_افندم!!! =ممكن تدخليني ونتكلم جوا _اتفضلي دخلت وانا قلبي رافض يصدق الجمله الي اتقالت من شويه _انتي مين بقى؟ =كنت السكرتيره بتاعته _كنتيي؟ =اه مهو رفدني لما عرف اني ممكن اعمله مشاكل _بس أحمد مش كده، ولا عمره هيبقى كده، كان هيقولي اكيد =انا جيت احذرتك بس مش اكتر، لازم امشي عشان لو رجع مينفعش يشوفني مشت بعد الكلام دا وانا كنت واقفه مكاني متخشبه مش بعمل حاجه غير امي اعيط، اعيط وبس!!
من كتر العياط الي استمر اكتر من ساعه ونص اغمى عليا، كان جدي صحي واتصل بالدكتور وركبلي محلول واتصل ب احمد وجه بسرعه ملهوف _انتي كويسه؟ مالها يدكتور =شويه هبوط مش اكتر ان شاء الله بعد المحلول تتحسن _تمم شكرا لحضرتك الدكتور مشي وجدي نزل تحت وهو قرب مني بعدتت _طب براحه متبعديش مش هقرب، بس متبعديش عشان المحلول وايدك =لا خايف عليا اوي _مهو اكيد يعني، امال مش فارقه مثلا!!
عيطت =تعرف يا احمد انت شاطر اوي، لا عجبتني بتعرف تمثل، انت عملت الي محدش غيرك عرف يعمله، حبيتك وانت عملت الحاجه الي بخاف منها كسرت قلبي وبخاطري وعرفت اني ولا حاجه _مريم انتي بتقولي اي!! =بقول ان خطتك نجحت، بس انا مش زيي اي بنت انت عرفتها او حتى اتجوزها مش فارقه معايا، انتي هتطلقني فاهم؟ _نعم!!! =اطلع بره، بره _طب اهدي والله طالع بس اهدي طلع وانا فضلت اعيط، انا لي حبيته، لي بقيت بالغباء دا!! انا قولت ان كل النهايات زي بعض، لي يعمل فيا كده طيب؟
المحلول خلص على بليل وشلته لنفسي وحطيت هدومي في شنطه، كنت دايخه اوي بس لازم امشي، مينفعش اقعد بعد الي حصل نزلت ووقفني صوت جديي، روحتله قعدتت قدامه _ماشيه؟ من غير متقولي لحد!! اي ملكيش كبير مثلا =لا ازاي، انت كبيري وعلى راسي _امال ماشيه لي؟ =عشان، عشان .. _احمد تعالي هنا قعد جمب جدي مكنتش طايقه ابصيله ف بصيت الناحيه التانيه _مالكوا يولاد!! انتوا متخانقين ؟ =لا _ايوه =قصدي ايوه
_لا ضحك*بطلوا كذب انتوا الاتنين، قولوا في اي؟ عيطت_ متجوز غيري يجدو وبيخوني بعد موثقت فيه =والله مش متجوز هو انا مستحملك عشان اتجوز غيرك اتنيلي واتلهي كده *خلصتوا!!! _انا عاوزه اطلق =وانا مش هطلق انا *خلصتوا!!! _هتطلقني =مش هطلقك _هطلق =لا *متخرسوا يكلاب بقى بصناله احنا الاتنين
*تعرفوا يولاد، انتوا احن عليا من ابهاتكم الي هما عيالي، طول حياتهم في السفر، انتوا الي ليا وجمبي، لما اتعب بلاقي مريم بحنيتها وبلاقيك يا احمد بجدعنتك، انا اه شديد معاكم بس انا مبحبش في حياتي قدكم، انا عارف ان احمد دخل عليكي الاوضه غصب عنه، بس انا اصريت اجوزكم عشان تعيشوا معايا على طول بدل ككل واحد بيزورني شويه، احمد مش كده يمريم، احمد راجل ولو اتجوز كان قالي وقالك، مش هيخبي علينا، بلاش حكايه الطلاق ديي مش عاوز اقعد لوحدي تاني
بوست ايده انا واحمد وقعدنا في مكانا وكنا احنا التلاته بتعيط *كل واحد بقى يقول الي في قلبه للتاني بصيت لأحمد ورجعت بصيت في الأرض _انا بحبك يمريم والله، من وقت مكنا صحاب وانا بحبك وعمري مشرفا بنت أجمل منك في عيني، انا والله أصعب وقت مريت بيه وقت غيابك، كل حاجه بتبقى باهته وكنت ضايع، وقت ما جدي قال هنتجوز بينتلك اني حزين ومش راضي وانا هموت وابوس جدو بعد القرار دا، انا عمري مخونتك ولا بطلت احبك والله صدقيني
=امال اي الي بتقوله سكرتيرتك دا!! _اه ،قولي كده بقى، يبنتي والله انا طردها وعشان كانت بتقرب مني ومعرفش اي، وعشان اتا راجل جدع والحاره كلها عارفه اني جدع ايوه، فرفدتها فجيت تعمل الشويع دول قدامك على أمل أن الهبله تصدق، والهبله صدقت =الاه!!! _بطلي عياط الله يهدك بقى =خليه يسكت يجدي بقى *اطلعوا فوق حلوا مشاكلكم سوا =جدو يجدو رد عليا طيب _طب استعني بالله =انت هتعمل اي!! _والله الغضروف وجعني بس يلا
شالني وطلع الاوضه _يبني نزلني!! =هدخل الاوضه وانزلك دخل الاوضه ونزلني وجهت صباعي قدام وشه_انت معتش تلمسني فاهم!! =ان شاء الله والف الف مبروك _ولا ابعد عني وربنا اصوت =بقى تصدقيها يمريم!! _وربنا كان قلبي حاسس =اصيله _بنسبه 20٪ =ربنا ينتقم منك ضحكت وبصتله_بس تعرف انا مبسوطه اوي =لي؟ _عشان طلعت مش متجوز =ودا يفرق معاكي في اي؟ _اكيد يفرق مش جوزي الي … =الي اي بقى؟ مستني اسمعها اهو
_.. =مش وقت كسوف وربنا، اعتبريني جوزك معلش _والي بغير عليه، والي محدش في حنيته، والي عمري محبيت غيره والله =اغمي عليا يعني؟ اجيبلك مصيبه دلوقت غمز=طب بقولك _اخلص =بهيمه حته بهيمه، المهم هو جدك كان قالنا اي؟ _اي؟ =كان عاوز اي؟ _ايه يبني!! =انه عاوز أحفاد احفاده باين _لا مش فاكره، قال كده امتى!! =طب تمم اتجوز تاني بقى _احمد احمد يعم بهزر الاه!! رد عليا طيب #عذرا ايها اللطيف💙
#مريم سمير 💙 #عارفه ان ناقصها أحداث بس ادعولي اني ابقى كويسه عشان تعبانه شويه، وأن شاء الله الجاي احسن واحسن💙