شمس // اوعدك ياعمه مفيش حاجه من دي عتوحصل دا وعد مني ابجي شوفي انا عجدر انفذ ولا لا خوي بيحب صالحه وبيمو.ت فيها كومان وعمره معيطلجها وانا عجول اني تعبانه وحالتي النفسيه شينه خالص وانا عجعد كام شهر عند ابوي ارتاح وانا عجنعهم بكده مش عجيب سيره الطلاج دلوكيت واصل بس ربنا يخليكي ياعمه انتي لازم تساعديدني عشان اني تعبانه جوي وخلاص مش جادره استحمل ولو فضلت بالوضع ده اقسم بالله ياعمه لولع في نفسي ولا اشرب سم حتى الأمر كله في إيدك انتي ياعمه والله ياعمه زي مجولت لك عنفذ كل اللي جولت عليه.
عزيزه // حاضر ياشمس هساعدك لما اشوف اخرتها معاكي بس لوحسيت انك بتضحكي عليا ياشمس مش عتعرفي انا ممكن اعمل ايه لأنك لسه معرفتيش عزيزه كويس. عساعدك عشان انا حاسه بيكي وحاسه أن فيه حاجه مش طبيعيه بتحصل انا بشوف حب وضاح ليكي في عنيه بس مبشفهوش في تصرفاته ودا دليل على أن فيه حاجه بتحصل وانا لازم اعرفها مبجاش عزيزه لو معرفتهاش لازم اوصل للي بينخور في البيت ده علشان يخربه وعوصل ولما اوصل يا ويله ياسواد ليله مني.
و دلوكيت حضري حاجتك عشان تروحي بيت ابوكي وبعد ماتوصلي هناك ابجي اخذك واجول انك وجعتي على رجلك وعتجبس والجبس عيفضل شهرين وكده محدش عيعرف حاجه عنجول انك مش عتيجي الا لما تحلى الجبس عشان محدش يشك في حاجه تمام ياشموسه. شمس // تمام ياعمه كل اللي عتجولي عليه عنفذه كفايه مساعدتك ليا ووجفتك جنبي اللي عمري ماهنسهالك… عزيزه // الكلام ده بيني وبينك محدش يعرفه لا من هنا ولا من هناك ماشي ياشمس.
شمس // على رجبتي ياعمه ولا مخلوج عيعرف حاجه…….. @@@@@@@@@@@@اطياف راحله ههههههههه ههههههههه هههههه بركاتك ياشيخ مندور مكنتش عارفه ان سرك باتع أكده غارت بت جابر من اهنه وان شاله ماترجع تاني.
اتصل بجي بخايتي ناديه تجيب بناتها وتاجي علشان الحكايه تكمل دا اختي مجطعاني من يوم مابت جابر اتجوزت ولدي وضاح لما الحق ابشرها بالخبر وأولها تجيب بناتها وتاجي عندنا تجعد يومين تلاته واليومين دول يمكن يحصل في الأمور كلام تاني بس انا عارفه زين ان طول ماعزيزه نفسها في الموضوع بت جابر عترجع البيت وعزيزه عتثبت اجدامها فيه بس انا برده وراهم والزمن طويل والشيخ مندور موجود وزي مفركش الدنيا في الاول عيفركشها تاني هي ديتها ايه يعني شويه فلوس وشويه طلبات من اللي بيطلبهم ويجيب عليها واطيها وربنا يجدرنا بجي وبت جابر تغور من الدار وبت اختي تبجي ست الدار.
______________________________اطياف راحله عمتي!!!!!! ايه اللي مجعدك اهنه في الضلمه لوحدك.. مستنياك ياوضاح وخايفه تدخل تنام جبل ما اشوفك واتكلم معاك. وضاح // خير ياعمه فيه ايه. عزيزه// شمس مشيت ياوضاح راحت بيت ابوها. وضاح // عتجولي ايه ياعمه!! مشيت. كيف وكيف تمشي من غير ماتجولي. هي وكاله من غير بواب. عزيزه // وضاح ياجلب عمتك انت كنت عارف كويس انها عتمشي وبعد الكلام اللي دار بينك وبينها عارف كويس انها مش عتفضل في البيت يوم واحد.
وضاح // ليه يعني ياعمه هو ايه اللي حوصل لكل ده علشان تسيب البيت وتمشي من غير اذني كمان. عزيزه // معرفهاش ياجلب عمتك مجلتليش على حاجه كل اللي انا ناعيه همه دلوكيت بوك لو عرف عيطربج الدار على اللي فيها. وضاح // يعني ايه ياعمه هو انا اللي جولت لها تمشي وتسيب الدار من غير اذني حتى.
