فارس:خلاص خلاص..متعيطيش انا جايبلك هديه حلوه تاخديها معاكي لاقيته بيطلع الخاتم اللي اشترينهاا امل بسعاده:الله الخاتم انا كنت نسياه عند مهره فارس بحنيه:مهره هي اللي فكرتني بيه وبتسلم عليكي ولاقيته للمره التانيه بيطلع علبه صغيره من جيبه في برعم ورده لونه بنفسجي بيلمع بشده واورقه بتلمع فارس بحنيه:الورده دي مش هتدبل ابدا ..اسقيها مايه عشان تكبر..عشان تفكرك بيا امل:عمري مااهنساك..قصدي عمري ماهنساكوا…بس هو انتوا في خطر ع حياتكم عشان هربتوني
ماهر بسخريه:لا ابدا لو عرفوا اننا السبب يانتقتل يانتسجن اطمني انتي ضحكت وعيطت ع لهجه السخريه والامبالاه اللي اتكلم بيها ماهر فارس باستعجال:يلا خدي الكتاب وكرريها عشان ترجعي بصتلهم نظره اخيره ومسحت دموعي..شيلت الخاتم والورده ومسكت الكتاب بين ضلوعي وكررت #ماوراء_الجبال ثلاث مرات احساس اشبهه بالكهربا بتمشي في بين خلايا جسمك وكأن ضلوعك بتتنقل من مكانها ..احساس بيتعب ومرعب وفي نفس الوقت غريب لدرجه انك تحب تجربه تاني!!!
لحد مفجأه لاقتني بقع ع الارض..فتحت عيني لاقيتها اوضتي وسريري والمكتب وكتب بابا..قعدت ع الارض اعيط والمس كل شبر فيها روحت شيلت الكتاب وحطيته ع المكتب ورميت الورد وحطيت مكانه ورده فارس وحطتلها مايه وروحت ع سريري نمت!!!!! كنت بنطق اسم فارس وبعيط…لحد مافجاه اتفزعت من النوم امل بصدمه:اي دا كنت بحلم ..قومت زي المجنونه من مكاني… قومت بسرعه بصيت لاقيت الورده والكتاب والهدوم اللي فارس كان مخليني لابساها…اتاكدت انه حقيقه..وان خلاص مش هشوف فاارس تاني!
……………………………………………… كل يوم وكل دقيقه بتفوت عليا بكبر فيها سناا..لكن قلبي لسه زي الطفل الصغير المتشعلق في احبال حبيبه الدايبه..واللي تقريبا شبهه مستحيل انها تتوصل كنت مع كل سنه بكبرها..بنعزل اكتر عن اللي حواليا..وبتاكد اكتر واكتر اني في المكان غلط انا هنا ميشبهنيش ولا مكاني اصلاا..! كانت من عادتي يوميا ان ورده فارس قصاد عيني وديما براعيها واحتفظ بيها…واقرا كل يوم قبل ماانام الجواب اللي لاقيته سايبهولي في الكتاب “هتوحشيني ياوردتي” كانت جمله واحده اللي في الجواب لكن كفيله بأنها تفرح قلبي
صحيح كنت طفله لكن قلبي اتكعبل في حبه..مكنتش فاهمه وقتها..لكن لما كبرت فهمت… فهمت اني بحبه لما بقيت بستني انه يزورني في احلامي…لما تبقا ملامحه منحوته في قلبي وفي عقلي لما بحس بنغزه قلبي عشان وحشني..! سهير:ابقي انزلي شوفيلك شغلانه انتي بقيتي في 2 جامعه مبقتش قادره اشتغل اكتر من كدا امل ببرود:مانور اكبر مني ومقولتليهاش تنزل تشتغل ليه سهير بعصبيه وغضب:انا اللي اقوله تنفذيه وانتي سااكته انتي سمعاني…ابوكي دلعك زياده ولما خلصنا منه طلعلتنا جدتك تدلع فيكي..والاتنين ماتوا خلاص نفضها سيره وتنزلي تشتغلي وتصرفي ع نفسك
