رانيا: يا سامح.. يا سامح استنى ما تسيبنيش كده.. ماشي يا سامح هتندم ده انت عمرك ما هتلاقي حد يحبك قدي. ( خرجت رانيا غض/بانه وعينيها مدمعه وهي مش عارفه تعمل ايه عشان تخليه يحبها بس هيحبها ازاي وهو مشغول بحد ثاني في الوقت ده فرح وصلت للمستشفى وسامح شافها. سامح: يا صباح الجمال انا بقول المستشفى منوره ليه. فرح: صباح الخير يا دكتور سامح بلاش المبالغه دي انا زي كل يوم
سامح: صدقيني مش مبالغه وانتى عارفه اديني بس فرصه افهمك شعوري من ناحيتك فرح: بعد اذنك يا دكتور عندي شغل زي ما انت عندك شغل. ( مشت فرح وسابته ووقف يكلم نفسه. سامح: مش مهم انا بالي طويل هصبر كمان علشان خاطرك. ( وفي الشركه عند جاسر كان قاعد بيشتغل فادي فتح الباب ودخل وشايل معاه اكياس اكل كتير. فادي: يا صباح الانسجام يا جسور اخبارك ايه جاسر: قبل ما اشوفك ولا بعد اصلها تفرق
فادي: يا عم اي حاجه. جاسر: اطلع من دماغي مش كفايه اللي عملته الصبح فادي: عملت ايه يعني خليك حنين امال جاسر: ده باماره ايه ده انت خليتني انزل من غير فطار من ساعه ما جيت وانا دايخ وكمان نسيت علاجي في البيت وكله بسببك. فادي: ايه يا عم كل ده انا اللي عملته اخص عليك وانا اللي جايبلك اكل وجاي وجايبلك علاجك اللي سبته في الاوضه جاسر: اممم والست سبع شنط اللي في ايدك دول فطار ليا كلهم
فادي: اكيد لا طبعا الشنطه الصغنونه دي فيها فطارك وعلاجك جاسر: طيب وباقي الاكل ده ليه هتعزم الموظفين على الفطار فادي: ليه كانوا من بقية اهلي ده انا هنقنق كده فيهم في مكتبي لحد الغدا احسن يجيلي هبوط مفاجئ ولا حاجه جاسر: اه يعني ده فطار كلاكيت لثالث مره.. قوم اطلع بره يا فادي احسن انت عليت ضغطي فادي: خارج يا عم بس ما تبقاش قفوش وخليك فرفوش ( خرج فادي وساب جاسر وبعد مده حس انه جعان بص للاكل بشك وقال هياكل منه وامره لله وبعد ساعه بدا مغص رهيب يمسك بطنه رن على فادي وجاله.
جاسر: ااااه بطني انت جبت الاكل ده منين يا حيوان فادي: عجبك مش كده.. انت بتشتم ليه. جاسر: انطق جبت الاكل ده منين بطنى بتتق\طع. فادي: من عند ميدو سيكو سيكو ليه ايه اللي حصل جاسر: ده فين المطعم ده ااااه مش قادر فادي: لا ده مش مطعم يا حبيب اخوك دي عربيه في الشارع هو انت تعبان جاسر: اكلتني من عربيه يا فادي سممتني ااااه الحقني بالاسعاف فادي بخوف: نهار اسود لا استنى ما تم*وتش انا اخويا يا لهوي الله يخرب بيتك يا ميدو
(طلب فادي الاسعاف فعلا وجت خدت جاسر وطلعوا على المستشفى وهناك ابوه راح لهم ولما كان جاسر فاقد الوعي كانت فرح معديه من قدام اوضته بتمر على المرضى وشافته ولحظت حاجه دخلت على طول فرح: مساء الخير يا جماعه ممكن ابص على الحاله دي ولا فيها ازعاج. صفوت: ابدا يا بنتي اتفضلي انا صفوت الشافعي و ده فادي ابني والمريض ده يبقى ابني الكبير جاسر فرح: اهلا بحضرتك غني عن التعريف طبعا يا صفوت بيه ادينى لحظه بس هكشف عليه ونتكلم