عزيزه // اسمعني زين ياولد اخوي شمس حكتلي على كل حاجه وجالتلي كمان انها عايزه تطلق ومش عايزه تعيش معاك وأنها كرهت العيشه اهنه انا اترجتها انها متجبش سيره الموضوع ده عند اهلها وكأنها رايحه تجعد شويه على أنها تعبانه لما اشوف حل لموضوع معاه وكمان جلتلها انها متعرفش مخلوق من ناسها من الللي بيحصل بينك وبينها وانا عتصرف.
يعنى بصراحه أكده ياوضاح هما كلمتين ورد غطاهم ياما عايزها وعتعيش معاها بما يرضي الله يااما مش عايزها وتسيبه تشوف حالها وتشوف نصيبها مع حد تاني يجدرها الأمر في يدك ياولدي انت اللي تجرر عشان حرام تظلم بت الناس وتفضل تذل فيها وكمان معيزكش تنسى اختك وتعرف زين ان الجواز دي عتنتهي التانيه كمان عتنتهي وكده كل واحد يروح لحاله. جلت ايه ياولدي رسيني على بر علشان ابجي عارفه انا عتصرف الزاي وافاتح بوك في الموضوع الزاي.
وضاح // يعني ايه ياعمه دي قصاد دي لو انا عطلج شمس أدهم عيطلج صالحه. عزيزه // عوايدنا ياولدي تايه عنها إياك. وضاح // بس صالحه حبله وكمان عتحب جوزها وجوزها عيحبها. عزيزه // عارفه ياولدي وغير دا كله الصلح بين العيلتين عشان كده انا بكلمك دلوكيت وبجولك فكر في الموضوع من تانى. وضاح // انا خلاص فكرت وجررت ياعمه ومش عتراجع في اللي فكرت فيه. عزيزه // هو ايه اللي فكرت فيه ياوضاح.
وضاح // عترفي ياعمه وكلكم عتعرفوا. عزيزه // ياخوفي ياوضاح ليكون اللي في بالي صوح. وضاح // طول عمرك ذكيه ياعمه وعتفهميها وهيه طايره!!!!!!! الفصل السابع……… غيوم الشمس لقد أصبح حبك يسري في وريدي كالدم وينبض كالشريان في القلب كلما انكرته وقلت أنني لا أحبك أعلن قلبي عصيانه وأعلن حبك أعلن وجودك أعلن بقاءك بين جنباته أعلن انك مازلتي في قلبي رغما عني نعم ماكنت اريد وجودك ولكن كان لقلبي رأي آخر.
____________________________اطياف راحله شمس شمس مالك فيكي ايه ياحبيبتي ماسكه بطنك ليه ووشك ماله أكده اصفر زي الليمونه مالك ياجلبي فيكي ايه. بس ياصفيه بتعلي حسك كد ليه انا كويسه مفياش حاجه. صفيه // مفكيش حاجه كييف دا انتي مجدراش تصلبي طولك ومدروخه وصفره زي الليمونه يطلع ايه دا بجي ياشمس. انا عجولك يطلع ايه ياعمه. جولي ياصالحه منكم نستفيد انا فعلا معرفهاش اللي هيه فيه ده ايه سببه. شمس // وطوا حسكوا انتوا ايه عايزين جنازه وتشبعوا فيها لطم.
صالحه / / كفا الله الشر جنازه ايه يامرت خوي دفرح وهنا بإذن الله انتي حبله ياشمس كل ده أن شفته في الشهور الاولانيه من الحمل نفس اللي عيحصولك دلوكيت هو اللي كان يحصلوا. صفيه // بتتكلمي جد ياصالحه يعني شمس حبله يا الف نهار ابيض يا الف نهار مبروك. شمس // بس ياصفيه بس اسكتي خالص اسكتي وانتي ياصالحه تعالى معاي عايزاكي. صالحه // طيب براحه استني انا جايه اهوه طولي بالك متشدنيش أكده.
شمس // ادخلي ياصالحه وبتجفل الباب. صالحه // فيه ايه ياخيتي مالك جيباني على ملا وشي وكمان بتجفلي الباب علينا. شمس // اوعاكي ياصالحه حد من ناسك يعرف اني حبله دي تبجي آخر حاجه بيني وبينك ليوم الدين. صالحه // واه ياخيتي كيف ده طيب دول لو عرفوا عيطيروا من الفرحه من اول ابوي لأخوي لاصغر عيل في الدار ولا عمتي عزيزه الفرحه معتسعهاش دا ولد وضاح وانتي معرفهاش وضاح عندها ايه زي ماعتجول ابن جلبها اللي مخلفتهوش.
