قصى و هو بيقوم : انا مش هتغط عليكى فكرى براحتك وبلغينى بالرد مع والدك كنزى هزت راسها بإحراج و هو خرج من البيت كله اخدت نفسها اخيرا لانها كانت شبه كتماه من كتر التوتر كريم بمرح و هو بيدخل : وقعتى الرائد يا قادرة عملتيها ازاى دى كنزى بغيظ : بس يالا محمد و هو بيبص حواليه : ألا صحيح يا كنزى بقالى يومين تلاتة كدا مش شايف منة اختك
كريم بمكر و خبث : وانت عايز تشوفها ليه محمد بإرتباك : ها لا انا بطمن بس عشان هى مختفية .. دى مهما كان برضو اخت صاحبتنا ايه منطمنش عليها كنزى بمكر : لا و الله بعدين كملت بضحك و الله ووقعت و محدش سمى عليك اطمن يا اخويا قاعدة مع صاحبتها عشان كانت عاملة عملية و لازم تبقى جمبها محمد بتوتر و احراج : وقعت ايه و بتاع ايه انا بسال بس
كريم بمكر : ياولا محمد بغيظ : بس يالا كريم بغضب مصطنع : هو انتو كل شوية تهزقونى ليه كنزى و محمد فى نفس واحد : عشان انت مهزء كريم بضحك : شكرا محمد : احنا ماشين بقى و هنجيلك فى يوم تانى كنزى : ما انتو قاعدين هتروحوا فين يعنى محمد بخبث : لا هنسيبك تفكرى بقى يا عروسة و كمل بتريقة و ضحك اشمعنا انا قال البت مش عارفة قال
كنزى بصدمة : انتو كنتوا بتتصنطوا كريم بمرح : لااا بعد اذنك ما اسمهاش بتتصنطوا اسمها بتلمعوا اوكر كنزى بغيظ : والله طب اطلعوا برة بقى بدل ما ازعلكم و انا زعلى وحش محمد بمرح : لا وعلى ايه الطيب احسن تعالا يابنى نشوف حته تانية نلم فيها كرامتنا بدل اللى اتبعترت دى كريم بحزن مصطنع : عشنا و شوفنا ياض يا محمد و كنزى صاحبتنا بتطردنا من بيتها اه يازمن معدش فيها امان
كنزى بغيظ و حدة : طيب انتوا اللى جبتوه لنفسكم و قامت بس اول ما قامت طلعوا يجروا بضحك على برة كنزى و هى واقفة مكانها بإبتسامة بعد ما خرجوا : ربنا يدمكم ليا • بليل باب البت خبط حسن راح يفتح فلاقاها منة حسن : ادخلى منة اول ما دخلت : بابا هى فين كنزى حسن بإستغراب : ليه منة بحزن : عشان عايزة اتكلم معاها شوية حسن بتنهيدة : ادخلى بس متضغطيش عليها
منه بإبتسامة : حاضر راحت خبطت و دخلت لما كنزى سمحتلها منة : ممكن اعد اتكلم معاكى شوية كنزى : اه اتفضلى راحت قعدت جمبها و قالتلها : عاملة ايه دلوقتى كنزى : بقيت احسن بكتير الحمد لله منة : كنزى هو ممكن اسالك سؤال كنزى بتنهيدة : اسالى منة : هو انتى مش ناوية تسامحى ماما كنزى بضيق : منة لو سمحتى لو انتى جاية عشان كدا يبقى تخرجى عشان مالوش لازمه
منة بحزن : خلاص و بعدين كملت بفضول ممكن اسالك سؤال تانى؟! كنزى : قولى علطول انتى عايزة تسالى على ايه منة : هو انتى عشتى فين بعد ما سبتى البيت؟! يتبع……….. ندم – كفاح💙 البارت التاسع
مفيش كل الحكاية انى بعد ما سبت البيت و نزلت القاهرة احترت اروح فين بس اللى انقذنى انى كان ليا صاحبة من ايام المدرسة قبل ما تنقل للقاهرة .. و الحمد لله كان لسه معايا رقمها فكلمتها و انا منهارة و حكتلها كل حاجة و قولتلها مش عارفة اروح فين و لحسن حظى ان كانت مامتها عرفانى و بتحبنى جدا و كانت عارفة كل حاجة عنى و عن اللى امك كانت بتعمله فيا .. فادولى العنوان و قالولى اركبى تاكسى هيوقفك قدام البيت و هنتابعك بالتليفون
وصلت هناك و لقيت صاحبتى و مامتها واقفين مستنينى تحت البيت ، واول ما شوفت مامتها افتكرت مامتى و قد ايه كانت طيبة زيها فمحستش بنفسى غير و انا بترمى فى ح.ضنها و بعيط بإنهيار اخدتنى على فوق فى بيتها و قعدت تطبطب عليا و تقولى بحنية : خرجى كل اللى جواكى يا بنتى بعد ما هديت مسحت دموعى و قالت متشليش هم طول ما انا موجودة فضلت عايشة معاهم و انا محروجة و حاسة انى كنت متقلة عليهم بالرغم من انهم كانوا فرحانين بوجودى جدا و محسسونيش لحظة انى تقيلة عليهم
بس انا مكنتش عايزة ابقى عالة على حد حتى لو متقبلنى فاول حاجة عملتها انى قدمت فى كلية الشرطة و بعدين فضلت ادور على شغل بصعوبة لانى مكنتش لاقية بس ميأستش و اعدت ادور لحد ما لقيت شغل انى ابقى ويتر فى كافتيريا كنزى و هى بتكمل بشرود : كانت شغلانة متعبة اوى و المفروض اننا نستحمل اهانة الزبون بس الحمد لله المرتب ساعدنى كتير اوى و اول ما قبضت المرتب اصريت انى أاجر شقة صغيرة برة بالرغم من انهم عارضونى كتير جدا بس انا اللى اصريت