_أيههه!! كنت باصه متنحه ومعيطه، افتكرت حاجات من اكتر من سنه لما كنا سوا، انا ازاي اجرحه كده؟ ازاي اخليه يبان كل الحزن دا في وشه!! ازاي كنت غبيه اوي كده، لا وكمان عاوزني ارجع الكليه يعني مضيعش أملي ولا حاجه جه يمشي مسكت ايده وابتسمت _انا اسفه والله، مكنتش اعرف كل دا، انا بردو كنت محتاجه حد طول الوقت وكان الحد دا انت، عمري منسيتك، ولا كرهتك هي بس مجرد كلمه لحظه غضب، بس انا عمري مجيت على قلبي وخليته يكرهك، انت وحشتني أويي
حضني وانا كنت مصدومه حد يخض حد كده بذمتك!! بعد شويه ارتخيت كان حضنه حنين ودافيي زيه كده بالظبط خرجت من حضنه وانا البندوره الحمرا المزروعه بين الخضرا دي اه _معلش اعتبريني جوزك ومتتكسفيش ضحكت وقعدنا نتكلم عن كل حاجه حصلت خلال السنه دي اكننا بنعوض عدم وجودنا في حيات بعض الفتره ديي _احمد ممكن تقول لجدو اني نازله الكليه بعد بكره؟ =حاضر، هنزله وجايي كنت حاطه ايدي على قلبيي وخايفه ميوافقش، طلع بعد شويه وعلامات الحزن على وشه
_ايي قالك ايي؟ =.. _موافقش صح؟ =.. _كنت عارفه انه مش هيوافق =عيب عليكي، جوزك مش سهل بردو _يعني ايي؟ =مبروك عليكي رجوعك للكليه يحلوه سمعت الكلمه من هنا قلبي رفرف والضحكه بقت من الودن ديي الودن ديي اه والله _انا مبسوطه اوي وفرحانه اوي وبحبك اويي =اي اي؟ _انت عامل اي دلوقت؟ مش عارفه لي الكلمه طلعت تلقائي بس كأنه رجع احمد بتاع زمان واحسن، كنت شيفاه زي الاول، كان هو نفسه كان ومازال ملجأيي اللطيف الي بعتمد عليه في كل حاجه ويقنع اي حد بحاجه نفسي اعملها هو على طول جمبي ومعايا والله
جينا بكره ولقيته بيصحينيي _عاوز اي يعم انت!! =يعم؟ قومي البسي _الكليه بكره مش دلوقت =هنجيب هدوم للكليه نطيت من السرير _بتهزر؟ =يلا هستناكيي تحت يجماعه بقى احضنه وترجعوا تقولوا مشفتش دجيجه ربايه!! نزلنا وجبلي هدوم كتير، كان الخروج معاه وحشني اوي، والايس الكريم الي لسه فاكر اني بحبه وكل تفاصيل اليوم دا وربنا في قلبي جامد كده روحنا ونمت من كتير التعب اصل الاستاذ مروحني تسعه بليل واحنا ماشيين 12 الضهر، على فكره بقى هو الي مأخرني مش انا الي فضلت أنقى الهدوم تسعتلاف ساعه!