شمس // معتجوليش لحد ياصالحه محدش عيعرف بالخبر ده. صالحه // طيب فهميني فيه ايه ياخيتي وانا عنفذ اللي عتجولي عليه. شمس // في الاول نتفج أن محدش يعرف حاجه وبعدين افهمك على كل حاجه. صالحه // انا معجولش لحد اي حاجه واصل بس لازم افهم انتي ناويه على ايه وايه غرضك من انك تخبي عليهم انك حبله. شمس // وانا عجولك على كل حاجه بس لو حد عرف الموضوع ده دا اللي عيبجي بيني وبينك.
__________________________ اطياف راحله عرفتي هتعملي ايه يا رئيسه تاخدي بالك زين وتاخدي بالك على مياده اوعي البت يارئيسه. رئيسه // الله يغمك يابعيد جلتلك جبل أكده خلي البت بعيد عن الشغل ده بردك مصمم لتوحلها معانا في الزفت الشغل ده. عزام // يأمره يافقر يابت الفقر هي البت عتعمل ايه يعني دي عتبجي معاكي هي عتشتغل لوحدها. رئيسه // لازم ياحزين تحطها معانا في الطين والوحل لازم تدخلها في الشغل الشين بتاعك عشان خاطر الفلوس تبيع نفسك واللي خلفوك عشان خاطر الفلوس كان يوم اسود يوم معرفتك واتجوزتك الجرش هو ابوك وامك ومعندكش عزيز ولا غالي غيره ياحزين.
عزام // لايابت اسم الله عليكي ما احنا زي بعض يابيضه جال على رأي المثل اتلم المتعوس على خايب الرجي ياختي الحال من بعضه أنتي كنتي عايزه تخلصي من مرت ابوكي اللي كانت زجياكي المرار وكانت عايزه تجوزك راجل كد ابوكي ومالجتيش جدامك غيري هربتي واتجوزنا لو كنتي لجيتي حد غيري مكنتي عتتجوزيني واديكي جولتي اهو ضل راجل ولا ضل حيطه وحميتك من مرت ابوكي ومن تحكماتها وكتبت عليكي ومن يومها عايشه عيشه زي الفل مع راجل كد الدنيا ولا حد يجدر يبصلك.
رئيسه // راجل وكد الدنيا كمان هههههه صوتي ياللي منتش غرمانه دا انت فاضل تجطع مني وتبيع عشان الفلوس دا انت عاملني عرض في الجهوه وفرجه للي يسوي واللي وكل ماجولك نفسي اجعد في الدار وابجي زي أجل واحده في البلد تجولي عتجعدي في البيت تعملي ايه الجهوه دي اكل عيشنا ولازم نشتغل علشان نعرف نعيش. عزام // وانا اعمل ايه يعني ماهي العيشه مره. رئيسه // خلاص بجي متعملش فيها السبع رجاله وتسند ضهرك جامد وتبجي عتوجع الجدار اللي انت ساند عليه اتعدل أكده واتكلم عدل الا انا خلاص طفح الكيل..
عزام// عتاخدي البضاعه من مكانها وتوصليها للمكان اللي هي رايحه فيه وبعد كده نتكلم ماشي يا رئيسه. رئيسه // روح منك لله ياعزام ربنا ياخذك ويريحني انا وبنتي منيك بحق ما انتا ممرمتني وموريني الذل أكده. عزام // اكل العيش ياجلب عزام… مر هنعمل ا ايه بقى. يالا علشان متتاخرش. ________________________اطياف راحله. مش فاهم برده ياعزيزه هي راحت دا ر ابوها ليه. عزيزه // مفيش ياخوي عتشج عليهم وتاجي طوالي.
جابر // عزيزه متعرفيش تكدبي طول عمرك. عزيزه // ما نا جولتك ياخوي عتشق والحاجه الكبيره بعافيه شويه جالت عتطل عليها. جابر // ووضاح مراحش معاها يوصلها ليه ويطل على الحاجه الكبيره. عزيره // عنروح كليتنا ياخوي نطلوا عليها ووضاح معانا. جابر // ماشي ياعزيزه بس لو عرفت ان فيه حاجه بتحصل من ورا ضهري انتي اللي عتتحاسبي ياعزيزه. عزيزه ///في سرها ربنا يعديها على خير. ************************ عتقول ايه ياهيبه انا لايمكن اعمل أكده عزام اسيبه في اي وقت معدش يهمني لكن بتي اسيبها ازاي.
