ايه رأيك يوم الخميس = كويس
” بلغت آسر بالمعاد ، كان فاضل يومين على الخميس ، بيعدو ببطئ جدا ، خايفة وقلقانة من كل حاجة ، خايفة آسر يعمل زي كل مرة ، خايفة ميعرفش يتفق مع بابا ، كل حاجة بفكر فيها لحد ما اليومين عدو ، المعاد جه والمفروض ان آسر ييجي الساعة 7 ، المشكلة ان الساعة بقت 7 ونص و برضو آسر مجاش ، لحد ما وصلت ل 10 ، بكلمه كتير وتليفونه مقفول ، اما بابا دخل اوضته بعد ما هزقني ، عملت حساب كل حاجة الا انه ميجيش ، زهقت وقرفت من كل حاجة ، قفلت موبايلي وقررت انام ،
وبالفعل نمت لكن قلقت على صوت حركة ، الشباك بتاع أوضتي كان بيتفتح ، قومت بسرعة من على السرير وجريت وبصرخ بأعلى صوتي حراااامي يا بابا حرااامي ، الحقني #بقلم : #عمرو_علي #يوم_من_عمري 2 #يتبعحرااااامي حرااااامي يا بابا الحقني ” جريت بسرعة برا الأوضة لكن سرعتي مكنتش كافية عشان اهرب ، مسكني من رقبتي و حاوطني ب سكينة وقال لو اتحركتي خطوة كمان هقتلك
= انت مين ، ابوس ايدك سيبني في حالي ، أنا معملتلكش حاجة متتكلميش مش عايز اسمع حسك ، فين الفلوس اللي هنا = معرفش والله ، خش دور على اللي انت عايزه بس متأذنيش
” كان لابس قناع مخبي وشه ومش باين غير عنيه ، لكن انا عارفاه ، العيون دي لا يمكن انساها ، عيون آسر ، كان موجه السكينة ناحية رقبتي وباصصلي ، وفجأة جري ونط من الشباك ، انهارت قعدت اعيط ، بقا آسر حب عمري كان عايز يموتني ، هو دا اللي عايزة اكمل معاه حياتي ، لمحت قدامي بالصدفة الكارت بتاع عبدالله ، مسكته وكلمته بسرعة ، الساعة كانت 4 بليل
ألو = مين معايا انا ريم = ريم مين لا ركز معايا يا دكتور ، أنا ريم اللي كنت مع آسر = اه اه خير يا ريم انا محتاجة اقابلك = انتي مش شايفة الساعة كام معلش يا دكتور الموضوع مهم = طب تمام هنتقابل في نفس المكان ، الساعة 10
” بعد اللي حصل دا مكنش ينفع انام ، فضلت صاحية لحد المعاد ، بفكر في كل اللي عديت بيه من اول ما عرفت آسر لحد النهاردة ، مبقتش عارفة لو قعدت اكتر من كدا هيحصل ايه ، كل يوم بيعدي بيكون صعب عليا أكتر من اليوم اللي قبله ، بس استنيت ونزلت المعاد اللي متفقة عليه مع الدكتور ، روحت المكان اللي المفروض نتقابل فيه لقيته قاعد مستنيني
متأخرة نص ساعة = معلش انا اسفة طيب لو هنتقابل تاني لازم تكوني ملتزمة ب المواعيد شوية = اعتقد يا دكتور عبدالله مشكلتنا مش في المواعيد ، احنا مشكلتنا في آسر ومالو آسر = آسر امبارح اتهجم عليا عارف = عارف منين بإختصار كدا ، آسر امبارح كان عامل دور حرامي وهجم عليكي بس مقربش ليكي وهرب صح = وانت كنت مستني يقتلني ولا ايه
آسر عمره ما هيأذيكي = ليه بقا ولا لسة متعلمهاش دي كمان لا لانه بيعمل كدا عشانك = بيسرق عشاني آسر مبيسرقش ، آسر بيحاول يشتغل ، آسر من ساعة لما عرفك وهو بيحاول يشتغل بس مش لاقي ولما أنتي كنتي مستعجلة على الخطوبة وأنه ييجي يتقدملك وطبعا هو بيحبك ومكنش عايز يخسرك أو يحسسك انه هيخلف وعده معاكي ف قرر انه يتقدملك إنما مخه مش عارف يستوعب لانه عارف انه هيترفض من ابوكي
= و بعدين من الاخر يا ريم ، آسر بيشتغل اي شغل كان بيحلم بيه وهو صغير يعني آسر كان نفسه يطلع حرامي = مش المهم دلوقتي ، المهم انك لازم تخليه يفوق من الدوامة دي ازاي = انا هقولك الحل ” كلمت آسر وبمجرد ما سمعني لقيته بيقول نفس الجملة ريم انا خلاص هتقدملك = وانا مستنياك ” قفلت معاه وتاني يوم كنت مستنية ييجي يتقدم وطبعا قولت ل بابا على كل حاجة وقرر انه هيساعدني ، جه المعاد و فعلا آسر وصل ، دخل الشقة وقعد مع بابا
مساء الخير ، أنا آسر مصطفى عندي كباريه في شارع الهرم وكنت اتمنى ان بنتك تشتغل معايا = اه اكيد طبعا موافق ، قولي بقا بنتي هتقبض كام! ” أتمنى من كل الناس انهم يقرؤوا يعنيهم كلمة بقلم عمرو علي” بقلم عمرو علي #يوم_من_عمري 3 #يتبعمساء الخير ، أنا آسر مصطفى عندي كباريه في شارع الهرم وكنت اتمنى ان بنتك تشتغل معايا = اه اكيد طبعا موافق ، قولي بقا بنتي هتقبض كام!
