شمس // بس دي مش عيشه دي عيشه تجصر العمر انا عمر ماحد عاملني المعامله دي ولا حد جلل مني أكده. وضاح // وهي دي عيشتي عجبك على أكده اهلا وسهلا مش عاجبك الباب يفوت جمل. شمس // ياه انت بايع جوي كده و جودي مش فارج معاك مكنتش اعرف اني رخيصه عندك جوي أكده. الله يسامحك يابوي زي ما رمتني الرميه دي.
وخزه في قلب وضاح عندما نظر لها وقد اختنقت بالكلمات وهي تحدثه وأصبحت دموع عينيها كشلال يجري علي خدها بالرغم من حاله الحزن الذي تمتلكها الا انها تبدو في غايه الجمال بعينيها اللتان يشبها لون العسل الممزوج بالآخضر الهادي وشعرها الأسود الذي ينسدل على ظهرها كالحرير وبشرتها التي تبدو كلون الحليب لقد ازداد وجهها في التوجه من كثره البكاء.
ينظر لها كأنه يراها لأول مره يانب نفسه لطريقته معها في الكلام التي اوصلتها لتلك الحاله تمنى في نفسه انه لو اقترب مها وقام باسترضاءها واعتذر عما قاله ولكنه تراجع فجأه وارتدي عباءته وغادر المكان مسرعا قبل أن يضعف أمامها اما هي فاط.لقت العنان لد.موعها واشتد صوت نحيبها لتعلن عما بها من ياس وقهر. _______________________________اطياف راحله عتقول ايه يا واكل ناسك انت ايه دخل مراتي وبتي في الموضوع ده انت اتج.ننت عاد دا لا يمكن يحصل ابدا مرتي وبتي بره الموضوع ده.
الرجل // دي أوامر سعفان بيه وعيجولك دي أوامر مفيهاش كلام. عزام // يعني ايه أوامر مفيهاش كلام انا مش موافق مرتي وبتي ملهومش دخل في الموضوع. الرجل //سعفان بيه عيبلغك أن الفلوس عتبجي الطاق طاقين بالنسبه لبتك ومرتك. عزام //يابوي الطاق طاقين لا أن كان أكده افكر.
الرجل // مفيش تفكير ياعزام سعفان بيه جرر خلاص ان مرتك وبتك هما المسؤلين عن التسليم اللي عندي انا بلغته لك وخلاص استني أوامر تانيه من البيه ومتنساش اللي جلنا لك عليه والناس كلياتها على الجهوه يوم الخميس بالليل عتفتح الموضوع بتاع أرض بشير وعتجول اللي بلغنا هولك من غير متزود ولا تنقص كلمه. عزام // تمام ياابو عمو انا متوصاش في الحاجات دي وعارف شغلي كويس. الرجل // اما نشوف والله باين عليك منفوش على الفاضي.
عزام // عيب عليك يا ابو عمو دا انا عزام البنداري انتو لساتكم عتعرفوني النهارده. الرجل // نهايته البيه الكبير بعتلك دول تدي نصهم لمرتك وبتك علشان يجيبولهم خلجات زينه علشان يبان ا أكابر ومحدش يشك فيهم. عزام // يخطف الفلوس من الرجل ويبتلع ريقه ايو أكده بلى ريجي دا الحكايه ناشفه على الآخر وبيعد الفلوس. الرجل // متنساش مرتك وبتك زي ماجولتلك. عزام // اومال عاد عنساهم الزاي. دا انا لا يمكن انساهم دول وش السعد عليا.
______________________________ اطياف راحله في بيت عيله الدامي. أدهم وبعدين معاك متكسفنيش عاد انا مكنتش عايزه اجولك. أدهم //جلب أدهم وعجل أدهم وروح اللي خلفوا أدهم كمان طب احلفي طيب انك حامل صوح. صالحه // يووه بجي يا أدهم اعملك ايه علشان تصدق يعني. أدهم // يابت مصدجك بس مش جادر اصدج الفرحه اللي انا فيها مش جادر أصدق أن ربنا حجج ليا كل أحلامي وكل اللي أتمنيتهاللهم لك الف حمد وشكر.