هيبه // عتطلبي الطلاق يارئيسه وبتك عتاجي معانا. رئيسه // مينفعش ياهيبه مينفعش. هيبه // يابوي عليكي يارئيسه عجبك الوضع اللي احنا فيه كل ماعوز اشوفك نتغلبوا الغلب ده كله.اانا كنت عمو.ت علشان اشوفك واستنيتك النهارده لما تخلص توزيع وجيت طاير ليكي انتي معرفهاش انا اتوحشتك قديه. رئيسه // وانا كمان اتوحشتك جوي ويادوب خلصت ووصلت مياده البيت وةوقلتلهم اني هستجدي شويه طلبات ومش هعوج. بس انتي مش جولتلي أننا معدش ينفع نتجابل اهنه تاني ايه اللي خلاك تجولي اجي هنه وبعدين الأوضه دي اتجفلت ليه ايه اللي فيها عشان تحطوا عليها الجفال دي.
هيبه // يا بوووي عليكي بجولك اتوحشتك جوي تجوليلي الاوض والجفال تعالى ياجلبي طفى النار اللي جايده في جلب حبيبك انتي مش عارفه يا رئيسه بعدك عني ده بتحمله الزاي انا عايش في جحيم مع َمرتي اللي ربنا ياخدها وبستني اللحظه اللي بنتجابل فيها. رئيسه // ومين سمعك والله ياهيبه انا مش متحمله حياتي مع الزفت عزام الا عشان خاطر بتي هي اللي مصبراني على الهم اللي انا فيه ومقابلتي ليك بتهون عليه شويه وبدعي ربنا يخلصني منه ومن عيشته.
هيبه // عتخلصي يارئيسه عتخلصي وهنعيش مع بعض ومش عنفارق بعض ابدا. رئيسه // ميته بس ياهيبه ميته بس. مستعجله جوي يافجره يابت المركوب مستعجله عايزه تخلصي مني. عزام يالهوي انت جيت اهنه ميته. اه عزام يافجره انا شاكَك فيكي من مده ورجبتك النهارده لما وصلتي البت البيت وخرجتي تاني. عزام اللي انخدع فيكي وكان فاكرك مره حره محدش يقدر يغويكي طلعتي خاطيه. انا عجتلك يابت الك.لب يافج.ره . هيبه /// تاخد كام ياعزام وتطلج من غير شوشره وفضاي.ح انا عارفة زين الجنيه ابوك واللي خلفوك كمان عشان أكده بجبلك من الاخر.
عزام // لا هيبه بيه مش في كل حاجه الفلوس عتنفع دا انا عجرسها في البلد كلها وعجرسك انت كمان وعجول لاخوك كبير البلد واعرفه اخوه بيعمل ايه وبيتاجر في ايه وان مسكته مع مرتي كمان . هيبه // يبجي انت اللي اخترت ياعزام وجنيت على نفسك انا كنت عايز احلها معاك بس انت مش عايز تحل وغاوي فضايح وانا بجي معنديش حل تاني. هيبه بيطلع الطبنجه وبيضرب عزام ٤ طلقات في صدره.
رئيسه // يامري يامري انت عملت ايه جتلته يادي المرار اللي انا فيه ايه اللي انت عملته ده. هيبه // اومال كنتي عايزاه يفضحنا في البلد كلها ويروح يجول لأخوي جابر علشان يتاويني ويتاويكي. رئيسه // تجوم تجتله وبنتي هجولها ايه دلوكيت. هيبه // متخافيش انا عتاوي جتته كان هرميها في أيتها مكان اوحتي ارميها في المصرف كان هجامه طلعوا عليه وسرجوه ولما جاوم جتلوه. رئيسه مين عيصدق الكلام ده.
هيبه // عيصدقوا وكمان المباحث لما تاجي معتلجيش دليل. رئيسه // يامري يامري كان مستخبيلي فين ده. هيبه // بطلي ندب احنا مش كنا عايزين نخلصوا منيه هي جات من عند ربنا. رئيسه // كنا عايزين نهرب مش نجتله. هيبه // وخلاص اللي حوصل حوصل بطلي ندب عاد.اانا عجيب مشمع وعلفه بيه ونرميه في المصرف وانتي تنضفي الدم ده. يالا بسرعه شهلي عايزين نخلص من الموال دا بجي اخلصي. *******************************
اللي انتي عملتيه ده هتتحاسبي عليه كيف تخرجي وتاجي بيت ابوكي من غير ماتاخدي مني الأذن.
