صبح صبح ياعم الحج ، فين الخروف اللي هتدبحوه لامؤاخذة #بقلم: #عمرو_علي #يتبع #يوم_من_عمري 1يا جماعة قولت مليون مرة محدش يشغل فيلم بوحة ، مبحبوش افهمو بقا = لا يا بابا دا مش الفيلم ، دا آسر خطيبي بتقولي ايه = قصدي اللي هيبقا خطيبي ” بابا خرج من الأوضة وشاف المنظر ، آسر كان لابس جلبية بيضا وعليها دم وماسك في ايده سكينة ، ابويا تقريبا كان واقف متنح من اللي شايفه
ايه يا حاج انت هتفضل واقف كدا ، فين الخروف يا جماعة خلينا نخلص = خروف ايه يابني ، العيد الكبير لسة قدامه شهرين امال جبتوني بدري ليه يا جماعة بس ، ايه الهم دا = هو مين اللي جابك ، ثانية واحدة بس الأول ” بابا قرب منه وبدأ يدقق فيه هو مش انت يلاا الواد المجنون بتاع الغواص = غواص مين يا حج ، انت جايبني تهزقني هنا
مش ممكن انت شبهه جدا = طب هينفع ادخل ولا هتسيبوني واقف على الباب كدا ما احنا قولنا مفيش خروف ، اتفضل امشي ولما نجيب انشالله فرخة هنبقا نكلمك = ” آسر حرك السكينة ناحية بابا ” بس انا شايف اني المفروض ادخل طبعا يابني تنور ، اتفضل ” دخل الشقة كأنه بيستكشفها ، اما بابا بص ناحيتي وقالي طب والعريس اللي جاي هنعمل معاه ايه والمجنون دا جوا
= متقلقش يا بابا هو كلمني و أعتذر انه مش هيقدر ييجي اصله تعبان شوية الحمدلله جات من عند ربنا دي ، تعالي اما نشوف المجنون دا بيعمل ايه ” بابا دخل وانا كنت وراه ، وشوفنا آسر بيبص على كل حاجة في الشقة تقريبا حتى الستاير المتعلقة في حاجة يابني؟ = ذوقكو وحش اوي يا حج مالو ذوقنا بقا = بلدي أوي
المرة الجاية هنبقا نجيبك انت تختارلنا على ذوقك = انا بنصحك انت زي ابويا برضو ، يعني السقف والحيطان يتدهنو أحمر ، الستاير مثلا يبقا لونها أحمر اشمعنا أحمر يعني = لون الدم و كمان هيديك بركة في البيت ، حتى ملايات السرير تبقا باللون الأحمر ، المخدات وكله في حاجة تانية ولا خلاص كدا = ااه نسيت ، النجف يبقا أحمر هو كمان
مش عاجبك النجف كمان = لا عاجبني بس قولت يعني هي جت على النجف ، ندهن كله أحمر مش عايز شيكوبون ل امك = وليه الغلط بس وانت لسة شوفت غلط يلااا ، اطلع برا ” بابا بدأ يزقه لحد باب الشقة يا حج استنا بس احنا نسينا حاجة = نسيت حاجتك جوا ، ادخلي يا ريم شوفي حاجته وهاتيها خليه يغور من هنا
لا يا حج انا حاجتي معايا ، احنا نسينا باب الشقة = وطبعا هتقولي ندهنه أحمر ليه يا حج وأنا مش كريتيف ولا ايه ، احنا هندهنه بني عشان يبقا لون الفروة ، وبكدا بقا عندنا الفروة والدم وناقصنا الخروف ، فين الخروف يا جماعة = برا يلاااا برا ” بابا قفل الباب في وشه اموت و اعرف مين اللي كلم المجنون دا وخلاه ييجي هنا ، يارب هو احنا ناقصين بلاوي
