سكريبتب قلم سولييه نصار -ما تخلي مراتك تخلي عندها د.م وتنزل تخد.م زي اخواتك ولا هي علي ايدها نقش الحنة!! قالتها رضوي وهي متعصبة وبتبص لابنها من غير رضا …نفخ لؤي بتوتر وقال: -يا امي أنا اتفقت مع ريتاج واهلها انها مش هتنزل تخد.م وان بس ليها بيتها اللي عايشة فيه وانها تهتم بيا وبصراحة هي مش مقصرة وبعد كده ما عندك اخواتي البنات مش مقصرين … وش رضوي احمر من الغضب وقالت ؛
-جرا ايه يا موكوس هو انت خايف من مراتك ولا ايه …خيبتي فيك كبيرة يا لؤي افتكرت انها هتقدر تشكمها لكن واضح ان هي اللي ممشياك وبعدين فضلت تضحك بتريقة وتقول : -الهانم عاملاك خاتم في اصباعها … اتضايق لؤي وقال : -ملوش لزوم الكلام ده يا امي …أنا اتفقت مع الناس انها مش هتخد.م لانها مش ملزمة بيكي …وبعدين ريتاج بتنزل وبتساعدك لما تكون فاضية ومش بتقصر لكن أنا مش هجبرها علي حاجة …
-لانك واحد ضعـ.يف قدرت تسيطر عليك ….جرا ايه يا واد ده انت راجل واللي تقوله يتنفذ ..ايه خايف منها يا كتكوت !!! قام لؤي وبدأ كلام انه يأثر فيه وقال ؛ -خلاص يا امي كفاية بقا اسكتي …بعدين أنا وعدت الناس واللي بيرجع في كلامه يبقي عيل – واللي يسيب مراته تحكمه ميبقاش راجل …أنا واثقة لو قولتلها دلوقتي انزلي اغسلي مواعين الغدا مش هترضي وهتكـ.سر كلامك ..جرب وهتشوف عشان تعرف قد ايه انت مش قادر تحكم بيتك وهي اللي ممشياك !!!
وش لؤي احمر من الغضب …امه كانت عندها طريقة مميزة تخليه يقلب علي اللي قدامه (بيقولوا الزن علي الودن امر من السـ.حر ! …….. خلصت أخيرا المواعين الغدا وترتيب البيت وقعدت علي الانتريه وانا ببص علي البيت بسعادة …اسعد لحظة عندي لما البيت كله يكون نضيف …فتحت تليفوني وفتحت الابليكشن اللي بتفرج من عليه وقررت اختار فيلم لايت اتفرج عليه أنا ولؤي …اخيرا قررت اتفرج علي ايه وقومت اعمل فشار وبعدين اتصل علي لؤي …
خلصت الفشار وطلعت علي الصالة لقيت لؤي وكان وشه متغير وباين عليه متضايق …ابتسمت في وشه وقولت : -حبيبي مالك؟! نفخ بضيق ومردش عليا وقعد علي الانترية..قعد جمبه وانا ماسكة طبق الفشار الكبير وقولت : -انا خلصت شغل البيت كله وقولت نشوف فيلم سوا ايه رايك عملت الفشار وروحت مسكت الفشار وحاولت اكله بس ودا وشه الناحية التانية وبعدين قال : -يعني حضرتك قاعدة مرتاحة وامي بتغسل المواعين تحت ؟؟
رفعت حواجبي وعرفت اللي حصل …طبعا حما.تي العزيزة سخـ.نته عليا كالعادة فقولت بهدوء: -ما أنا تعبا.نة النهاردة يا حبيبي وبعدين أنا يدوب يخلص شغل بيتي وبعدين انت معاك تلات اخوات ازاي اخواتك البنات سايبين امهم هي اللي تغسل المواعين ؟! -ما هما اللي عملوا الاكل يا ريتاج وكمان وراهم مسوؤليات كتير … ابتسمت بهدوء وقولت:
-وانا يا حبيبي اللي بعمل الاكل وبغسل مواعين وهدوم وبرتب البيت وبطبق الهدوم ومحدش بيساعدني ولا طلبت اصلا ..ده حتي لما كان عندي كورونا محدش حتي فكر يجي يعرض يساعدني من اخواتك البنات أنا لبست كمامة وجوانتي وكنت بشتغل في البيت عشان يبقي نضيف واعقمه !مفيش الا الاكل اللي كنا بنطلبه من برا …بس رغم كده بعد ما خفيت نزلت وساعدت لما اختك الكبيرة اتخطبت صح ولا غلط …
كنت بفكره بكل حاجة …مش عايزاه ابدا ينسي موقف تعبي وان مفيش حد سأل فينا …حتي مفكروش يطلعونا اكل لا ليا ولا للؤي..وبصراحة الفترة دي لؤي ساعدني كتير بس مشكلته أن احيانا أمه بتقدر تسيطر عليه وانا مش عايزة كده … قام لؤي وقال بضيق: -خلاص يا ريتاج مش هنعيد في اللي فات …هي كلمة مش هقولها تاني …انزلي اغسلي المواعين والا … قومت وانا بقول بعصبية :(بقلم سولييه نصار)
-والا ايه يا لؤي .. -والا تلمي هدومك وتروحي لبيت اهلك !!!! يتبع #ريتاج #سولييه_نصارالجزء التاني شكرا علي تفاعلكم السكر بقلم سولييه نصار -حاضر همشي من البيت … قولتها بهدوء …اتصدم وقال : -ايه ؟!بتقولي ايه ؟! هزيت كتفي وقولت: -بقول همشي من البيت يا لؤي …أنا مش هتنازل عشان عارفة أن دي هتكون البداية ورغم أن كان فيه اتفاق رجالة بينك وبين بابا اني مشتغلش تحت وكفاية عليا بيتي اللي انت ذات نفسك معترف اني مش مقصرة فيه …ورغم الاتفاق أنا كنت بساعد لما كنت بقدر وبمزاجي …لكن متجيش انت تجبرني علي حاجة أنا مش ملزمة بيها …