صالحه // لا يا جلبي صدج بعد سبع شهور عيجينا عيل يربطنا ببعض طول العمر.عيل عيتوج الحب اللي بينا وعيبجي راجل زين كيف ابوه. أدهم // وعرفتي منين انه عيكون ولد أن شاء الله مايمكن تكون بت وتكون زي الجمر كيف امها. صالحه // لا انا متأكده ان شاء الله انه ولد وشبهك كمان انا مش عتنازل عن أكده. أدهم // للدرجه دي عتحبيني يا صالحه.
صالحه // لسه عتسال يا أدهم دا انا عحبك اكتر من روحي دا انا من يوم ماو عيت على الدنيا مشفتش غيرك حتى سنين الخلاف بين العيلتين كنت كل يوم أدعي ربنا ان مكونش مكتوبه لحد غيرك وان يجع شملي اني انت يوم ماعرفت خبر جوازنا كان جلبي عيجف من الفرج ومكنتش مصدجه أن ده ممكن يحصل بعده ده كله لسه بتسالي أن كنت عحبك ولا لا. أدهم // واه يابو وي ايه الكلام الحلو اللي يدوخ ده وايه اليوم الحلو ده دا انت امك دعيالك النهارده يا أدهم. بجولك ماتاجي اجولك كلمتين سر في ودنك علشان محدش يسمعنا.
صالحه // أدهم وبعدين معاك انا لازم انزل دلوقت. أدهم // بتحلمي يابت عبد المجيد مفيش نزول ياجلب أدهم استعنا على الشجي بالله. صالحه // نزلني ياا هم عشان خاطري. ادهم// يابت ان كان عليه دا انا عايز اشيلك في جلبي. صالحه // لا والنبي ياادهم مش وجته لازم انزل علشان اساعدهم الا امي تزعل. ادهم // طب يرضيك انا ازعل ياجلب أدهم وبعدين لا زم احتفل بالخبر الزين ده مينفعش يعدي أكده بمو.ت فيكي ياصالحه بمو.ت في التراب اللي بتمشي عليه.
صالحه // أدهم عشان خاطري ____________________________اطياف راحله في بيت الجبلاوي. ياشمس ياشمس ياشموسه انتي فين ياشمس. شمش // انا اهنه ياعمه صباح الخير. عزيزه //صباح الورد والفل والياسمين على عيونك ياجلب عمتك جايه اجولك على خبر عيخليكي تطيري من الفرحه. شمس //خير ياعمه فرحيني دا انا نسيت الفرحه. عزيزه // صالحه حبله. شمس // عتتكلمي جد ياعمه. عزيزه // اباي ياشمس وانا عمري جولتلك حاجه غلط. شمس // دا اسعد يوم ياعمه اليوم اللي عشيل فيه ابن أدهم اخوي.
عزيزه // وانت كومان ياجلب عمتك اجدعني وهاتلنا عيل نفرحوا بيه. شمس //كله بأمر ربنا ياعمه حد ليه في أمر نفسه شي. عزيزه // مالك ياجلب عمتك عتبكي ليه وايه كل الحزن اللي في عنيكي ده. شمس // مفيش ياعمه انا بس مخنوجه شويه. عزيزه // من ايه ياجلبي فيه حد زعلك. جولي بس مين زعلك وعتشوفي انا هعملك فيه ايه. شمس// وضاح ياعمه معرفهاش ماله مش طايجلي كلمه وكل ما اكلمه ولا اسأله على حاجه يجولي مالكيش فيه وميخصكيش ومعاملته بتتغير معايا كل يوم عن التاني.
