محمد بثقة : اوعدك انك هتنبسط مننا اوى عثمان الرئيس بإعجاب : بحب الناس الواثقة شكلك كدا هتاخد مكانة كبيرة عندى و كمل بصوت عالى اسماعييل اسماعيل : أوامرك يا معلم عثمان : خد الناس الجديدة دى معاك فى صفقة انهاردة طبعا انت عارف هتعمل ايه اسماعيل : عارف يا معلم هى دى اول مرة كنزى بهمس لكريم و محمد : مش عارفة ليه حاسة انى مقلقة من اللى قاله
محمد بضيق : مقلقة ليه يعنى ماكل حاجة ماشية بالمظبوط اهو اسماعيل : ورايا عشان اعرفكم هتعملوا ايه دخلوا و اول ما دخلوا لقاه رافع السلاح عليهم محمد بتوتر : ايه اللى انت بتعمله دا اسماعيل بسخرية : انت مفكرنا اغبية ولا ايه احنا عارفين انكم من المخابرات من قبل ماتيجوا اصلا هه رجالة كتفوهم عما المعلم يفضالهم الرجالة كتفتهم و خرجوا وقفلوا الباب من بره كنزى بسخرية : انا مش قولتلكم
محمد : هما عرفوا منين كريم : اكيد اللى قال للوا جاسوس ليهم محمد : احنا هنعمل ايه دلوقتى لازم نخرج من هنا كنزى بفخر : اللى معاه كنزى ميخسرش كريم بسخرية : هتعملى ايه ياست فلحوسة سكت لما لقاها بتتنى نفسها لورا وبتمد ايديها المربوطة وراها لراسها وطلعت مطواه صغيرة من الكحكة محمد و كريم بذهول : يابنت اللعيبة كنزى بغرور وهى بتقطع الحبل اللى رابط ايديها : كنت عارفه انهم هيسحبوا مننا السلاح و احنا داخلين فخبيت المطواه فى كحكة شعرى عشان كنت شامة ريحة غدر من الاول وكملت بغرور اكبر وبما ان شعرى طويل وتقيل فمابنتش منها
محمد بضحك : والله احنا غلابة جمبك فكت نفسها و فكتهم و قالت : احنا لازم نوصل لقصى بس الاهم لازم نخرج من هنا كريم : هنخرج ازاى و هما قافلين الباب من بره محمد بسخرية : و حتى لو مش قافلينه اكيد مش هنخرج منه يعنى يا غب”ى كنزى : شايفين الشباك اللى فوق دا كريم : بس دا عالى اوى كنزى : عارفة لازم الاول نرفع حد منكم يقعد على طرف الشباك و يرفعنا و اكيد الشخص اللى هنرفعه الاول محمد لانه اطول و اتقل
محمد بغضب مصطنع : ايه اتقل دى كنزى بسخرية : مهو اكيد انت مش اخف من كريم يعنى اللى شبه العصاية كريم : الواحد ساكت و بيتهزق برضو كنزى بضحك : مهو عشان انت مهزق محمد : افضلوا هزروا كدا لحد ما يجوا يخلصوا علينا كنزى : خلاص يالا يا كريم عشان نرفعه كريم : استعنا على الشقى بالله و ربنا يستر على ضهرى كريم و كنزى رفعوا كريم بصعوبة جدا لحد ما مسك طرف الشباك و طلع
كريم : طلعنا محمد برضو هنعمل ايه كنزى : اكيد مش هقدر اطلعك طلعنى و اما اطلع محمد يمسكنى من رجلى و انزل وانت تطلع عليا كريم بذهول : انتى بتجيبى الافكار دى منين محمد : بس انتى هتقدرى كنزى : انشاء الله هقدر بس انت اطلع بسرعة كريم : حاضر كريم طلع كنزى و هى عملت زى ما عملوا كنزى : اطلع بسرعة يا كريم انت طلعت تقيل قوى
كريم : قربت اهو كريم وصل وقعد على الشباك زى محمد و شد كنزى بس و هو بيشدها شدها بسرعة لحد ما وقعوا هما التلاتة على بره يتبع……… ندم – كفاح💙البارت الخامس كنزى بألم : اااه ضهرى انت غبى يالا محمد بألم و هو ماسك كتفو : دا انت طوور كريم بوجع : الله و انا كنت اعرف منين يعنى كنزى و هى بتقوم : مفيش و قت يلا احنا لازم نوصل لقصى و نعَرفه اكيد هما رايحين على هناك طالما عارفين الخطة
محمد : و احنا هنروح هناك ازاى واحنا ممعناش ولا فلوس ولا موبايل كنزى بتحذير : حاسب شدته بسرعة هو و كريم و استخبوا عشان افراد العصابة خرجوا فضلوا متابعنهم بعنيهم لحد ما لقوهم ركبوا عربياتهم بأسلحتهم ومشوا كنزى بهمس : يانهر اسود اكيد رايحين على هناك كريم بفزع : هنعمل ايه محمد : احنا معناش اسلحة خالص كنزى : احنا لازم نروح للوا بسرعة و نطلب دعم قصى هناك لوحده هو و كام ظابط مينفعش نتأخر
محمد : ولاد ال*** مسابوش ولا عربية تعالو نطلع ع الطريق طلعوا على الطريق بسرعة ملاقوش ولا عربية معدية فضلوا يمشوا بسرعة لحد ما كنزى شافت تاكسى ووقفته كريم : وقفتيه ليه احنا معناش فلوس كنزى : انا هتصرف ركبوا التاكسى و كنزى قلعت سلسة امها الدهب بدموع و ادتهاله كنزى : خد السلسة دى مؤقتا كضمان عما ادفعلك فلوسك بعدين كملت بتحذير و حدة : حافظ عليها عشان لو ضاعت او حصلها حاجة هجيبك
السائق بتوتر : بتتكلمى كدا ليه و هتعملى ايه يعنى كنزى ببرود : معاك النقيب كنزى .. وهعمل ايه دى اظن انك عارفها كويس بتوتر و خوف : اسف مكنتش اعرف سوق بسرعة على **** و هات تليفونك اعمل مكالمة محمد بإستغراب : ادتيله العنوان دا ليه مش المفروض نروح نطلب دعم الاول كنزى بذكاء : مش هنلحق هيكونوا عملوا فيهم حاجة حظنا انى حافظة رقم اللوا نخليه يودى الدعم على هناك علطول
• فى مكان اخر عثمان بشر و هو موجهه المسدس على راس قصى و الظباط اللى معاه : انت مفكر انى غبى ياروح ام*ك انت و هو قصى بعصبية : صدقنى لما تقع تحت ايدى هندمك على الكلمة دى