شمس // وهو انا بشوفك عشان اخد منيك الأذن ولا لجياك اصلا انت ياامافي الأرض يامع اصحابك يا في غيه الحمام لا فاضيلي ولا حتى بتسأل عليا انا من يوم مادخلت بيتك وانا حاسه اني انا عبء عليك حاجه مستحملها غصب عنيك لجمه واقفه في زَورك لااعرف تبلعها ولا عارف ف ترميها حاجه فرضوها عليك عصب عنيك عمري محسيت انك بتخاف عليا وتحبني و َلا اني غاليه عندك ولا انك راغبني زي اي راجل مبيرغب مرته انت خلتني احس اني ولاحاجه ولا ليا جيمه بجيت كل يوم انام وانا دمعتي على خدي وكل ده ليه يعني عشان ايه وعشان مين ليه
أرضى بالذل ده. اسمع يابن الناس زي ما دخلنا بالمعروف نخرج بالمعروف وانت تشوف حياتك وانا اشوف حياتي روح اتجوز وعيش حياتك وانا كمان هعيش حياتي زي مانا عايزه. وضاح // كييف يعني عتتجوزي راجل تاني. شمس // مالكش صالح بيا انا حره اتجوز متجوز انا حره روح للسنيور ه اللي انت بتحبها ومش جادر تنساها ولاجادر على بعدها. وضاح // مين اللي جالك الكلام ده انتي بتخرفي تجولي ايه.
شمس // انت عارف زين اني مبخرفش ودي الحجيجه امك اللي خبرتني بيها عشان تحرج دمي اكتر ما نت حرجته. وتزود في الذل الذل اللي زلتهولي والمر اللي سجتههولي الكام شهر اللي عشتهم معاك انا خلاص بكرهك ومبجتش طايجه عشتك ولا المرار اللي انا فيه انت لو راجل وليك كلمه مكنتش اتجوزتني غصب عنيك بس انت مش راجل. صفعه مدويه على خد شمس جعلت رأسها تدور وتترنح من قوتها تكاد تفقد النطق من هول المفاجأة.
لم يكتفي وضاح بالصفعه بل قبض بكفيه على زراعيها تكاد أصابعه تخترق زراعيها من شده الضغط عليهم وانفاسه الحاره الغاضبه تلفح وجهها من شده القرب . وضاح // انا عوريكي مين هو اللي مش راجل واعرفك كيف تجلى أدبك وتطولي لسانك وخدي التجيله ايوه بحب بت خالتي وعتجوزها عليكي وعسيبك أكده كيف البيت الوجف لاعتبجي مطلقه ولا متجوزه وقسما بالله ياشمس لازم اربيكي وعرفك أن الله حج وازاي تغلطي في جوزك من بكره عرتب لفرحي على داليا وانتي اجعدي اهنه براحتك لماتشبعي من الجعده اهنه عترجعي البيت عتلاقي مرتي الجديده في البيت.
شمس // هههه دابعدك خلاص انت النهار ده نهيت كل شئ كان عندي امل انك تجول انك مش عتحبها وان الكلام اللي جالته امك كان عشان تحرني بيه بس انت خلاص بايع وجطعت آخر خيط بيربطني بيك خلاص انا لو بيتك ده جنه مش هرجعه تاني روح لحبيبت الجلب اتجوزها واتهني بيها. وضاح // وانتي زعلانه ليه اروحلها ولا مااروحلهاش انا حر في اللي هعمله. شمس // وانا ايه اللي هيزعلني اعمل اللي تعمله اني في بيت ابوي معززه مكرمه بت رجال وبت أكابر وعطلجني واعيش حياتي.
وضاح // مش عطلجك ياشمس عسيبك أكده لا انتي طايله سما ولا أرض كيف البيت الوجف. شمس // عطلجني وعجول لأبوي على كل حاجه وعلى كل اللي حصل من يوم مدخلت بيتك. وضاح // ههههههه انتي عتخوفيني إياك انا مبخفش من مخلوق على وش الأرض. مطلعهاش في دماغي اخدك من اهنه بالعافيه وتعيشي مع ضرتك. شمس // عتجول ايه دا لايمكن يحصل على جثتي لايمكن ارجعلك تاني. وضاح // هترجعي ياشمس وحياتك لترجعي برضاكي اوغصبن عنك هترجعي وابجي افتكري كلامي كويس وانا هعرفك زين انا راجل ولا لا.
تذكرت ماتفوهت به من كلمات جارحه ونعتها له بعدم الرجوله توارت خجلا عما ما قالته. انا مكنتش اجصد اجول أكده. وضاح // تجصدي ولا متقصديش زي مجولت لك انا هعرفك زين ان كنت راجل ولا لا انا ماشي يومين وترجعي بدل مايكون ليا تصرف تاني معاكي. شمس // انا مرجعاش والديني بجولهالك واعمل اللي تعمله. ________________________اطياف راحله. يامرحب يامرحب بالغاليين ولاد الغاليه يامرحب ياختي نورتي البيت والبلد كلياتها تعالى ياهدي تعالى ياداليا واجفين بعيد ليه اتفضلوا.