امل بغضب:مش هنزل اشتغل انتي اللي مسئوله تصرفي عليا ومعاش جدتي اللي بتاخديه داا انا ليا حق فيه سهير بعصبيه:لا بقولك اي شغل الجنان بتاع ابوكي دا انا مش عايزاه ..انتي تنزلي تشوفيلك شغل احسنلك امل:مش هشوف شغل وانا ورايا دراستي وانتي اللي هتصرفي عليا سهير بنرفزه:انتي واحده قليله الربايه ومش محترمه لاقيت قامت وقفت قصادي وضربتني بالقلم
سهير:انا قرفت منك طاالعه مجنونه زي ابوكي ليل نهار قاعده تقريلي في كتب اشكال والوان ..قاعدالي لوحدك علطول لحد مابقيتي متوحده وبتعريني يااريتك زي نور اختك ولا حتي نصها..قريب هتتخطب وافرح بيها..الا انتي كل ماعريس يقعد معاكي ميعتبهاش تاني كتك القرف منك ومن همك فضلت قاعده في اوضتي بعيط بالساعات..لحد ماحسيت انهم مش موجودين فالبيت،جهزت هدومي في شنطه وكتب بابا وطبعا ورده فارس وكل حاجه ليا وخدت فلوس وخدت مفتاح البيت القديم بتاعنا ومشيت..!
لما روحت شقه بابا الله يرحمه ،الشقه كلها مليانه تراب وكل حاجه متشاله..حاولت اظبط مكان بسيط اقعد فيه….لا ن وللعجب بعد كل اللي حصل كان عندي احساس ان لما ماما تعرف اني مشيت تيجيلي ترجعني او حتي تحاول تتصل بيا… فات يوم والتاني والتالت..لحد مافات اسبوع وماما حتي محاولتش تكلمني..عرفت ان ابدأ اتاقلم مع حياتي الجديده واعيش لوحدي..وبدأت بأني ارتب الشقه كويس! …………… خلصت ترويق كل الشقه وسيبت اوضه المكتب بتاعته بابا للاخر..كنت بشيل المكتب وكل الكتب..لحد مالاقيت ورق كتير وقع من حاجه زي مجلد كبير شيلتها وعشان بعد ماخلص اشوف اي المهم واي اللي مش مهم..
«الملكه شمس،والملكه ليل..نساء بقلب رجل…نساء قادرات ع صنع المجد والتاريخ..انتن الجمال والقوه والشجاعه،سلبتن عقلي،ولكن قلبي مازال معي،اكن لكم كل الاحترام والتقدير..لكن الحب..انا لست اهلا للحب..لا انكر اني لست شجاعا عندما هربت دون مواجهه الحقيقه..لكني عائد..عائد لتصحيح كل خطأ،آسف لتحطيم حبكم لي» فضلت اقرا الورقه اللي في ايدي فوق العشر مرات وانا بردو مصدومه..!!!!! بابا هو السبب في اللي حصل والخلاف اللي حصل بين الملكتين..التاريخ الموقع بيه ع الورقه ع وفاته بيوم واحد بس..ملحقش يروح هناك يصلح المشكله
فضلت سااعات وساعات بحاول اوصل لحل…لحد مااخدت قراري وهو اني ارجع تاني هناك..حتي لو هموت…انا مكاني مش هنا.. قومت جبت الكتاب وحضرت كل حاجه..وخدت الجواب اللي بابا سايبه وطبعا خاتم فارس معايا …واستعديت للرحله للمره التانيه…لكن المره دي بكامل ارادتي وعقلي..وبكامل نضوجي! يتبع… #ماوراء_الجبال🖤 ……………………………… البارت الجاي هيبقا الاخير ان شاء الله🖤البارت الاخير🖤
فات سنين ع الاحساس دا لكن منستوش كنت حاسه بيه بيجري في خلايا جسمي..عشان كدا لما اتعرضت لنفس احساس الكهربا بين خلايا جسمي مخوفتش زي الاول…كنت حاسه بقوه في قلبي رهيبه كنت صامده..مين يصدق ان الطفله اللي جات المكان دا من كام سنه غلطه..راجعاه تاني لكن وهي ناضجه! نفس المكان ونفس الوقعه… امل لنفسها:هو لازم انقلب اقع مينفعش ابقا واقفه كدا بكرامتي بدل ماانا بقع زي البرميل كدا وقفت خدت نفسي بقوه واستعديت للجاي كنت حاسه ان اللي جاي مش سهل ابدا..
