الاجبار المتمنى بقلم هاجر نور الدين

♥️♥️♥️سكريبت بقلمي(هاجر نورالدين)♥️♥️♥️ _أنا نازل. مسكت في طرف الفستان وكرمشتهُ بتوتر وتردد وقولت بصوت واطي: =رايح فين? بصلي بعيون خالية من آي مشاعر وقال بقر*ف: _آي مكان بعيد عن هنا، لـ تكوني مفكرة إني متجوزك بجد، هخليكي تقضي أول ليلة في جوازك لوحدك لإني مش طا*يقك. حبست دموعي ومنعت إنها تنزل وبصيت في الأرض، قد إي حاسة بِكسرة قلب دلوقتي، أنا عارفة إنهُ مغصو*ب إنه يتجوزني بس أنا إي ذنبي برضوا إنه يعاملني كدا ما أنا زيي زيه الجوازة جات فجأة، فتح الباب وهبدهُ وراه ونزل، قعدت غلى أقرب كنبة ليا ورجعت راسي لورا وأنا بعيط بهدوء وبفتكر إزاي وصلنا لـِ هنا وإزاي إتجوزنا، محمد يبقى إبن الجيران اللي عشقتهُ من الطفولة ولكن مكنش ليا آي كلام معاه، لما كبرنا في الوقت الحالي عرفت إنه بيحب واحدة وواعدها بالجواز، قلبي و*جعني لما سمعت الخبر دا بس إتمنيتلهُ الخير على قد ماحبيتهُ، وإتفاجأت يوم وفاة والدهُ إنه كتب في الوصية إنهُ يتجوزني وإلا هيبقى خصيمهُ، هو كان مصد*وم ولكن مش أكتر من صد*متي، في الأول رفض وثار، بس في الأخر وافق تحت ضغط كبير من أهلهُ وخصوصًا والدتهُ بعد ماتعبت، أنا عارفة إنهُ مش طايقني دلوقتي بس دا برضوا مش ذنبي!! ____________________________________ كان واقف تحت البيت بتاعها وماسك موبايلهُ بيرن عليها وبيتنفس في سرعة وتوتر واضح، ردت عليه وسمع صوتها وهي بتبكي غمض عيونهُ بأ*لم وجاله صوتها بتقول بعصبية: _إنت بتتصل ليه دلوقتي، إنت مش إتجوزت? إتكلم بحنية وقال بحُزن: =متقوليش كدا يا سمر، إنتي عارفة إني بحبك إنتي وإني إتجوزتها عشان بس وصية أبويا الله يرحمهُ ويسامحهُ على اللي عملهُ فيا. إتكلمت بنفس العصبية وقالت: _ياسيدي الله يرحمه، بس الحقيقة الواضحة قدامنا إنك إتجوزت خلاص، مبقاش فيها حاجة تاني خلاص متتصلش بيا تاني. إتكلم بسرعة وقال: =سمر أنا مش هاممني كل الناس إلا إنتي بالذات، إياكِ تبطلي تحبيني أو تبعدي عني، أنا من غيرك مش هعيش بجد. ضحكت بسخرية وقالت: _والمفروض إني أفضل معاك وأبقى زوجة تانية صح? غمض عيونهُ وقال بتأكيد: =أنا كلها كام شهر وهطلقها وأتجوزك ومستحيل هقرب منها، أنا مش عايز غيرك. مسحت دموعها وسكتت شوية بتفكر وقالت: _لأ برضوا يامحمد، إبعد عني إنت خلاص بقيت متجوز سيبني أفوق من اللي أنا فيه بسلام. إتكلم بتصميم وقال: =إطلعي البلكونة كدا. عقدت بين حواجبها وفتحت البلكونة لاقيتهُ واقف تحت، إتكلمت بعصبية وقالت: _إنت إي اللي جابك دلوقتي، إنت مجنو*ن? =أيوا مجنو*ن ياسمر ولسة هتشوفي جناني بجد لو بعدتي عني. إتنهدت وقالت: _إنت عايز إي دلوقتي يامحمد. إتكلم بحُزن بان في نبرة صوتهُ وقال: =إنك متبعديش عني، وصدقيني كلها كام شهر وأطلقها، مش هنضيع 4 سنين من حياتنا عشان غلطة في حياتي وممكن تتصلح. سكتت شوية وهي بصالهُ من البلكونة وبعدين قالت في حزم: _بس هتطلقها ومش هتقرب منها، وكمان متقعدش معاها كتير وإلا إبتسم بسعادة وقال: =بس