ناديه // مع كنتي حالفه ما ادخل بيتك تاني بعد اللي حصل بس لولا البنات أصروا عليا. بدريه // ليه بجي دانتي تدخلي البيت وتنوريه في اي وقت هو انا ليا غيرك في الدنيا انتي وبناتك. ناديه // بتقولي كلام في الهوا وخلاص لو كنت اختك حبيبتك بحق وحقيقي مكنش ابنك ساب بنتي وراح اتجوز واحده تابيه. بدريه // أباه بجي يا خيتي ماانا حكيتلك على كل اللي حصل وأن الموضوع كان غصب عني وعن ولدي وعاما انا عملت المستحيل علشان افرجهم عن بعض وهي دلوكيت غضبانه في بيت ابوها علشان أكده انا بعتلك تاجي.
ناديه// طيب والديني جيت ايه اللي هيحصل بعد ماجيت. بدريه //اللي عيوحصل اللي احنا كنا عايزينه. ناديه // طيب وجوزك بتقولي انه هو اللي مختار العروسه علشان الصلح بين العيلتين. بدريه // حتى لو الموضوع يتم في السر من غير محد يعرف وبعدين لما الأمور تهدي نعلن ونخليه أمر واجع على الكل. ناديه // نعم ياختي دا كان عبد المجيد يطين عيشتنا ويخلص علينا كلنا هو انتي تايه عن جوزك.
بدريه // لا مش تايهه بس لما يلاقي هم متجوزين معيجرش يعمل حاجه ويكون في علمك جابر مجدور عليه انا مخيفاش غير من العجربه اللي اسميها عزيزه هي اللي ممكن تبوظ الدنيا. ناديه //طيب انتي خدتي رأي ابنك في الكلام ده. بدريه // ابني ياجلب امه عيحب داليا ومنسهاش وعايش مع المغفلجه دي بالعافيه وهو انا كل اللي بعمله دا يعني عشان مين ماهو عشان خاطره.
ناديه // على العموم سبيني ادورها في دماغي واشوف أولها من آخرها َاشوف هترسي على ايه علشان ابقي عامله حساب كل حاجه وبعدين كمان عايزه اتكلم مع وضاح بتقولي البت حلوه قوي يمكن يكون غير رأيه. بدريه // براحتك ياختي هحضرك لجمه وبعدين ترتاحي شوي وبعد أكده نشوف هنعمل ايه. __________________________اطياف راحله ياحاج جابر ياحاج جابر الحق يابا الحاج مصيبه كبيره. جابر //فيه ايه ياز فت ايه اللي حصل الفصل الثامن………. غيوم الشمس.
حياتي أصبحت لكي وحدك ملكك. لا أحد غيرك يمتلك القلب لا أحد غيرك يسري حبه في شراييني كسريان الدم أصبحت الهواء الذي اتنفسه وبدونه لا أستطيع العيش. لاتتركي قلبي وحيدا وتذهبي. فرحيلك بمثابه المو.ت بالنسبه لي… عودي تعود الحياه!!!!!! __________________________اطياف راحله الحق ياحاج جابر الحق ياحاج مصيبه ياحاج مصيه. جابر // ايه اللي حصل فيه ايه ياغراب الشوم انت. الرجل // الحق يابا الحاج لجيوا عزام البنداري مجتول ومرمي عند المصرف والبلد كليتها متجمعين هناك وبلغوا المركز زمانه على وصول.
جابر // طوالي بلغ الحاج عبد المجيد وجوله اني سابجه على هناك بسرعه. الرجل // تمام ياحاج جابر هبلغه علطول واجوله يحصلك. @@@@@@@@@@@ ياخراب بيتك يارئيسه كان مستخبيلك فين خلاص ياعزام روحت وسبتني للمرمطه من بعديك ياحزنك يارئيسه راح رجلك وسندك راح اللي كان حميكي معدلناش حد بعديك ياحبيبي. جابر // بس ياست رئيسه وحدي الله كل البلد اهلك وناسك واللي جتله لازم ونعرفه. رئيسه // وبعد ماتعرفه ياحاج انا عستفيد ايه جوزي عيرجعلي تاني و اللي راح راح خلاص.
عبد المجيد // استهدي بالله ياست بإذن الله هنعرفوا الجاتل والجانون عياخد مجراه وكل اللي ليه حج عياخده. خدي بتك وروحي دارك الحكومه جات والجثه عتروح الطب الشرعي يعني مالوش لازمه تجعدي اهنه. رئيسه // ربنا ينتقم من الظالم حسبي الله ونعم الوكيل في اللي خلاني ارمله ويتم بتي وشردنا أكده منه لله منه لله. ظابط الشرطه // من فضلك ياحاج جابر انا عايز الست رئيسه هناخد اقولها لسه وعايز الناس اللي شافت الجثه وبلغت عنها ممكن يتفضلو ا معايا وحضرتك والحاج عبد المجيد بما انكو ا كبارات البلد فيا ريت تيجوا وريا بعربيتكم.
