نرمين
يا خبر ابيض فعلا انا مش معايا المبلغ ده انا مصروفي كله على بعضه ما يكملش 2000 جنيه
احمد
طيب خلاص يا نرمين وبعدين اصل انا متخانق مع بابا وماما وابقى افكر ان انا اخد مكان لوحدي يعني حتى بفكر ان اقابلك فيه بدل ما اقابلك في الشارع
نرمين
طب سيبني كده وانا هتصرف في الحوار ده و وبعدها دخلت جدتها وقالت
الجده
ايه يا بنت اللبس اللي انت لابساه ده وبعدين هو انتي عماله بتكلمي مين كده
نرمين
الله جرا اي ي تيته في اي هو انا لابساه في الشارع
يعني ولا اي ده انا قاعده في اوضتي اهو وبعدين ده انا بكام واحده صاحبتي لو سمحتي يا تيتة انا عندي مذاكرة
الجده
طيب ولما هي واحدة صاحبتك ليه قفلتي اول اما انا دخلت عليكي الاوضة
نرمين
وبعدين بقا يا تيتة هو انا في تحقيق ولا ايه الله يخليكي سبيني اركز بقا في المذاكرة لو سمحتي انا مش فاضية للكلام الكتير ده
الجدة
بقا كده طيب يا نرمين انا بقا اروح لأمك وتشوف لها صرفه معاكي وتشوفك انت ازاى تكلميني كده
وسبتها وخرجت من الاوضة وفي الدار عندنا ياسمين قالت لي
ياسمين
في ايه يا اسماء انتي ليه كل لما بتيجي تتكلمي مع الاستاذ يسري بتكلميه بطريقة مش لطيفة
اسماء
عشان هو راجل
عايز كده وبعدين انا اشتكيت لحضرتك قبل كده من تصرفاتة مع البنات بس لسه مفيش اي حاجة خالص ولا
عملتو حاجة
ياسمين
ومين قالك ان انا ساكتة يا اسماء على فكرة بقا انا بفكر له في خطة متخرش المايه وعايزاكي تساعديني فيها بس لما يجي وقتها هبقا اقولك تنفيذها ماشي
اسماء
بجد يا ابلة ياسمين طيب ياريت والله ده انا بصي نفسي افش عليلي في الراجل ده اوي وانا معاكي في اي حاجة
ياسمين
المهم اللي طلبها منك ان مش عايزة حد يعرف بالكلام ده خالص مفهوم يا اسماء
اسماء
حاضر يا ابلة ياسمين من عنيا الاتنين ودخلت سارة وقالت لها
سارة
ابله ياسمين استاذ يسري عايزك في مكتبة دلوقتي
ياسمين
طيب يا سارة انا جايه له اهو لما اروح انا يا اسماء وانتي يلا روحي شوفي وراكي ايه
وسبتنا ومشيت وسارة قالت لي
سارة
على فكرة بقا اوعي تكوني فاكرة ان الابله ياسمين دي جامده هتقدر تعملك حاجة وتقف في وش الاستاذ يسري لا بقا يا فالحة ده ممكن يحطها تحت رجله
اسماء
انا مش فاهمة والله انتي معانا ولا معاه ولا انتي مع مين بالظبط ما ترسي لك على بر يا سارة وقولي انتي مع مين
سارة
انا مش مع حد خالص يا حبيبتي انا مع مصلحتي وبس انا ثم انا ومن بعدي الطوفان يعني انا ومش عايزة مشاكل انتي بقا تحبي تحطي نفسك في مشاكل وعايزة تقفي قدام القطر دي حاجة
ترجع لك انتي انا مليش فيه
اسماء
ربنا يهديكي يا سارة والله اوعي كده من وشي
وسبتها ومشيت وفي بيت وفاء امها قالت لها
الام
ما تشوفي بنتك يا وفاء وتعرفي هي بتعمل ايه كويس
وفاء
وهي يعني هتكون بتعمل ايه بس يا ماما وبعدين انا عارفه بنتي كويس اوي وهي مش بتعمل حاجة غلط
الام
وانتي عرفتي منين انها مش بتعمل حاجة غط يا بنتي انا عارفه انك قافله عليها كويس بس ابوها فين من ده كله هو ايه معندوش ډم خالص كده راجل ناقص بصحيح
وفاء
يا ماما يسري مشغول في الدار بتاعت الايتام وهو قاعد فيها عشان مش هينفع يسيبها لازم تكون عينة على البنات اللي فيها 24 ساعه
الام
ااه والنبي فالح جوزك ده لما يبقا بيخرس عيال مش عيالة وهو مش عارف يحرس عياله قال بطلو ده واسمعوا ده
وفاء بنفاذ صبر
يا ماما يعني اعمل ايه بس الله يخليكي يا حبيبتي سبيني باللي انا فيه ارجوكي انا اللي فيا مكفيني والله
وخرجت نرمين من اوضتها وقالت