كدا، عيوني الإتنين، أنا بحبك ياسمر بجد بحبك وحقك عليا. إتكلمت وهي مُبتسمة وقالت: _المشكلة إن أنا كمان بحبك يامحمد ومقداميش حل غير دا لإني مش عايزة غيرك، يلا بقى إمشي من هنا عشان محدش يشوفك. قال بفرحة: =حاضر، مع السلامة ياحييبتي. بعدين شاورلها من تحت البلكونة ومشي. صحيت ولاقيت النهار طلع وهو لسة مجاش، الحقيقة معرفش نمت إمتى وإزاي، قومت أدور عليه في الشقة بس لسة مجاش فعلًا، دخلت خدت حمام دافي وغيرت الفستان ولبست بيچامة بسيطة، مسكت الفستان بإيدي وإبتسمت بحُزن وأنا بقول: _للأسف لبستيه للي كنتي بتتمنيه فعلًا، بس هو عمرهُ ما أتمناكي، أصبح أحلى يوم في أحلامك هو أسوء يوم في الواقع بتاعك. شيلت الفستان وطلعت من الأوضة لاقيتهُ بيفتح باب الشقة وبصلي ببُغض وكُرهّ، بصيت في الأرض وقولت بهدوء: _تحب أحضرلك فطار? إتكلم بكل ق*سوة وقال: =مش عايز منك حاجة، وإياكِ تفتكري إني متجوزك بجد، إنتي بالنسبالي مجرد وصية متعشيش الدور كتير. مقدرتش أمسك دموعي المرة دي وعيطت وأنا حاسة بقلبي وا*جعني جدًا، دخلت الأوضة جري وقفلت الباب عليا وقعدت أعيط، كان هو برا ولام نفسهُ إنهُ قالها كدا وقال: _غبي، هي مالهاش ذنب. فكر يخبط الباب عليها وهو مُتردد ولكنهُ رجع في كلامهُ ودخل الأوضة التانية ونام. #هاجر_نورالدين #الإجبار_المُتمنى #يتبعالجزء التاني ♥️♥️♥️بقلمي(هاجر نورالدين)♥️♥️♥️ طلعت تاني يوم من الأوضة وخرجت ملقيتهوش في الشقة فكرتهُ نزل من البيت تاني، دخلت خدت حمام دافي ولبست بيچامة عادية بِكُم ولسة هفتح باب الحمام لقيتهُ إتفتح وكان هو وباين على ملامحهُ إنه لسة صاحي صرخت ورجعت لـِ ورا بخوف وببصلهُ وأنا مبرقة بزهول وهو كمان كان بيبادلني نفس النظرات، إتكلمت وأنا باخد نفسي بسرعة وقولت: _بحسبك مش في البيت، مش تخبط!! إتكلم بعد ما غمض عينه وإتنفس بعمق وقال: =مكنتش بحسبك في الحمام. إتكلمت وأنا برجع شعري ورا ودني وبصاله بإحراج: _طيب بعد إذنك وسعلي عشان أخرج. بص في عيوني ودا اللي وترني زيادة وبعدين قرب مني في هدوء وكانت مع كل خطوة بيقرب فيها مني كان قلبي صوت دقاتهُ بتعلى وأعتقد إنهُ سامعها، بعدها بص في عيوني وقال: =إنتي عارفة بتفكريني بـِ مين? هزتلهُ راسي بـِ معنى لأ وأنا مش قادرة أخد نفسي من قربهُ مني فـ إتكلم وقال: _بـِ واحد صاحبي إسمه حسن هبقى أوريهولك في مرة، شبهك بالظبط حتى إستايلهُ في اللبس زيك بالظبط. بصيتلهُ بـِ دهشة وحسيت إنها إهانة ليا فـَ بصيتلهُ بغضب وضيقت بين حواجبي وقولت: =لحد هنا مسمحلكش، مالكش دعوة بطريقة لبسي ولا بشكلي. زقيتهُ بعيد عني وخرجت برا الحمام وأنا متدايقة وبقول: _مش فاهمة مغرور على إي يعني عشان حلو شويتين، مغصوب عليا ما أنا كمان مغصوبة عليك. سكتت شوية وبعدين قولت بصوت واطي أنا بس اللي أسمعهُ: _بصراحة مش مغصوبة أوي بس ولو ولو يعني مسمحلهوش إنه يهيني أكتر من كدا سكتتله إمبارح ماهو فكرني هفأ. دخلت أحضرلي الفطار وبعد شوية خرج هو من الحمام وقعد قصادي، بصيتلهُ بإستفهام