ريم:ايه يافرح كويسة دلوقتى فرح:الحمد لله ياريم ريم:طيب قومى بقى عشان تغيرى ظل تحت الماء يفكر ويفكر كيف تعود اليه مرة اخرى كيف يكفر عن ذنبه اما عند فرح فكانت ريم تتحدث معها:فرح هو انا ممكن اسالك سوال فرح:قولى ياريم ريم:هو انتى وجاسر زعلانين مع بعض تنهدت فرح وارجعت راسها للخلف:فى حاجات صعب اوى تتقال ياريم صعب اوى لما تحسى انك ديما متهمة ومهما تدافعى عن نفسك محدش يصدقك ساعتها الدنيا هتقفل فى وشك هتكرهى كل حاجة حلوة حستيها
ريم:عشان كده رميتى نفسك فى الميه انتى اصلا مش بتعرفى تعومى فرح:لالا ياريم انا مش كافرة عشان اعمل كده كل الحكاية انى دوخت ووقعت فى المية حاولت اطلع معرفتش ريم:المهم حمد لله على سلامتك دق جاسر الباب فتحت ريم نظر الى فرح:انتى كويسة فرح:الحمد لله جاسر :محتاجة دكتور ولا حاجة فرح:لا شكرا تركها بنفاذ صبر وغادر ظلت ليلها تفكر فى كل ماحدث امن الممكن ان تتركه وهو كل شئ لها نعم مازالت تحبه برغم كل شئ بل تعشقه ولكن لابد له ان يعرف قيمتها
اصبح الصباح ارتدت ملابسها واكملت زينتها نظرت الى نفسها فى المرآة بثقة خرجت اليهم بمرح :صباح الخير الجميع:صباح النور جاسر:على فين فرح:عندى مشوار خير فى حاجة جاسر:مشوار ايه فرح:مشوار يخصنى سلام وتركتهم وغادرت وريم ورامى ينظران الى بعضهم والى جاسر الذى ترك الطعام وذهب لغرفته يفكر ويفكر اين ذهبت ظل هكذا حتى خرج هو الاخر لايعلم الى اين ولكنه توقف عندما سمع صوت شريف خلفه جاسر التف اليه :شريف انت جيت امتى
شريف:لسه حالا وعرفت انكم هنا جيت جاسر:اه هلا وسهلا اتفضل شريف:اص انا كنت جاى مع اصحابى بس حصلت عندهم مشكلة ومحدش جه جاسر:اه وقاعد فين شريف يشير الى حقيبته:يعنى لسه هشوف اوضة كده اليومين دول دخل رامى وريم وجدوا شريف مع جاسر سلموا عليه وبعد مدة عادت فرح نظر اليها جاسر بغضب وجدت شريف القت عليه السلام وجلست معهم صعدت تبدل ملابسها صعد جاسر خلفها فتح باب غرفتها فجاة وجدها تبدل ملابسها صرخت به:ايه ده جاى هنا ليه
تجاهل حديثها ووقف امامها:كنتى فين فرح بعند:بتسال ليه جاسر:يعنى ايه بسال ليه انتى ناسيةانك مراتى ولازم اعرف روحتى فين وجيتى منين فرح:توتو ملكش عندى حقوق كان زمان وخلص احنا خلاص هنتطلق يبقى كل واحد حر فى نفسه جاسر بغضب شديد:طول ماانتى على ذمتى يبقى لازم اعرف كل حاجة فرح :خلاص يبقى نتطلق ودلوقتى وساعتها كل واحد حرفى حياته جاسر:ده بعينك مش هطلقك هسيبك كده اهو متعلقة فرح:ههههه ليه نسيت فى حاجة اسمها خلع مجرد مانرجع مصر يانتطلق بالذوق يااما الخلع
جاسر بغيظ:برضه مش هطلقك هعمل اى حاجة ومش هخليكى تتطلقى برضه فرح:براحتك عن اذنك عايزة اغير هدومى جاسر:وايه المشكلة ماانتى مراتى فرح بصرامة:لالالا مش مراتك انسى بقى وابعد عنى خرج جاسر بعصبية شديدة وتركهم وغادر وهم ينظرون لبعضهم اليوم التالى كان ريم ورامى فى البحر وفرح جالسة امامهم حضر شريف وجلس بجوارها:صباح الخير فرح:صباح النور نمت كويس شريف:كويس اوى اومال جاسر فين فرح:فى الشغل زمانه جاى ظلوا يتحدثون مدة وجاء جاسر وجدهم يضحكون جميعا وفرح مستمتعة بالحديث مع شريف مما اثار غيرته بشكل كبير ولكنه حاول السيطرة على نفسه اكثر