جابر // تمام ياباشا احنا اصلا كنا جايين وراك من غير متجول احنا مش عيهدلنا بال غير لما نعرف الجاتل. @@@@@@@@@@ حمدالله على السلامه ياابو سراج بتنهج ليه أكده زي مايكون حد بيجري وراك وكت بايت فين من امبارح جلجتني عليك عليك يانضري. هيبه // دلاااال اخفي من وشي السعادي انا عفاريت الدنيا كليتها بتتنطط في وشي فمتخلنيش اخلي يومك مايعلم بيه الا ربنا غوري من وشي احسنلك. دلال // براحه على نفسك شويه انت تغيب هاجج بره البيت وساعه ماترجع تجعلنا بزعابيبك.
هيبه // يا ليه يا بومه يحرج ابو اللي جابك هوانا مدخلش البيت مره الا لما تسمعين المرشح بتاعك ده انا طهجت منيكي تلاته بالله العظيم يادلال لو ماجصرتي لاجيب أجلك واللي يحصل يحصل عشان انا جبت أخرى منك ومعدش متحملك. دلال // انا فيتهالك مخدره وماشيه ارتاح اصل كلمتي انا اللي بتجف في زورك. هيبه // في داهيه داهيه تاخد اسمعي لو ابوكي جابر سأل عليا جوليله دا تعبان ونايم ومتصحنيش الا لما اجوم لوحدي.
دلال // ابويا جابر خرج عبجولو عزام الجهوي والبلد مجلوبه وانت جاي تنام. هيبه // نامت عليكي حيطه وانا اعمله ايه مايروح في داهيه هو التاني. يالا غوري واجفلي الباب وراكي عايز انام. دلال // غائره نام ياخويا نام نوم الظالم عباده. ___________________________اطياف راحله. ياستي عزيزه ياستي عزيزه الحجي ياستي الحجي. عزيزه // جرا ايه يابت يامجصوفه الرجبه مالك مش على بعضك ليه. فتحيه // يالهوي ياستي لوتعرفي اللي حصل واللي انا سمعته. الست بدريه واختها بيتكلموا على جوازه وضاح بيه والست شمس وعتجولها انها عتخليه يطلجها وتجوزه الست داليا وكل ده من غير سيدي الحاج عبد المجيد مايعرف حاجه
وعتجولها انهم مش خايفين من حد غير من العجربه. عزيزه // ومين يابت العجربه دي اللي هما خايفين منها. فتحيه // السماح والرضا ياستي وغلاوتك هما اللي بيجولو. عزيزه // ماتنطجي يامجصوفه الرجبه. فتحيه // لساني مش مطاوعني ياستي. عزيزه // انطجي يابت الا اطلع روحك في أيدي. فتحيه // حاضر ياستي عجول. عيجولوا عليكي انتي عجربه وهما مش خايفين الا منيكي عزيزه // عجربه لما تلوشهم. واللي خلج الخلج لو يهم العجربه عتعمل فيهم ايه.
فتحيه // وسمعت كمان ياستي الست بدريه عتجولهم انها عملت عمل ليهم عمل علشان تفرجهم عن بعض. وأنهم مش خايفين غير من العجربه يجصدوكي انتي يا حجه. عزيزه // بت المركوب أني عجربه طيب عوريكم العجربه عتعمل فيكم ايه. اللي عيمو.تني المره ألبومه مرت اخوي عملت أكده مهياش عارفه انها لماتخرب على شمس عتخرب بيت بتها وكل دا ليه عشان ترضى خيتها اشوف فيهم يوم التنين وخاصه المره ألبومه مرت اخوي اللي مفهماش حاجه واصل. بت يافتحيه اسمعيني زين عايزاكي تطجتجي ود انك معايا وتسمعي دبه النمله اللي عيجولوها عايزه اعرف ناويين على ايه.
فتحيه // عنيه ليكي يا حجه والله انا ماجيت اجولك غير عشان الست شمس دي طيبه جوي وبت حلال وطوب الأرض عيحبها دا الولاد الصغيرين مجهورين كلهم من يوم مامشيت وكل يوم يسألوني عليها لما جطعوا جلبي عيحبوه جوي جوي ياحاجه.
عزيزه // هعمل ايه وضاح دماغه ناشفه وهي دماغها انشف واني معرفهاش اعمل ايه ولو عبد المجيد عرف ان كل ده بيحصل من وراه عيطين عيشتي منك لله ياب آيه كله بسببك بس ورحمه بوي اللي محلف بيها باطل واصل مهسيبك تخربي بيت وضاح وكمان صالحه لو حكمت على عبد المجيد يطلجك ويرميكي بره البلد انتي وخيتك انا بجي ووجفلكم بالمرصاد وعوريكم العجربه عتعمل ايه. ____________________________اطياف راحله. مالك بس ياابو عمه شايل طاجن ستة ليه.