إتكلم وقال: _إي بتبصيلي كدا ليه، هفطر! إبتسمت بسخرية وقولت: =قوم حضر فطار لـِ نفسك مش عاملة حسابك. إتكلم بدهشة وقال: _دي القطة طلعلها ضوافر!! إتكلمت وأنا باكل وقولت: =إعتبرها زي ما تعتبرها، هسكتلك في آي حاجة إلا إنك تهين كرامتي أنا متربتش 22 سنة عشان ييجي واحد قمر زيك يهين كرامتي. إبتسم للحظة وبعدين رجع لـِ ملامحهُ الجامدة تاني وقال بِحِدة: _طيب قومي حضريلي فطار. سيبت الأكل من إيدي وقولت وأنا ببصلهُ بِحِدة: =لو إنت مفكر إن نبرة صوتك دي هتخليني أخاف وأقوم.. فـَ أنت صح، عايز جبنة رومي ولا عادية جنب باقي الفطار. إتكلم وقال بلا مبالاة: _آي حاجة. سيبته ودخلت المطبخ وأنا بدبدب في الأرض إتكلم بصوت عالي شوية وقال: =شغل الأطفال دا مبحبهوش. سكتت وحضرت الفطار في هدوء، إبتسم على اللي بعملهُ في الخباثة وبعد الفطار إتكلم وقال: _كمان شوية هيجيلنا حد. بصيتلهُ بإستغراب لإن محدش من أهلهُ ولا أهلي جاي النهاردة حسب ما قالوا وقولت: =مين? بصلي بجنب عينيه ودا خلاني أخاف من نظرته وكإني غلطت فيه ولكن رد عليا وقال: _هتعرفي لما تيجي. ضيقت بين حواجبي وأنا بقول: =تيجي!! بام من غير ما يرد عليا ودخل الأوضة تاني، فضلت قاعدة بفكر ولكن موصلتش لـِ حل قررت أريح دماغي اللي عمرها ما ريحتني وهي كدا كدا هتيجي وهنعرف مين، قومت لميت مكان الفطار وقعدت شوية قدام التليفزيون بـِ ملل، بعد شوية خرج هو من الأوضة وكان بيكلم حد فـِ الفون وبيقول: _تمام هفتحلِك الباب إطلعي. بصيت بإهتمام وقومت عشان أشوف مين دي، ولما فتح الباب واحدة معرفهاش ومش من عيلته حضنتهُ على طول، حسيت بغيرة وبـ نار بتجري في عروقي والظاهر إن هو كمان إتصد*م من حركتها لإنه مبادلهاش الحضن، تماسكت وبعد ما بعدت عنه سألت بإستغراب ونفاذ صبر: _مين دي? قبل مايتكلم إتكلمت هي وقالت: =خطيبته ياروحي وقريب أوي هبقى مراتهُ بعد ما يطلقك. بصيتلها بصد*مة على كلامها ووقاحتها وبصيت لـِ محمد يمكن ينكر آي حاجة من اللي قالتها ولكن متكلمش وكان باصص في ولا شئ حواليا عشان عينيه متجيش في عيني، خدت نفس عميق عشان أهدي النار اللي جوايا يمكن تهدى وإبتسمت ببرود لإني عارفة إنها بتحاول تكسر*ني وقولت: _أهلًا بيكي، إتفضلي متقفيش على الباب. شوفت نظرة الدهشة منهُ ومنها، ولكن مهتمتش ودخلت جوا، دخلوا بعديا وفضولوا قاعدين شوية يتكلموا مع بعض وأنا عاملة نفسي مش شيفاهم ومركزة مع التليفزيون، ولكن في الحقيقة أنا مفوتتش حرف بيتقال وحاسة إني همو*ت من كتر اللي حاسة بيه، الباب خبط فـ قام محمد بإستغراب يشوف مين وكان إبن عمي، دخله وسلم عليه وبعدين بصيتله بإستغراب وقولت: _أشرف!! إتكلم بإبتسامة وقال: =معلش بقى إني جايلكم النهاردة بس مرات عمي أصرت إني لازم أبعتلكم الأكل دا. إتكلمت بإبتسامة وقولت وأنا باخده منه: _هي ماما كدا مش هتهدى إلا لما تعمل اللي في دماغها، معلش تعبناك معانا. لاحظ وجود سمر وقال بإستغراب: =مين دي? قبل ما أرد عليه راحت هي قربت منهُ وهي بتبتسم بشكل مُستفز وقالت