.#يتبع #بداية_جديدة #البارت_الثالث #دعاء_الأودن بعتذر يا جماعه عن التاخير بس بجد كنت تعبانه شويه وكان مودي زفت فلو كنت كابتها وانا كده كنت هبوظها بمعني الكلمة… واللهي انا ما بتقل علي حد بس دي بتكون ظروف خارج ارادتي نرمين بصدمة وصوت عالي : حراااامي مش مصدقه اني شفتك تاني يا حرامي اسر بصلها بصدمه : أفندم مروه فهمت ان ده الشخص اللي هي شافتوا في المول فلحقه الموقف بسرعه مروه : نعم حضرتك في حاجة
اسر : هي بتقول اي دي مروه : وطي صوتك يا نرمين… حضرتك هي بتكلم صاحبتنا بس حطه السماعه في ودنها تحت الطرحة فللأسف محدش شايف نرمين حست ان هي نيلت الدنيا عملت نفسها بتكلم بتتكلم زي ما مروه قالت : طب سلام دلوقت كده اسر : تمام مفيش مشكله نرمين عامله فيها هبله وبتسال مروه : هو في اي مروه : صوتك كان عالي وانتي بتتكلمي وعشان مش ماسكه الفون يعني الناس بتحس انك بتكلميها
نرمين : اسفه يا كابتن مكنش قصدي انا كنت بتكلم في الفون و… اسر مقاطعا : مفيش مشكله بتحصل كتير نرمين : شكرا وكانت هطق منوا وكان هاين عليها تق-تل مروه الاسانسير وقف ونزل اسر ولقا ابراهيم في وشوا وقف معاه شويه وابراهيم قالوا ان ساره اتقبلت في الشغل ونرمين ومروه خرجوا لقوا اسر وقف مع ابراهيم نرمين : بت يا مروه مش ده ابراهيم خطيبك مروه : اه ياختي وواقف مع الراجل اللي كنت هتفضحينا معاه
نرمين : لي ياختي انا عملت اي مروه : لا معملتيش حاجة خالص انا اللي عملت نرمين : ده انا حتي كيوت وقمر ومبعملش مشاكل مروه : بقولك اي اسكتي احسن واما ابراهيم يسيب اللي معاه ده روحي لأخوكي وانا هقف معاه نرمين : ماشي ياختي بس يك يعبرك ابراهيم شاف مروه ابتسم ليها اسر خد بالوا وبص في اتجاه ما هو بيبص لقا اللي كان راكب معاهم اسر : لم نفسك يا ابراهيم ده انت حتي خاطب.
ابراهيم : ياعم دي خطبتي الله اسر : ماشي يا عم روح بقا ليها بدل ما انت سيبها كده ابراهيم : رايح اهو ابراهيم راح عند مروه واسر بص لنرمين وابتسم ابتستمة مستفزه راحت نرمين بصتلوا بقرف ومشيت علي مكتب سليم واسر ضحك وراح علي مكتبوا #Doaa_Elawdan في منزل عائله العربي الام : ها يا ساره طمنيني ساره : الحمد لله يا ماما الام : ياحببتي الحمد لله علي كل حال مقلناش حاجة بس اي اللي حصل بالظبط
ساره : عادي يا ماما انترڤيو عاديه خالص يارا دخلت : السلام عليكم… هاااا عملتي اي ابت اساره ساره : ياربيييييي يا بنتي عملت انترڤيوا عادي ولو اتقبلت هيبلغوني وخلاص يارا : ان شاء الله هتتقبلي الأم وساره : يااارب صلوا علي محمد ♥️ مينا : ها يا عمر المفروض العمليه النهارده هتعمل اي عمر : هاتلي كل واحد من اللي معانا لوحدوا مينا : يابني المفروض نعمل اجتماع جماعي مش فردي
عمر : اسمع الكلام بس يا مينا وهتفهم بعدين ومينا استدعا كل واحد فيهم وعمر كان بيشرح ليه الخطه ويقول ان في واحد منهم خاين وكان بيدقق في ملامح وانفعلات كل واحد لحد ما اتكلم مع كريم وشك فيه عمر : بص يا كريم تفصيل العمليه اللي هنقوم بيها الليله… بس كده كريم : تمام يا باشا عمر : تصدق يا كريم ان في حد من الفريق بتاعنا بيخنا وبيوصل معلوماتنا للمجرمين
كريم بتوتر وبيحاول يتكلم بصدمة : معقوله يا باشا عمر : تصدق بقا كريم بارتباك : اعوذ بالله ويترا عرفتوه يا باشا ولا لسه عمر : عرفناه طبعا وعشان كده مقولتش الخطه في الاجتماع كريم بخوف : هو يا باشا عارف انكم عرفتوه عمر : اه طب عارف ده انا حتي حبستوا كريم براحة : طب الحمد لله يا باشا … الا هو مين لازم نعرف طبعا … ؟ عمر : هتعرف يا كريم هتعرف بس مش دلوقت المهم تقدر ترتاح وهنتجمع بليل الساعه 12 تمام
كريم : تمام يا باشا اي أوامر تانيه عمر : تسلم يا كيموا تقدر تتفضل كريم : يزيد فضلك يا باشا سلام عليكم عمر : وعليكم السلام خرج كريم عمر اتصل بمينا عمر : مينا بقولك كريم خرج من عندي عايزك تشوف رايح فين وتبقا وراه خطوه بخطوه ومن غير ما يحس بيك مينا : تمام متشلش هم مينا مشي ورا كريم ولقاه دخل كافيه اتصل بعمر بلغوا ودخل لقاه قاعد مع واحد وبيتكلم وهو خارج كان عمر وصل
عمر : كريم باشا اي المفجاه الجميله دي كريم بارتباك : اه اه هو انت بتعمل اي يا باشا عمر شدوا ودخلوا العربيه : متقلقش يا حبيبي عايزك في مشوار وركب العربيه واتحرك وصل عن القسم ونزل كريم ودخلوا اوضه عمر : لي عملت كده يا كريم كريم : عملت اي يا باشا بالظبط وضح كلامك عمر : ولا انا مبحبش اللف ولا الدوران اتنيل انطق اي الدافع اللي يخليك تدعم مجرمين وتقول ليهم الخطه بتاعتنا هااااا انتطق
كريم : ادعم مين ياريت لو معاك دليل تتكلم غير كده مسمحلكش عن اذنك وكان لسه هيخرج عمر مسك ايدوا وطلع جهاز صغير جدا كان متعلق في لياقه القميص بتاعه كريم برعب : اي ده عمر : لا استني كده ده الدليل تعالي نسمعوا مع بعض كريم : عمر انت بتعمل اي ومين سمحلك انك تعمل كده وازاي عمر : هششششش هاااااا هتقول اي خلاك تعمل كده ولا اوصل التسجيل الحلو ده للقيادات العليا.