نرمين
يا ماما انا كنت عايزة فلوس عشان رايحة الدرس والستر بياخد مننا فلوس واحنا داخلين
وفاء
ماشي يا نرمين ادخلي اوضتي هتلاقي الفلوس على التسريحة خودي منها وسيبي الباقي
ودخلت نرمين وشافت السلسلة بتاعت امها وفكرت شوية كده واخدتها وبعدها خرجت وقالت
نرمين
انا اخدت خمسين جنية اهم يا ماما والحجاب على راسي ولبسه هدوم واسعه اهو شوفتي يا تيتة عشان تعرفي اني متربية
الجده
شوفتي البت بتقول ايه ماشي يا نرمين ما أنا عارف انك متربيه يا حبيبتي ابقي خلي بالك من نفسك
وفاء
روحي يا نرمين لحسن تتأخري على الدرس
ونزلت وراحت علي بتاع الدهب وقالت له
نرمين
لو سمحت كنت عايزة ابيع السلسلة دي أصلها اتكسرت وانا مش محتاجة البسها يعني
الراجل
طيب تحبي الحمها لك هي بتتلحم عادي جدا لو عايزة
نرمين
لا لا انا عايزة ابعيها معلش شوفها
هتجيب كام
وباعت السلسلة واتصلت بأحمد وقالت له
نرمين
الو ايوه يا احمد اما انا عندي حتة مفاجأة انما ايه انا معايا فلوس اكتر من اللي انت كنت عايزها بكتير اوي
احمد
ايه ده معقوله يا نرمين طيب وجبتي الفلوس منين ومعاكي كام فرحيني وقولي لي
نرمين
لاااا تعالي نتقابل وانا اقولك هما كام يا حبيبي عشان تعرف انا بحبك اد ايه
احمد
بس كده ده انا جاي لك حالا وقفل معاها وقال لسعيد صاحبة
خلاص ياض يا سعيد شكلها فرجت ياااض وهعزمك انت والشلة
سعيد
بجد يا احمد ده انا جاي معاك بقا المشوار اللي انت رايحة ده
احمد
لا يا روح مينفعش ده انا رايح اقابل المزه بتاعتي يلا معطلكش يا حبيبي سلام
وراح لها احمد في الدار انا
دخلت عند يسري وقولت له بدلع
اسماء
نعم يا استاذ يسري هو حضرتك بعت لي مش كده انا جيت لك اهو
يسري
يا سلام عليكي يا بت يا اسماء وانتي حلوه كده وبتسمعي الكلام بس اسمعي بقا انا دلوقتي مش فاضي فانتي هتيجي لي على بالليل ماشي
اسماء
امممم يعني عايزني بالليل ماشي من عنيا هاجي لك بالليل يلا سلام بقا دلوقتي
وخرجت من عنده وسارة قالت لي
سارة
الله ما انتي حلوه اهو وبقيتي بتيجي عنده ههههه يعني احنا بقينا في الهوا سوا يا اسماء مش كده برضو
اسماء
خليكي في حالك يا سارة لو سمحتي ومتتدخليش في اللي ملكيش فيه انا رايحة اشوف شغلي وسعي بقا
وعند نرمين قالت لأحمد
نرمين
شوفت يا احمد كل الفلوس دي خود خليها معاك واعمل بيها كل اللي انت عايزه شوفت بقا وعرفت اني بحبك اوي
احمد بفرحة
ايه كله ده يا نرمين يا بنت الايه كل دول انتي جبتيهم منين يا حبيبتي
نرمين
مش مهم بقا جبتهم منين المهم اني اتصرف لك وخلاص مش ده اللي انت كنت عايزه عشان كمان اثبت لك انك غالي عندي اوي
احمد
ده اتأكدت من غلاوتي جدا المهم انا عايز اشوف شقة ونروح فيها نشوف بعض ايه رايك
نرمين
طيب يعني الشقة دي هتكون امان وكده انا اصلي اخاڤ وبعدين احنا لو رحنا الشقة احنا مش هنعمل حاجة ماشي
احمد
الله جرا ايه يا نرمين انتي خاېفه مني ولا ايه يا قلبي لا انتي
كده بتزعليني منك اوي على فكره ده انا اخاڤ عليكي اكتر من نفسي
نرمين
انا قولت كده برضو خلاص ماشي شوف انت الشقه هتأخدها امتى وبلغني علطول ماشي
وفي الدار كان يسري معاه رجال أعمال كانو
بيدفعوا تبرعات وقال
يسري
والله يا فتحي بيه انا مش عارف اقولك ايه بس على كل الخير اللي حضرتك بتعمله عشان الدار انا بجد متشكر اوي
فتحي
على ايه يا يسري بس المفروض ان اي واحد ربنا مدى له ومقتدر يساعد هنا في الدار دي عشان البنات الايتام دول يعيشو حياة كويسة
يسري