وهي بتمد إيديها: _أنا سمر، قريبة محمد. بصيلها بإستغراب ومش هو لوحدهُ بصراحة كُلنا، مد إيده ليها بتردد وبعدين وجه كلامه ليا وقال: =طيب عن إذنك أنا بقى يا روان. إتكلمت سمر بسرعة: _بقولك إي، إحنا يعتبر بقينا عيلة واحدة، أقصد يعني ممكن تديني رقمك عشان لو إحتاجت حاجة أو بتاع. في الحقيقة بصينالها أنا وأشرف بغرابة ولاحظت محمد اللي ضاغط على إيديه بغضب وقال: =إنتي بتقولي يا سمر? إتكلمت بلا مبالاة وقالت: _عادي يعني يا محمد في اي. إتكلم أشرف وقال وهو بيوجهلي كلام: =أنا هنزل أنا عشان ورايا مشاغل، عن إذنك يامحمد، لو عوزتي حاجة كلميني ياروان. _حاضر. نزل أشرف وبعدها كنت سامعة محمد وهو بيتخانق مع اللي إسمها سمر عشان اللي عملتهُ، نظرات عينيها لـِ أشرف وحماسها مش مريحين أبدًا، يمكن أكتر اللي بيفهم البنت بنت زيها، ولو هي بتلعب بـِ محمد فـَ أنا مش هسمحلها تعمل كدا. #هاجر_نورالدين #الإجبار_المُتمنى #يتبعالجزء التالت ♥️♥️♥️بقلمي(هاجر نورالدين)♥️♥️♥️ إتكلم محمد بزعيق لـِ سمر: _المفروض إني أفهم إي من واحدة بتقول لواحد هات رقمك!! نفخت سمر بملل وقالت: =محمد إنت عارف إني بحبك ومش هبُص لغيرك يعني أنا بس كنت عايزة الرقم عادي، هيبقى زيه زي اي حد من صحابي. بصيلتها بغيرة على كلمة بحبك وحسيت إني هقوم أجيبها من شعرها، إتكلم محمد بعصبية وقال: _سمر، إمشي من قدامي دلوقتي عشان مرتكبش جناية فيكي. خدت الشنطة بتاعتها بنرفزة ومشيت من البيت تحت نظرات الشك مني، بصيتلهُ بعدها بـِ عتاب وأنا قاعدة فـَ بصلي بنفاذ صبر وقال بزعيق: _متبصليش كدا وقومي من قدامي إنتي كمان. وقفت بملامح جامدة وقولت: =عصبيتك أنا مش سببها إبقى شوف السنيورة اللي إنت جايبها بيتي عشان تكسرني بيها، لكن متتكلمش معايا كدا. خلصت كلامي وقومت دخلت الأوضة بتاعتي بهدوء تحت نظراتهُ اللي هتمو*تني، لحد ما دخلت الأوضة خدت نفسي بعُمق وأنا بقول: _دا الحمدلله إني عرفت أدخل الأوضة تحت نظراته دي، ياماما شكلهُ بيبقى مخيف كدا ليه وهو متعصب. فردت ضهري وقولت بثقة: _كل اللي فات كان حنية مني يا محمد عشان بحبك، بعد كدا صدقني هوريك مين هي روان بجد زيك زي آي غريب لحد ما تتربى. فتحت دولابي وخرجت منهُ فستان أزرق بسيط ومعاه طرحة وجزمة بيضة، جهزت نفسي وحطيت روچ وماسكرا وخرجت وأنا في كامل أناقتي، كان هو قاعد على الكنبة برا وأول ماشافني كدا إتكلم بإستغراب: _إنتي رايحة فين بالشكل دا? إتكلمت بِثقة وهدوء: =خارجة عشان إتخنقت من البيت. إتكلم بـِ عصبية: _يعني إي خارجة!! هو أنا قرطاس قدامك? إتكلمت بنفس الهدوء وقولت بعد ما قربت منهُ: =والله اللي أعرفهُ إنك هتطلقني ومش هتكمل معايا، والجوازة كلها بمعنى أصح شكل بس وكلها كام شهر ونتطلق، فـَ زي ما إنت واخد راحتك أوي كدا لدرجة تجيبها بيتي فـَ ليه أنا كمان مأخدش راحتي وأعيش حياتي? قام وقف وقال بعصبية: _بس إنتي على زمتي، يبقى مفيش براحتك دي. =أيوا ما زي ما إنت برضوا لسة جوزي وبتتعامل كإنك أعزب. قال بنفاذ صبر: _إعملي اللي تعمليه، بس لو عديتي حدودك صدقيني مش هسكتلك. بصيتلهُ من فوق لـِ تحت وقولت: =والله أنا عارفة حدودي كويس مش مستنياك تقولي. سيبتهُ ومشيت بشموخ قبل ما يتعصب عليا ونزلت، في الحقيقة مكنش في فـِ دماغي مكان مُعين بس روحت كافيه أقعد فيه لوحدي، قعدت وطلبت عصير مانجا بعد شوية جالي ومعاه تشيز كيك، بصيت للويتر بإستغراب وقولت: _أنا مطلبتش تشيز كيك، أنا طلبت مانجا بس. إتكلم وقال وهو بيشاور على واحد قاعد على طربيزة تانية: =دي من الأُستاذ. إتكلمت بعصبية وقولت: _مش فاهمة هو أنا هنا في برنامج تعارُف، المفروض إني في كافيه مُحترم ميحصلش فيه كدا. إتكلم الويتر بتوتر وقال: =والله يافندم أنا ماليش دخل، هو بس طلب وإحنا نفذنا. لسة هتكلم جِه الشخص دا وقعد قدامي على الطربيزة وهو بيقول: _طيب حضرتك متعصبة ليه، أنا غرضي إني أتعرف على حضرتك بس مش حاجة وحشة. إتكلمت بعصبية: =إنت مين سمحلك تقعد أصلًا، شخص بجح وقليل رباية، قوم من هنا. ملحقش يرُد ولقيت محمد قومهُ من لياقة التيشرت بتاعهُ وضر*بهُ في وشه، معرفش هو جِه منين ولكنني فرحت في الشخص دا، شدني من إيدي بعدها وخرجنا من الكافيه، كان واضح على وشهُ قد إي متعصب شديت منهُ إيدي وقولت: _إنت ضاغط على إيدي جامد، وبعدين إي اللي جابك ورايا? وقف وإتكلم بعصبية وقال: =هو دا اللي عارفة حدودك، ألاقيكي قاعدة مع واحد في كافيه!!! إتكلمت بعصبية مُماثلة وقولت: _وإنت مين قالك إني كنت قاعدة معاه أصلًا، هو اللي حيو*ان وإتعدى على الطربيزة بتاعتي وقبل ما إنت تدخل كنت هربيه أصلًا. إتكلم وقال وهو بيبتسم بسخرية: =والمفروض أصدق صح. بصيتلهُ بغضب وقولت: _عنك ماصدقت، قال يعني فارق معايا، مجاوبتنيش برضوا إي اللي جابك ورايا? إتكلم وقال: =عشان أشوف إنتي متشيكة كدا لـِ مين وأديني عرفت. ضر*بتهُ في رجلهُ بكعب الجزمة بتاعتي بـِ غضب وقولت: _أنا مسمحلكش تقول عني كدا، أنا مش زيك، أنا متربية كويس أوي. بعديها سيبتهُ وهو ماسك رجلهُ بألم ومشيت من قدامهُ وركبت تاكسي عشان أروح البيت. #هاجر_نورالدين #الإجبار_المُتمنى #يتبعالجزء الرابع ♥️♥️♥️بقلمي(هاجر نورالدين)♥️♥️♥️ بعد شوية وصِلت البيت وغيرت هدومي، لبِست بيچامة هادية وعملت فشار وقعدت أتفرج على التليفزيون وكإن شئً لم يكُن، بعد شوية باب الشقة إتفتح ودخل منهُ وهو بيُعرُج بسبب ألم رجليه ونظرات عينيه قربت تحر*قني، إتكلم بعصبية وهو بيجِز على سنانهُ وقال: _إي اللي إنتي هببتيه دا، وقاعدة بتطفحي ولا في دماغِك كمان! رديت عليه بِلا مُبالاة: =عشان بعد كدا تعرف تكلمني بإسلوب كويس عن كدا. قرب مني بغضب وقال: _بت إنتي هبلة ولا عبيطة، مين فينا اللي قافش التاني قاعد مع واحد هاا. بصيتلهُ وأنا مِديقة عيوني وببصُلهُ بتحذير وقولت: =شكل رجليك محصلهاش المطلوب. بص على رجليه وبعدين بصلي بدهشة وقال: _متجوز مُفترية بجد، ميليقش على شكلك خالص يخربيتك. خلص كلامهُ ومشي من قدامي وهو بيعرُج، رجلهُ إتخبطت في الطربيزة وهو ماشي وإتو*جع قومت عليه