صحيت الصبح لقيته جمبي ابتسمت تلقائي هو يمكن القدر يكون بيعمل كده عشان أحبه!! أحبه اي بطلي هبل انتي عمرك محبيتي ولا هتحبي، انتي مش حمل وجع قلب بكفايه اوي كده، هو مجرد زوج وبس اعامله كويس وبما يرضى الله، اكتر من كده مش هقدر بخاف، بخاف احب ليحصلي زيي الي حصل مع كل صحابي، هو اه جوزيي بس مش متجورني عن تراضي دي كانت غلطه، مجرد غلطه!! لقيته فتح وانا لسه بصاله، اتخضيت وبعدتت عنه بسرعه
_صباح الخير يحلوه =صباح الخير _إلبسي نفطر ونمشي =نمشي!! _هاخدك اوديكي انا الكليه في طريقي للشركه =مش عاوزه اتعبك _قومي إلبسي يبت قام من قدامي وانا خبطت جبهتي ب ايدي وضحكت، لبست وهو لبس ونزلنا نفطر مع جدو _مريم، انا عارف انك نفسك من زمان في الكليه دي، اهو ربنا رجعك تاني ليها اهو =شكرا انك وافقت يجدو _احمد الي وافق هو الي جوزك وعارف مصلحتك، انا بس مجرد أكدت على كلامه
بصتله وابتسمت بعيد عن كل حلجه هفضل ممتنه ليه بقيت عمريي فطرنا وركبنا العربيه _تخلي بالك من نفسك =حاضر _وحرصي يمريم عشان خاطري =حاضر _وتمشي دوغري زي الراجل زي العسكري كده =حاضر _و.. =احمد!! سوق العربيه كده عشان مرجعش في كلامي ضحك وساق العربيه، روحت قدام بوابه الجامعه، نزلت من العربيه وبصتله _هخلي بالي من نفسي =.. _وهحرص على نفسي عشان خاطرك =.. ضحكت_وهمشي دوغري زي الراجل، اه زي العسكري كده
ضحك =هاجي اخدك بعد متخلصي، مريم فين الدبله!! _نسيتها في البيت معلش بقى =طب يلا ادخلي مع السلامه _مع السلامه، سوق براحه =خايفه عليا؟ _عربيتك جدك المرادي بجد =طب سل سلا سلام ضحكت ولفيت وشي ناحيه الجامعه، ودمعه نزلت مني، إلى هو دعوه سنه اتحققت ورجعت الكليه تاني كان يوم يجنن واتعرفت على ناس كتير، وامتحان الشهر كمان شهر هايل ها اي تاني؟ وقفت قدام باب الجامعه استناه يجيي، جه واحد وقف جمبي، كان مستني مواصلات
_جديده؟ =لا، في سنه رابعه، بس كنت واخده تأجيل _اه اه، طب لو احتاجتي اي حاجه قوليلي، فيه مراجعات بعملها كده هدهالك عشان تلحقي تلمس الي خدناه =اه تمم، بجد شكرا جدا جه وانا واقفه معاه، الله اكبر، كان متعصب اويي وملامحه متغيره، طب انا خوفت اركب ولا اجري؟ _بعد ازنك =اتفضلي ركبت العربيه وهو ساق على طول وبعدين وقف _مين دا؟ =دا، دا زميلي في الكليه _ويكلمك بتاع اي
=كان بيديلي محاضرات نقصالي ضغط على سنانه_دبلتك معتتش تتقلع =الاه!! لقيته التفت ليا وبصلي _معتيش بتكرهيني؟ =قولتلك عمري مكرهتك، دا انت قلبك اسود يجدع _طب قوليلي حد ضايقك؟ =متخافش سايب وراك راجل _ولا ايي راجل، دا حلو جامد كمان =متسوق يا احمد عشان جعانه _يلا منك لله ضحكت وهو ساق، مش عارفه لي مش بتأثر ب اي كلمه حلوه، مهو انا جبله فعلا انتوا مش بتكدبوا لاء روحنا واتغدينا وطلعت اوضتي
_ها يستي احكيلي حصل اي =بص يسيدي، الكليه لسه زي ما هي بنفس التفاصيل الي في دماغي، وكونت صداقات عشان اي حاجه بتتنفس صحبتي، كان يوم حلو اويي، بس امتحان المنيي ترم بعد شهر إلى هو غطوني وصوتوا يلا _انتي قدها وهتعدي على خير
منكرش انه واقف جمبي في كل كبيره وصغيره، منكرش انه عرف يفك القلب المقفول بقفل وميت ترباس، حبيته وخايفه يكسر قلبي، ساعتها مش هستحمل ولا هستحمل بعده حتى، اصل مفيش حد لطيف يقف جمبك في اي حاجه بتعمليها، يطمنك يديكي الأمان، مش عارفه هو بيحبني ولا لا، بس للاسف وقعت!! وقعت في ضحكته وفي خوفه عليا في حفظه لتفاصيلي فيه كله كده والله الامتحانات عدت على خير الحمد لله وكان هو بيشجعني ويقويني والحمد لله عدتت بيه ومعاه
رجعت من آخر يوم امتحانات مفرهده وكان جدو نايم واحمد مش في البيت لقيت الجرس بيرن فتحت لقيتها واحده _انتي مين؟ =انتي مرات احمد!! _ايوه =وانا مراته التانيه _افندم!!! #معذره ايها اللطيف💙 #مريم سمير💙البارت التالت والأخير