انتي معملتيش كده يا ست ناردين ناردين: ريان متتكلمش معايا بالاسلوب ده!
ريان: اتكلم معاكي بالاسلوب الي انا عايزه طول ما انتي غلطانه وبتكابري في الغلط وانا معنتش هسكت زي زمان لما اشوفك بتغلطي عشان كنت تخصي واحد تاني وانا مستحمل لكن دلوقتي انتي تخصيني انا وده اول تحذير ليكي واذا تكررت يا ناردين تاني هتشوفي وش مش هيعجبك بجد اتحرك من قدامي وراح الاوضه التانيه فمشيت ورا واتكلمت بديق وفضول.. ناردين: قصدك اي بزمان ريان: مش مهم وسبيني في حالي
لبس الجاكت بتاعه وخد المفتاح وكان بلبس الكوتشي بعصبيه فسالته بعفويه واسف.. ناردين: طيب انت رايح فين ريان: خارج شويه لانه لو قعدت معاكي دقيقه كمان احتمال اكسر المكان ده علي دماغي ودماغك ونخلص بقي ناردين: هترجع امتي ريان: معرفش ناردين: طيب هستناك ريان: متستنيش كان خارج من الباب وهو مولع ومش طايقني حرفيا فكملت وانا مش عايزة يمشي زعلان مني ناردين: طيب….. ريان بعصبيه : نااارين خلِصنا! قالها بصوت عالي فتخضيت ورجعت لورا وبصيت للارض واثر دموع خفيف في عيني
فتنهد جامد كده من جوه واتكلم بهدوء ريان: هرجع علطول ساعه مش هتاخر، اقفلي الباب وراكي كويس قفل الباب وانا دموعي بدات في نزول زي الشلال معرفش اي الي حصل وقتها بس كل الزكريات قامت عليا وكاني احتجزت جوه قفص ومش قادره اخرج منه كنت غلطانه ومعترفه بده وانه فعلا مينفعش اطلع قدام محمد كده بس لي دايق اوي كده؟ لي فارق معاه اطلع كده ول لاء بدل اصلا احنا اتجوزنا بشكل ده
وكان لاول مره ينتقد راجح قدامي ويقول عليه كده! بس مش هسامحو عشان ميزعقليش كده تاني ويقول كلام يوجعني ويخليني ادايق علي زعله اكتر من نفسي لما يرجع والله لضربه. بعد اربع ايام…. عدا اربع ايام ومجاش لعند دلوقتي! ، هو لدرجادي زعلان مني بجد! كان اسواء اربع ايام عده عليا بعد جوازي بيه كنت بعيط كل يوم فيهم وانا مبحسش بوجوده جمبي حسيت بفراغ رهيب موجود في حياتي، وحشني كلامه وحنيته عليا وهزاره طيب انا اسفه والله
تعالي اتعصب وزعق وطلع كل حاجه وانا مش هنطق بس ارجع ومتعملش فيا كده! مكنتش بعمل اكل عشان هو الي كان بشجعني مكنتش بروق عشان هو الي فوضاوي وبيرمي كل حاجه في مكان وكان يفرح جدا لما اقلو يبني حرام ليك لسه كنسه ويخدني علي قد عقلي ويقولي تعالي بس اقعدي والنظافه هتعملك اي بزمتك كده مش راحه نفسيه وانتي حطه كل حاجه في مكان كده فهزقه في سري واتعصب واسيبه ودخل الاوضه وهو كتلت جليد متنقله ومبحسش اصلا
احتليت اوضته وسريره لما ريحه برفانه تكون طايفه حوليا فبحس بالامان وبنام حتي لو ساعتين .. اي الى تغير فيا خلاني اتعلق بيك وبوجودك في يومي كده وحاجه هستغرب اني قلتها حرفيا دلوقتي واكتر من راجح نفسه! بعد يوم اخر… “تجلس في غرفته مع موسيقي هادئه دون نوم ليلاتين وتشعر بالحزن والياس من قدومه اليوم ايضا ف يفتح الباب وتسمع الصوت علي بعد اميال وتجري لاتجاهه” ناردين بجري: ريان!