عزيزه // ياعني ده اللي مزعلك ياعبيطه الرجاله كلياتهم طبعهم أكده ماعيحبوش الحريم تتدخل في شغلهم ولا يسألوا في اي حاجه ووضاح كيف ابوه تمام في طبعه وبعدين ياعبيطه انت الواحده بطريجتها تجدر تطوع الراجل كيف ماهي عايزه وتعرف منيه كل حاجه وبعدين يا جلب عمتك انتي عليكي جمال يلوح أيتها راجل ماعتعرفيش تدلعي وتتبغنجي وتاكلي عجله انا اللي ععلمك ياشمس دا انتي بت مدارس ودماغك متنوره والرجاله كلهم ديتهم معروفه جميص نوم حلو ومدلع وشويه اسمه ايه اللي عتجولوا عليه موكياج ده ولا معرفهاش اسمه ايه وتمشي تتمختري جدامه في الاوضه عطيري عجله وعجل اللي خلفوه كمان انا برده اللي
ععلمك ياشموسه.. شمس // والله انتي عسل ياعمه هههههه. عزيزه // ايوه يابت اضحكي أكده خلي وشك يشع نور فكرتيني بالذي مضى يامرت وضاح الله يجازيكي طيب دا انا كان معايا راجل زي النسمه مكنش يتحمل عليا الهوى الطاير وكنت انا كل دنيته وهو كل دنيتي الله يرحمه ويحسن اليه. شمس // الله يرحمه. كنتي عتحبيه ياعمه. عزيزه // عحبه بس دا انت عمو.ت في التراب اللي عيمشي عليه وهو كمان كان شايلني من علي الارض شيل ومكنش يستحمل عليا الهوى الطاير يالا الله يرحمه راح في عز شبابه
المهم البت زبيده الدلاله عتيجي البيت حدانا كل شهر عايزاكي تخليها تظبطك وتخليك تلعلطي زي البدر في تمامه اكتر مانتي وهي بتعمل كله حاجه وخليها تعملك الحمام المغربي اللي عيجولي عليه عيخلي الواحده تضوي واسمه ايه اللي عيجولوا عليه اللي عيرسموه على جسمهم ده جولي معايا يابت. شمس // تاتو ياعمه تاتو. عزيزه //ايوه التاتو ده بشوف البت جميله عملاه حلو جوي. البت زبيده جن مصور في الحاجات دي وتروح مصر مخصوص تجيب الحاجات دي والبت جميله بتخليها تعملها كل حاجه انا كمان عايزاكي تخليها تظبطك ماشي ياشموسه.
شمس // حاضر ياعمه اللي عتقوليلي عليه انا ععمله مجدرش اكسر كلمتك انا ماليش غيرك اهنه. عزيزه // وانت جلب عمتك ياشمس وطول مانا في ضهرك متخافيش مفيش حد يجدر يبصلك حتى دا انتي مرت الغالي ابن الغالي. شمس // تعيشي ياعمه وربنا يخليكي ليه. _______________________________ اطياف راحله على القهوه بتاعه عزام يوم الخميس والقهوه مليانه بناس البلد من كل الفئات العمرية ورئيسه واقفه على الناصبه بتحضر الطلبات للزباين وعزام والصبي بتاعه بيوزعوا الطلبات عزام بيروح يقعد على ترابيزه وسط اللي قاعدين وبيشرب الشاي بتاعه.
الأ جولي يابشير سمعت ان في ناس عايزه تشتري الأرض بتاعتك وتديك أرض تانيه في مكان أوجه واحسن وكمان تديك فرج سعر مع اني شايف يااخي أن أرضك ماعتسواش كل ده دي آخرها يدوك حته أرض زيها في اي مكان في البلد مش تاخد جد جميتها الطاج طاجين ويمكن تلاته كومان ايه السر يابشير جولي. بشير / سر ايه ياعزام مفيش سر ولا حاجه هما عرضوا عليه البدل واني وافجت سر ايه بجي.
عزام // والله انت من مغاليب الزمن يابشير هي اي حاجه يجلوهالك تصدجها أكده طوالي. بشير // تجصد ايه ياعزام. عزام // وانا مالي يا ابو عمو الا يجولوا عزام اللي بيجوم الدنيا على بعضها. بشير //ماتنطق ياعزام وتجول فيه ايه. عزام // بصراحه أكده يابشير انت بيتعمل عليك لعبه وعشان انت تهمني لازم افطنك باللي بيحصل من وراك. بشير // لعبه ايه ياعزام ماتتكلم دوغري.
عزام // بص بجي ياابن عمي الأرض بتاعتك تحتيها مجبره والمجبره دي كلها دهب ودا اللي مخلي الناس متمسكه بيها أكده الناس دي عنديها أراضي من كل جهه اشمعني أرضك انت بالذات وكمان بيدوك كل الفلوس وأرض تانيه أوجه وانت أرضك اصلا متسوايش حاجه. بشير // ياسنه سوخه ياولاد يعني انا اضحك عليه. عزام انت لسه على البر تجدر ترجع في الاتفاج طالما ممضتش على العجد. بشير // بس انا خدت عربون منهم علشان كنت محتاج فلوس عشان شوار بتي.