بسرعة وقولت بلهفة: =حصلك حاجة، حاسس بو*جع? بصلي شوية وبعدين قال بإستغراب: _إنتي بشخصيتين يابنتي? بصتلهُ بـِ ملل وقولت: =تصدق أنا غلطانة. إبتسم وقال بسرحان: _ومجنونة. بصيتلهُ شوية وإتوترت وهو لاحظ اللي قالهُ ولغى ملامِح وشهُ الهبلة دي مع الإبتسامة وقال بملامح جادة: _قومي شوفي إنتي رايحة فين، مش إنتي السبب في دا. بصيتلهُ بغضب وبعدين بصيت لـ رجليه وقولت: =لو مكنتش عصبتني وقولت كلام شبهك مكنتش عملت كدا. بصلي برفعِة حاجب وقال: _شبهي!! سيبتهُ وقومت وقولت بِلا مُبالاة: =أيوا، نفس السِحنة، وإنت عمومًا زي القرد هي بس بتو*جعك. إتكلم بعصبية خفيفة وقال وهو بيجِز على سنانهُ: _ما تخلي بالك من تشبيهاتك يا حرمي المصُون. بصيتلهُ بعدم إهتمام ومشيت من قدامهُ في حين أنا في الحقيقة مُهزأة وقلبي كان بيرفرف من حرمي المصون دي طالعة منهُ قمر، دخلت الأوضة عشان أنام بس لقيتهُ بعدها بـِ شوية بيخبط على باب الأوضة قومت فتحتلهُ وقولت بتمثيل ملامح الزهق على وشي: _خييير. إتكلم بتردد وهو بيمشي إيديه في شعرهُ وباصص بـِ برائة وقال: =كنت عايز أقولك إني بخاف من النوم لوحدي ممكن أنام معاكي? بصيتلهُ بغضب وقولت وأنا بقفل الباب في وشهُ: _قليل الأدب، روح إتخمد في أوضتك زي ما كنت نايم اليومين اللي فاتهُ اللي إختشوا ماتوا صحيح. طبعًا كُلنا عارفين أنا بقول الكلام دا وجوايا إي، الفار إبتدا يدخل المصيدة، كان واقف برا في صد*مة وهو مبرق عينيه ولسة واقف في مكانهُ وردد: =قليل أدب!! اللي آختشوا مااتوا!! هو أنا متجوزها ولا دي جاية البيت دا غلط ولا إي?! تاني يوم الصُبح خرجت من الأوضة وأنا لسة صاحية وبتتاوب وعيني مغمضة لسة، لقيتهُ بيتكلم في التليفون مع سمر وبيقول: _بقولِك إي مهما قولتي مش هعدي الموضوع دا بالساهل إنتي فاهمة? بص وراه لقاني واقفة وراه بمنظري دا وشعري المنحكش وأنا ببصلهُ بنظرات نارِية إتخض ورما الفون وحط إيدهُ على قلبه وقال: _يابنتي مفيش حد بيطلع لحد مرة واحدة كدا وكمان بالمنظر دا. إتكلمت بتحذير وأنا بشاورلهُ بـِ صباعي في وشهُ: =إحذر مني عشان اللي جاي خطير، وإحذر من البتاعة اللي إنت ماشي معاها دي عشان هتلسوعك. سيبتهُ ومشيت من قدامهُ، إتكلم وقال وهو بياخد نفسهُ: _هتلسوعك! متجوز سواق ميكروباص، الله يسامحك يابابا. حضرت فطار وقعدت وبدأت أكل جِه محمد قعد قدامي وقال: =تاني? هو لازم أزعق يعني? بصيتلهُ بجانِب عيني بِحِدة وقولت: _إبقى خلى السُبيط المقلي اللي بتكلمها تحضرلك فطار، وإبعد عني خالص اليومين دول، كنت بخاف لحد إمبارح الصُبح بس. بصلي وقال بنفاذ صبر: =أنا عايز أفهم إنتي إتجوزتيني ترازي فيا، وبعدين فين الرِقة اللي كانت معروفة عنك، مشوفتهاش خااالص دي. بصيتلهُ وقولت وأنا باكل: _والله يا أخ مكنتش هرازي فيك لولا إن إنت اللي بدأت، والبادي أظلم، والرِقة اللي بتتكلم عنها دي كنت شيلاها لِقرة عيني إنت مالكش دخل بالحوار دا لإنك هتطلقني وساعتها بقى هتجوز من قُرة عيني اللي يحبني وأحبهُ. بصلي بغضب