كنت واقفه في نص الطريق بين المملكتين..قلبي ولهفتي وجهوني لفارس الاول.. كنت ماشيه ومداريه نص وشي..حافظه الطريق لبيته وكأنه محفور في عقلي زي مايكون كنت هنا امبارح مش من سنين ..المكان زي ماهو متغيرش لسه كل حاجه زي ماهي او زي مانا كنت فاكره! فضلت واقفه قصاد الباب اخبط كتير جدا وبردوا محدش بيفتح.. تعبت من الخبط فضلت قاعده قصاد باب البيت .. حسيت بخطوات بتقرب مني رفعت وشي وبصيت بلهفه
كان فارس…بس دا اتغير جدا…ملامحه بقت حزينه جدا،،ربي دقنه وبقا عنده عضلات بسيطه..لكنه شخص مطفي فارس بتعب:انتي مي..امل!!!!!!! امل بابتسامه ودموع:ايوه امل يافارس فارس بلهفه وبتوتر:انتي..انتي جيتي هنا تاني ليه ،انتي كويسه،انتي فيكي حاجه…ثانيه واحده انتي خطر تبقي موجوده هنا لازم ترجعي تاني امل بدموع:جيت اصلح كل حاجه تعالي نقعد وهحكيلك كل حاجه..هي مهره فين انا قعدت اخبط ع الباب فارس بحزن شديد:مهره..مهره مااتت شهقت بصدمه فارس:بعد ماخرجت من السجن بفتره قليله ماتت
امل بدموع:اتسجنت فارس:انا وماهر لكن مقعدناش كتير فيه لان مكنش في حاجه تثبت اننا اللي هربناكي مش عارفه فات كام ساعه بس حكيتله كل حاجه حصلتلي كنت محتاجاه في حياتي..كان وحشني صوته وهو بيتكلم وملامحه وابتسامته الخفيفه وغمازته كل حاجه فيه فارس:بس مش بالسهوله دي هنقدر نوصل الجواب امل:ليه اي الصعوبه فيها فارس:هما لو لاقوكي مش هيهتموا بجواب او غيره خصوصا بعد مافات سنين طويله ع الكلام دا ،ومعتقدش ان جواب هيحل المشكله دي
امل:امال اي اللي هيحصل المشكله فارس بحيره:حقيقي مش عارف حاسس اننا اصغر بكتير من المشكله فارس بابتسامه:مش جعانه؟!! ضحكت ع طريقته امل:جعاانه فارس:طب هعملك اكل بس استحملي عكي..لو مهره كانت ولاقيته قطع كلامه..كنت شايفه الدموع ع مشارف عيونه فارس قوي او بيحاول يبين انه قوي صحيح ان وجودي فالمطبخ بيبقا كارثي الا ان طلع انا ارحم بكتير من فارس فارس:اي رايك طعمه حلو امل باابتسامه:اه طبعا دا تحفه..سامحني يارب خلصنا مايشبهه الاكل وخدت الجواب معايا والكتاب ومشينا انا وفارس
امل باستغراب:دا طريق القصر ياافارس فارس:لا دا طريق تاني امل:هنروح فين فارس بصوت واطي:تعالي معايا وانتي هتفهمي ..في مشوار لازم نقضيه قبل مانوصل الجواب فضلنا ماشيين شويه، لحد ماوصلنا قصاد باب بيت قديم شويه باين من خشب الباب فضلنا واقفين نخبط،لحد مالباب اتفتح وطل منه راجل كبير،ملامحه مختلفه بسيط عن ملامح الناس هنا وبشرته افتح من بشرتهم وغمازته باينه في خده زيهم -فارس يابني تعالي اتفضل فارس بابتسامه:ادخلي ياامل متخافيش