عزام // شوفي باجي معاك كام وانا عكملك الباجي وليك عليا انا عجف معاك وعندي اللي عيطلعلك الدهب من أرضك وتبجي من كبارات البلد وتلعب بالفلوس لعب. بشير // عتتكلم جد ياعزام يعني أرضى فيها مجبره بحج وحجيجي. عزام // اسمع كلامي ومشى وريا وانت تشوف. بشير // أن كان أكده اني من ايدك دي لايدك دي وكل اللي عتجولي عليه عنفذه.
عزام // اول حاجه انت عتاخد العربون وتروح توديه للناس دي وتجولهم انك رجعت في كلامك ومش عتبيع الأرض. في حاله لو موفجوش ياخد العربون كلنا معاك وفي ضهرك والبلد كلياتها عتجف وراك مهو مش معجول الناس دي تاخد الأرض بالذهب اللي فيها واحنا كلياتنا جاعدين بنتفرج ومش لاجين الجنيه. بشير // معاك حج ياعزام في كل كلمه من النجمه هاخد العربون وعروح تديهولهم بس انت وعدتني عتسلفني الجرشين اللي اتصرف ا في شوار بتي.
عزام // اومال يابن عمي رجبتي سداده اني متتاخرش عنك واصل. _____________________________اطياف راحله جنابك بس دا خطر احنا أكده بنغامر بالبضاعه بتاعتنا. سعفان // تبجي عبيط ومبتفهمش كمان هما اللي عيدخلوا البضاعه بأيديهم جوا البلد. الرجل // كيف بس جنابك. سعفان // الحمام جاي من المنصوره في عربيه نقل ووضاح ابن الجبلاوي مستني العربيه على أول البلد علشان الحمام محدش يبهدل الدنيا وهما بيفتشوا العربيه وكمان لما يعرفوا أن العربيه دي تبع وضاح مش عيفتشوها فهمت يا ابو مخ طخين.
الرجل // يسلم دماغك يابيه عمر محد عيفكر أن البضاعه عتدخل في العربيه اللي جايبه الحمام. بس مقلتليش يابيه البضاعه عتتحط وين. سعفان // مش لازم تعرف كل حاجه ياخفيف خلي كل حاجه لوجتها دلوكيت لازم تروح البلد تكلم الراجل بتاعنا وتجوله المكان يجهز علشان البضاعه عتتكمر فيه وتكلم الزفت اللي اسمه عزام علشان اني الفاتحه ماطايج الواد ده وتجوله يجهز هو التاني ويفهم مرته وبنته هيعملوا ايه واي غلطه بعمره.
الرجل // تمام جنابك كل حاجه هتكون تمام ولاتشغل بال جنابك. سعفان // اما اشوف اني وريا رجاله ولا وريا عيال. _____________________________اطياف راحله في بيت الدامي. صباح الخير يا حنه صباح الخير يامه. صباح السعد ياوش السعد تعالى ياجلب حنا في حضنى تعالى يا غاليه يامرت الغالي الف مبروك ياحبيبتي وربنا يتمملك على خير وتجومي بالف سلامه. صالحه // الله يبارك فيكي ياحنه ويطولنا في عمرك. الجده // اسمعي بجي مش عايزه تنطيط من فوق لتحت اركزي كده لحد ما الحمل يثبت وعايزكي تتغذى زين انا عايزه حفيدي يبجي صحته عفيه وزين وماعيزهوش يطلع مسلوع.
صالحه // أن شاء الله ياحنا. ماعيزانيش اعمل حاجه يامه. كامله // لا ياصالحه عايزاكي ترتاحي البنات في المطبخ هيعملوا كل حاجه وصفيه عتشرف عليهم ارتاحي يابنتي انتي لسه في أول الحمل ومحتاج الراحه. الحقوني الحقوني يالهووووي عايز تمو.تني ياهيبه طيب والله ما انا جعدالك فيها وعسيبلك عيالك وامشي. هيبه // في ستين داهيه تاخدك وتاخد اللي جيبينك مره بومه. الجده // فيه ايه ياهيبه هو مفيش الا انت ومراتك عاملين لكم موال كل يوم فيه ايه يابني.
هيبه // انا طهجت يامه وجبت أخرى خلاص من المره الغبيه دي اشج خلجاتي منيها ولا اعمل ايه دلوووني. دلال // لاتشج خلجاتك ولاتعمل حاجه ياهيبه شيل ده من ده يرتاح ده عنده عسيبهالك مخدره. هيبه // في ستين داهيه ياختي المركب اللي تودي. وهيبه // هيبه لم الدور انت ومرتك الحكايه مش ناجصه عاد وانتي يادلال خشي اوضتك وجصري خلي نهارك يعدي.
