ديما سيد المطعني

_ رايح الحمام.._ لا يا عمر .. متسيبنيش لوحدي..
_ ماشي يا أكرم .. بس أنا شربت ستين كوباية عصير النهاردة .. هروح الحمام وارجع لك..
_ معلش يا عمر .. خلي الحمام الصبح .. أرجوك متخرجش دلوقتي وتسيبني لوحدي..
عمر على أعصابه .. مش مستحمل .. ومع ذلك رجع .. وحاول ينام..أكرم غمض عينيه ونام في دقايق .. وعمر مش قادر يقاوم الشعور إنه يروح الحمام.. وفاتح عينه باصص للسقف..فجأة..ظهرت لاقيس في الأوضة تبص لعمر بعيون مفتوحة .. وهي بتقطع في لحم وشها..عمر بيدعك عينه بصوابعه .. مش مستوعب اللي شايفه..لاقيس بتنهش وشها بصوابعها ..

ولحم وشها بينزل .. والدم بيغرق هدومها ..عمر بدأ يتأكد إن فعلا في حد قدامه وبيعمل كده .. شبه ديمة بالظبط..عمر بيترعش .. أسنانه بدأت تخبط في بعض .. طك طك طك طك.
_ ديمة .. ازيك؟ بتعملي في نفسك كده ليه؟ وكنتي فين كل ده؟
_ أنا مش ديمة .. أنا لاقيس..
_ راقيص .. راقيص ازاي؟
_ أنا لاقيس يا حمار .. لاقيس بنت إبليس..
_ لاقيس بنت أونكل إبليس حبيبي .. أهلا بيكي..
_ انت بتحب أونكل إبليس بجد؟
عمر بيترعش زي اللي واقف عريان فوق جليد القطب الشمالي..

_ ءأ ءأنا .. بحبه أوي .. ءأنا بحب أونكل إبليس أوي ورحمة بابا..
عمر بدأ يبكي زي الأطفال..
_ يا ماما .. يا ماااااااماااااا ..
_ انت خايف؟
_ ءأ ءأنا .. ءأنا عيااان..
لاقيس بدأت تقرب منه .. وتقرب وشها اللي مليان دم من وشه… وصرخت فيه صرخة قوية..
_ انت كداااااااااااب..
عمر مفزوع .. حاطط إيده على خد أكرم بيحاول يصحيه .. وفجأة قبض صوابه جامد على خد أكرم .. وخربشه وهو بيصرخ..
_ اصحى يا أكررررررررررررررررررررم..
أكرم قام من النوم مفزوع وهو بيصرخ معاه..

لاقيس اختفت من الأوضة، وأكرم وعمر ماسكين في بعض وبيصرخوا الاتنين بصوت عالي..
وش أكرم بينزف دم .. دم كتير .. بسبب ظوافر عمر اللي خربشته من الخوف..
الاتنين بيصرخوا .. بيصرخوا بصوت عالي..
دخلت أمهم ..
_ مالك يا عمر في ايه .. مالك يا عمر؟
الأم اتفاجئت إن أكرم عندهم .. ووشه بينزف دم .. وبنطلون بيجامة عمر غرقان مية..
_ ايه الدم ده يا أكرم؟ ايه المية دي يا عمر؟
عمر بص ع المية .. وبص على أكرم غضبان..
_ قلت لك عايز اروح الحمام .. عايز اروح الحمام ..

أهي لاقيس بتاعتك خلتنا غرقنا الدنيا الله يخرب بيتك يا أكرم .. روح يا أكرم منك لله..
آآآآآآآآآآآآآآآآآآآآآآآآآآآآآآآآآآء..
أكرم عرف إن لاقيس ظهرت لعمر .. بدأ يخاف أكتر .. بدأ يرتبك .. مش عارف يروح فين ولا يعمل ايه؟ الموضوع بقى بايخ أوي … هو موضوع ديمة هيفضل ملازمه لحد امتى؟ لازم يتصرف .. لازم يعمل حاجة..
أكرم ساب لهم البيت ونزل جري، مش عارف نفسه هيروح فين..
يتبع
الجزء التاسع ..

لميس نايمة في أوضتها .. سرحانة في عالم تاني ..
لاقيس ظهرت في الأوضة ..
بتعمل ايه دي؟
بتحط كرسي في نص الأوضة .. وبتعلق حبل المشنقة في السقف .. والكرسي تحتها..
فتحت الدولاب .. طلعت هدوم لميس كلها .. لحد ما شافت الفستان اللي كانت لابساه لميس يوم فرح ديمة..
جابت مقص .. بدأت تقص الفستان بالمقص..
لاقيس بتصرخ في الاوضة صرخت بتهز المكان..
_ يا لميس .. لميس..
لميس فتحت عينيها .. شافت المشهد .. اتخضت .. اتفزعت .. وشها بدأ يتخطف..
عايزة تصرخ .. تستغيث بحد في البيت ..

