البارت التالت والأخير ♥️🌏#البارت الثالث والأخير♥️ *بليل _هاجر هاجر =عاوز اى _مش تفتحى الباب طيب؟ =عاوز اي يعنى!! _افتحى طيب =فتحت عاوز ايه؟ _اى البوز دا انتى هتنكدى ولا اى =وانكد لى انت حر _طب اقعدى نتكلم =عاوز اى؟ _سالى دى… =باردة ورخمة زيك كده اشبعوا ببعض _اه دى هرمونات اه.. سالى دى زى اختى بالظبط ومتربين سوا يعنى لو كنت عاوز اتجوزها كنت عملت كده بس انا اختارتك انتى
=اخترتنى لى هى احلى منى بكتير _مفيش حد احلى منك.. المهم متزعليش وحقك عليا.. قومى البسي بقي =على فين؟ _هنروح لمامتك انتى نسيتى؟ =يعنى بجد هنروحلها _اه طبعا وفيه مفجأة كمان حلوة اوى هتخليكى تفكي البوز دا =اى هي؟ _لا مش هقول دلوقتي لما يجى وقتها ابقي اقولك.. قومى البسي بقي لبست هاجر دريل وطرحة _حمزة شكلى حلو؟ =اه جدا ما شاء الله _شكرا.. انا كده خلصت يلا بينا حمزة وهاجر ركبوا العربيه ووصلوا واول ما ابو هاجر فتح الباب هاجر حضنتوا وجريت على مامتها ودخلوا اوضه وقعد حمزة وباباها برا
_عاملة اى يماما انتى كويسه؟ =ايوة يبنتى بس انتى اى إلى جابك تانى يوم جواز؟ _حمزة ممنعش خالص.. طلع طيب اوى وحنين =بجد.. الحمد لله ربنا يسعدكم.. يعنى حبتيه؟ _… =اي دا انتى بتتكسفي؟ يعنى بتحبيه _ايوة يماما مش متخيلة ان كل دا حصل في يوم بس فعلا الحنيه بتخليك تحب إلى قدامك غصب عنك =ربنا يسعدكم يارب ياحبيبتى الحمد لله انا كده اطمنت _وانا مطمنة عليكى مع بابا =ابوكى دا الحب الاول والاخير يبت
_ألعب.. متحكيلى يماما اتعرفتوا على بعض ازاى؟ مقولتليش ولا مرة كل لما أسألك تقولى اتجوزنا عن حب
=بصي انا كنت صغيرة وحلوة وكنت جارته كنت على طول بشوفه من البلكونة بتاعت بيتنا كنت فاكرة انه مش شايفنى اصلا وان كل دا وهم بس جه اتقدملى وقالى انه بيحبنى من اول مرة شافنى فيها والحب الحقيقي جه بعد الجواز يعنى مفيش حاجة اسمها حب الا لما تشوفي معملته معاكى هتتغير بعد الجواز ولا لاء والحمد لله ابوكى شالنى في عنيه وبعد الحادثه شالنى فوق رأسه كفايه انه متجوزش عليا ولغايه دلوقتي بيجبر بخاطرى بكلمه حلوة زى مبيقولى يا ذينب انتى حلوة اوى النهاردة او الاكل من ايد ذينب حاجة تانيه انا كل رزقي خدته في ابوكى
_ ياااه يريت كل الرجالة زيه مينفعش نقول على حد راجل الا لما يعمل كده ويشيل مراته في عيونه.. حمزة كمان حنين اوى يماما وانا متأكدة انه بيحبنى بردو اصل محدش يستحمل كل الهبل دا من فراغ =ربنا يسعدكم يرب _ربنا يخليكى ليا يماما هاجر ومامتها طلعوا من الاوضه وهاجر ماسكة الكرسي المتحرك قام حمزة موطى على ركبه وبايس ايد مامت هاجر _عامل اى اوعا تكون البت دى مزعلاك =لا ابدا دى نسمه
*طبعا اووومال =ههه.. عاملة اى ياحبيبتى _الحمد لله.. شكرا يبنى انك خليت هاجر تيجى النهارده.. بجد البيت مكنش ليه طعم من غيرها =يماما احنا ممكن نيجى كل يوم وان شاء الله تجيلنا انتى على طول _ان شاء الله هاجى قعدوا مع بعض _ذينب تعرفي انك احلى من الحلويات =اى دا في اى *لا عادي يحمزة ابويا بيعاكسها هما على طول كده =هه ربنا يخليهم لبعض *يرب.. مشيوا وحمزة في نص الطريق وقف العربيه بتاعته
_اي وقفت هنا لي؟ =عشان اقولك المفجأة. _اه صحيح كنت ناسيه.. هى اى بقي =ناسيه خلاص مش هقول _لا قول بقي قول قول قول قول =خلاص انتى علقتى ولا ايه.. خدي _تذكرة سفر؟ اعمل بيها اى =احنا هنسافر _نعم؟؟؟ لاء يحمزة انا قولتلك انى مش هقدر ابعد عن ماما كنت فاكرة انك فاهمنى =يا هاجر…. _حمزة بجد مش هقدر ابعد عنها انا بعدت عنها يوم كنت حاسه ان نص روحى مش معايا
=افضلي اهبدى بقي وانتى مش فاهمة حاجة _طب اتفضل اتكلم سمعاك =هسافر انا وامك _نعم يبا مالك؟ انت تعبان طب ارجع بقي قول الكلام دا لابويا عشان يضربك فيها =يبنتى اسمعى… _عاوز امى تسافر معاك عاوزنى اسمع اى اكتر من كده =انا غلطان انى عملت لواحدة زيك مفجأة.. انا هسافر مع مامتك عشان تعمل عمليه في رجلها مع دكاترة اجانب برا مصر _انت بتهزر صح =اهزر اى مهى التذاكر اهى وهنسافر بعد بكرة.