وقال: =مين ياحبيبتي!! وإنتي مين قالك إني هطلقك أصلًا. بصيتلهُ بإستغراب وقولت: _أومال هتعمل إي بـ ست سمر بتاعتك دي، ولا هتقعدني جنبك يمكن! إتكلم وهو بيحاول يهدى وقال: =مش عارف بس متتكلميش في الموضوع دا تاني. بصيتلهُ وقولت بعصبية وأنا بقوم: _لأ طبعًا هتكلم ونص، بقولك إي يامحمد، زي ما إنت مقرر مع حبيبتك اللي جبتها بيتي إنك تطلقني وتتجوزها فـ أنا كمان من حقي دا، وعلى فكرة أنا مستنية طلاقي منك بفارغ الصبر، عن إذنك. #هاجر_نورالدين #الإجبار_المُتمنى #يتبعالجزء الخامس والأخير ♥️♥️♥️بقلمي(هاجر نورالدين)♥️♥️♥️ تاني يوم خرجت من الأوضة بعد ما صحيت ولقيت محمد قاعد ولابس لبس خروج، بصيتلهُ بإستغراب وقولت: _دا من قِلة الهدوم البيت يعني ولا إي? تحدث قائِلًا بإبتسامة: =ظريفة جدًا ياروان، المُهم إلبسي يلا عشان هنخرج. بصيتلهُ بدهشة وقولت: _نخرج!! إتكلم بنفس الإبتسامة وقال: =أيوا يلا. ربعت إيدي وبصيتله بشك وقولت: _دا من إمتى دا? إتكلم بملل وقال: =لو مش عايزة براحتك هخرج مع سمر، على الأقل مش بتتكلم كتير كدا. بصيتلهُ بغضب وقولت بهدوء: _أهي عندك مش لاقيه حد يلمها، روحلها. بصلي بنفاذ صبر ومسح بإيديه على وشه وقال: =روان، خلصي روحي إلبسي عشان نخرج. رديت عليه وأنا بمشي من قدامه: _مش خارجة روح لـِ سمر بتاعتك دي. فكرت إنه هزعق أو هيروح فعلًا ودا اللي كنت خايفة ييجي من ورا الثقة بتاعتي دي، بس لقيته قرب مني وحضنني لدرجة إني إتصد*مت ومعرفتش أعمل إي، إتكلم وقال بِحنية غريبة عليه معايا: =حقك عليا، عارف إني و*جعتك كتير، بس سامحيني وخلينا نبدأ صفحة جديدة مع بعض. بعدت عنه وبصيتلهُ بدهشة وبعدين حطيت إيدي على راسهُ وقولت: _إنت سُخن، مش حساك كويس كدا. بصلي بزهق وقال: =ياروان أنا بتكلم بجد. إتنهدت وقولت: _وبالنسبة إنك بتحب واحدة تانية والمفروض هتطلقتي وتتجوزها. إتكلم وقال بِحيرة: =مش عارف ياروان، أنا فعلًا مش عارف أعمل إي أو أنا بعمل إي كل اللي أعرفه إني مش عايزك تبعدي عني ولا تبقي من واحد تاني. بصيتله بغضب وقولت: _هتفضل أناني يامحمد، يعني تخليني جنبك وتكسر*ني أهون ليك من إني أبقى مع حد تاني، طيب وأنا!! ما زي ما أنت أناني أنا كمان أنانية وعايزة اللي أتجوزه يبقى ليا لوحدي ويبقى قد كلامه وأفعاله، مش يبقى معايا ومش واحدة تانية. كنت هسيبهُ وأمشي بس مسك إيدي وقال: =طيب خلينا نرجع للحوار من أول تاني بس متقفليهوش كدا زي إمبارح، إنتي عايزاني أعمل إي وأنا هعمله. بصيتله بتفكير وقولت: _ليه عايز تعمل اللي عايزاه يامحمد? سكت شوية وبعدين قال: =هتصدقيني لو قولت إني حبيتك، عارف إنه مش بقالنا غير كام يوم متجوزين بس حقيقي فيكي حاجة شداني ليكي أنا مش فاهمها لحد دلوقتي مش قادر أخليكي تبعدي عني، كل اللي أعرفه إني عايزك جنبي بس. إتكلمت وقولت: _وأنا زي ماقولتلك مش هقبل بيك كدا، عايزني يبقى تثبتلي وميبقاش في حياتك غيري. إبتسم وقال: =أوعدك، ممكن تروحي تلبسي بقى عشان نخرج. بصيتله شوية وبعدين قولت بإبتسامة: _تمام، إستناني. إبتسم وقال: =هستناكي العمر كله. سيبتهُ ودخلت الأوضة وقفت ورا الباب وأنا سامعة صوت دقات قلبي العالي، بجد مكنتش متخيلة إن الموضوع يبقى بالسرعة دي بس هو بجد إعترفلي بحبهُ وهيسيبها عشاني، بجد هتبقى حياتي معاه زي ما إتمنيتها، فتحت دولابي وطلعت فستان رقيق وجهزت وطلعتلهُ، أول ما شافني إبتسم وقال: _عمرك ما فشلتي إنك تبقي حلوة وتبهريني في آي حاجة بتلبسيها، حتى بيچامة حسن صاحبي. بصيتلهُ بضيق وقولت: =بيچامتي بناتي على فكرة، هي بس أوڤر سايز وإنت مالكش فيه. ضِحك على كلامي وبعدين نزلنا وروحنا كافيه على البحر، إتكلم بعد ما قعدنا بإبتسامة وقال: _تحبي بقى نفطر إي الأول? بصيت للسقف بتفكير وبعدين قولت: =مش عارفة، آي حاجة خفيفة. إبتسملي وبعدين طلب فطار خفيف وقعد يقولي نكت عشان يوضحلي حسهُ الفُكاهي، وياريتهُ ما قال ولا كان فتح بوقهُ أصلًا، أستغفر الله العظيم دا اللي كنت همو*ت نفسي عليه، طلع دمهُ يلطش، إتكلم وقال وهو بيضحك: _طيب بُصي هقولك أخر واحدة. إتكلمت بضيق وقولت: =لأ وحيات أهلك كفاية، أنا مش عايزة أمو*ت ناقصة عُمر، كفاية. إتكلم وهو بيمثل الضيق على ملامحهُ وقال: _بقى أنا دمي مش خفيف? =أيوا يُلطش. إتكلم برفعة حاجب وقال: _ألااه، طب جامليني حتى. إبتسمت وقولت: =إنت شكلك بيبقى حلو وإنت ساكت بجد، إسكت شوية. بصلي بضيق ولسة هيتكلم لقيت سمر جات وقفت قدامنا وخبطت على الطربيزة وقالت: _هو دا اللي هتطلقها وتتجوزني، بتقرب منها أكتر? قام وقف وإتكلم بهدوء وقال بِحِدة: =لأ مش هخسرها عشان واحدة زيك، كنت بحبك بجد بس إنتي متستاهليش، وإبقي حاولي تلِفي على حسن إبن عمها كويس يمكن ربنا يوفقك في اللي جاي، ولا مفكراني مش عارف إنك وصلت بيكي البجا*حة وريحاله البيت بتاع أهله إمبارح. إتغيرت نظرتها من الغضب للدهشة وقالت بمحاولة تبرير: _على فكرة إنت فاهم غلط هو بس.. قاطعها وقال بغضب: =إمشي من قدامي مش عايز أسمع منك حاجة، ولا عايز أشوفك في حياتي تاني وبالنسبة لروان فـ أنا بحبها ومستحيل أطلقها أو أسيبها. مشيت من قدامهُ بغضب وقعد بعدها محمد تاني وهو بيبتسملي وكإن مفيش آي حاجة حصلت، مسك إيدي وقال: _حقك عليا فـ آي حاجة عملتها وزعلتك مني، أنا أسف. إبتسمتلهُ وقولت: =دلوقتي بس أقدر أقولهالك، بحبك يامحمد. بصلي في دهشة وصد*مة وقال: _إي، هو اللي سمعتهُ دا بجد. ضحكت عليه وبعدين قولت: =أيوا أنا بحبك من زمان أصلًا بس كنت بأدبك شوية. بصلي بفرحة وقال: _هنبقى نتكلم في حتة أأدبك دي بعدين، بي حقيقي أنا مبسوط وأول مرة أشكر بابا على اللي عملهُ بجد، أنا بحبك أوي ياروان حقيقي وهعمل اللي أقدر عليه عشان أسعدك. بصيتلهُ بكل حُب ومن هنا إبتدت حياتنا اللي بتمناها معاه، مليانة حب وراحة وبس. #هاجر_نورالدين #الإجبار_المُتمنى #تمت متنساش تسيب رأيك في الكومنتات ياسُكر ❤️❤️

مقالات ذات صلة

منعطف خطر الفصل 22

عندما يعشق الاسد ندى علي 2

احببتها رغم عني نونا المصري 4

احببت زعيم عصابه

اترك تعليقاً إلغاء الرد