دلال // لا مش عدخل يامه مش ابنك عيجولي في ستين داهيه ماشي انا عروح في ستين داهيه بس جبل ما امش لازم اجول لابويا جابر على كل اللي سمعته وهو بجي يحكم ان كنت حغور في ستين داهيه ولا لا. وهيبه // سمعتي ايه يادلال. دلال // عجولك يامه علي كل حاجه بس في حضور ابويا جابر الفصل السادس……… غيوم الشمس.
عندما ينكسر بداخلنا شئ اويخذلنا احد اويخيب أملنا في اشخاص كنا نظنهم الأقرب إلى ارواحنا وقلوبنا نفقد الثقه بكل من حولنا. لقد كنت أتوقع منك الكثير والكثير ولكن خذلانك فاق سقف توقعاتي بكثير. لم أتخيل اليوم الذي احتاج إليك فيه بشده غير انك تكون بجواري وسندا لي ولكنك خذلتني وخذلت قلبي وروحي. لا أعلم شئ عن هذا الشعور من قبل لم أعرف طعمه الابقربك انت فما أمر هذا الشعور منك لو كان من الجميع ما أهمني أو اعرته اي اعتبار. ماتجرعت مرارته بهذا الشكل ولكن زاد المر مراره العلقم والسبب انت.
_________________________________اطياف راحله في منزل جابر الدامي… وابوكي جابر جه يا ام سراج وعيسمعك عايزه تجولي ايه. هيبه // انت عتصدج المخبوله دي ياخوي. جابر// اسمعها ياهيبه الأول وبعدين انا اللي اجرر أن كنت اصدجها ولا مصدجهاش. هيبه // ياخوي دي مره خرفانه مهياش عارفه عتجول ايه. جابر // جولي يا ام سراج انا اسامعك عايزه تجولي ايه.
دلال // سجيني المر لكعاني يا أبا جابر شتيمه وضرب وبهدله على أجل الأسباب وآخره المتمه بيكلم واحده في التليفون وبيتواعد معاها انه يجابلها وعيجولها وحشتينى وان مش جادر يعيش من غيرها معيستحيش من اللي عيعمله ولا مراعي اني مرته ولا عامل حساب لابنه اللي بجي راجل ملو هدومه ولا لبته اللي بجت عروسه. هيبه // بس يا مره ياخرفانه انتي عتخرفي وتجولي ايه محصلش كل الكلام اللي عتجوليه انا معكلمش حد انا عايز اتجوز كنت اتجوز ت ايه اللي كان يمنعني.
جابر // انا اللي كت عمنعك ياهيبه علشان انت مش ناجصك حاجه عشان تتجوز.. هيبه // وانت ايه عرفك ياخوي اني مش ناجصيني حاجه دا كفايه عليه اني معاشر مره بومه زي دي. دلال // وايه اللي جابرك انك تعاشر ألبومه طلقني وريح نفسك ور يحنى. هيبه // بس أكده دا يوم المنى روحي وانتي طا. هيييييبه قالها جابر بأعلى صوته جعلت جدرات المنزل كادت أن تهتز.لم الدور انت ومرتك الحكايه مش نجصاكوا.
شوفي شغلك يادلال وانت حصلني على المكتب عايزك في موضوع مهم. _____________________________اطياف راحله في بيت الجبلاوي. يعنى انا ممكن اعرف انتي عايزه ايه على الصبح. صابحه ناصبه الهم ليه عاد على الصبح وفتحالي محضر مع اني حذرتك معحبش حد يتدخل في حياتي. شمس // هو انا كل مكلمك كلمتين تجولي بتدخلي في حياتي. وهم ايه ايه اللي اني نصباه اللي بسالك كل ليله بتتاخر لوش الصبح فين.