_انت بجد طيب اوى وحنين اوى وبحبك اوى ومبسوطة اوى =اى قولتى اى؟؟ _مبسوطة اوى!! =إلى قبلها _حنين اوى؟؟ =متستهبليش _اى قولت اى يعنى =بحبك اوى مثلا _انا قولت كده؟ =ايوة لسه قايلة كده _لاء محصلش يبنى =على العموم انا كمان مبسوط لفرحتك وبحبك _اى قولت اى؟ =مبسوط لفرحتك؟ _إلى بعدها =لا نسيت الصراحة _اه انت هتعمل زيي =يعنى انتى عارفه انتى قولتى اى _ايوة.. بس قول انت الاول قولت اى
=قولت يستي انى بحبك _وانا كمان =والله بجد؟ _اه والله =بجد والله؟ _انت بتعبد اى يبنى؟ مقولت خلاص هنغنيها مش حوار هو =انتى قلبتى لي مكنتى كويسه _اصل خلاص بحبك وانا كمان خلصت =خلاص يستى انا غلطان انى بهزر معاكى _هتفضل تحبني على طول؟ =ايوة _حتى لو عصبتك؟ =ايوة _حتى لو مديت بوزى؟ =ايوة _حتى لو طخنت؟ =اكتر من كده!! _نعم يا اخويا =بهزر معاكى يستى.. ايوة هفضل احبك على طول
_زى ماما وبابا؟ =زي ماما وبابا رجعت هاجر وحمزة على البيت وهاجر اتصلت على طول بمامتها _ماما هترجعى تمشي تانى ان شاء الله =انتى بتقولى اي؟ _ايوة يماما هتسافري مع حمزة تعملى العمليه ان شاء الله =بتتكلمى بجد _ايوة والله وهرجع اشوفك بتمشي تانى عيطت ام هاجر وهاجر كمان _انتوا لى عيلة لما تفرح بتعيط؟ =هه بس يعم بقي عشان فرحانين وفعلا سافر حمزة ومامت هاجر وطبعا مش عاوزة احكيلكم هاجر وابوها ومامتها عيطوا قد اى في المطار وهاجر راحت قعدت عند باباها لغايه ما تيجى مامتها وحمزة
وجه اليوم المشمس بالنسبه لابو هاجر وهاجر مامتها رجعت رجعت علي رجليها _انتى انتى بتمشي يا ذينب؟ =ايوة يا محمود الحمد لله _مش مصدق نفسي وساعتها شالها وسط دموع فرحة من الجميع وحضنت هاجر مامتها وعيطت بردو بس المرة دى من الفرحة إلى بجد _حمزة =ارغي _بحبك بحبك اوى =احممم هاجر احنا قدام مامتك وباباكى _ماما بابا انا بحب الواد جوزى دا اوى **ههه ربنا يسعدكم يرب .. _طب يختى على البيت ولا هتباتى هنا!!
=في اى يبابا انت بتطردنى ولا اى _عاوز اقعد اتكلم مع امك يبت وتحكيلى عملت اى طول السفر =ايوة يعم مين قدك.. ماشيين اهو بس ان شاء الله هاجى بكرة _ماشي ياحبيبتى تنوروا =مع السلامة يماما *سلام ياحبيبتى .. _متيجى نقعد على البحر شويه =ماشي ركن حمزة العربيه بتاعته ونزلوا قعدوا على البحر _حمزة =ها _انا مش متخيلة انك عملت كل دا وانك السبب بعد ربنا ان الفرحة ترجع لعليتنا تانى
=انتى فاكرة انها مامتك لوحدك يعنى _انت طيب اوى وحنين اوى وبحبك اوى ومبسوطة اوى =قولتى اى _ايوة بحبك اوى =ايوة كده جدعة تجاوبي من أول مرة كده _ههه =وانا كمان بحبك اوى ♥️ #النهايه♥️🌏 #بقلم مريم سمير🌍♥️ #رأيكم في كومنت يفرحنى😹♥️