~ بس انا كنت عايزك انتي بس ! مكنتش عايزه اي واحده وخلاص -شادي ايه رأيك نمنح علاقتنا فرصه جديده ؟ ~ اه هنبدأ التلت سنين من الاول صح ؟ انا طاقتي استهلكت يا حور .. انا فعليا عملت كل حاجه ممكن اقدر اعملها عشان اخليكي تحبيني و مع ذلك محبتنيش .. معنديش اي حاجه تاني اقدر اقدمها لما نبدأ من الاول -لا احنا هنمنحها فرصه جديده من دلوقتي .. يعني فرحنا الي بعد اسبوع هيتم وبعد الجواز اوعدك اني همنح لعلاقتنا فرصه جديده
~ حور مفيش داعي تشفقي عليا انتي كدا بتجرحيني اكتر .. -مش بشفق عليك يا شادي انا بقولك اني مش هلاقي احسن منك زوج ليا و انا متأكده ان لما نتجوز كل حاجه هتتغير ~افرضي متغيرتش ؟ هنتطلق ؟! -لا لو مفيش حاجه اتغيرت هحاول تالت ورابع وخامس .. شادي انت تستاهل اني احاول اني اغير نفسي عشانك ~ يعني مش بتقولي كدا عشان بتشفقي عليا ؟ -لا طبعا يا شادي ..
بفرحه ~ تمام هروحك البيت و نبدأ من بكرا نجهز للفرح .. مش متخيله اد ايه فرحتيني لما قولتي انك هتحاولي عشاني .. حور ابتسمت شادي بعدها اخدها لبيتها *عند مريم و مالك * مالك ومريم دخلو البيت بعد يوم طويل من الشغل > مالك ليه مش بتكلمني طول اليوم ؟ انت بتكلمني فحدود الشغل بس =احنا كنا فالشغل ف اكيد هكلمك فحدود الشغل يا مريم .. مش عارف رقبتي مالها وجعاني طول اليوم
>تعالا اعملك مساج فيها واكيد هتخف =لا انا هنام ولما اصحي هتخف وحدها بزعيق وعياط > مالك انا تعبت من المعامله دي !! =وانا تعبت من عدم تقديرك اني كل يوم برجع تعبان من الشغل وبكون عايز انام !! بزعيق وعياط >بس انا كمان بشتغل معاك يا مالك و طبيعي اكون تعبانه زيك بس انا فنفس الوقت عايزه نعمل اي حاجه مع بعض .. مالك احنا كأننا مش متجوزين ..
=انتي بتشتغلي سكرتيره يا مريم ف طبيعي مش هتتعبي قدي بعياط >وصلت بيك انك تقلل مني يا مالك ؟! طالما شايفني اقل منك اتجوزتني ليه ها !! مالك سبها ومردش عليها و راح نام اما مريم ف راحت نامت ف اوضه الاطفال وهي بتعيط *الصبح* مريم صحيت و عيونها منفوخه من العياط و لما مالك شافها كدا صعبت عليه =انا اسف علي الي قولتهولك امبارح .. انا بس كنت متضايق من حاجه و كل ضيقي دا خرج فيكي بغير قصد
> انا من انهارده هنام ف اوضه الاطفال = ليه بس كدا .. طب اعمل ايه وتقبلي اعتذاري >مش هتقدر تعمل الي عايزاه يا مالك ( هي عايزاه يحبها ) =طيب انا هاخد اجازه اسبوع من الشغل و نسافر انا وانتي وماما و نعمل شهر العسل الي كان نفسك فيه بفرحه > بجد ! بتهزر صح ؟! =لا ههزر ليه .. انا حتي كلمتهم الصبح و قولتلهم علي حوار الاجازه
مريم حضنته >شكرا يا مالك مالك فالحقيقه اخد الاجازه دي و قرر يقضي وقت اكتر مع مراته عشان ينسي حور وفنفس الوقت عشان يراضي مراته .. *عند حور وشادي * حور صحيت من النوم وهي حاسه انها مرتاحه .. اخيرا حسمت قرارها و اختارت انها تبقي مع شادي نزلت تشتري حاجات للفرح وهي فرحانه جداا .. هي غالبا مكنتش حاسه بالفرحه دي غير لما اتخذت بقرارها .. حاليا هي حاسه انها عروسه بجد
وهي بتشتري حاجات الفرح رن عليها شادي ~ حبيبتي القمر بتعمل ايه -حالياا بشتري لبس للعرايس ~ اجي اساعدك ؟ -يا سلام .. لا طبعا كمل انت ف الي بتعمله .. بتعمل ايه صحيح ~ التلاجه الجديده باظت ف بشتري واحده غيرها .. مش عارف ازاي باظت واحنا لسا جايبينها بضحك – دا حسد يا شادي ~ اه صح عندك حق .. طب اسيبك بقا مع الي بتعمليه -ماشيي باي