اه والله المفروض الناس كلها تعرف كده بس اقولك لحضرتك ان ربنا هيجازيك خير على كل اللي بتعمله ده وربنا بيضاعف الحسنات
فتحي
يلا ربنا يقدرنا على فعل الخير على العموم دي شنطة فيها ربع مليون تقدر تجيب بيهم حاجات
ناقصه للبنات هنا وتجيب لهم كل اللي هما عايزينه
يسري
ياااه ده انت متعرفش حضرتك البنات هتدعي لك ازاى كتر خيرك وجزاك الله خير الجزاء ده العصر اذن طيب انا بستاذنك اني
اروح اصليه جماعه في المسجد
فتحي
اكيد طبعا يا استاذ يسري انا كده كده كنت ماشي وتقدر تروح تصلي براحتك
ومشي فتحي وطبعا يسري ماراحش يصلي ولا حاجة وانا قولت لياسمين
اسماء
شوفتي يا ابلة ياسمين استاذ يسري اخد شنطة من الراجل اللي كان هنا فيها ربع مليون انا سمعتهم بودني
ياسمين
ايه ده بجد بس المفروض يا اسماء مكنتيش تتنسنطي عليهم عشان عيب
اسماء
والله يا ابله ياسمين انا سمعتهم بالصدفة عشان بس ربنا بيكشفه قدامي الراجل ده دلوقتي هيروح يوديهم البنك وطبعا الدار هنا مش بتاخد حاجة منهم
ياسمين
عندك حق انتي عارفه يا بت يا اسماء برغم صغر سنك بس بحس انك عقلك كبير مشاء الله وبتفهمي كويس اوي ربنا يحفظك يارب
اسماء
اعمل ايه بس يا ابله ياسمين انا اتعلمت كتير من الدار دي بس اللي محافظة عليه كويس اني اخاڤ من ربنا ومعملش حاجة تغضبة ابدا
ياسمين
برفو عليكي المهم احنا النهاردة هنعمل اللي اتفقنا عليه خلي بقا الدار دي تنضف من اللي اسمة يسري ده وامثاله لحسن بجد الحكاية رخمت اوي
وفي بيت وفاء قالت لنرمين
وفاء
نرمين انتي مشوفتيش السلسلة بتاعتي راحت فين
نرمين
سلسلة ايه دي يا ماما لا طبعا انا ماشوفتش حاجة ابدا وبعدين هو انتي بتساليني انا بس ليه بقا ان شاء الله وهو انا يعني الوحيدة اللي في البيت.
لا ايه
وفاء
قصدك ايه يا نرمين انتي عايزة تقولي ايه بالظبط قولي مبتخبيش حاجة لو تعرفي
نرمين
انا اقصد يعني اقول اننا كلنا بنخرج ومحدش بيبقا موجود غير تيتة بس ما يمكن هي اللي اخدتها حد عارف
وفاء
انتي بتقولي ايه يابت ازاى تقولي كده عيب يا نرمين كده
نرمين
ياماما مفيش غيرها اللي اخدها ولا يعني عشان هي مامتك مش عايزه تواجهيها وتقولي لها انها اخدتها لا بقا دي اكيد
اخدتها
وفاء
طيب بس اكتمي انا هتصرف انتي متتكلميش خالص فى الحكاية دي انتي سامعه
وراحت لأمها وقالت لها وامها ردت وقالت
الام
انتي بتقولي ايه يا وفاء انتي بتتهميني انتي ازاى تعملي فيا كده ازاى
وفاء
يا ماما انا بقول يعني يمكن تكون اتعذرتي في فلوسها قولي لي يا حبيبتي مفيهاش حاجة ما أنا بنتك وحاجتي هي حاجتك برضو
الام
اخرسي قطع لسانك اسمعي لما اقولك انا مش هقعد لك هنا دقيقه واحده والله لاروح اعيش عند اخوكي انتي خسارة فيكي بعد كل اللي عملته عشانك جايه بتسرقيني الله يسامحك يا
بنتي الله يسامحك
وبعدها مشيت وفي الدار الليل ليل وانا دخلت عند يسري وقالي
يسري ايوه كده يا بت يا اسماء انا كده هبقا مبسوط منك اوي اوي
اسماء
بص هو انا كنت ببقا عايزة اجي لك علطول بس كنت بلاقي عندك سارة اللي طول الوقت معاك دي مش برضو سارة بتدخل عندك
هنا عشان كده
يسري
اسماء
لا لا استنى بس ده انا كنت عايزة اسألك عن حاجة كمان بس تقولي بصراحة هو انت كنت واخد فلوس من حد عشان الدار
يسري
ايوه طبعا باخد فلوس بالملايين عشان الدار هنا بس الصراحة كده انا مش بصرفها كلها على الدار يعني بتخدهم منهم شويه ليا كتير طبعا وبحط شوية في الدار اومال انا هصرف على العيال دي كلها اكل وشرب منين ماهو لازم كده