وضاح // متساليش ميخصكيش اني حر اتأخر مجيش خالص براحتي انتي مالكيش اي سؤال عليه وأظن الكلام ده انا خبرتك بيه جبل أكد ه بس الظاهر أكده انك فهمك تجيل أو معتفهميش خالص وبصراحه بجي اني اتخنجت ومبجتش مستحمل نجك في الطالعه والداخليه. مبجتش طايج العيشه اصلا
شمس // ههه وايه اللي مخليك مستحمل فوج طاقتك وبتاكل لجمه مش على هواك زي مجولت لك قبل أكده الرجاله محدش بيغصبها على شئ عيشتي مش لده عليك اخلص منها ور يحنى وريح نفسك فاكر لما عتجولي انك مش رايدني ولا عايزني اناهبجي عليك ولا مايصير ولا يكون اسمعني زين ياولد الناس انا من يوم مجيت بيتك مشفتش منيك غير كل اهانه وكل ذل عمري في حياتي محد عاملني أكده وانا مستحمله وعايشه وبجول لنفسي بكره نتعود على طبع بعض بس الظاهر أكده أن مفيش فايده يبجي شيل دا من ده يرتاح ده عنده يابن الناس وكل واحد فينا يروح لحاله
وهي لسه في البدايه أكد وبأقل خساير. وضاح // ينظر لها ولايصدق ماتفوهت به من كلام وقد أيقن جيدا أن طاقه تحملها لتصرفاته وأفعاله قد نفذت وطفح كيلها وليس لديها أي قابليه لتحمل اي تصرفات منه بعد ذلك والذي ايقنه جيد ا انها بعد الآن لم تعد قادره على السكوت على تصرفاته.
نظر لها نظره تحمل الكثير من المعاني ولم يجد شمس ككل مره تبكي وشلالات دموعها تنهال على خدها رآها ترتدي ثوب شموخ وكبرياء ورأس مرفوعه رفضت أن تنحني لأي ظروف شموخ مهره عربيه اصيله رفضت خيالها بعد أن أساء التصرف معها لم يمهله عقله التفكير فيما سيفعل بل كان لابد له أن يلوز بالفرار من هذا الموقف الذي لم يراه من قبل حتى لا يتورط في اي تصرف قد يندم على نتائجه فيما بعد.
_________________________ اطياف راحله. في قاعه مناسبات كبيره في البلد. يجتمع قطبي العائلتين جابر وعبد المجيد في حشد ليس بالقليل مع الناس يجتمع كبار رجال المشترين للارض على رأسهم كبيرهم وبشير العوضي صاحب الأرض وأفراد من عائله وعزام محراك الشر ومجموعه من شباب البلد قد استغل عزام تهورهم وطيشهم وشحنهم تمام ضد فكره بيع الا ص. جابر // اتفضل اتكلم حضرتك احنا كليتنا سمعينك. عزام // هو مين اللي المفروض يتكلم ياحاج جابر صاحب الحج ولا المحجوج.
جابر // عزاااااااام كلمه زياده عرميك بره المضيفه انت اصلا لا ليك في الطور ولا في الطحين يعني حضورك مالوش لازمه اصلا يعني تجفل خشمك وتجعد زي الكرسي اللي انت عليه. عزام // هي من اولها كده دي كده بانت النوايا ياولاد. عبد المجيد // كلمه زياده يمين بعظيم ما انت جاعد هنا دقيقه واحده احنا جين نحل المشكله اما انت بجي جاي تولع الدنيا نفسك ده مسمعوش علشان احتمال لو سمعته يبجي آخر نفس تطلعه.
عزام // انا هسد خشمي مش ناطج بكلمه واحده لما نشوف اخرتها. جابر // اتفضل يا حضرتك اتكلم كلنا سمعينك.
الرجل // اني ححكي اللي حصل بالتمام من غير كلمه زياده ولا كلمه ناجصه احنا من فتره حبينا نعمل توسعات ومينفعش التوسعات دي تكون غير من الجهه البحريه اللي هي الجهه اللي جار أرض بشير العوضي اتكلمت مع بشير انه يديني العشر جراريت بتوعه في مقابل خمستاشر قيراط بتوعنا في الجهه الجبليه وفوجهم كمان تلاتين الف جنيه وهو وافج على العرض ده وكان هيطير من الفرحه وفجاه لجيت بشير جايلي ويرجع في كلامه بعد المحامي مجهز العود والورق وكافه شئ حاولت افهم منه ايه اللي حوصل جالي أن رجع في كلامه ومش عايز يبيع هو ده كل اللي حوصل وانا جتلكم
النهارده علشان تشوفولي حل في الموضوع ده علشان احنا هدينا الصور اللي جار الأرض وكنا عنبدا في الشغل علطول. عبد المجيد // ينفع اللي انت عملته ده يابشير ما انت عارف زين ان الراجل عندنا بيتربط من كلمته مش عيال احنا عشان نجول كلمه ونرجع فيها. بشير //بص ياحاج عبد المجيد اني مش هبيع الأرض دي أرضى واني حر فيها. جابر // طيب وكلمتك اللي جلتها هترجع فيها. بشير // هرجع هو اني اول واحد يرجع في كلمته ولا هي جات عليه يعني.