( بدات فرح تفحص جاسر كويس وتشوف نفسه وصفوت وفادي كانوا مستغربين لانه مجرد حاله تسمم فادي: ليه كل الفحص ده يا دكتوره ده حاله تسمم بس هو انتى شاكه في حاجه صفوت: طمنيني يا بنتي جاسر فيه حاجه لو انتى شاكه في حاجه قوليلي بالله عليكى. فرح: اهدوا بس يا جماعه خير ان شاء الله هو اصله اشتكى من حاجه اصلا. صفوت: اه دايما حاسس بهبوط شديد وبيدوخ بس كان بيقول ارهاق
فرح: طب بعد اذنكم طبعا انا هاخده اعمله اشاعات وشويه تحاليل سريعه هنتطمن عليه مش اكتر يعني ساعه بالكتير فادي: ساعه!!! بس ده قرب يفوق لو هتاخديه انصحك انك تخدريه لانه لو عرف انك لمستيه وانه لسه في المستشفى ما اضمنلكيش رد فعله ايه. فرح: ليه يعني هو انا هاكله على كل حال انا هديه حقنه بنج تنيمه ساعتين لحد ما نخلص ومش هخليه يشوفني يا جماعه بعد اذنكم ( وفعلا فرح خدته وعملتله كل الاشاعات والتحاليل المطلوبه ورجعت جاسر اوضته تاني قبل ما يصحى
صفوت: استني يا دكتوره لو سمحتي عايز اطمن على جاسر انتى اسمك ايه. فرح: اسمي فرح يا فندم فرح مصطفى البصراوي انا عايزاك تطمن النتائج هتطلع بكره ان شاء الله قبل كده ما اقدرش اقولك حاجه وان شاء الله خير متقلقش وخليك جمبه. ( سابت فرح ابو جاسر بعد ما اكدت عليه انه يخلى جاسر في المستشفى لحد ما النتائج تطلع وانها هتيجي ثاني يوم تطمن عليه في الوقت ده كان جاسر فاق.
صفوت: حمد الله على السلامه يا حبيبي الف سلامه عليك يا ابني جاسر: ايه اللي حصل يا بابا واحنا هنا ليه انا اخر حاجه فاكرها اني كنت باكل وبعدين..وبعدين فااااادي. فادي برعب: والله ما اعرف انك محسوك وطري كده ما انا اكلت من نفس الاكل وقدامك اهو جاسر: عشان انت معفن واخد على كده انا اقوم بس وهخلص عليك. ( فرح كانت نست ملف مريض جوه ورجعت علشان تاخده ثاني وجاسر شافها وعينيه احمرت من الغض/ب.
جاسر: انتى تاني بتعملي عندي ايه هنا يا غبيه انتى فرح: ما انا قلتلك لازم نعرف السبب انت اللي دماغك ناشفه وبعدين ما تشتمش علشان انا بعرف اشتم جاسر بغض/ب: انتى تشتميني شكلك كده عاوزه تكتبي اخر سطر في مسيرتك المهنيه. صفوت: استهدى بالله يا ابني وانتى يا بنتي اهدي شويه فرح: هو اللي غلط ولازم يعتذر فادي بخوف: يا نهار اسود يعتذر جاسر: سمعيني كده قلتى ايه تاني بحبكوا♥
الفصل ال2 (كانت فرح لسه واقفه ومصممه ان جاسر يعتذر منها على الكلام اللي قاله. صفوت: معلش يا بنتي امسحيها فيا ده عمره ما اعتذر لحد. فادي: وبالذات لو واحده ست فرح: انا ما ليش دعوه بالكلام ده كله هو غلط والمفروض يعتذر.