بس وقتها قرب عليا ودخلني جواه و احساس الامان الي عشته ول كلام يقدر يوصفه او حتي اقدر اقول اني عشته قبل كده كان فريد ودافي ووجعني و حلو.. حلو اوي كمان كان الف شعور بالف كلمه بالف حاله بتمثلو فيك وفي غموضك في حياتي…. دموعي غلبتني، حصرتني وقتها وانتصرت علي كبريائي وصمودي الي كنت فيه.. واكتر حاجه ممكن اكرها في حياتي اني ابين ضعفي لاي حد في الدنيا…
كان بحصل معايا ازمات ومشاكل كتير في حياتي وبقاوم قدام الناس وبكتم دموع الخوف او الالم او حتي الفرحه وكنت لوحدي بطلع كل ده بس اهم حاجه اكون بعيد عن اي حد حتي راجح كان منهم، كان قريب مني وكان بسمعني بس كنت صامده وثابته وعمرو ما خد بالو بكل حاجه جوايه عشان مشغلش دماغو وتفكيرو معايا كان يومها قلبي بينزف و كان من مده طويله اوي اشتكي لحد منه او من الناس او مني واعيط بشكل ده قدامه
والاهم من ده كلو استسلم جواه كده. اي فيك مختلف عن الناس جوايه؟ اي فيك يطمن قلبي بشكل ده حتي في زعلى منك يا ريان! ريان: انا اسف بجد، بوعدك لو روحت مهمه المره الجايه اقلك ومش هخرج من البيت غير لما نحل الخلفات الاول ما بينا اتفقنا ناردين: “تحرك راسها بالايجاب” “يشعر بحركتها بداخله فيرفع راسها امامه ويخبرها بإهتمام” ريان: اعرفي اني مستحيل اسيبك بطريقه دي ابدا، و انك مبقتيش لوحدك خلاص طول ما انا جمبك تمام
ناردين: امم سكت شويه وغمز ببتسامه قماار كده ريان: وحشتك؟ ناردين:…. بصيت في عيونه الي متوجهه قصادي بظبط ونزلت عيني في الارض لانه مهزق اصلا فضحك وحضني تاني، هو استحلها ول اي! ريان: ههه خلاص يا ستي مترديش، عمله لينا اكل اي بقي؟ ناىدين بضربه: عمله ده ريان: اااه! بهزر يخربيت تقل ايدك _______________ ناردين: انت عايز تجلطني قول بس! ريان بمزاح : بس ناردين: ريان بطل استفزاز! ريان: الله! عملت اي انا
ناردين: اي الكركبه دي بزمتك، انا كنسه الصبح عارف يعني اي! والكوتشي بيتلبس بره ها بره والجاكت بيتخلع في الاوضه والاكل بنشيلو في ايدينا وندخلو المطبخ عادي والله اصوت ولم عليا الناس! ريان: انتي قفوشه لي، ده انا اساسا منظم ناردين: اوي منظم واوووي! ريان: الله يكرم اصلك يختي يا رب، متقومي تعمليلى كوبايه شاي عشان اهضم الاكل ده بالله؟ ناردين بديق: م هو يا رب لاما تاخده لاما انتحر عشان كده كتير
………… ريان: يبن الجزمه شوط عدل، ده انت غبي! ناردين: يخربيت الصدع كفايه زعيق ودوشه ريان: ابعدي من قدام الشاشه الاول انجزي ناردين: خلاص يا عم ابعدنا روق واهدا كده “تذهب لجلوس بجانبه” ناردين: ميسي ده؟ ريان: مين! ناردين: ايوا تقطيع ميسي و بياض ميسي وحركات ميسي ريان: انستي تقولي حجم رجل الشوز بتاع ميسي ناردين: “تنظر له بغيظ” ريان: ده الدوري المصري اصلا، صدق الي قال انه اخركو المطبخ والله
ناردين: بقي كده طيب شوف مين الي هيعملك اكل في المطبخ ده يا عسسل ريان: مكنش قصدي كده… طب نتفاهم.. طب ناردين جعان والله انتي يا ست؟ —————- ولانه في 5 ايام في الشهر بيكونوا اسواء 5 ايام حرفيا ، بفقد شحن وطاقه ورصيد وكل حاجه في الدنيا وبطني تحسها بتغلي جوه و مبقدرش اقوم اجيب لنفسي كوبايه مايه اصلا كانت خالتو بتسبني ارتاح وتشتغل هي ال5 ايام دول طيب لو طلب اكل دلوقتي هعملو ازاي، يخربيت كده!