كنت حاسه برهبه من الراجل رغم ان باين ان طيب مش مؤذي لكن حاسه بعينه كشفاني وفهماني من نظرته…وكأني كتاب مفتوح منتصر:واخبار اسكندريه والقاهره اي..لسه القاهره زحمه زي ماهي امل بصدمه شديده:هاااااا فارس بابتسامه:الحاج منتصر من العالم بتاعك عايشين هنا من سنين طويله واتجوز مننا امل باستغراب:طب..طب ازاي وانت عرفت ازاي وكمان عنده غمازه زيكم منتصر بوقار:وقع في ايدي نسخه تشبهه الكتاب اللي معاكي من سنين…كنت شاب طايش عايش لوحدي ومليش اهل بعد ماابويا وامي ماتوا..لكن القرايه كانت بتجري في دمي…قدري وصلني لـ هنا ولما وقعت فالحب من غير تردد قدمت تضحيتي وكملت حياتي هنا
فارس بحزن:مراته كانت صاحبه مهره منتصر بحزن اشد:الله يرحمهم الاتنين فارس:لما مهره حكتلي عنه بعد ماشيتي جيت..احم وكنت..كنت بحكيله عنك وهو كان بيقولي انك هترحعي تاني منتصر بابتسامه:خايف تقولها انك واقع في حبها ومن وهي لسه عيله وانك واقع فيها من وقت ماشوفتها فارس بتوتر:منتصرر اي اللي بتقوله داا منتصر بضحكه عاليه:طب خلاص خلاص ..هي وشها بقا زي حبه الفرواله بالظبط مش قولتلك هي كمان هتطلع واقعه في حبك وهتيجي تاني…هي جت من امتا
فارس:جت من كام ساعه بس منتصر بحكمه:بتحبيه؟! فضلت ساكته وبفرك في ايدي مش قادره انطق حرف واحد ولا حتي ارفع عيني لـ عين فارس…اللي عيشت سنين ع هواها طلع هو كمان عايش ع هوايا! منتصر:من غير كسوف يابنتي..اللي زيك شجاعه وقويه تعترف باللي جواها طالما ميعيبهاش في حاجه…وفارس عايزك هو بصراحه من يوم ماجالي من سنتين تلاته تقريبا وهو بيحكي عنك،ولما واجهت انه بيحبك انكر فالاول وبعدين اقتنع وصدقني…وانا قولتله انك اكيد راجعه من تاني،وعدني انك لو جيتي هيجيبك ع هنا علطول وهو نفذه وعده
فارس:انا عارف ان دا جنان ومش عقل ابدا..بس اظن مفيش اجن من اللي بيحصلنا دا..بس..بس انا بحبك وكنت عايز اعرف موافقه تستغني عن حياتك هناك وتكملي معايا هنا قبل مانروح للملكه فضلت ساكته شويه لحد ماخدت نفسي بقوه ونطقتها امل بقوه:موافقه ياافارس موافقه منتصر بابتسامه:شووفت مش قولتلك يافارس قولتلك ياابني وبدأ يعيط امل :طب بتعيط ليه طيب منتصر بدموع:الله يرحمها ملكت قلبي..ومترددتش للحظه واحده وقدمت تضحيتي وبقيت منها حتي بعد مامات مقدرتش اتجوز غيرها
امل :انتوا ليه بتقدموا التضحيه دي منتصر:اي حد هنا بعد مايعدي سن الـ 20 ميقدرش يروح اي مكان ولا العالم بتاعنا..التضحيه دي تعتبر انك بتاكدي انك هتفضلي معاه باقي عمرك.. امل:هي عباره عن اي منتصر:حجر النار.. امل:حجر النار!!!..هو اي حجر النار دا منتصر:حجر النار..حجر مشتعل لكنه في باطن النهر..بينزل المضحي يجيبه عشان يتبارك بيه جوازهم ويتم.. بس يابنتي الموضوع مش سهل ممكن تغرقي لا قدر الله…عمق النهر كبير والحجر في اخر اعماقه