جاسر:السلام عليكم ورحمة الله وبركاته الجميع:وعليكم السلام ورحمة الله شريف:ايه ياجاسر اتاخرت ليه جاسر:شغل بقى اعمل لازم اخلص القرية واسلمها اليومين الجايين قامت فرح سريعا:اناهعمل كابتشينو اعمل لحد معايا شريف:اه ممكن يافرح فرح:سكرك ايه شريف:زى ماتحبى ضحكت فرح:اوكيه ماشى كل هذا وجاسر يشتعل بنار الغيرة ولكنه لن يتدخل احضرت الكابتشينو وجلست معهم كان شريف مستمع بالحديث معها واعتقد انه يوجد امل ان تشعر به وخصوصا عندما تاكد انها وجاسر كل منهم فى غرفة منفصلة تاكد له الان حديث ندا انها مجرد زواج على ورق
يتبع…. الحلقة السابعة ظل الوضع كما هو فرح تتجاهل جاسر وعلاقتها بالكل جيدة الا انه كثيرا ما يجد شريف ينظر لها خفية حاول كثيرا ان يصلح ماحدث ولكنه فشل رن هاتف فرح وهى معهم:الوو ميكو ازيك بخير انت عامل ايه ….. انا الحمد لله تمام….. والله امتى ….. طيب ما تيجوا هنا اودام الشاليه ….. لالا متخافش….. اوكيه هستناك انهت المكالمة وجدت جاسر خلفها:بتكلمى مين فرح:ميكو فى حاجة جاسر:فى حاجات انتى ملكيش راجل تستاذنئى منه وانتى بتكلمى راجل غريب
فرح:اظن انا قلت معدش حاجة تربط بينا ثم ده شغل جاسر:شغل شغل ايه فرح:ابدا هيعملوا حفلة وانا هعمل الديكورات بتاعة المسرح جاسر:ومين وافق على كده قولتيلى انك هتعملى كده فرح:مش مهم تعرف انا حرة بااى امسك ذراعها:فرح بلاش تحدى انتى مش ادى نظرت اليه بتحدى:انا اد اى حد ومفيش حد هيقف فى طريقى وانا مدام قلت هعمل الديكورات يبقى هعملها وموضوع وانتهينا منه انا خلاص مبقتش مراتك انسى بقى تركته وغادرت وهولايصدق اذنه اهذه فرح الطفلة البريئة تتحداه ترفضه
كان شريف يتحدث مع ندا :ندا متعرفيش انا فرحان ازاى اتاكدت ان فعلا جوازهم على ورق…… ايوه كل واحد لواحده فى اوضة وفرح ديما بتتجاهله….. انا هحاول اكلمهاتانى عشان اتاكد اكتر…. اوكيه سلام كان هناك شخص يستمع اليه دون ان يشعر به انه رامى سمع كل حديثه ذهب الى غرفة جاسر جاسر:ادخل …. تعالى يارامى رامى:ابيه عايز اقولك حاجة جاسر:قول ياحبيبى فى ايه تردد قليلاثم قص عليه حديث شريف وندا وما ان اكمل حديثه حتى قام من مكانه بغضب
رامى انت متاكد من الكلام ده رامى:ايوه والله انا سمعته بودنى جاسر:بقى كده ياشريف الكلب انا كنت حاسس رامى :طيب هتقول لفرح جاسر:ها اه بس بقولك ايه اوعى تقول لحد ولاحتى ريم سمعنى يارامى رامى:حاضر بس ممكن اقولك على حاجة جاسر:قول رامى:بلاش تسيب فرح دى بتحبك اوى ابتسم جاسرلاخيه الصغير وقبله :متخافش مش هسيبها حتى لو اخر يوم فى عمرى انتهت فرح من ديكورات الحفل الخاص باصدقاؤها حضر عمر غاضبا التف الجميع اليه