كريم : ارجوك يا عمر بلاش ارجوك عمر : هتقول اي خلاك تعمل كده ولا كريم بضعف : محتاج فلوس محتاجها قويييي عمر : محتجها في اي يعني كريم بدموع : ابني مريض قلب وعايز عمليه مصريفها فوق طاقتي وانا ممعيش اعمل اي اسيب ابني يم-وت اعمل اي قولي عمر : تفتكر ابنك هيتعالج بفلوس حرام كريم : معرفش معرفش صدقمي معرفش
عمر : عارف ربنا بيختبرنا اختبارات صعبه قوي قوي يعني انت مزنوق في الفلوس ربنا بيكوت فتحلك بابين رزق الأول بيفتحلك الحرام قبلتوا الحلال هيروح رفضتوا الحلال هيتفتحلك يعني الفلوس اللي خدتها من العصابه دي كده كده كانت هتجيلك من حلال لو كنت رفضت الحرام كريم : انت مكنتش مكاني ولو كنت مكاني متاكد كنت هتعمل زيي عمر : ربنا بيبتلينا عشان يختبر صبرنا ويشوف قوة تحملنا علي البلاء كل لاحظه بتعدي علينا بناخد عليها ثواب ده حتي ربنا قال وبشر الصابرين
كريم : اعمل اي قولي اعمل اي عمر : تعرف معلومات عن العصابه دي كريم : للأسف معرفش عنهم غير حجات بسيطه وان كبيرهم اسموا صلاح باشا عمر : كريم انت عايز تبقا معانا بجد ولا هتخنا كريم : وحياه ابني انا ما حابب ابقا معاهم انا كنت كاره نفسي بس مكنش قدامي حل غير كده عمر : تمام قوي انت هتاخد معاك قوات وتمشوا علي الخطه الاولي اللي هما عارفينها وانا ومينا هنقوم احنا بالعمليه
كريم : بس ازاي انتوا الاتنين لوحدكم دول معاهم اسلحة جباره عمر بضحكة : ياعم متخفش علينا عمر الشقي بقي يا مان كريم : ربنا معاكم وينصركم ويحفطكم ونفذوا العمليه وفعلا مينا وعمر نفذوا الخطه وقبضوا عليهم بس ساب واحد عشان يبلغ صلاح باشا باللي حصل سبحان الله وبحمده سبحان الله العظيم ♥️ تاني يوم ساره نزلت شغلها مع اسر ويارا نزلت جامعتها في الجامعه نرمين : بت يا مروه اناقرفت من الكليه وزهقت
مروه : لي يا نرمين نرمين : بصي انا عايزه حفله عايزه فرح عايزه حاجة جديده زهقت من الحجات الروتينيه دي بصي انا زهقت منك انك شخصيا مروه : والله انتي واحده مهزءه اعمل اي … شايف يارا ومارينا واقفين اهم تعالي نقف معاهم نرمين : مين دول معرفهمش دول معانا في القسم تقريبا مروه : تقريبا!! يابنتي معانا في القسم تعالي تعالي مروه : ازيك يابت يا يارا ازيك يابت يا مارينا سلمت عليهم وباستهم
يارا : مرووووه ازيك يابت مارينا : تمام يا مروه انتي عامله اي نرمين : ازيكم وسلمت عليهم وهي بتبـ,ـوسهم يارا كانت بتشب جامد عشان تبـ,ـوسها وكذالك مارينا يارا : ازيك يا نرمين نرمين :الحمد لله هو انتوا قصيرين كده لي يا عيال هههههه يارا : لا حضرتك احنا طولنا طبيعي انتي اللي طولك مش طبيعي نرمين :لي يا بنتي ده انا طولي 175 بسسسس يارا بصدمة : بسسسسسس وكمان مستقليه بيهم ده انا طولي 167 وعماله اتكبر علي الناس واقول اني طويله ده انا اركن بقا
نرمين : اه طبعا تركني ههههههه وقعدوا يتكلموا ويهزروا مع بعض وخدوا علي بعض جامد مروه : بقولكم اي احنا نقعد مع بعض بدل ما كل ثنائي قاعد لوحدوا كده يارا : واهو نبقا ثنائي تربيع ونسمي نفسنا شله الرباعي نرمين : فكره حلوه والله يا ولاد