“يضع امامها مشروب دافئ فتنظر له بستغراب دون تحدث” ريان: ده الي موجود دلوقتي هترتاحي شويه لما تشربي ناردين: احم هو…. ريان: ثانيه واحده قبل ما تحمري وتخضري في نفسك كده انا متعود علي كده ناردين: متعود ازاي يعني! ريان: احم اصل امي كانت بتتعب زيك كده ف هههه ضحك كده وهو بتكلم ف وشي قلب احمرررر وكان نفسي اختفي هالحين ! حطيت وشي في المخده وسكت سكت خاالص.
ريان بإكمال: فبتشغلنا احنا في البيت بقي والي عايز ياكل قدامه الجبنه والحلوه هو سجن اه والي مش عجبه يخبط دماغه في الحيطه و انا والحج كنا بنطبخ بدلها ومُعانه يا باشا ناردين:……. ريان: ناردين ناردين: ناردين هتشتمك دلوقتي فمشي من وشي ريان: بتقولي اي مش سمعك شلت المخده من علي وشي فلقيته بصصلي ببتسامه رخمه شبه كده فتكسفت وحطتها علي وشي تاني ناردين: يا باارد
ريان: هههه خلاص يا ستى والله، هعملك شويه كبده ببصل كده ول شيف بوراك يقدر يعملهم اي رئيك ناردين: ….. ريان: وافقتي خلصانه هعملك اتحرك من قدامي وانا بقول لنفسي ادي اخرة الي تتجوز واحد فاهمه انه جود بوي وهو باد بوي وحلوف ومعندوش دم كمان انا تخميت في البضاعه دي ريان: اي رئيك ناردين: اي ده! فول مدخن ريان: لاء هو انا الي بدخن دلوقتي وبعد القفله دي والله لجيب ديلفري
يا متر 2 فول مدخن هنا يضحكون.. _____________ عدا اسبوعين وتقريبا كان واخدهم اجازه ومقليش السبب كانوا من احلي الايام الي قضتها معاه كنا صحاب اوي ومتفاهمين جدا وعرفت حاجات كتير في شخصيته، هادي، واثق من نفسه، وبهزر كتير ودمه خفيف بشكل قمر ودي عمري ما تخيلت اني القيها فيه! يا خوفي لتغرقي اكتر من كده يا ناردين ونهارك اخضر، انتو صحاب يا ناردين صحاب وبس ناردين: ريان دقيقه!
جيب الطلبات دي وانت جي ريان: صباح الخير الاول طيب ناردين صباح الفل يا قمر ريان: ههه جيبي يختي ناردين: ابقي تعالي بدري ريان: هحاول، عايزه حاجه ناردين: اه ريان: عايزه سلمتي اكيد ناردين: لاء ريان: شكرا يا زوق، خير خلصي هتاخر ناردين : هو انت لازم ترجع الشغل؟ ريان: لاء ينفع اترفد عادي، اقفلي الباب لتشل يلا ناردين: ههه سلام ريان: سلام العصر… هي الساعه وقفه لي، والوقت معندني لي، وهو وحشني لي
اجمدي يخربيتك ده اول يوم لسه! ترن ترن ترن ناردين: الو ريان: ناردين امي 5 دقايق وتكون عندك دلوقتي ناردين: ينهار اسود! طيب هنعمل اي! استخبي في الدولاب، لاء باء ديق ، اروح عند خالتي طيب، ده انسب حل دلوقتي صح هرحلها ترن ترن ترن ناردين: يلهوي الجرس برن هنعمل اي! ريان بضحك: اهدي اي ده كلو! هو انا شقطك من ورا السلم انتي مراتي يا هبله روحي افتحلها اجري
ناردين: انت قولتها انك اتجوزت؟! يتبع…. Rahma ayman#كان صديق زوجي 11 ريان بضحك: اهدي اي ده كلو! هو انا شقطك من ورا السلم انتي مراتي يا هبله روحي افتحلها اجري ناردين: انت قولتها انك اتجوزت؟! ريان: اكيد دي كانت تقتلني بالمسدس بتاعي وتقول ل ناس انتحر! ناردين: عِنيفه اوي امك دي ريان: امك وعِنيفه شكلها بدايه مبشره بإذن لله صباح الفل “يضحكون” ترن ترن ترن ناردين: ينهار ابيض اقفل اقفل!