*بعد اسبوع * مريم و مالك رجعو من شهر العسل بتاعهم .. والي كان بالنسبه لمالك فشل ذريع لانه كان طول الوقت فشهر العسل بيفكر ف حور .. يمكن كان تفكير ف انتقام اكتر من انه حب .. هو يمكن كان عايز يتجوز حور عشان يثبت لنفسه ان حتي الي مسحت بيه الارض اهي هتمـ,ـوت وتتجوزه دلوقتي .. كان عايز يرجع لنفسه كرامته الي حور مسحت بيها الارض زمان و لما رجع من شهر العسل عرف بالصدفه ان اليوم الي رجع فيه هو نفس يوم فرح حور
طبعا هو اتجنن لما عرف و بمجرد لما وصلو الشقه هو ومريم سابها ونزل كانت حور وقتها فالكوافير بتتجهز وهي مبسوطه مالك وقتها رن عليها =حور انتي فين -مالك ! بتتصل ليه بيا ؟ لو حابب تباركلي عالفرح اتفضل =حور انتي فين بقول !! -انتي كدا بتوجعيني ينفع تشتغلي براحه ؟ ( كانت بتكلم البنت الي بتعملها الباديكير ) مالك وقتها قفل المكالمه و خمن هي ف انهي كوافير لان اكيد راحت لاكتر كوافير معروف
دخل الكوافير رغم اصرار البنت الي واقفه برا ان الرجاله مش بيدخلو بس قالها ان عروسته جوا بتتجهز حور اتخضت لما شافت مالك قدامها -مالك !! ايه الي جابك هنا ! = تعالي معايا يا حور -اروح فين ! انهارده فرحي لو انت مش واخد بالك يعني = قولت تعالي !! -طب ثواني هشوفه عايز ايه واجي تاني ( بتكلم الي بتعملها الباديكير ) طلعو برا الكوافير -عايز ايه ! شادي فالطريق وانا لسا مجهزتش ف اخلص لو سمحت
= لو مجيتيش معايا دلوقتي و سبتي فرحك انا هحكي لخطيبك عن سبب عدم حبك ليه طول ال٣ سنين دول .. وهحكيله كمان عن تقربك مني لما شفتيني فالشركه طول الفتره دي .. هوريه تسجيلات كاميره المكتب بتاعي لما كنتي بتتحججي انك عايزاني اعلمك حاجه معينه فالشغل ووقتها قربتي مني جامد .. فاكره الموقف دا ولا اوريهولك يمكن تفتكري ؟! يتبع لو مكان حور هتعملو ايه ؟البارت العاشر
= لو مجيتيش معايا دلوقتي و سبتي فرحك انا هحكي لخطيبك عن سبب عدم حبك ليه طول ال٣ سنين دول .. وهحكيله كمان عن تقربك مني لما شفتيني فالشركه طول الفتره دي .. هوريه تسجيلات كاميره المكتب بتاعي لما كنتي بتتحججي انك عايزاني اعلمك حاجه معينه فالشغل ووقتها قربتي مني جامد .. فاكره الموقف دا ولا اوريهولك يمكن تفتكري حور فضلت متنحه فيه للحظات .. معقول هو دا الانسان الي كانت متلغبطه بسببه و كانت هتسيب خطيبها عشانه ؟!
-مالك انت مش الانسان الوحش دا .. متخليش الانتقام يحول قلبك ل قلب اسود = انتي الي حولتيه ب ايدك لقلب اسود لما ذلتيني زمان بكلامك الي لسا بيتردد ف ودني لغايه دلوقتي رغم اني مبقتش فقير -بس انا كنت بدور عليك عشان اعتذرلك يا مالك ! احنا فيها اهو .. امشي يا مالك وانساني و انسي الانتقام مني و عيش حياتك مع مراتك الي بتحبك بزعيق = هتيجي معايا ولا الفيديو يوصل لمالك !
-اعمل الي تعمله يا مالك .. شادي مش هيسبني عشان فيديو
= اي راجل فالدنيا مهما كان بيحب خطيبته هيسيبها لما يشوفها بتتقرب من راجل تاني وهما ففتره خطوبتهم .. و حتي لو هو ابن اصول و بيحبك جداا ف ممكن يعدي الفرح انهارده علي خير و يطلقك بعدها بشهر .. وقتها هتبقي البنت الي اتطلقت بعد جوازها بشهر و امك هتعوز تجوزك لاي حد معدي جمب بيتكم .. وطبعا انا لما اتقدملك وقتها امك هتوافق وهي مكسوره لان دا الخلاص الوحيد من كلام الناس بعد لما بنتها اتطلقت بعد فرحها بشهر .. يعني فالحالتين هتتجوزيني ف لو مكانك اختار الطريق الاقصر
-وانا واثقه ف شادي و حبه ليا