=انا داخلة انام اه يحزومها.. اتكلم حلو معاها كمان _حاسس ان فيه غيرة!! =غيره اى يبنى.. لا طبعا انا بقول ان لازم تفهم انك خلاص متجوز أصلها مش زريبه هى _حاضر ان شاء الله =قلس كمان.. جتك قرف في حلاوتك قصدي في رخامتك.. انا داخلة انام انا والبانيه اهو البانيه على الاقل مش هكلم سالى وتقوله يا حزومى نينينيني دخلت هاجر الاوضه وحمزة بيضحك من طريقه تقلسها على طريقه كلام سالى وطريقه كلامه وانها مقتنعه انه بيخونها!!
الصبح….. يتبع #يجماعة انا مسحت اسكربتين لغايه دلوقتى عشان مفيش تفاعل خالص.. انتوا معتوش بتحبوا اسكربتاتى؟🙂 #بقلم مريم سمير ♥️🌍 البارت الثانى ♥️🌍#البارت الثانى الصبح صحيت وخبطت عليه في اوضه الأطفال ملقتوش ودخلت الاوضه التانيه لقيته قدام اللاب توب وهو نايم ومرجع راسه لورا وحوليه ورق كتير حاسه انه حلو سيكا _يا حمزة.. حمزة.. انت مش بترد لي.. انت مت كده يا حمزة تخلينى ارملة وانا في عز شبابي.. حمززززة
=في ايه في ايه _حد ينام كده!! حد نومه تقيل كده!! حد بالحلاوة دى كده!! =ايه؟ _ايه!! =طب هو فيه حد يصحى حد كده _قوم يلا الساعة 9 وانا جعانه =مش انتى لسه واكلة بانيه قبل متنامى؟ _ياااه دا انت قلبك اسود اوى انت لسه فاكر =اى مش أكل بالنسبالك؟ _قوم بس عرفنى في اكل اى يتعمل فطار ولا عاوز تاكل اى =كوبايه لبن وبيضه مسلوقه _وهتروح المدرسه ولا لاء النهارده يحلو؟
=نعم!! _اى الجو دا بيضه ولبن.. لي مريض؟ كل يبنى واتغذى =انا متعود افطر دا _براحتك بقي انا قولت وخلاص هاجر دخلت المطبخ وعملت فطار كبير ورجعت تانى في ايدها الصينيه ومكنتش عارفه تخبط عشان شايلة الصنيه فدخلت على طول _اى دا في اى انت قاعد كده لى =اسف معلش اصل كنت بعمل تمرينات الصباح ولازم اعملها وانا مش لابس القميص عشان بيخنقنى _تمرين الصباح؟ انا قولتلك دا شغل مدارس مصدقتش.. البس بقي عشان نفطر وهجيب العصير من جوا
دخلت هاجر المطبخ وقالت في نفسها: اى القمر دا انا متجوزة شاروخان ولا اى _احمم هاجر هو ممكن سؤال =محدش علمك انك مينفعش تتكلم وانت بتاكل يا شاطر؟ _بعض النظر عن شاطر هو اى الاكل دا كله انتى عاملة حساب ناس تاكل معانا؟ =لاء دا ليا وليك بس _هاجر انتى هتاكلى كل دا!! =خليك انت في البيض واللبن والبروتين وسبنى بقي اركز _ثوانى انتى متأكدة انك هتخلصي كل دا؟ =انا كده جايبه عينات يبنى وبعدين يعنى هو عشان هاكل بيض وجبنه بيضه وجبنه رومى ولانشون وجبنه قديمة و..
