كنت قاعده ع الكرسي المتحرك بتاعي وببصلهم بغل وعيوني متعلقه عليهم -امل اتلفت لاقيتها ماما واقفه مبتسمه ..ابتسمتلها ورجعت بصيت تاني ع بابا اللي واخد اختي اللي اصغر مني بسنه واحده في حضنه وبيضحك ويهزر معاها فايزه:صحبتك اتصلت وكانت عايزه تكلمك =بصتلها بانتباه•مش عايزه اكلم حد بتوفيق:ليه يااامل،دي كذا مره تتصل بيكي عشان تتطمن عليكي نور:ايوه فعلا ياامل بابا عنده حق امل بعصبيه:قولت مش عايزه اكلم حد انا حره وحركت الكرسي عشان يمشي بيا ودخلت اوضتي وقفلت عليا الباب..
وقعدت افتكر اللي حصلي من سنتين تقريبا!! كان اول يوم ليا في الكليه اللي بحبها ،كنت مبسوطه وفرحانه اني خلاص حققت حلمي ودخلت كليه العلوم اللي بحبها،ويومها وانا خارجه من الكليه عملت حادثه ادي ان يحصل شلل في الجزء السفلي ومقدرش امشي ع رجلي تاني من يومها وانا سيبت الكليه ومبنزلش من البيت نهائي! نور :ياااموله سرحانه في اي امل:هاا لا ابدا ياانور مفيش حاجه نور:طب انا كنت عايزه اخد هدومك الخروج انزل بيها الكليه انتي كدا كدا مش محتاجاها بقا،انتي عارفه اني داخله سنه 2 كليه علوم ومحتاجه هدوم خروج كتير
امل:صح عندك حق خدي اللي يعجبك نور اختي وللعجب دخلت كليه العلوم اللي هي حلمي مع ان كان بتقولي ان حلمها كليه صيدله ومجموعها كان جايب الكليه دي لكن هي اختارت تتدخل الكليه اللي بحبها وكمان القسم اللي انا كنت فيه .. زين بابتسامه:صباح الخير ياعمي صباح الخير يابنات
قلبي اتخطف من ابتسامته زين مش بس ابن عمي لا دا حب طفولتي بحبه من وانا صغيره ولما كبرت حبيته اكتر متعلقه بيه وبتفاصيلها وبضحكته وبكل حاجه فيه هو اكبر مني بـ 5سنين ومازن اخوه اكبر مني بـ 3سنين ،صحيح مازن دمه خفيف ويتحب لكن انا واقعه في حب هدوء ورزانته زين توفيق:اقعدو ياولاد افطروا معانا مرات عمكم عامله فطير سكر نفطر بيه مازن:لا ياعمي احنا لازم ننزل الشغل،بابا كان بيقولك انه عايزاك تحت عشان اوراق مهمه للمكتب
زين:لو خلصتي فطار يانور اوصلك معايا،انهارده اول يوم كليه ليكي نور بابتسامه:اه طبعا انا جاهزه اهو يلا بينا -رديت بسرعه وبغضب•بس ياانور انتي كنتي بتقولي انك هتروحي مع صحابك نور:لا ماانا هتصل بيهم واقولهم يمشوا هما مازن:عامله اي ياامل امل باقتضاب:كويسه وسحبت الكرسي ومشيت،مش عارفه ليه بضايق من قرب نور لـ زين،صحيح ولا هي ولاهو يعرفوا بمشاعري وحبي ليه،لكن بردو متقربلوش انا بحبه ومش من حق اي حد يقربله حتي لو كانت اختي..