فارس:انا مستحيل اعرضها للخطر دا اخنا نتجوز ومش البركه بتاعت الجواز دي منتصر:مينفعش ياولدي كدا هتعيش هنا في خطر من الحراس والملكه ووقتها حقهم انهم يمشوها من هنا …………… كنت واقفه قصاد النهر اللي مفروض انزل فيه كان برا البلد والدنيا عنده كانت ليل وبرد..كنت ببص وانا خايفه لكن مش راضيه ابين خوفي لـ فارس اللي واقف متعصب مضايق
امل بدموع:مش عارفه اقولك..غير اني وقعت في حبك من وانا لسه عيله صغيره وعيشت سنين ع طيفك اللي محاوطني بالامان..انا مستعده اعمل كدا عشانك..وعشان نبقا سوا انا مكاني هنا معاك وجنبك..هسيبلك الجواب والكتاب معاك عشان لو حصل ومعرفتش اطلع تصلح كل حاجه حصلت فارس:متقوليش كدا..هتطلعي تاني انا ماصدقت انك رجعتيلي مقدرتش افوت اي فرصه..وقعت في حب طفله شقيه ومشاكسه ولمضه وفضوليه وفي نظري هتفضلي طفله اللي لازم اخد بالي منها كويس..هترجعي وتوصلي الجواب بنفسك..
خدتي نفسي بقوه واتشهدت كذا مره ونطيت في النهر بسرعه منتصر:دموعك اللي في عينك امنعها..انت عارف انها قويه فارس:خاايف وقلقان عليها وانا زي العاجز مش قادر اتصرف منتصر:انت عارف ان الملكه حاطه لعنه ع باب قصرها ميدخلوش الا من اهل البلد..وهي لو كانت راحت كدا كانت اتلعنت كان لازم تبقا منهم الاول عشان تدخل…وينفعش حد يدخل الجواب للملكه غيرها هي الاثبات والدليل فارس بغضب وصوت ومهزوز:وهي ذنبها اي في غلطه ابوهاا ذنبها ايييي
منتصر بهدوء:ذنبها انها بتحبك..هي بتعمل كدا عشان بتحبك قبل اي حاجه ….. كنت كاتمه نفسي وبحاول اوصل لاخر النهر…لكن الدنيا ضلمه جدا مش شايفه اي حاجه…ازاي ننتصر قالي ان الدنيا هتبقا نور كنت بحاول واحاول وانا حاسه ان خلاص مش قادره اخد نفسي ..لحد مالمحت شعاع نور بيظهر
عومت بسرعه عشان اوصله…كنت كل مااقرب الاقي النور بيقوي وبيزيد لحد ماوصلت…وكأنها ناار قايده تحت النهر مش بتنطفي احجار كتييره جدا جتب بعضها وكلهم مشتعلين بالنار ..وللعجب اني كنت قادره اتنفس وانا جنب الاحجار زي..وكأن النار طارده المايه..وقفت اتنفست بقوه وفتحت الشنطه اخدتها من منتصر وانا فخوره بنفسي ان قدرت اعمل كدا..حطيت ايدي في الكيس ومسكت بيها الحجر كان بيسلع كأنها نار حقيقي…واول مامسكت حسيت برجه قويه في جسمي وفي قلبي وضربات قلبي بتزيد بقوه ومش قادره اظبط توازني وحاسه بوكع في كل عضلات جسمي غمضت عيني بقوه …فضلت ع الحال دا كام دقيقه لحد ماحسيت اني بدأت استعيد توازني ولميت