_هو انتى فتحتى مزرعة ألبان؟ =كل يا عم الرياضي كل وقبل متأكل هاجر الباب خبط _دي امى قومى يلا =سبنى اكل اى حاجة بالله علللليك _قومى هتفضحينا فتحت الباب طبعا مثلت اننا اسعد زوجين في العالم والكلام دا كله قدام مامته.. وبعدين قعدت شويه ومشيت _راحة فين =اى هاكل _اه قصدك الوليمة =فطار اسمه فطار _يعنى دى مش وليمة؟ =تؤتؤ فطار قعد حمزة وهى بتفطر وهو ماسك اللاب توب وفضل يبصلها
_شكلك حلو اوى وانتى بتاكلى =حلو اى يعم اصل لما اكل بنسي نفسي _والله مش بهزر شكلك حلو اوى =ازاى شايفنى حلوة اذا كان انا مش شايفة انى حلوة _يستا لو على الشكل ف انتى قمر ولو على الروح ف انتى قمرين =ربنا يجبر بخاطرك _ايه؟ =ايه!!! _هو المفروض تردى بالرد دا كده عادى يعنى =يسترك؟ _اسكتى اسكتى انتى هتمرضينى قريب =بعد الشر عليك _خايفه عليا؟ =لا عشان لو تعبت ممكن تم\وت وابقي ارملة
_ايه؟ =ايه!!! احنا جايين مندهش النهارده شكلنا _سبينى بقي عشان بتابع الشغل =اى دا لاب توب اول مرة اشوف لاب توب _ارحميني مش فاضي =على فكرة المفروض النهاردة الصباحيه _قصدك ايه =يعنى مفيش شغل عشان هتتعب _خايفه عليا؟ =جدعنه منى _مش عشان خايفه عليا يعنى؟ =تؤتؤ جدعنة منى انا أسمى الحقيقي احمد السقا.. طب تعالى نتكلم انا زهقانة اوى قفل حمزة اللاب توب واستربع وبصلها _ها ارغي =انا ماما وحشتنى اوى
_عاوزة تروحيلها؟ =عاوزاها هى إلى تجيلي.. عاوزة اشوفها بتمشي قدامى زى زمان _هتعيطى هلبس اللاب توب في وشك =هه.. ممكن اروحلها؟ _حاضر هنروحلها بليل =نروحلها!!! _ايوة منتى اكيد مش هتروحى لوحدك هاجر حضنته رد فعل تلقائي على كلامه وبعدت عنه لما استوعبت _انا اسفة مكنش قصدى =يريت تعملى الحاجات إلى من غير قصد دي كتير _هه انت طيب اوى يا حمزة بجد يعنى انت حنين اوى =هتحبينى امتى عشان افهم بس؟
_ايه؟ =ايه!! قرب منها حمزة وحط شعرها ورا ودنها وفجأة الباب خبط _دا وقته =انا ربنا نصرنى.. ابعد بقي كده اما اشوف مين فتحت هاجر الباب _ساالى؟ =ازيك يحزومى اه ومبروك *انتى بقي سالى!! =اى دا انتى عرفانى *اه حمزة حكالى عنك =اتمنى يكون بالخير *طبعا اووومال.. اتفضلى دخلت سالى وقعدت في الكنبه إلى فيها حمزة قامت هاجر راحت قعدت في النص _احممم مبروك يا حزومى =الله يبارك فيكى يسالى عقبالك
_اي دا اول مرة متقوليش يا سلا!! *ظابطة انا الاريل كده ولا مش حلو؟ _نعم؟ قصدك ايه *يعنى حزمومى ومتقوليش يا سلا إلى هو انا في النص إلى هو اى هوا يعنى؟ _لا ازاى الف مبروك يا…. *هاجر مرات حزومتك _اه هاجر.. تمم بصوت واطى:والله انا خايفه ادخل اجيب العصير ارجع القيكى بتتحرشي بيه _بتقولى حاجة *ها لاء بقول ثوانى اجيب العصير دخلت هاجر المطبخ _هى دى بقي مراتك؟ =ايوة اى رايك
_عاديه بس حساها مليانة شويه =لا انا مش شايف كده انا شايف انها جميلة وجميلة جدا كمان _انت قصدك على الى كانت قاعدة دى!! انت شايفها حلو؟ =يريت كل الناس تشوفها بعينى وهيلاقوها أجمل بنت في الدنيا _ثوانى انت بتحبها؟ قبل ما حمزة يرد جت هاجر ومعاها كوبايه عصير _اتفضلى =شكرا.. هقولك على حاجة بس متزعليش منى انا شايفه انك انتى محتاجة تخسي شويه _ابقي معصعصه زيك يعنى؟ =افندم؟ _اى زعلتى ليه منا بقولك إلى شيفاه بردو على العموم انا حابه نفسي كده
=اه.. طب انا همشي بقي يا حمزة سلام.. اه سلام يا هاجر _سلام يا…. يااا يلا مش مهم مش فاكرة =سالى _اه سالى صح.. سلام يا سالى مشيت وهاجر ميته من الغيظ _راحة فين =داخلة الاوضه _مال وشك احمر كده لى.. سالى دي مجرد… =وانا مسألتكش انت حر _هاجر يهاجر دخلت هاجر الاوضه بليل….. يتبع #أحببتك رغم الظروف♥️🌏 #بقلم مريم سمير♥️🌏 #رايكم في كومنت يفرحنى😹♥️