جابر // لا هي مجتش عليك بس الراجل بيتربط من لسانه وكلمتك اللي هترجع فيها دي ممكن تخلى البلد كلها تاكل في بعضها اللي عايزه منك يابشير انك تلم الدور وتنفذ اللي التزمت بيه مع ابونا سمعان وتسيبك من الكلام الفاضي اللي في دماغك اللي مش عارف مين اللي ملاها بالكلام ده. بشير // الكلام اللي في دماغي مش كلام فاضي كل الناس بتاكد أن الأرض بتاعتي فيها دهب َوهما عايزين ياخدوه علشان كده.
جابر // الله يخربيتك دهب ايه وزفت ايه اللي في أرضك مين اللي جال الكلام ده وملأ دماغك بيه ياحزين دي لوفيها دهب ولا اي حاجه كنت لجيت البلد كلياتها في أرضك.
عبد المجيد // بشييييير لم الدور بالزوق اومال بدل مااخليك تلمه بالعافيه البلد مش ناجصه . ونفذ العجد مع ابونا سمعان واي حاجه هتحتاجها انا ملزم انفذهالك وليك مني كمان عشرين ألف جنيه فوج الفلوس وقسما عظما يابشير لو اسمع صوتك تاني يابشير لافصل راسك عن جسمك ماهياش نجصاك انت فاهم انت عتنفذ يعني عتنفذ ومش عتكلم تاني في الموضوع ده ويارب اسمع حد تاني فاتح الموضوع ده. رفعت الجلسه يارجال نورتونا.
جابر// عزام يابن أرى لم الدور ومتلعبش في عداد عمرك انا عارف ان كل ده من تخطيطك بس واللي خلج الخليج يا عزام لو متلميت لخليك عبره للبلد كلياتها انت عارف ان دي مش اول سابجه ليك متخلنيش احطك في دماغي. عزام // ايه بس ياحج جابر هو مفيش في البلد غير عزام كل مصيبه عزام ايه الافتري اللي انتو فيه ده. جابر // خلص الكلام خلاص وانا جلت اللي عندي وياريت تفكر في كل حاجه كويس جبل ماتعملها علشان عقابك عيبجي واعر معايا جوي يالا بينا يا عبد المجيد. شرفتوا يارجاله.
____________________________ اطياف راحله مالك ياوضاح من ساعه موصلت وقابلنا العربيه اللي فيها الحمام وخدنا الحمام ونزلناه في الغيه وانت بتشتغل ومتكلمتش ولا كلمه فيه ايه يابني ايه اللي حصل. وضاح // انا خلاص يابلال جبت آخر ومش جادر اكمل في المهزله دي كل يوم خناجات ومشاكل وبكى ونواح انا طهجت يابلال من العيشه دي. بلال // والله ياصاحبي ماعارف اجولك ايه انت أحوالك بجت ملغبطه شويه بتشكر فيها وشويه مش طايج تشوفهاجدامك ايه اللي بيجرا ليك ياصاحبي عاد.
وضاح // مش عارف ايه اللي بيحصل لما بشوفها زعلانه ببجي عمو.ت عايز اروح اخدها في حضنى واضمها لما اكسر ضلوعها بين ايديا ومش عايزها تبكي ولا اشوف الحزن في عينها اللي من حلاوتهم مبجتش أجدر اقاوم ابص فيهم ببجي عايز اخطفها واخبيها من الناس كلها مش عايز حد يشوفها ولا يتطلعلها.
بس اول ما اجي اجرب منيها يابلال حاجه تمنعني الاجي الف حاجز وحاجز بيني وبينها معرفش ايه اللي بيحصل ده ولا عارف افسره فجأه الاجيني جريب منيها كأنها في جلبي وفجاه الاجيها بعيده عني وبتضيع مني كمان لا انا عارف اجربها مني ولا عارف اسيبها لا عايزها تبعد عني وكل ماتجرب ابعد انا مش عارف مش عارف يابلال اعمل ايه. بلال // بتحبها ياصاحبي . وضاح // ايييييييه احب مين!!!! مجنون انت إياك.