بس صوتها راح..
المنظر بشع .. لاقيس وشها كلها متآكل .. والمشنقة متعلقة.. ولاقيس قاعدة بتقص لها الفستان بتاعها..
_ دي دي دي ديمة .. حم حم حمدلله عس .. حمدلله عس .. لامة يا ديمة … وحشتيني
_ انتي حلوفة يا لميس؟
_ هاه؟
_ انتي حلوفة؟
_ ليه كده يا ديمة؟ ده انا حبيبتك.
_ أنا مش ديمة يا حلوفة .. أنا لاقيس .. ديمة خلاص بح .. مفيش ديمة .. ديمة ايه؟
_ ايه؟
_ ديمة بح؟ يلا قولي ورايا .. ديمة ايه؟ ديمة بح..

_ دي دي ديمة بح..
_ شايفة حبل المشنقة ده؟
_ اه يا ديمة شايفاه..
_ قلت لك أنا لاقيس يا حيوانة .. لاقيس..
لميس بتحاول تستجمع قوتها وتستغيث بحد..
_ يا ما .. يا ما .. يا ماء .. يا مامااااااااااااااااااااااااااااااااا..
الصوت أخيرا أسعف لميس ..
_ يا مامااااااااااااااااااااااااااااااااااااااا..
لاقيس بتجري ناحية لميس عايزة تخنقها ..
باب أوضة لميس اتفتح ..
ولاقيس اختفت..
ـــــــــــــــــــــــــــــــــــــــــــــــــــــــــ
أكرم سايق العربية في طريق ضلمة على أقصى سرعة، مرعوب .. بيبص حواليه كل شوية..

بيبص على يمينه، لقى نفسه ماشي في طريق مقابر..
وقف فجأة .. بيبص ع الطريق..
_ ايه اللي جابني هنا .. هو ايه اللي بيحصل..
بيبص عن يمينه .. لقى لاقيس جنبه في العربية..
_ بيتهيألي ده أفضل مكان نقدر نصفي فيه حسابنا يا أكرم .. لا فيه عمر يلحقك .. ولا أمك تفتح الباب تنقذك..
أكرم بدأ يطلع ريق من بؤه على هدومه زي الأطفال من الخوف..
_ آآآآآآآآآآآآء .. انتي عايزة مني ايه؟ حرام عليكي أنا هم*وت من الرعب..
_ اللي يمو*ت من الرعب ..

أسهل بكتير م اللي يخلي واحدة تم*ت من الحسرة..
لاقيس رفعت إيدها وض*ربت أكرم بالقلم على وشه..
_ انزل لي هنا في مقابري عايزاك في كلمة سر.
_ أنا مش هخرج م العربية..
لاقيس بتضر*ب أكرم بالقلم تاني على وشه .. وتبدأ تدوس على أسنانها .. وتقطع في لحم وشها قدام أكرم…
_ انززززززززززززززززل .. انزززززززززززل..
أكرم بدأ يخاف .. فتح باب العربية .. ونزل يجري منها مش مستحمل المنظر..
ـــــــــــــــــــــــــــــــــــــــ
في المقابر .. أكرم يجري خوفا من لاقيس..
المكان مظلم، قبور على الصفين، وأحجار في منتصف الطريق..

********* #سيد_داود_المطعني***********
نور عربية أكرم متسلط على ثعبان كبير، مفيش حد شايفه، ملفوف حوالين نفسه..
أكرم بيجري من لاقيس بيصرخ.. وماشي مع نور العربية، خايف يمشي بعيد عنه في الضلمة دي..
وقبل ما يوصل للثعبان .. لقى لاقيس في وشه، بتفتح ذراعيها..
_ انت مش هتبطل لعب العيال ده؟
********* #سيد_داود_المطعني***********
أكرم بيلهث، بينزل لعاب من بؤه زي الكلب، ومش قادر ياخد نفسه من كتر الجري.
_ أبوس إيدك ارحميني يا ديمة .. أنا مش عارف انتي بتعملي معايا كل ده ليه؟

_ قلت لك أنا مش ديمة، أنا لاقيس بنت إبليس يا أكرم..
_ وعايزة مني إيه يا لاقيس..
_ عايزة أقت*لك .. عايزة أنهي حياتك .. عايزة آخلص حق ديمة منك..
لاقيس بتضغط على لسانها، وبتفتح عينيها بغضب، وبتعقد حاجبيها، وبتحرك طرف مناخيرها، وبتضم شفايفها كأنها بتمتص ليمونة حادقة..
_ أنا آخري معاكم هنا بكرة وبعد بكرة بس، وعايزة أستغل اليومين دول .. لازم أخليك تنتـ,ـحر .. وأخلي الأربع حقيرات يم*وتوا .. لميس .. رضوى .. رهف .. مي.