-وفيها ايه يعني لما تنزلي تساعدي يا ريتاج…اعتبريها امك!!! -امي مكانتش ابدا هتسيبني وانا عندي كورونا اشتغل ومتسألش عليا … سكت هو فكملت وانا بتنهد: -شوف أنا مش بلوم والدتك …أنا عمري ما طلبت حاجة منها ولا هطلب أنا حتي لو كنت بمو.ت هعمل حاجة بيتي بنفسي …لأن ده بيتي …اللي بيعبر عني ولازم اخليه نضيف …بس كمان متجبرنيش علي حاجة مش عايزها خصوصا أن شرطي كان واضح من الاول لو هسكن في بيت عيلة مش هشتغل واكتفي ببيتي …
سكت هو خالص …مكانش عارف يتكلم لأن أنا اللي كان عندي حق وقتها شروطي كانت واضحة من البداية واديتله وعد اني عمري ما هقصر في شغل البيت وده اللي بحاول اعمله لحد النهاردة رغم أن بتيجي عليا ايام وبكون تعبا.نة اوووي فيها بس رغم كده بعافر وبحاول مقصرش …. متكلمتش اكتر من كده وروحت ناحية التليفون بتاعي ومسكته … -انتي بتعملي ايه ؟! سالني لؤي بتوتر فقولت: -هتصل ببابا يجي يأخدني …
ولسه فعلا هتصل مسك التليفون وقالي بحزن: -انا اسف. يا ريتاج …أنا عارف انك مش مقصرة وانك تعبانة …بس احيانا امي .. سكت شوية وكمل بعد ما اتنهد : -دي امي يا ريتاج مقدرش اقف قصادها وازعلها ومقدرش ارد عليها رد يزعلها … شدني وحض.ني وقال بتعب : -انا مش عارف اعمل ايه يا ريتاج .. حاسس بالضغط من كل ناحية أنا تعبان اووي …سامحيني أن باجي عليكي ….
اتنهدت بتعب وانا عارفة أن الموضوع ده مش هينتهي …للاسف من عيو.ب لؤي أنه ضعـ.يف قدام مامته بيسمع كلامها. بيزعل علي زعلها حتي لو ملهاش حق …وانا مش معترضة علي حبه لوالدته ..بس كمان ميظلـ.منيش …بس يظهر أن من البداية ظلـ.مت نفسي لما وافقت اسكن في بيت عيلة وانا عارفة اسلوب حما.تي …بس قررت من النهاردة مش هتنازل ولا هساعدها حتي هكتفي ببيتي وبس !!! ……. مرت الايام وانا مبنزلش اساعد خالص…بس لما فرح اخت جوزي قرب قررت انزل واساعد شوية في عمل البسكوت بتاع العروسة ….
….. -اهلا اهلا بالكونتيسة اللي نازلة دلوقتي تفكر تساعد … قالتها حما.تي وعينيها فيها غضب كبير وكملت: -بس الحق مش عليكي الحق علي جوزك اللي مش قادر يحكمك… بصيت للؤي وانا مستنية ياخد اي رد فعل فنفخ بضيق وقال: -امي ملوش لزوم الكلام ده خالص اهي نزلت تساعد كتر خيرها … كملت أنا بثقة وانا بقرب منها وقولت: -علي فكرة أنا مش ملزمة اساعد …أنا هعمل كده تفضلا مني مش إجبار ولا حاجة …ولو حضرتك ناوية تضايـ.قيني بالكلام كل شوية هطلع شقتي واقعد فيها واوفر مجهودي …
-لا يا حبيبتي ده انا اخلي ابني يجيبك من شعرك …انتي فاكرة نفسك ايه يا بت انتي … -لو سمحتي احترمي نفسك أنا مش عايزة اغلـ.ط فيكي … قولتها بإنفعال عشان الاقي أنها رفعت ايديها وضر.بتني بالقلم وقالت : -انتي واحدة متربتيش !!!! يتبع #ريتاج #سولييه_نصارالجزء الاخيرشكرا علي تفاعلكم السكر بقلم سولييه نصار حطيت ايدي علي وشي وانا مصدومة …مكنتش مصدقة أنها عملت كده … -امي !!! قالها لؤي بصوت عالي وبعدين وقف قدامي فضحكت بسخرية وقالت:
-ايه يا سيد الرجالة هتضر.ب امك عشان خاطر مراتك يا بتاع مراتك !!!خدها ووديها فوق أنا مش عايزة اشوف وشها دلوقتي …وبعد ما تقدر تلمها تنزل تشتغل وهي حاطة جز.مة في بوقها والا تأخدها وتغوروا من هنا بلا قلة ادب … -انا قليلة الادب يا ست يا ….. لسه ههيـ نها لؤي مسك أيدي جامد وقال: -ريتاج !!!كفاية بقا دموعي نزلت وانا بصرخ في وشه :
-كفاية …كفاية ايه يا لؤي …أنا اتضر.بت بالقلم من الست والدتك وبدل ما تاخد حقي بتز.عقلي أنا !!!أنا اصلا غلطانة أن وافقت عليك …أنا همشي وورقة طلاقي توصلي والا ورب العزة لأرفع عليك قضية خلع واشحـ.ططك في المحا.كم يا لؤي …