ريان: خمسه وجي تمام سلام. خدت اي طرحه من جوه وانا بفتح وكلي احراج وتوتر بدعي تتقبلني! بدعي تفهمني! بدعي احس اني مش تقيله ول معيوبه ول مش قد المقام ويحصل نفس الدوامه تاني بنفس التعب وبنفس كسره الخاطر كرهتني في الحموات كلها.. خنقتني بكلمها الي بيوجع ده و بتعب في اعصابي وبحسسني اني اقل من اي حد.. كنت مستحمله وساكته وراضيه عشانك وكان خيانتك وهروبك وجُبنك جزاتي ل ده .
“تفتح الباب بقلق وتلتهم عينيها الارض في خوف وحياء” فدوه بزغرطه: يا الف نهار ابيض علي العسل! تعالي في حضن اخوك يا فواااز تعالي ناردين بخضه وستغراب: عفوا يا طنط! فدوه: انتي لسه هتستغربي لي خدي با بت تعالي ضحكت وانا بحضنها بستغراب وبحمد ربنا انها عدت علي خير.. ناردين: تعالي يا طنط اتفضلي فدوه: ههزئك علي طنط دي بعدين، استني دقيقه “تنظر خلف الباب علي السلم وتتكلم بصوت مرتفع”
بوورعي طلع الحاجه بسرعه، انا مش عرفه جسم التور ده علي اي ومش عارف تشيل 20 كرتونه بس جاك خيبه بورعي بتنهد وتعب : يا مدام مش كل مره تيجي تشتميني كده وتمرمطي فيا وانا ساكت عشان ابنك الاستاذ ريان الله يكرمه فدوه: هديك 100 جنيه بورعي: والله يا مدام ما في احن ول اطيب منك ربنا يكتر زيارتك يا رب “يضحكون عليه في مزاح ويساعدنه في حمل الاغراض” _____________
ناردين: تعبتي نفسك لي يا طنط حم اقصد يا حماتي فدوه: لاء لاء ول حماتي ول طنط انا فدوش، انا لسه صغيره علي حماتي دي اه معلش مش حتت عيل الي يكبرني بروح امه. ضحكت لما فهمت انها بتلقح عليه بس مش مشكله زي ما قال قبل كده امي بردك حقها… هو انا بفكر فيه لي! فدوه: اي النظافه دي يا ست انا ابني اختار صح فعلا
بصيت في الارض ببتسامه وخجل كده ورديت بمتنان…. ناردين: شكرا جدا لحضرتك فدوه: عفوا يا ست البنات ناردين:… فدوه: انتي روحي اعملي شويه coffee mix من العلبه الي بورعي طالعها دى وتعالي نتكلم عشان عايزه اعرف حاجات قد كده وانتي الي هتجبيلي الخلاصه لانه الضانا مبقاش ضانا الايام دي و الامومه ماتت في الحرب بس انا والله ما هسكت مش عشان ابن عقيد يستغفلني ول انتي اي رئيك ناردين: ههه انتي صح
فدوه: ايوا خليكي في صفي كده وقومي يلا اعملي المشروب عشان ندردش بروقان ناردين: طيب انا عملت حسابك في الغداء ان شاء الله فتحبي نشربه بعد الغداء ول دلوقتي فدوه: ول انك حلفتي عليا وعماله تتحيلي عليا من الصبح مكنتش وفقت ابدا ابدا اني اتغدا والله، ها عمله اكل اي بقي؟ ناردين بضحك: ؟؟! طيب احلي حمى دي ول اي، جزابه اوي وشبه اوي ودمها خفيف وزي القمر اوي