بلال //ايوه بتحبها وعشجتها كمان يا ابو عمو كل اللي بتحكيه مالهوش تفسير غير أكده. وضاح // بطل تخريف انت عتجول ايه دا لايمكن يحصل. بلال // وان جولتك حوصل يا ابن الكبير و حبيت وخلاص. وضاح // بس بس بلا حوصل بلا محصولش بطل كلامك الماسخ ده. بلال // طيب خلينا نشوف الميه تكذب الغطاس. وضاح // جوم يالا علشان نخلص من الحمام اللي فاضل وندخله علشان انا جوعت خلاص يالا شهل.
بلال // ماشي ياعم متزقش جايم اهوه. _____________________________اطياف راحله كله تمام جنابك العربيه نزلت الحمام وبعدين السواح خد العربيه باللي فيها وراح المكان اللي الراجل بتاعنا كان مستني فيه. سعفان // واخبار الحاجه اللي كانت في العربيه. الرجل // الراجل بتاعنا نزلها كلها في البيت المهجور بعد ما آمنا العربيه واتاكدنا أن مفيش حد وراها وهي كان مستنيها بنفسه. سعفان // يعني كله تمام. الرجل // بيسلم على جنابك وبيبلغك أن كل حاجه تمام. وهو اللي استلم الحاجه بنفسه ومن بكره هيبدا في توزيعها.
سعفان //خليه يخلي باله علشان العيون مفتحه على الآخر وأحمد بيه عطوان مش ناوي يسلم بسهوله و اخد الموضوع على جلبه ويعتبره انه تحدي ليه شخصيا مش بلغ الراجل بتاعنا ياخد باله كويس والبضاعه اللي عتتوزع على البلاد اللي حوالينا وده طبعا عيكون عن طريق بت عزام ومراته الراجل هيظبط البضاعه ويديهالهم يوزعوها وخلي بالك من الغبي اللي اسمه عزام الا يخرب لنا الدنيا. الرجل // كله تمام وزي جنابك ما أمرت كل الترتيبات ماشيه تمام البيت اللي فيه البضاعه محدش يعرف طريجه واصل كل البضاعه اتكمرت فيه وكمان الشغل بتاع الدكتور والراجل بتاعنا هناك بيشرف على كل حاجه بنفسه.
سعفان // كده كله تمام اما شوف بجي يا احمد بيه انت عتمل ايه انت والكبارات بتوعك البارات اللي حسابهم معايا تجيل جوي جوي. _______________________________اطياف راحله في بيت الجبلاوي…. فيه ايه بس ياحبيبتي مالك حالك ملغبط ليه. شمس // ماعيزاش اجعد اهنه ياعمه عايزه اروح دار ابوي اني خلاص كرهت الجعده اهنه وكرهت كل حاجه اهنه. عزيزه // ليه بس ياجلب عمتك دا احنا كليتنا بنحبك ونتمنولك الرضى ترضى. شمس // كلياتكو ا مين ياعمه مكنتش عايزه كلياتكو تحبوني انا كنت عايزه واحد بس اللي يحبني ويحس بيه بس للأسف هو لابيحس ولا بيفهم.
عزيزه // لاياشمس متجوليش أكده دا وضاح بيحبك وبكره تشوفي وبكره تجولي عمتي عزيزه جالت. شمس // وضاح لا بيحبني ولا عمره عيحبني ياعمه انا اتفرضت على وضاح بالقوه واجبروه أن يجوزني ووضاح من النوع اللي عمره مبيجبل أن حاجه تتفرض عليه عشان أكده عمره ماعيحبني. الله يخليكي ياعمه انا عايزه امشي عايزه اعاود دار بوي انا ماعدت طايجه اجعد اهنه يوم واحد الله يخليكي لو فعلا بتحبني ساعديني امشي من اهنه انا خلاص تعبت معدش جادره اتحمل الله يخليكي ياعمه الله يخليكي.
عزيزه // بس ياشمس متجطعيش جلبي اكتر ماهو متجطع انتي عارفه خروجك من البيت معناه ايه. يعني كل اللي حوصل عيتهد من تانى وترجع العداوه بين العيلتين من تانى وانتي عتطلجي وصالحه عتطلج كل ده عيوحصل يرضيك يوحصل كل ده ياشمس.