” بابا دخل اوضته و انا قعدت افكر ، ايه اللي آسر بيعمله دا ، آسر حتى مش عارفني ، مندهش اسمي ولا بيبصلي كأنه عمره ما شافني ، اكيد دا مش آسر ، النوم طار من عيني من كتر التفكير لدرجة اني فضلت صاحية ل تاني يوم وطبعا لقيته بيكلمني يعني اختفي يوم كامل ومتسأليش عني = اختفيت! اه ، أنتي مخدتيش بالك اني مش موجود ولا ايه
= لا خدت بالي ، أنا عايزة اقابلك يا آسر تمام نتقابل في المكان بتاعنا ” بالرغم من اني منمتش لكن نزلت و روحت اقابله لإني مش هسكت غير لما اعرف آسر بيعمل كدا ليه ، روحت وكالعادة مبتسم ومش فاكر حاجة حتى لما حاولت افكره باللي عمله استغرب جدا وقالي هو انا مجنون عشان اعمل كدا ، دا أنتي باين عليكي كنتي بتحلمي
” بس واحنا قاعدين دخل علينا شاب وسلم على آسر وقعد معانا ، بيقول انه صاحبه ، بس الغريبة ان آسر من الناس المنطوية اللي أصحابها معدودة جدا و دي اول مرة تحصل اننا نقابل حد من صحابه ، الأغرب ان طول ما احنا كنا قاعدين و صاحبه كل شوية يبصلي ، في الاول افتكرت انه مش قصده لكن دا مركز معايا ، لحد ما آسر استأذن و دخل الحمام ، صاحبه بص ليا للمرة العاشرة تقريبا و بالمناسبة كان اسمه عبدالله
انا عارفك ، آسر حكى عنك كتير = انا بقا معرفكش لان آسر عمره ما جابلي سيرتك = بصي يا ريم ، أنتي جزء من مرض آسر ، آسر مريض و لازم تسمعي كل كلامي عشان يخف ايه الكلام الاهبل دا ، آسر كويس مفيهوش حاجة ، وأنا عارفة الحركات دي كويس اوي = انا دكتور نفسي ومتابع حالة آسر و اقدر اقولك انها بتسوء ، بتسوء لدرجة انه ممكن يبقا خطر على كل اللي حواليه ، واعتقد ان أنتي اولهم
آسر دلوقتي هييجي وهقوله على الهبل اللي انت بتقوله دا و هنشوف هيعمل فيك ايه = انا همشي دلوقتي و دا رقمي عشان لو احتاجتي تكلميني ” قام من مكانه ومشي ، كل الأسئلة اللي في دماغي بتزيد ، مين دا وهو بيقول كدا ليه على آسر ، ممكن آسر يكون تعبان فعلا ، كنت قاعدة بفكر لحد ما فوقت على آسر وهو بيخبط على الترابيزة
سرحانة في ايه = ولا حاجة ، آسر لو سمحت انا عايزة اروح هو في حاجة حصلت = لا مفيش ، أنا بس تعبانة شوية هو عبدالله فين = مشي ليه = معرفش روح اسأله مش مهم ، أنا دلوقتي عايز اقولك على حاجة مهمة = ايه هي ريم انا عايز اتقدملك = وبعدين وبعدين ايه ، أنا كنت فاكر انك هتطيري من الفرحة
= مش هينفع يا آسر ليه = الجو مش مناسب انا شايفه مناسب جدا بقا ، ريم انا زهقت ، أنا عايز ابقا معاكي بأي شكل لإني محتاجك جنبي ، محتاجك تسنديني ” كنت شايفاه وهو بيتكلم والقلوب هي هتطلع من عنيه ، قلبي كان بيرفرف ونسيت اي حاجة كانت شاغلاني وفكرت في اللحظة اللي احنا فيها ، وافقت و روحت البيت بابا فاكر العريس اللي كان هيتقدملي واعتذر
= اه طلب معاد تاني وعايز ييجي = مفيش مشكلة خليه ييجي في اي وقت يا ريم