والله اقدر اقولك انها لو اشتغلت كويس احتمال تقبض بالدولار = انا طول عمري اقول ان البت دي محظوظة يعني اتفقنا = اتفقنا يا آسر باشا ” بعد الاتفاق آسر مشي وبكدا ضمنت اول خطوة من العلاج نجحت فلاش باك لازم تخليه يفوق من الدوامة دي ازاي = انا هقولك الحل
آسر كل يوم بعد ما بيجيلك وتطردوه طبعا بيكتشف ان مش دي الشغلانة المناسبة عشان يتقدملك ف عقله يبدأ يبرمج شغلانة تانية من اللي كان نفسه يشتغلهم وهو صغير ، لكن لو انتو اتعاملتو معاه بهدوء و وافقتو على كل كلامه هيفضل بنفس الشغلانة بتاعته ومن هنا نقدر نرجع آسر الحقيقي باك
” كنت متلخبطة جدا وانا مش عارفة ايه اخر الموضوع دا ، يا ترى آسر هيرجعلي بعد كل التعب دا ولا هيبقا كأني بحاول على الفاضي ، مكلمتوش و دا برضو كان من ضمن الخطة ، اليوم بقا فاضي وممل جدا في غيابه وفي الحالة دي النوم هو أفضل حل وفعلا نمت ، صحيت تاني يوم ملقتش منه اي رسايل او مكالمات و دا برضو كان لازم يحصل ، قومت وكلمت عبدالله
هاا يا ريم حصل حاجة جديدة = لا دا حتى مكلمنيش ولا بعتلي اي حاجة شكلك نسيتي انا قولتلك ايه فلاش باك بس يا دكتور انا بحس انه مش عارفني = احساسك صح هو فعلا بيكون مش عارفك ازاي مش عارفني وجاي يتقدملي = آسر جاي عشان يثبت لنفسه انه بيشتغل ومش فاشل والدليل على ذلك أنه جاي يتقدم ل حبيبته ، حبيبته اللي هي مين بقا
اكيد انا = بالظبط لكن دا ممسوح من عقله ، كل ذكرياتك ممسوحة من عقله باك انا والله اتلخبطت = يا ريم الموضوع مش سهل و آسر فعلا محتاج حد يساعده ومفيش غيرك يقدر يطلعه من الحالة دي وانا يا دكتور ، أنا كمان حياتي وقفت = حياتك هترجع لما آسر يرجع ” ب سخرية ” هيرجع بعد قد ايه بقا
= الموضوع مش مستحمل هزار ، لو مش عايزة تساعديه خلاص ، وأنا هحاول أساعده لوحدي ، آسر كان فعلا غلطان يوم لما فكر انه يتقدملك ، سلام
” هو ايه اللي يزعل في كلامي عشان يكلمني بالطريقة دي ، مانا برضو تعبت ومش عارفة اعمل ايه ، كل حاجة متلخبطة من حواليا ومش عارفة هتتصلح امتا وهو مش قادر يفهم كدا ، كل اللي هو عايزه انه يساعد الحالة بتاعته وبس ، بس لا هو مش احسن مني عشان يساعده وانا افضل واقفة اتفرج من بعيد ، أنا هكمل ، كلمته مرة واتنين مردش عليا وباين اني كنت غلطانة لما فكرت اكلمه ، كلمته للمرة الأخيرة عشان كرامتي برضو
عايزة ايه = هو في ايه ، انت مبتردش عليا ليه ، هو حضرتك بتتقل عليا اتعلمي تخلقي عذر للي قدامك = عموما انا فكرت وقررت اني هكمل واساعده يااااه يا ريم ، دا انا كنت قلقان جدا ، انتي خلتيني اعيش 5 دقايق رعب كنت خايف متوافقيش = واضح انك هتفضل تهزر كتير ، أنا هقفل خلاص ميبقاش خلقك ضيق كدا ، أنا كنت عارف انك مش هتسبيه
= وبعدين وبعدين آسر جايلك النهاردة الساعة 8 ، جهزي نفسك ونفذي باقي الخطة ، سلام
” جاي امتا وفين ، دا انا ملحقتش اجهز اي حاجة ، الساعة كانت 5 ، قومت اجري عشان الحق اعمل الحاجات المطلوبة مني ، كنت بنفذ الخطة زي ما اتقالتلي بالظبط ، جوايا مشاعر عكس بعض ، اول واحد اني مبسوطة عشان آسر هيخف او على الاقل متفائلة ، أما التاني ان آسر صعبان عليا اني اعمل فيه كدا ، هو ميستاهلش بس انا مضطرة عشان يرجع زي الأول ، محستش بالوقت وهو بيجري والساعة دقت 8 ، بدأت الف حوالين نفسي لان اللي هينفذ معايا لسة مجاش ، بكلمه وهو مش بيرد مرة واتنين وتلاتة وأربعة ، كتير كتير
أوي وبرضو مفيش فايدة لحد ما جرس الباب رن ، بابا فتح الباب ، آسر وصل وقعد مع بابا يتكلمو وطبعا بابا كان فاهم كل حاجة ، نص ساعة عدت و خرجت بابا انا عايزة اتكلم معاك في موضوع = ادخلي جوا دلوقتي يا ريم ، لما اخلص مع استاذ آسر الاول يا بابا بعد إذنك دا موضوع مهم = خير عايزة ايه فاكر خالد كلمتك عنه قبل كدا
= اه