الشنطه اللي فيها الحجر ورجعت اعوم تاني لـ فوق احساس اشبهه انك بتصارع الجاذبيه وكأن في جاجه بتسحبك لتحت وانت بتعافر عشان توصل لـ فوق..كنت حاسه بتقل شديد في جسمي وكأن متعلق احبال من رمل في رجلي..كنت بعافر وعافر بقوه وگأن روحي بتنسحب مني
هاانت ياامل قربتي قربتي..شايفه ضوء القمر بدأ يبان..لكن..لكن خلاص فقزت كل قدرتي ومبقتش قادره اتنفس..حسيت بجسمي بيترخي في المايه وبذوامه سودا بدأت تبلعني وبعيوني بتغمض غصب عني..لمحت ايد بتحاول تشدني بقيت بعافر عشان المس الايد دي..ومسكت اطراف الايد لكن فجاه جسمي كل اترخي وايدي اتفكت من الايد اللي كانت بتحاول تتشعلق فيها وغمضت عيني وحاسه بجسمي بيتسحب لتحت..وفقدت الوعي تمت.. لـ امل احمد🖤 …………………………………… استنوا الجزء التاني منها..وشكرا جدا ليكم ع الكومنتات القمر حقيقي كانت بتفرحني جدا جدا🥺💜💜💜 مستنيه رايكم وان شاء الله الجزء التاني هينزل قريب مش هتاخر..💜💜💜💜💜💜الفصل التاني #ماوراء_الجبال🖤
فتحت عيني وانا حاسه بحاجه حاجبه عين لكن سامعه اصوات ناس حواليا كتير مش قادره اميزهم غمضت عيني تاني وروحت في دوامه تهت فيها منتصر:يافارس ياابني اجمد هتبقا زي الفل فارس بخوف:انا قلقان عليها انا السبب في كل دا يعني يوم ماتعرف اني بحبها اعمل فيها كدا ياريتها كانت رجعت عالمها تاني بدل ماعرضها للخطر كدا منتصر:هي شجاعه وبتضحي عشان حبها،وبتصلح غلطه لابوها..شجاعه وقويه فارس:انا خايف عليها قوي منتصر:الدكتور قال انها هتفوق ان شاء الله وتبقا كويسه
كنت كأني ماشيه فوق مايه محيط وامواجه عاليه جدا وبحاول افادي كل موجه وانادي ع فارس وابص عليه لكن مش شيفاه لحد مالاقيت موجه عاليه جت غرقتني فوقت وانابصرخ باسم فارس فارس بفزع وخوف:اهدي اهدي انا جنبك هنا اهو فتحت عيني بصعوبه لاقيته جنبي بيبتسم غمضت عيني ونمت تاني ……….. امل بعصبيه:انتي يابت اسمعي الكلام بقا مهره :وانا مش عايزه اعمل اللي بتقوليه امل بغضب:انا امك وتسمعي كلمتي وابوكي لما يجي هحكيله ع كلمه لا
لاقيتها سابتني ومشيت ببرود…ياربي دا اي الجيل الزفت دا احنا مكناش كدا…حته عيله عندها14 سنه مجنناني امل بعصبيه:انت شوفلك حل فيها عنديه ودماغها نشفه ومبتسمعش الكلام فارس ببرود:نسخه منك امل بغضب:انا مكنتش كدا يافارس فارس:ياحبيبتي كل جيل بيختلف سبيها تعمل اللي بتحبه براحتها امل:واللي بتحبه دا خطر دا كل حاجه تقراها في كتاب تقعد تدور وراها وعايزه توصلها في حد عاقل يعمل كدا لاقيته بصلي ورفعلي حاجب واحد امل بابتسامه:ماشي خلاص بلاش النظره دي فهمت قصدك،انا كنت طايشه ودا عرضني للخطر مش عايزاها تعرض نفسها
فارس:واحنا دورها اننا ناخد بالنا منها مش نمنعها امل:يووه ماانت لازم هتدافع عنها ….