ريان: مساء النور ناردين:….. ريان: مضلمه المكان كده لي، اخدتي كام لغزايه اعترفي ناردين:…. ريان: تعرفي انك وحشتيني اوى نارين: انا بكرهك ريان ببتسامه: طب الحمد لله طمنتيني ناردين: كنت فين؟ ريان: في ال….. امم هو لازم اقول ناردين: والله! اندفعت لي وانا حالفه لينضرب على رخامته وبرود أعصابه ده ولسا بنزل ايدي علي دراعه فمسكها وكتفني من ورا ومقدرتش اتحرك ول اتنفس… ريان: اهدى كده وهقلك والله يا شبح!
يتبع… #عذرا علي التاخير يا شباب ♥ Rahma ayman#كان صديق زوجي 10 ريان: اهدى كده وهقلك والله يا شبح! ناردين: ريان انا مديقه بجد ومبهزرش ريان: واي كمان سكت لما لقيت راسه مدفونه في رقبتي وانا جواه وقلبي الي وقع في رجلي ده ملوش اهل يسالو عليه! يبني! ناردين بتوتر: ريان لو سمحت سبني ريان: اتحركي براحتك هو انا منعك نارين:…. حاولت اتحرك كان لسه مكتفني حاولت اشد ايده الي هو لو عملي هووف كده هقع
ولانه عريض وطويل زي الزرافه كان مستحيل اقاومه فستسلمت للامر الواقع وكان بقيلي سيكا واعيط.. ناردين: ريان! ضحك برخامته الي خاطفه قلبي ريان: نعم ناردين: يبني بقي! فك ايده بهدوء وبعد عني وده لوحده خلاني ارجع اتنفس و ضربات القلب انتظمت بدل جرس المدرسه الي كان فيها ده وعدت علي خير وبعد فتره كده من ظبط النفس والهدوء لفيت وبصتله وده بقي الي محداش علي خير وقتها! كان مبتسم ابتسامه احراج وفرحه اول مره اشوفها
وعينه كانت كوكب لوحده! حسه اني ضعفت وهسمحك و هذا غير لائق بالمره علفكره! ريان: لسه مديقه ناردين:….. ريان: خلاص والله انا اسف، تعالي وهفهمك كل حاجه “يمسك يدها ويتوجهون لغرفه المعيشه ويجلسون علي الاريكه نفسها ويبدا ريان بتحدث بهدوء ودفئ” ريان: انتي عرفه بشتغل اي صح؟ ناردين :…. ريان: ناردين ردي عليا ناردين: امم عرفه ريان: وعرفه انه المهمه ممكن تطول لاسبوع واتنين حتي من ايام ما كنتوا انتي وراجح مخطوبين فكره؟
ناردين: فكره لمس منخيري بصباعه بفكاهه وقال بسلوب غير معتاد منه. ريان: يبقي لازم تعرفي انه جوزك كان في شغل يا لوزه ول هو عقل زينا وخلاص ناردين:….. بصيت للارض ببتسامه خفيفه بارده فلاحظ ده وبصلي بإهتمام وجديه ومستغرب رده فعلي وقتها بس انا مقدرتش اعديها واهزر زيه كنت خايفه كنت بهرب من عينه الي بصالي بستغراب بس مقدرتش اهرب ول حتي قدرت اخبي دموعي وعتابي لي وبعدها فركت ايدي وانا بتكلم وعيني في الارض…
ناردين: كنت خايفه! كنت خايفه اخسرك وتبعد عني اني اكون لوحدي تاني اتصدم تاني واتخزل في وجود الناس حوليا تاني، بقيت بشك في اقرب الناس ليا وبقيت بخاف ازعل حد او اكون تقيله عليه ل يهرب منى بشكل ده وياذيني اكتر من اي حاجه تانيه كنت…. سكت لما صوت عياطي غطى علي كلامي وقتها ولمست ايدي بعيني احراج منه