هو انا هلقيها منك ول من امك يلا! “بعد فتره” ناردين: وبس كده انا عايشه مع خالتي بقي من وقتها فدوه: ربنا يحفظها يا رب ونعمه الاخت والله، طيب سوال قد كده هو انتي ممرضه وتعرفي راجح صحبه مش كده؟ سكت شويه وانا برد عليها يتري اقلها الحقيقه وهو مفهمها حاجه تانيه؟ اعمل اي طيب! فدوه: متقلقيش مش هتعكي الدنيا ول حاجه الي هتقولي هياكد لي حاجه بس
ناردين: “اي ده!” فدوه: قولي بقي مش تتعبيني زي رورو ناردين: احم هو اه انا ممرضه وكنت مخطوبه لصحبه راجح قبل كده فدوه: امم تمام اوي كده بس! مسالتش اي الي حصل بعد كده لي؟ وتجوزتي ابني ازاي؟ وابني ضحي قد اي؟ مفيش حاجه تانبه! اي العيله الي كلها الغاز دي… “يفتح الباب بالمفتاح في عجله ولهفه” ريان: فدوووش قلبببي فدوه: اثبت مكانك يا بن الجزمه ريان بوقوف عسكري: احم
كنت هموت ضحك علي رأكشنه واسلوبهم، حقيقي قمر العيله الفرفوشه رزق والله.. فدوه: امسك ودانك واعمل تمرين القرفصاء يلا ريان: ماما متقليش مني قدامها كده متهزريش! فدوه: هتعمل تمرين القرفصاء ول اقوم ازعلك؟ ريان: لاء زي ما انت يا ريس هعملو حاضر، كام فدوه: 100 ريان: ها ها انسي موتيني اسهل فدوه: 50 ريان: فدوش موزه الموزز وقلب القلب وقمر القمرات فدوه: 25 ريان: والله ما في اجمل و…
فدوه: لاء خلاص كده ريان: محولش فدوه: تؤ ده اخري ريان: خلصانه بصلي وحرك صباعه بتحذير اني مضحكش فغميت عيني بايدي بتريقه وبتسامه كده فضحك وبداء طحن اقصد تمرين. ريان بتنهيجه: 25! اوف واخيرا تعالي احضنك بقي فدوه: 50 ضغط وتتحضن ريان بصوت منخفض: متفهميش اي الزل ده يعني هنا وهناك اومال ابويا يعمل اي عالم جاحده يا باشا فدوه: بطل برطمه عشان مخلهمش 100 ريان: طيب خلاص
“بعد فتره” ريان بتعب: 50 هديتي حيلي يا شيخه! فدوه: هتعمل كده تاني “ينظر لها ببتسامه وبرئه” فدوه بضحك: تعمل كده ونص، هو انت بتتغير يا معفن ومطلع عيني كده ادي اخره الي تخلف من عقيد، خد تعالي ريان: ههه جي جي حضنها بكل حب وباس رأسها بكل احترام وتقدير، هو ازاي جميل كده، وهى ازاي قريبه منه كده حلوه اوي فكره انك تكوني صحبه ابنك دي اوي قبل ما تكوني امه
تفهمي دماغه، تعلمي يحترمك ويحبك ويخاف منك في نفس الوقت، دمعت تلقائيا علي جمالهم فهمت معني الام وقتها بجد قد اي الاحساس ده دافي وحلو… فدوه: شايف البت الي بتعيط هناك دي ريان: اممم فدوه: عجبتني ريان: ههه تربيتك بقي فدوه: تربيه وسخه “يقومون بضحك” علي السفره… كانت بتاكل بستمتاع زيه بظبط، نفس الطريقه ونفس الابتسامه وياخد طبقها يقدم ليها حته وتاخد طبقه تقدم لي حته وتشده من شعره وايديها مش نضيفه وهو يتشل ووشه يقلب احمااار
وانا بتاملهم بكل حب وقول يبختي كبيره اوي في سري.