سعد:فى ايه ياعمر عمر:مشكلة كبيرة رجل الاعمال اللى كان هيبقى راعى الحفلة اعتذر يعنى كل حاجة هتوقف لحد مانلاقى غيره فرح:ازاى ده مفيش عقد بينكم عمر:لا قال هيشوف شغلنا اول وبعدين يقرر وبعد ماوافق رجع تانى وعايز ياجل الحفلة فرح:طيب ايه المطلوب دلوقتى سعد :المطلوب ان فى حد يراعنا عشان الاعلانات ومصاريف الحفلة فكرت فرح قليلا:سيبوها على ربنا وهو هيحلها عادت الى البيت وجدت شريف وحده:ايه فين الجماعة شريف:رامى وريم بيتمشوا وجاسر بره
همت ان تخرج:ايه رايحة فين يافرح فرح:معلش هستنا بره شريف:ليه خايفة منى فرح:واخاف ليه بس مينفعش نقعد لوحدنا شريف:ايوه بس احنا ناس كبيرة وناضجة مش صغيرين ولا ايه فرح:برضه ميصحش عن اذنك وقفت تنظر للبحرشاردة حتى سمعت صوت خلفها:مش خايفة من البحر التفت وجدت جاسر خلفها:واخاف ليه مفيش احسن من البحر جاسر:ايه اخبار اصحابك ايه فرح:كويسين…. جاسر ممكن اطلب منك طلب ابتسم جاسر:تحت امرك فرح:هو انت ممكن تيقى راعى للفرقة دى
جاسر:يعنى ايه مش فاهم شرحت له كل شئ بخصوص الامر جاسر:هو ممكن بس برضه لازم اتاكد منهم فرح:يعنى ايه…… جاسر:يعنى اسمع صوتهم اتاكد انهم ملتزمين مفيش بينهم مشاكل فرح:لالاانا اضمنهم اقترب منها:طيب والمقابل ايه تراجعت للخلف:قصدك ايه جاسر:قصدى مش هترضى عنى بقى فرح:جاسراظن اتكلمنا كتير قبل كده جاسر:خلاص دورى على حد غيرى فرح:على فكرة دى مش اخلاق التف اليها فجاة:بتقولى ايه فرح بثقة:ايوه لما ممكن تساعد حد بايدك مساعدته وترفض تبقى مش اخلاق واما تبقى عايز مقابل برضه مش اخلاق
جاسر:وانا هستفيد ايه من فرقة زى دى فرح:كتير اولها الاعلانات ليك ولشركاتك وانت مش هتخسر كتير بس هما محتتاجين الفرصة دى عشان يبداو حياتهم وعلى فكرة انا ممكن اروح لاى حد من رجال الاعمال ومتاكدة انهم هيوافق جاسر:اه عشان احبسك ومخلكيش تشوفى نور الشمس ابدا فرح:ده على اساس ان احنا فى سجن ولا معتقل انا حرة وانت اللى بدات تركته ورحلت امسك يدها:خلاص انا اسف واللى انتى عاوزاه هعمله عشان خاطرك بس عايزاسالك سوال
فرح:خير جاسر:انتى قولتى لشريف ان احنا مش متجوزين فرح:يعنى ايه مش فاهمة جاسر:يعنى اتكلمتى معاه فى حاجة تخص حياتنا قبل كده فرح:لا طبعا وانا اتكلم مع راجل غريب فى حاجة تخصنى ليه جاسر:ابدا مجرد سوال بس خدى بالك شريف بيحاول يلف عليكى عشان نتطلق وانا مش هسمحله بكده فاهمة فرح:ومين قالك ان احنا مش هنتطلق جاسر:فرح بلاش تجيبى سيرة الطلاق تانى لانه مش هيحص غير على جـ,ـثتى وبكره خلى اصحابك يجوا عشان اتفق معاهم
تركها وغادر تشعر بسعادة وخوف فى نفس الوقت سعادة وهى تتاكد انه مازال يحبها ومتمسك بها وخوف من شريف اليوم التالى اتى اصدقاء فرح بعدما اعلمتهم ان جاسر سيكون الراعى لهم جاسر:انا موافق على طلباتكم واللى انتم عاوزينه انا هعمله