وضاح // مديت ايدي عليها يابلال لتاني مره اول مره في حياتي أضعف جدام دموع حد. بلال دا مش ضعف ياصاحبي دا حب. وضاح // عتجول ايه حب ايه انت التاني. بلال // حبيتها ياوضاح ومتنكرش حبيتها ومعتجدرش تعيش من غيرها وحياتك عتجف عندها انا بوضحلك الصوره عشان اللي جاي بعد أكده مترجعيش تندم. وضاح // طيب اسكت مش عايز اسمع حسك . بلال // انا مش عارف لحد ميته عتكابر وتغالط نفسا لما تلاجيها ضاعت من بين ايديك وبجت ملك حد تاني ساعتها متلومش الا نفسك.
ووضاح // عتخرف تجول ايه حد تاني دا انا كنت اجتله واجتلها لو تفكر حتى تبص لحد تاني مش تتجوز. بلال // اومال ايه عاد مفكر انك بعد مطلجها عتفضل عايشه على ذكراك طول العمر وهي بتندب حظها انك سبتها واتجوزت. وضاح // لو تبطل ترد عليه وكل كلمه أولها تعرضها وتبطل النديه بتاعتها.
بلال // هو انت عايز بعد ماتجول لها انك متجوزه غصب عنك وتجولها أنك كنت عتحب واحده تانيه ترد عليك وتجولك ايه خلاص ياسيدي هعيش خدامه تحت رجليك مرتك متعلمه وعندها عزه نفس وكبريا ء لايمكن تتخلى عنيهم جدام حد حتى لو كان الحد ده جوزها نفسه. وضاح // هو انا جايلك عشان تجولي اعمل ايه تجطمني بالكلام اناعارف اني غلطت لما مديت يدي عليها ولما جولتها الكلام اللي جولت بس دا مايمنعش أن هي كمان غلطانه.
بلال // اعترف انك بتحبها وانك من يوم ماسابت البيت وانت مطيجش البيت باللي فيه. وضاح // ايوه بحبها بحبها ارتحت أكده وكمان مش طايق ادخل البيت وملجيهاش فيه اليوم اللي بيعدي عليا ومشفهاش كأني ناجصني حاجه صورتها مبتروحش من خيالي واصل ومش جادر ابطل تفكير فيها كل حاجه كانت بتعملها كل كلمه كانت بتجولها دا انا كمان بجيت بردد كلامها اللي هي بتجوله. بلال // دا مش حب وبس ياصا حبي دا عشج.
وضاح // مقدرش اعيش من غيرها بس دماغها ناشفه وعنديه واللي في دماغها اني عحب بت خالتي كيف ما امي جالت لها وما عيزاش تصدق حاجه غير أكده وكل اللي على لسانها طلجني طلجني والله اعصابي كانت عتفلت مني وكنت عرمي عليها اليمن مسكت نفسي بالعافيه وضربتها كف على وشها. بلال // ضرباتها في بيت ابوها دا البعيد معندوش دم افرض أن اخواتها ولا ابوها شافوك. وضاح // مايشوفو ا مرتي وبربيها حد ليه عندي حاجه.
بلال // دا البعيد بجح. وضاح // ههههههه اعمل ايه عترد عليه كلمه بكلمه. المشكله دلوكيت مش فيها المشكله في امي اللي بعتت وجابت خالتي وبناتها وعايزاني اكتب على داليا. بلال // امك لسه على قديم ا متعرفش أن ابنها وجع على بوظه وحب الاميره شمس وان دلوكيت لو جابوله بنات الدنيا في كفه وشمس في كفه عيختار شمس. وطبعا الحاجه بدريه عمرها معتتجبل الحجيجه دي. وضاح // دا امي كمان سهله عن خالتي خالتي عمرها معتتجبل فكره اني مش تتجوز بتها.
بلال // طيب وداليا ايه موجفك منيها دلوكيت. وضاح // انا دلوكيت مبجتش شايف الا شمس ومش عارف افكر في حد غير فيها ونفسي ومني عيني أن ربنا يرزقني بخلفه منيها عايز بت تكون جميله شبهها وخاصه عنيها اللي عتوه فيهم. بلال // انا جلت أكده برده انت رجعت ولا حدش سمي عليك . ييبجي مفيش حل غير تروح لحد عندها وترضيها وترجعها البيت. وضاح // ما انا جلتلك على اللي حصل كله انت مبتفهمش.