فايزه:تعالي ياامل مرات عمك عايزاكي لما سمعت الجمله دي فضل قلبي يدق بقوه شديده،انا بستخبي من عيون الناس اللي في الشارع ونظرات الشفقه اللي بشوفها لكن ربنا مش راحمني منها حتي فالبيت بفضل مرات عمي هند:يااحبيبتي يابنتي،كان زمانك انهارده رايحه الكليه زي اختك وانتي زي الفل كنت عارفه انها هتقول حاجه تضايقني،كنت بحس اني زي البركان اللي هنفجر فيها،كنت خايفه تخوني دمعه وتنزل مني قصادها فايزه بضيق:لا ياحبيبتي ماهي زي الفل اهي وست البنات كمان
جمله ماما نجدتني قبل ماادمع هند:ااه ياحبيتي امال طبعا ،الاقي قوليلي صحيح انتي طاجن الباميه اعمله ازاي لاحسن محسن مصمم عليه هو وزين ومازن وانا الصراحه مش بحبه سيبتهم يبداو رغي في الاكل ووصفاته والكلام اللي مبيخلصش بينهم ابدا ودخلت ع اوضتي طلعت مذاكرتي اللي بكتب فيهاا وكتبت حاجه كنت قريتها لفاروق جويده واتعلقت في بالي “واسير وحدي والحياه كأنها نغمات حزن صامت بفؤادي..طال الطريق وبالطريق حكايه.بدأت بفرحي وانتهت بسهادي..!”
ومسكت كتاب وقعدت اقرا فيه ،لاني تقريبا مبعملش حاجه في حياتي غير كدا القرايه والكتابه وبس .. نور بسعاده:يافوفا انتي فين يافوفا فايزه :انا فالمطبخ ياقلب فوفا وجيالك اهو ..اي دا الضحكه الحلوه دي اي سرها نور:حضنتها لا ابدا يافوفتي مبسوطه انتي عارفه ان بحب كليتي فايزه:طبطبت ع شعرها بحنيه ربنا يباركلي فيكي ياحبيبتي وافرح بيكي واشوفك عروسه نور:ياارب يافوفتي ،بقولك خلصي الاكل بسرعه لاحسن واقعه من الجوع ،الا صحيح هو توفيق فين
فايز من المطبخ:ابوكي كلمني وزمانه جاي من الشغل دلوقتي انا كنت قاعده بالكرسي ورا باب الاوضه وشايفه كل اللي بيحصل دا وبعيط،انا عبأ ع حياتهم ،نور احسن مني في كل حاجه لكن انا لا توفيق:نور ياروح قلبي وحضنها ،يلا احكيلي عملتي اي فالكليه انهارده فايزه:دي راجعه مبسوطه وبتتضحك خالص توفيق بضحك:دي قلب ابوها دي كنت سامعه ضحكهم وهزارهم برا وانا ماسكه المخده وبصرخ فيها وبطلع كل غضبي،بيحبوا نور اكتر مني لكن انا بيشفقوا عليا مش ااكتر انا بكرههم وبالاخص باباا!!!
فايزه:اامل افتحي الباب ويلا تعالي عشان نتغدا حاولت اعدل صوتي عشان ميبنش عياطي امل:مش جعانه ياماما شويه كدا فايزه:ياحبيبتي اطلعي اتغدا معانا بدل ماتاكلي لوحدك امل:لا مش عايزه.. بعد ماهديت حركت الكرسي وطلعت لاقيت نور قاعده في حضن بابا وماما قاعده جنبهم بيضحكوا ويهزرا امل:عايزه انزل اشتري شويه كتب يابابا توفيق بعد انتبااه:قولي اللي عايزاه لاختك وهي تجيبهولك معاها امل:بس انا اللي عايزه انزل مش نور اللي تجيبلي توفيق:اصل انا مش فاضي
امل بصدمه:مش فاضي!! توفيق:ااه ياامل عندي شغل كتير فالمكتب مع عمك ومش فاضي انزل معاكي نور:بابا انا عايزه فلوس اجيب لبس توفيق:حاضر يانور ،بس ابقي خدي امك معاكي متروحيش لوحدك نور بابتسامه:حاضر ياتوفيق يااقمر توفيق بضحك:يابت ياابكاشه كنت ببصلهم وانا حاسه بنار قايده جوايا فايزه:اجبلك تاكلي يااموله اامل بتوهان:هاا..اه ياماما ياريت فايزه:عيوني ياحبيبتي امل:انا كنت عايزه اشتغل اون لاين توفيق:تشتغلي اون لاين ازاي يعني امل:يعني بابا من ع النت مش ختاج انزل او اروح او جاي
نور:بس ياامل الموضوع دا عايز مسئوليه وانتي عايزه اللي يشيل مسئوليتك توفيق:نور عندها حق،فكره فاشله ياامل